გრაფიტი თეირანში აშშ-ის ყოფილი საელჩოს კედელზე

ტრამპის ბოლო დარტყმის მოლოდინში: ირანმა ბირთვული ობიექტების დაცვა გააძლიერა

71
(განახლებულია 16:34 25.12.2020)
მანამდე აშშ-ის პრეზიდენტი დონალდ ტრამპი არაერთხელ დაემუქრა ირანს, რომ თეირანს ერთი ამერიკელის სიკვდილსაც კი არ აპატიებს და პასუხს აგებინებს.

თბილისი, 25 დეკემბერი — Sputnik. ვაშინგტონთან დაძაბული ურთიერთობების ფონზე ირანს აშინებს აშშ-ის პრეზიდენტ დონალდ ტრამპის შესაძლო ბოლო დარტყმა პოსტიდან წასვლამდე და ბირთვულ ობიექტებზე ჰაერსაწინააღმდეგო თავდაცვის სისტემები გააძლიერა, იუწყება გამოცემა Al Qabas.

გავრცელებული ინფორმაციით, ირანის ბირთვულ ობიექტებს აეროკოსმოსური ძალების საზენიტო კომპლექსები და რადიოლოკაციური სადგურები იცავს.

როგორც გამოცემა წერს, თეირანის შიში ნაწილობრივ უკავშირდება ტრამპის არაერთ მუქარას, რომ ერაყში ამერიკელ სამხედროებზე თავდასხმის შემთხვევაში ის ირანს „დასჯის“.

აღსანიშნავია, ბაღდადში აშშ-ის საელჩოზე მიმდინარე წელს უკვე რამდენჯერმე მოხდა სარაკეტო თავდასხმა. ეს რეგულარულად ხდება მას შემდეგ, რაც 2020 წლის 3 იანვარს ამერიკელებმა ირანელი გენერალი ქასემ სულეიმანი მოკლეს.

ბოლოს სარაკეტო შეტევა გასული კვირის ბოლოს მოხდა ბაღდადის „მწვანე ზონაზე“, სადაც სამთავრობო შენობები და უცხოეთის საელჩოები მდებარეობს. ადგილობრივი მედიასაშუალებების ინფორმაციით, აშშ-ის საელჩოს ტერიტორიაზე განთავსებულმა ჰაერსაწინააღმდეგო თავდაცვის სისტემებმა შეტევა მოიგერია. დონალდ ტრამპმა ამერიკის საელჩოზე თავდასხმაში ირანი დაადანაშაულა და თეირანს დაემუქრა, რომ ირანს ერთი ამერიკელის მკვლელობასაც კი არ აპატიებს. ირანი კატეგორიულად უარყოფს რაიმე სახის კავშირს სარაკეტო თავდასხმასთან და აშშ-ის ბრალდებებს „უსაფუძვლოსა და ყალბს“ უწოდებს.

71
თემები:
მსოფლიო დღეს (2471)
ვითარება ვაშინგტონში ინაუგურაციის წინ

ინაუგურაციის წინ: FBI ეროვნულ გვარდიაში შემოწმებებს ატარებს

5
ინაუგურაციის დასაცავად ვაშინგტონში უკვე ჩასულია ეროვნული გვარდიის 15 ათასი წევრი და კიდევ ათი ათასს ელოდებიან

თბილისი, 18 იანვარი — Sputnik. აშშ–ის  გამოძიების ფედერალური ბიურო ეროვნულ გვარდიაში შემოწმებას ატარებს არჩეული პრეზიდენტის, ჯო ბაიდენის ინაუგურაციის წინ, იუწყება სააგენტო „ასოშეითედ პრესი“.

მანამდე ტელეარხმა MSNBC–მა გაავრცელა ინფორმაცია, რომ ვაშინგტონში უკვე ჩავიდა ეროვნული გვარდიის 15 ათასი მებრძოლი ღონისძიების დასაცავად, რომელიც 20 იანვარს უნდა გაიმართოს. ამ დღისთვის მათი რაოდენობა 25 ათასამდე გაიზრდება — ძლოვნებს ორმოცდაათივე შტატიდან ელოდებიან.

მასმედიით გავრცელებული ინფორმაციით, სამხედროთა შორის, რომლებმაც ინაუგურაციის  დაცვის დავალება მიიღეს, შესაძლოა იყვნენ მომავალი პრეზიდენტისა და სხვა ვიპ–სტუმრებისთვის საფრთხის შემცველი პირებიც. როგორც აშშ–ის სახმელეთო ძალების მინისტრი რაიან მაკარტი ამბობს, ხელისუფლებისთვის ცნობილია ეს პოტენციური საფრთხე.

