ფარმაკოლოგიური ლაბორატორია

კომპანია BioNTech ვაქცინის „ბრიტანული შტამისთვის“ მორგებას გეგმავს

49
(განახლებულია 19:33 22.12.2020)
გერმანულ ფარმაკოლოგიურ გიგანტს, საჭიროების შემთხვევაში, შეუძლია რამდენიმე კვირაში მოარგოს თავისი ვაქცინა კორონავირუსის „ბრიტანულ შტამს“.

თბილისი, 22 დეკემბერი — Sputnik. გერმანულ ფარმაცევტულ კომპანია BioNTech-ს ექვს კვირაში შეუძლია დაამზადოს ვაქცინა კორონავირუსის „ბრიტანული შტამის“ წინააღმდეგ, განაცხადა კომპანიის გენერალურმა დირექტორმა უგურ შაჰინმა, რის შესახებაც წერს სააგენტო Reuters. 

გენდირექტორის თქმით, კომპანიის უკვე არსებული ვაქცინა, რომელიც ამერიკულ Pfizer-თან ერთობლივად დამზადდა, დიდი ალბათობით, ეფექტურია კორონავირუსის ამ მუტირებული შტამის წინააღმდეგაც, თუმცა, აუცილებლობის შემთხვევაში, პრეპარატის კონკრეტულად „ბრიტანულ შტამზე“ მორგება იოლად იქნება შესაძლებელი.

„სამეცნიერო თვალსაზრისით ფრიად სარწმუნოა, რომ ამ ვაქცინაზე იმუნური პასუხი ასევე გაუმკლავდება ვირუსის ახალ ვარიანტს. თუმცა ჩვენ შეგვიძლია, რომ ახალი ვაქცინა ექვსი კვირის განმავლობაში წარმოვადგინოთ“, — განაცხადა BioNTech-ის ხელმძღვანელმა.

მანამდე იერუსალიმის კლინიკა Hadassah Medical-ის პროფესორმა იაკობ ბერკუნმა განაცხადა, რომ ბრიტანეთში გამოვლენილი COVID-19-ის ახალი მუტაცია არსებითად ვერ შეცვლიდა ვირუსის თვისებებს, შესაბამისად, არსებული კოვიდ–ვაქცინების არაეფექტურობაზე საუბარი ნაადრევია. მიუხედავად ამისა, მისი თქმით, იმ შემთხვევაშიც კი, თუ კორონავირუსის ახალი ვარიანტის მიმართ არსებული ვაქცინები არაეფექტური იქნება, დღევანდელი ტექნოლოგიების მეშვეობით ისინი სწრაფად დაიხვეწება და მოერგება ახალ შტამს.

რას წარმოადგენს ახალი „ბრიტანული“ შტამი? მეცნიერები კორონავირუსის მუტაციის შესახებ>>

დეკემბრის პირველ დეკადაში დიდ ბრიტანეთში კორონავირუსი SARS-CoV-2-ის ახალი ვარიანტი გამოავლინეს, რომელიც ბევრად სწრაფად ვრცელდება. წინასწარი შეფასებებით, ახალი შტამი შეიძლება ჩვეულებრივზე 70%-ით უფრო გადამდები იყოს, თუმცა ჯერჯერობით არაფერი მეტყველებს იმის შესახებ, რომ ის უფრო მომაკვდინებელია.

49
თემები:
COVID-19-ის პანდემია მსოფლიოში (1300)
რუსული ვაქცინა „სპუტნიკV

პაკისტანმა რუსული ვაქცინის გამოყენების ნებართვა გასცა

8
ადგილობრივი ფარმაცევტული კომპანია AGP რუსული ვაქცინა „სპუტნიკV"-ს ერთადერთი იმპორტიორი და დისტრიბუტორი იქნება

თბილისი, 24 იანვარი - Sputnik. პაკისტანის მთავრობამ რუსული ვაქცინა „სპუტნიკV"-ს სასწრაფო გამოყენების ნებართვა გასცა და პრეპარატის იმპორტისა და გავრცელების უფლება ადგილობრივ ფარმაცევტულ კომპანიას მიანიჭა, იუწყება გაზეთი Dawn.

ქვეყნის ოფიციალურმა წარმომადგენელმა განუცხადა გამოცემას, რომ რუსული ვაქცინა გახდა მესამე პრეპარატი, რომლის გამოყენებაც დაიშვა ქვეყანაში.

მან ასევე განმარტა, რომ ადგილობრივი ფარმაცევტული კომპანია AGP რუსული ვაქცინის ერთადერთი იმპორტიორი და დისტრიბუტორი იქნება.

