კორონავირუსით ინფიცირებული პაციენტი რეანიმაციაში

სიახლე: როგორ ვუმკურნალოთ COVID-19-ის მძიმე ფორმას ხელოვნური სუნთქვის აპარატის გარეშე

107
(განახლებულია 19:18 24.12.2020)
ბოლივიელი მეცნიერები, რომლებიც უკვე ნახევარ საუკუნეზე მეტია, ფილტვების პათოლოგიებს სწავლობენ, კორონავირუსის მკურნალობაში ახალ გზებს გვთავაზობენ.

თბილისი, 24 დეკემბერი — Sputnik. ბოლივიელმა სპეციალისტებმა COVID-19-ით მძიმედ დაავადებული პაციენტების მდგომარეობა მაღალი მთის მწვავე ავადმყოფობას შეადარეს, რომელიც ფილტვების შეშუპებას იწვევს, და მკურნალობის ახალი მეთოდები შემოგვთავაზეს. კვლევის შედეგები გამოქვეყნებულია ჟურნალში Reviews on Recent Clinical Trials.

თავდაპირველად მსოფლიოს ექიმებმა მიიჩნიეს, რომ COVID-19-ის დროს ფილტვების დაზიანება პნევმონიის განვითარებას უკავშირდებოდა კორონავირუსის წინა ვერსიის — SARS-CoV-ის ანალოგიურად. თუმცა, კლინიკური მონაცემების დაგროვებასთან ერთად ცხადი გახდა, რომ ფილტვების დაზიანების სურათი ახალი კორონავირუსული ინფექციის დროს სრულიად განსხვავებულია.

ფილტვების პათოლოგიის ინსტიტუტის ბოლივიელ მეცნიერებს, რომლებიც უკვე 50 წელზე მეტია, რაც მთის დაავადებებს სწავლობენ, მიაჩნიათ, რომ ეს ძალიან ჰგავს ჰიპოქსემიით (სისხლში ჟანგბადის დაბალი დონე) გამოწვეულ პნევმოლიზს (ფილტვების დაშლა).

მათი თქმით, კორონავირუსი თანდათან ვრცელდება, რაც ფილტვებში გაზების ცვლის არეალს ამცირებს. ეს იწვევს ალვეოლების ანთებასა და დაზიანებას — მთის დაავადების დროს ფილტვების შეშუპების ანალოგიურად. COVID-19-ით დაავადებულ პაციენტებს ისეთი შეგრძნება აქვთ, თითქოს ევერესტის მწვერვალზე იმყოფებიან. მაგრამ კვლევის ავტორები ირწმუნებიან, რომ ფილტვების მაღალი მთის ანალოგიური შეშუპება არ არის შეუქცევადი პროცესი, ვინაიდან ის არ იწვევს თავად ალვეოლების განადგურებას. თუმცა ფილტვები ძალიან მყიფე ხდება და ამ დროს ხელოვნური ვენტილაციის აპარატების გამოყენება ძალზე საშიშია ჟანგბადის წნევით მიწოდების გამო. იმ შემთხვევაშიც კი, თუ პროცედურა ხელსაყრელ შედეგს მოიტანს, არსებობს დიდი ალბათობა, რომ შეუქცევადი ფიბროზი (ფილტვებში ნაწიბურების ჩამოყალიბება) განვითარდეს.

ამგვარად დაზიანებული ქსოვილი მონაწილეობას ვეღარ იღებს გაზების ცვლის პროცესში. ასეთ დროს ორგანიზმი რთავს პოლიეთროციტემიის დამცავ მექანიზმს — ანუ ზრდის სისხლის წითელი უჯრედების, ჟანგბადის გადამტანი ჰემოგლობინის წარმოებას. მაღალმთიან რაიონებში მცხოვრები ადამიანებისთვის, რომლებიც ფილტვების დაავადებით ან ჟანგბადის ტრანსპორტირების სხვა დარღვევებით იტანჯებიან, ეს მდგომარეობა ცნობილია როგორც „მთის ქრონიკული დაავადება“.

ბოლივიელი მკვლევარები გვთავაზობენ, რომ ფილტვების ხელოვნური ვენტილაციის ნაცვლად არაინვაზიური ოქსიგენაცია და ასევე ჰორმონი ერითროპოეტინი გამოვიყენოთ. ეს უკანასკნელი ბუნებრივად ზრდის სისხლის წითელი უჯრედების წარმოქმნას და იცავს გულს, ტვინსა და სისხლძარღვებს ჰიპოქსიის საშიშროებისგან.