ჯო ბაიდენის საინაუგურაციო პროგრამას პოპულარული მსახიობი წაიყვანს

ცნობილი ხდება ისიც, რომ გამოძიების ფედერალურმა ბიურომ ერთი კვირის წინ დაიწყო გვარდიის წევრთა შემოწმებები. ამასთან მაკარტი და ხელისუფლების სხვა წარმომადგენლები აცხადებენ, რომ მსგავსი საფრთხეების მტკიცებულება არ დაფიქსირებულა.

„ჩვენ გამუდმებით ვადევნებთ თვალყურს, მეორედ და მესამედ ვამოწმებთ ოპერაციაში ჩართულ ხალხს... აუცილებელია ავამოქმედოთ ყველა მექანიზმი იმ ქალებისა და მამაკაცების საგულდაგულოდ შესამოწმებლად, რომლებიც მსგავსი ოპერაციებით იქნებიან დაკავებული“, — განაცხადა მაკარტიმ.

აღინიშნება, რომ ფედერალური ბიურო ადამიანებს თავისი მონაცემთა ბაზებისა და ასევე სპეციალური სიების მიხედვით ამოწმებს, რომლებიც შეიძლება შეიცავდეს ინფორმაციას ტერორიზმთან დაკავშირებული საფრთხეების შესახებ.

როგორც გენერალი დენიელ ჰოკანსონი განმარტავს, იმ შემთხვევაში, თუ სამხედროთა შორის ექსტრემისტული შეხედულებების მქონე პირის შესახებ გახდება ცნობილი, ინფორმაცია დაუყოვნებლივ გადაეცემა სამართალდამცველ ორგანოებსა და ზემდგომ ხელმძღვანელობას.

 

 

5
თემები:
საერთაშორისო პანორამა
დაკეტილი კაფეები ავსტრიაში

ყველაფერი დაკეტილია: ავსტრიაში მკაცრი ლოკდაუნი სამი კვირით გააგრძელეს

107
მკაცრი კარანტინი ქვეყანაში 26 დეკემბერს დაიწყო. დღემდე ვარაუდობდნენ, რომ ის 24 იანვარს დასრულდებოდა

თბილისი, 17 იანვარი - Sputnik. ავსტრიაში კორონავირუსის გამო მკაცრი ლოკდაუნი 7 თებერვლამდე გაგრძელდება, ასეთი განცხადებით რესპუბლიკის კანცლერი სებასტიან კურცი გამოვიდა.

„ექსპერტები თანხმდებიან იმაში, რომ 7-დღიანი ავადობა უნდა შემცირდეს 50-მდე, იდეალურ შემთხვევაში - 25-მდე, სანამ გახსნას შევძლებთ“, - აღნიშნა კურცმა.

მან განმარტა, რომ ავსტრიისთვის ეს დაახლოებით ინფიცირების 700 ახალ შემთხვევას ნიშნავს, და აღნიშნა, რომ არ არის დარწმუნებული, რომ ამ რიცხვის მიღწევა დადგენილ ვადებში საერთო შესაძლებელია.

ქვეყანაში მკაცრი კარანტინი 26 დეკემბერს დაიწყო, ვარაუდობდნენ, რომ ის 24 იანვარს დასრულდებოდა. უკვე სამი კვირაა ქვეყანაში პრაქტიკულად არაფერი არ მუშაობს: ღიაა მხოლოდ სუპერმარკეტები, აფთიაქები, ბანკები, ასევე მომსახურებათა ის სფეროები, სადაც კლიენტთან ახლო კონტაქტი არ იგულისხმება. 24 საათის განმავლობაში არ შეიძლება სახლის დატოვება საპატიო მიზეზის გარეშე, რაშიც სხვა ყველაფერთან ერთად, გასეირნება მოიაზრება.

მოსახლეობა ასეთი შეზღუდვების გამო ძალიან დაიღალა: შაბათს ავსტრიაში შემზღუდავი ზომების მოწინააღმდეგეთა რამდენიმე დემონსტრაცია გაიმართა, ყველაზე დიდი აქცია ვენაში შეიკრიბა: ქალაქის პოლიციის მონაცემებით, საერთო ჯამში დედაქალაქის ქუჩებში დაახლოებით 10 ათასი ადამიანი გამოვიდა.

შეგახსენებთ, რომ ავსტრიაში 27 დეკემბერს დაიწყო კორონავირუსის საწინააღმდეგო ვაქცინაცია, ის სამ ეტაპად ჩატარდება.

107