პენტაგონი

თუ ტრამპი სამხედრო მდგომარეობას გამოაცხადებს: პენტაგონში სცენარებს განიხილავენ

73
(განახლებულია 15:45 25.12.2020)
პენტაგონში შიშობენ, რომ ტრამპს შეუძლია თავისი მრავალრიცხოვანი მხარდამჭერების მობილიზაცია მოახდინოს და ახალი ადმინისტრაციისთვის ხელისუფლების გადაცემას ხელი შეუშალოს.

თბილისი, 25 დეკემბერი — Sputnik. აშშ-ის შეიარაღებული ძალებისა და ვაშინგტონის სიახლოვეს განლაგებული სამხედრო ნაწილების სარდლობა განიხილავს მოქმედების სცენარს იმ შემთხვევისთვის, თუ პრეზიდენტი დონალდ ტრამპი სამხედრო მდგომარეობის გამოცხადებას შეეცდება ჯო ბაიდენის ინაუგურაციამდე, წერს გამოცემა Newsweek პენტაგონში წყაროებზე დაყრდნობით.

წყაროს ინფორმაციით, დისკუსიები თეთრი სახლისა და ტრამპის მომხრეებისგან ფარულად მიმდინარეობს.

გამოცემის ცნობით, პენტაგონში არ გამორიცხავენ, რომ მოქმედმა პრეზიდენტმა შეიძლება თავისი მრავალრიცხოვანი მხარდამჭერების მობილიზაცია მოახდინოს, რათა ხელი შეუშალოს ბაიდენის ადმინისტრაციისთვის ხელისუფლების გადაცემას. ისინი უშვებენ პრაქტიკულად არარეალურ სცენარსაც, რომლის თანახმადაც ტრამპმა შეიძლება ჯარები აამოქმედოს საარჩევნო ბიულეტენების მთვლელი მანქანების მისატაცებლად და სცადოს რაიმე სახით მიაღწიოს ნოემბრის საპრეზიდენტო არჩევნების შედეგების გადახედვას.

გამოცემის წყაროებს უკიდურესად აშფოთებთ ის, რომ ამგვარ კრიზისში შესაძლოა თავდაცვის სამინისტროც იყოს ჩათრეული.

„პრეზიდენტი ახლა კორონავირუსის გამო უპრეცედენტო უფლებამოსილებით არის აღჭურვილი. ამ ვითარებამ ის შეიძლება დაარწმუნოს, მით უმეტეს, თუ ზოგ თავის მომხრეს დაუგდებს ყურს, რომ უსაზღვრო ძალაუფლება აქვს და კანონზე მაღლა დგას“, — ციტირებს გამოცემა ერთ-ერთი წყაროს, გადამდგარი გენერლის სიტყვებს.

აღსანიშნავია, რომ მანამდე გამოცემა Axios-მა, მაღალჩინოსან წყაროებზე დაყრდნობით გაავრცელა ინფორმაცია, რომ პრეზიდენტი დონალდ ტრამპი ძალიან დიდ დროს ატარებს თავის ყოფილ თანაშემწესთან უსაფრთხოების საკითხებში მაიკლ ფლინთან. ჩინოვნიკებს აშფოთებთ ფლინის იდეები ქვეყანაში სამხედრო მდგომარეობის გამოცხადებისა და საარჩევნო უბნებიდან ხმის დამთვლელი მანქანების კონფისკაციის შესახებ.

 

73
თემები:
მსოფლიო დღეს (2471)

შავ ზღვაში რუსული სატვირთო გემი ჩაიძირა ვიდეო

31
(განახლებულია 21:43 18.01.2021)
შავ ზღვაში, თურქეთის სანაპიროსთან ახლოს რუსული სატვირთო გემი ჩაიძირა. ამის შესახებ ინფორმაციას თურქული და რუსული მასმედია ავრცელებს.

საინფორმაციო საშუალებების ცნობით, ეკიპაჟის 5 წევრი გადარჩენილია, ორი კი დაღუპული იპოვეს. ეკიპაჟის 15-კაციანი შემადგენლობის სამძებრო-სამაშველო ოპერაცია ახლაც მიმდინარეობს. სავარაუდოდ, ეკიპაჟის წევრები სამ სამაშველო ნავზე იმყოფებიან.

სამაშველო ნავების ჩაძირვის ან დაღუპულების შესახებ ცნობები არ ვრცელდება. მაშველების მუშაობას კი უამინდობა უშლის ხელს.

31
რუსული ვაქცინა Sputnik V

„დასავლეთის უმეცრება“: ევროპაში რუსული ვაქცინა „სპუტნიკ V“ დაიცვეს

22
(განახლებულია 20:49 18.01.2021)
ჟურნალისტის აზრით, დასავლეთი წლების განმავლობაში უარყოფდა რუსულ სამეცნიერო მიღწევებს, რაც არის კიდეც მიზეზი რუსული ვაქცინის მიმართ ეჭვებისა.