მკვლევარებს მიაჩნიათ, რომ კორონავირუსის მკურნალობის სტრატეგიის საფუძვლად ჟანგბადის დროული მიწოდება უნდა დარჩეს — ეს ამცირებს ფილტვების შეშუპებასა და გულ-ფილტვის გადაღლას. ამასთან სპეციალისტები ანთების საწინააღმდეგო და ანტიკოაგულანტული პრეპარატების, ხველის საწინააღმდეგო და სიცხის დამწევ საშუალებებსა და, აუცილებლობის შემთხვევაში, ანტიბიოტიკების გამოყენებასაც ურჩევენ მედიკოსებს სუპერინფექციისგან დასაცავად.

აღმოჩენილია COVID-19-ით სიკვდილიანობის შემცირების გზა: მეცნიერული კვლევა>>

კვლევის ხელმძღვანელის, პროფესორ გუსტავო ზუბიეტა-კალეხას აზრით, COVID-19-ის დროს ფილტვების დაზიანების იდეალური მკურნალობის საშუალება შეიძლება იყოს ჟანგბადის მიმწოდებელი ელექტროვენტილატორითა და ბიოლოგიური წმენდის ფილტრით აღჭურვილი კოსმოსური ტიპის სკაფანდრი, რაც ორგანიზმში გარედან სხვა პათოგენების მოხვედრის რისკს ამცირებს.

107
თემები:
მსოფლიო და მეცნიერება (606)

ძლიერი მიწისძვრის შედეგები ინდონეზიაში - ფოტო

56
  • ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა
  • სტიქიის შედეგად დაიღუპა 26 ადამიანი
  • სხვადასხვა კატეგორიის დაზიანება მიიღო ასობით ადამიანმა
  • პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი
  • დანგრეულია 60 შენობა
  • მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები
  • ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო
  • კერა რვა კილომეტრის სიღრმეზე იყო
  • ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი
  • მიწისქვეშა ბიძგებმა რამდენიმე მეწყერის ჩამოწოლაც გამოიწვია
ინდონეზიის კუნძულ ახალ გვინეიზე ძლიერი მიწისძვრა მოხდა. იხილეთ Sputnik-საქართველოს ფოტოლენტაში დამანგრეველი სტიქიის შედეგები

გუშინ ქვეყანაში 5,7 და 6,2 მაგნიტუდის ორი მიწისძვრა მოხდა. მეორე მიწისძვრის ეპიცენტრი კუნძული სულავესის ქალაქ მამუჯუს მახლობლად იყო. ბოლო მონაცემებით, სტიქიის შედეგად 26 ადამიანი დაიღუპა, რამდენიმე ასეული დაშავდა. 

56
  • ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა
    © AP Photo / Rudy Akdyaksyah

    ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა

  • სტიქიის შედეგად დაიღუპა 26 ადამიანი
    © AFP / Firdaus

    სტიქიის შედეგად დაიღუპა 26 ადამიანი

  • სხვადასხვა კატეგორიის დაზიანება მიიღო ასობით ადამიანმა
    © REUTERS / Basarnas Sulbar

    სხვადასხვა კატეგორიის დაზიანება მიიღო ასობით ადამიანმა

  • პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი
    © REUTERS / Antara Foto/Akbar Tado

    პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი

  • დანგრეულია 60 შენობა
    © AP Photo / Sadly Ashari Said

    დანგრეულია 60 შენობა

  • მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები
    © REUTERS / Basarnas Sulbar

    მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები

  • ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო
    © AFP / Firdaus

    ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო

  • კერა რვა კილომეტრის სიღრმეზე იყო
    © AP Photo / Rudy Akdyaksyah

    კერა რვა კილომეტრის სიღრმეზე იყო

  • ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი
    © REUTERS / Antara Foto/Akbar Tado

    ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი

  • მიწისქვეშა ბიძგებმა რამდენიმე მეწყერის ჩამოწოლაც გამოიწვია
    © REUTERS / Antara Foto/Akbar Tado