მანამდე ცნობილი გახდა, რომ პაკისტანის ხელისუფლებამ ვაქცინა AstraZeneca-ს და ჩინური კომპანია Sinopharm-ის პრეპარატის სასწრაფო გამოყენება დაუშვა.

ქვეყნის ჯანდაცვის სამინისტროს ბოლო მონაცემებით, პაკისტანში კორონავირუსი დაუდასტურდა 528 ათას ადამიანს, გამოჯანმრთელდა 482 ათასი პირი, გარდაცვლილთა რიცხვი 11 ათასს აღემატება.

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული >>

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

8

ძაღლი-თერაპევტი: საუკეთესო მკურნალი და მეგობარი

18
იცით თუ არა, რომ მედიცინაში ოფიციალურად არსებობს ძაღლებით მკურნალობის მიმართულება?

დიახ, არაფერი შეგვშლია: ძაღლებით მკურნალობას, ანუ კანისთერაპიას (canis — ლათინურად "ძაღლი") ამერიკის შეერთებულ შტატებში ჩაეყარა საფუძველი ჯერ კიდევ მეორე მსოფლიო ომის დროს და დღემდე წარმატებით გამოიყენება მთელ მსოფლიოში…

ნახეთ ვიდეო და ხილულად დარწმუნდით, რა ძალა აქვს ფუმფულა მეგობრის თანადგომას უმძიმესი სენით შეპყრობილებისთვისაც კი.

 

18
ტურისტები პანდემიის დროს

საელჩო: ისრაელიდან ტურისტების უსწრაფეს მიღებაზე ინტენსიური მოლაპარაკებები მიმდინარეობს

0
მომავალი თვიდან ყველა ქვეყნიდან, მათ შორის ისრაელიდან, ავიაკომპანიები საქართველოს მიმართულებით ფრენების განხორციელებას შეძლებენ

თბილისი, 24 იანვარი – Sputnik. ისრაელის საელჩო მიესალმება საქართველოს მთავრობის განცხადებას 1 თებერვლიდან საერთაშორისო ფრენების აღდგენისა და ასევე, საქართველოში უცხო ქვეყნის მოქალაქეების შესვლასთან დაკავშირებული შეზღუდვების მოხსნას, ნათქვამია საქართველოში ისრაელის საელჩოს მიერ გავრცელებულ განცხადებაში.

უწყებათშორისი საკოორდინაციო საბჭოს გადაწყვეტილებით, 1 თებერვლიდან საქართველო რეგულარულ ფრენებს ყველა მიმართულებით აღადგენს.

„კონკრეტული დეტალები, თუ რა ტიპის სამედიცინო ტესტი, ვაქცინაცია ან სერტიფიკატი იქნება საჭირო, ჯერ ოფიციალურად არ გამოქვეყნებულა. ამიტომ, ნებისმიერი გაუგებრობისა და უსიამოვნების თავიდან აცილების მიზნით, რეკომენდირებულია მოთმინებით დაველოდოთ შემდგომ ოფიციალურ განცხადებას, რომელიც გამოქვეყნებული იქნება საქართველოსა და ისრაელის მთავრობების ოფიციალური წყაროების მიერ“, - ნათქვამია განცხადებაში.

უწყების ინფორმაციით, ისრაელსა და საქართველოს შორის აქტიურად მიმდინარეობს მოლაპარაკებები, რათა საქართველომ უმოკლეს დროში შეძლოს ისრაელიდან ტურისტების მიღება.

„21 იანვარს აღნიშნული საკითხი დეტალურად იყო განხილული ისრაელის საგარეო საქმეთა მინისტრის, აშკენაზისა და მისი ქართველი კოლეგის, ზალკალიანის სატელეფონო საუბრისას. შესაბამისად, ისრაელის საელჩო მიესალმება საქართველოს მთავრობის აღნიშნულ განცხადებას და მზად არის, ისრაელელ ვიზიტორებს გაუწიოს ყველა აუცილებელი საკონსულო მომსახურება“, – ნათქვამია განცხადებაში.

საქართველომ ავიამიმოსვლა ყველა მიმართულებით გასული წლის მარტის შუა რიცხვებში შეწყვიტა, როდესაც ჯანმომ კორონავირუსის პანდემიის შესახებ გამოაცხადა. შეზღუდვები არ ეხებოდა მხოლოდ იმ სპეცრეისებს, რომლებიც ქვეყნის მოქალაქეების სამშობლოში დაბრუნებას ისახავდა მიზნად. ზაფხულის შუა პერიოდში რეგულარული ფრენების აღდგენა დაიწყო, თუმცა ეპიდვითარების გაუარესების გამო უმეტესი მათგანი ისევ შეჩერდა. ბოლოს ავიამიმოსვლის აკრძალვის ვადა 2021 წლის 31 იანვრამდე გახანგრძლივდა.

0