თბილისი, 18 იანვარი — Sputnik. რუსეთმა შექმნა პრეპარატი, რომელსაც კორონავირუსის პანდემიის დათრგუნვა შეუძლია, ნათქვამია ფრანგული „ლე მონდის“ ესპანურენოვანი გამოცემის Monde diplomatique სტატიაში.

სტატიის ავტორის ფედერიკო კუსკოს აზრით, დასავლეთის სკეპტიკური რეაქცია ვაქცინა Sputnik V-ს შექმნაზე იმითაა გამოწვეული, რომ დასავლეთში რუსული მეცნიერების მიმართ ერთგვარი უმეცრება არსებობს.

„ენობრივი, კულტურული და პოლიტიკური განხვავებებით აღძრული ეს უმეცრება ეჭვით ხვდება რუსეთის ინიციატივებს“, — აღნიშნავს ჟურნალისტი.

კუსკო ხაზს უსვამს, რომ პრეპარატის შექმნა რუსეთის სამეცნიერო აღმოჩენების მთელი ისტორიული ჯაჭვის შედეგია. მაგრამ, მისი აზრით, დასავლელი „მთხრობელები“ წლების განმავლობაში უარყოფდნენ რუსეთის მეცნიერულ მიღწევებს და ახლა გაკვირვებული არიან ვაქცინის შექმნით.

  • „ისეთი ქვეყნებისგან განსხვავებით, როგორებიც არიან აშშ და ევროკავშირის სახელმწიფოები, სადაც ფარმაცევტული ლაბორატორიები თავიანთ წამლებს ასტრონომიულ ფასად ახვევენ თავს საზოგადოებას, რუსეთი ფულისთვის არ იღწვის“, — მიაჩნია კუსკოს.

ჟურნალისტის აზრით, 50 წლის შემდეგ „სპუტნიკ V“-სთან დაკავშირებული ეჭვები, რომლებიც ახლა აქტიურად ვრცელდება მსოფლიოს სხვადასხვა ქვეყანაში, აღარავის გაახსენდება. 

 

22
თემები:
რუსეთი დღეს
ნათლისღება

საეკლესიო კალენდარი: 19 იანვარი

0
(განახლებულია 02:05 19.01.2021)
საქართველოს მართლმადიდებელი ეკლესია 19 იანვარს ნათლისღებას უფლისა ღვთისა და მაცხოვრისა ჩვენისა იესო ქრისტესი - ღვთის განცხადებას ზეიმობს.

ნათლისღება

ნათლისღება უძველესი ქრისტიანული დღესასწაულია. სახარების მიხედვით ამ დღეს იოანე ნათლისმცემელმა მდინარე იორდანეში მონათლა იესო ქრისტე.

საეკლესიო სწავლების მიხედვით ამით მაცხოვარმა თვითონ კი არ მიიღო სიწმიდე ან, როგორც უცოდველი, განწმედას კი არ საჭიროებდა, არამედ ნათელიღო ჩვენი შეწევნისათვის, შემუსრა ეშმაკი და განწმედილი წყლით ჩვენი უსჯულოება განბანა.
ნათლისღებისას სულიწმიდის საიდუმლო მოქმედებით ქრისტიანი ქრისტეს სხეულს, ეკლესიას უერთდება. საიდუმლო კი მადლის უხილავ მოქმედებაში მდგომარეობს: წყალი სხეულს განწმენდს, სულიწმიდა კი გონებისათვის მიუწვდომლად თვით სულს განბანს. განა ეს საკვირველია? – უბრალო მაგალითი მოვიშველიოთ: როცა ცეცხლი რკინის სიზრქეში შედის, ყველაფერი ცეცხლად იქცევა. ამ დროს ცივიც ცხელდება და შავიც ნათდება. თუკი ნივთიერი ცეცხლი რკინაში შეღწევისას ასე დაუბრკოლებლად მოქმედებს, რაღა გასაკვირია, რომ სულიწმიდა სულის სიღრმეში აღწევდეს? (კირილე იერუსალიმელი).

საეკლესიო კალენდარში ამ დღეს ღვთის განცხადება ეწოდება, რადგანაც სწორედ მაშინ განცხადდა პირველად სამება – ძე ნათელს იღებდა, სულიწმიდა მტრედის სახით ჩანდა, ხოლო ციდან ისმოდა მამის ხმა : „ესე არს ძე ჩემი საყვარელი, რომელ მე სათნო ვიყავ”.

ნათლისღების დღესასწაულზე წყლის კურთხევის მსახურება (დიდი აიაზმა) სრულდება და ნაკურთხი წყალი მთელი წლის განმავლობაში ინახება.

ნაკურთხ წყალს სახლში მიტანის შემდეგ ამრავლებენ, სხვა წყლიან ჭურჭელში ასხამენ და აპკურებენ სახლს ბოროტი ძალისგან დაცვის, ბაღ-ვენახებს – უხვი მოსავლის მიღების მიზნით.

0