    მიწისქვეშა ბიძგებმა რამდენიმე მეწყერის ჩამოწოლაც გამოიწვია

„ჩრდილოეთის ნაკადი - 2“: აშშ ევროპულ კომპანიებს ახალი სანქციებით ემუქრება

21
აშშ ევროპულ კომპანიებს „ჩრდილოეთი ნაკადი - 2-ის“ გამო სანქციებით ემუქრება. უახლოეს დღეებში სახელმწიფო დეპარტამენტმა უდნა გამოაქვეყნოს იმ ორგანიზაციების სია, რომლებიც, მათი აზრით, გაზსადენის მშენებლობაში მონაწილეობენ

ეს საწარმოები ამერიკის ახალი შეზღუდვების რისკის ქვეშ აღმოჩნდნენ. „ჩრდილოეთის ნაკადი - 2“ რუსეთიდან გაზით მოამარაგებს ევროპას ბალტიის ზღვის ფსკერზე გავლით. მისი გამტარობა წელიწადში 55 მილიარდი კუბური მეტრი იქნება. აშშ-მა არაერთხელ დაუწესა სანქციები პროექტს, რათა მისი რეალიზება ვერ მოხერხებულიყო. რუსეთსა და ევროპაში მიიჩნევენ, რომ ამ ფორმით ამერიკელები ევროკავშირს საკუთარ უფრო ძვირ გაზს შესთავაზებენ.

21
წმინდა გიორგის სახელობის ეკლესია მრავალძალში

საეკლესიო კალენდარი: 16 იანვარი

0
(განახლებულია 23:15 15.01.2021)
საქართველოს მართლმადიდებელი ეკლესია 16 იანვარს ექვთიმე თაყაიშვილის, წინასწარმეტყველის მალაქიას და  მოწამე გორდის ხსენების დღეს არნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

ექვთიმე თაყაიშვილი

ექვთიმე თაყაიშვილი 1862 წლის 5 იანვარს ოზურგეთის რაიონ სოფელი ლიხაურში დაიბადა. 1883 წელს დაამთავრა ქუთაისის კლასიკური გიმნაზია, ხოლო 1887 წელს პეტერბურგის უნივერსიტეტის ისტორია-ფილოლოგიის ფაკულტეტი ბერძნულ-ლათინურ ენათა განხრით.

პეტერბურგიდან სამშობლოში დაბრუნებისთანავე ექვთიმე თაყაიშვილი შეუდგა აქტიურ სამეცნიერო-კვლევით მოღვაწეობას. დააფუძნა ორი სამეცნიერო სერია „ძველი საქართველო" და „საქართველოს სიძველენი". თავად იყო ამ სერიების ტომების შემდგენელი. იგი გახლდათ უნივერსიტეტის ერთ-ერთი პირველი პროფესორი.

1918 წლის 21 მაისს თბილისის უნივერსიტეტის საბჭომ ექვთიმე თაყაიშვილს მიანიჭა დოქტორის სამეცნიერო ხარისხი. იგი სამ სალექციო კურსს უძღვებოდა. ერთი პირველკურსელთათვის იყო და მოიცავდა საქართველოს სიძველეთმცოდნეობის შესავალს. ამასთან ერთად მეცნიერი კითხულობდა ეპიგრაფიკას და საქართველოს საეკლესიო ისტორიას. უდიდესი მნიშვნელობა ენიჭება ექვთიმე თაყაიშვილის მიერ აღმოჩენილ „ვეფხისტყაოსნის" ძველ ხელნაწერებს. მან თავი მოუყარა 17 ხელნაწერს, რომელთა შორის ზოგი მეტად საყურადღებო იყო როგორც ვარიანტებით, ისე მხატვრობით; საერთოდ კი 24 ხელნაწერის შესახებ მოკრიბა ცნობები. მისი დამსახურებაა „ხელმწიფის კარის გარიგების" ხელნაწერის აღმოჩენა, რომელიც უცვლელად გამოსცა 1920 წელს. სამგზის იმოგზაურა საქართველოს სამხრეთ ნაწილში (თურქეთის საქართველოში), გამოიკვლია და აღწერა ქართული ისტორიული ძეგლები. ამ არქეოლოგიური ექსპედიციების შედეგების მნიშვნელოვანი ნაწილი გამოცემულ იქნა პარიზში, 1930-იანი წლების მეორე ნახევარში. 

გერგეტის სამება
© photo: Sputnik / ოლეგ ლასტოჩკინი

წითელი არმიის საქართველოში შემოსვლის შემდეგ 1921 წლის 11 მარტს ექვთიმე თაყაიშვილმა საქართველოს პირველი რესპუბლიკის ხელისუფლების სხვა წარმომადგენლებთან ერთად დატოვა საქართველო. იგი თითქმის მეოთხედი საუკუნის მანძილზე ცხოვრობდა და მოღვაწეობდა საფრანგეთში, მეურვეობდა რა საქართველოს ეროვნულ განძს, რომლის ოფიციალურ პატრონად მენშევიკური მთავრობა ითვლებოდა. 

ექვთიმე თაყაიშვილი ერთხანს პარიზში ცხოვრობდა, შემდეგ კი გადავიდა ლევილის მამულში. ამავე დროს, იგი განაგრძობდა ნაყოფიერ სამეცნიერო-კვლევით მოღვაწეობას. იგი გახლდათ სამეცნიერო პერიოდული გამოცემის "გეორგიკა" (ლონდონი) სარედაქციო საბჭოს წევრი. 1945 წლის 11 აპრილს ექვთიმე თაყაიშვილი თბილისში დაბრუნდა. 1945 წლის 10 მაისს არჩეულ იქნა თბილისის უნივერსიტეტის პროფესორად. 1946 წელს ექვთიმე თაყაიშვილი საჯაროდ წარდგა თბილისის უნივერსიტეტის პროფესორ-მასწავლებელთა წინაშე მოხსენებით "ევროპაში ნახული ქართული ძეგლები და იქვე შეკრებილი ცნობები ქართული ძეგლების შესახებ". მეტად მნიშვნელოვანია მის მიერ 1949 წელს გამოცემული სუმბატ დავითის ძის ქრონიკა ტაო-კლარჯეთის ბაგრატიონთა შესახებ.

წინასწარმეტყველი მალაქია

წმიდა წინასწარმეტყველი მალაქია ქრისტეს შობამდე 400-ზე მეტი წლის წინ ცხოვრობდა, როცა ბაბილონის სამეფო სპარსეთის მეფე კვიროსმა დაიმორჩილა და იუდეველებს სამშობლოში დაბრუნების ნება მისცა. თავისი სიკეთითა და სათნოებით წინასწარმეტყველი ხალხს აოცებდა, ამიტომაც უწოდეს „მალაქია”, რაც ანგელოზს, მახარებელს ნიშნავს. მალაქიას წინასწარმეტყველება ჩართულია ძველი აღთქმის კანონიკურ წიგნებს შორის. აქ იგი ამხელს იუდეველებს და წინასწარ ჭვრეტს იესო ქრისტესა და მის წინამორბედის მოსვლას და უკანასკნელ სამსჯავროს მალაქიას „წინასწარმეტყველთა ბეჭედს” უწოდებენ, რადგან იგი უკანასკნელი იყო იმ მართალთაგან, ვისაც უფალი წინასწარხედვით მადლს ანიჭებდა. მალაქიადან იოანე ნათლისმცემლის მოსვლამდე 400-ზე მეტი წლის განმავლობაში, საწინასწარმეტყველო სიტყვა არ გახმიანებულა ებრაელთა შორის.

წმიდა მოწამე გორდი

წმიდა მოწამე გორდი III საუკუნის დასასრულს დაიბადა კაბადოკიის კესარიაში, ქრისტიანულ ოჯახში. როცა წამოიზარდა, იგი სამხედრო სამსახურში შევიდა და მალე ბრძოლაში გამოჩენილი სიმამაცისთვის ასისთავის წოდებაც დაიმსახურა. IV საუკუნეში, ქრისტიანთა დევნილობის განახლების დროს, წმიდანი განერიდა ამ სოფელს და უდაბნოში განმარტოვდა, რომ ღვთის სათნო ღვაწლით მომზადებულიყო მაცხოვრის უტკბესი სახელის აღსარებისათვის. 320 წელს გორდი აშკარად გამოვიდა ქალაქის პრეფექტის წინაშე ქრისტიანთა დასაცავად, რისთვისაც იგი შეიპყრეს და სასტიკი წამების შემდეგ თავი მოჰკვეთეს.

 

მასალა მომზადებულია ღია წყაროებზე დაყრდნობით.

0