ჯო ბაიდენი ვაქცინაციის დროს

ჯო ბაიდენი პირდაპირ ეთერში აიცრა კორონავირუსზე: ვიდეო

59
(განახლებულია 17:17 22.12.2020)
ვაქცინის პირველი დოზის შეყვანის შემდეგ ჯო ბაიდენმა მადლობა გადაუხადა ექიმებს და განმარტა, რატომ ჩაიტარა ვაქცინაცია საჯაროდ.

თბილისი, 22 დეკემბერი — Sputnik. აშშ-ის ახლადარჩეულ პრეზიდენტს ჯო ბაიდენს ნიუარკის (დელავერის შტატი) ჰოსპიტალში კორონავირუსზე ვაქცინაცია ჩაუტარდა, იუწყება ტელეარხი CNN.

გავრცელებული ინფორმაციით, ბაიდენს Pfizer/BioNTech-ის ვაქცინის პირველი დოზა შეუყვანეს, რამდენიმე კვირის შემდეგ კი ახლადარჩეული პრეზიდენტი პრეპარატის მეორე დოზასაც მიიღებს.

​აღსანიშნავია, რომ ვაქცინაციის პროცესს CNN პირდაპირ ეთერში გადასცემდა.

ინექციის შემდეგ ჯო ბაიდენმა სამედიცინო პერსონალის წარმომადგენლებს მადლობა გადაუხადა.

„მე ამას იმისთვის ვაკეთებ, რომ ხალხი მზად იყოს ვაქცინაციისთვის, როგორც კი ვაქცინა ხელმისაწვდომი გახდება“, — აღნიშნა ახლადარჩეულმა პრეზიდენტმა.

ცნობილი ხდება, რომ მანამდე, 21 დეკემბერს კოვიდ–აცრა ასევე გაიკეთა მისმა მეუღლემ ჯილ ბაიდენმაც. ხოლო არჩეული ვიცე-პრეზიდენტი კამალა ჰარისი და მისი მეუღლე დუგლას ემჰოფი მომდევნო კვირაში აიცრებიან.

 

59
სოციალური ქსელები

Facebook-მა სიტყვა გატეხა: ტრამპის გვერდები განბლოკილია

38
(განახლებულია 18:05 16.01.2021)
მანამდე გავრცელდა განცხადება, რომ მოქმედ პრეზიდენტს თავის სოციალურ ქსელებთან წვდომა სახელმწიფოს მეთაურის პოსტზე უფლებამოსილების ამოწურვამდე არ ექნება

თბილისი, 16 იანვარი — Sputnik. აშშ-ის პრეზიდენტ დონალდ ტრამპის აქაუნტები სოციალურ ქსელ Facebook-სა და Instagram-ზე აღდგენილია.

Facebook-ის აკაუნტიდან წაშლილია ყველა ბოლო პოსტი, რადგან ისინი, სოციალური ქსელის ადმინისტრაციის თვალსაზრისით, საპროტესტო აქციების წამომწყებებისადმი ტრამპის სიმპათიებს გამოხატავენ.

მანამდე გავრცელდა განცხადება, რომ ტრამპს თავის სოციალურ ქსელებთან წვდომა პრეზიდენტის პოსტზე უფლებამოსილების ამოწურვამდე არ ექნება. მარკ ცუკერბერგის თქმით, არსებობს დიდი რისკები იმისა, რომ ტრამპი თავის პროფილებს სოციალურ ქსელებში მხარდამჭერებისადმი მიმართვისთვის გამოიყენებს.

6 იანვარს აშშ-ის პრეზიდენტ დონალდ ტრამპის მიტინგის შემდეგ კენჭისყრის შედეგებით უკმაყოფილო ამერიკელები კაპიტოლიუმზე შტურმი მიიტანეს. პროტესტების დროს ორი ადამიანი დაიღუპა, მათ შორის ერთ-ერთი პოლიციელია. ამ მოვლენების დროს კიდევ სამი პირი დაიღუპა, თუმცა ეს არეულობებს არ უკავშირდება.  ამის შემდეგ ტრამპი სოციალურ ქსელებში დაბლოკეს. მისი გვერდი Twitter-ში კვლავ დაბლოკილია.

38
გრაფიტი კედელზე COVID-19-ის თემაზე

პანდემიის განვითარების ორი მოდელი 2021 წელს: რა მოხდება უკეთეს და უარეს შემთხვევებში

40
(განახლებულია 16:53 16.01.2021)
ჩინელმა მეცნიერებმა კორონავირუსის პანდემიის განვითარების ორი მოდელი შეიმუშავეს და პროგნოზები გამოაქვეყნეს

თბილისი, 16 იანვარი - Sputnik. ჩინელი მეცნიერების ჯგუფმა, რომელშიც დაავადებათა კონტროლისა და პროფილაქტიკის ცენტრის, სახალხო არმიისა და მთელი რიგი სხვა სამეცნიერო-კვლევითი ინსტიტუტების სწავლულებისგან შედგებოდა, პროფესორ სიუი ცზიანგოს ხელმძღვანელობით, 2021 წელს კორონავირუსული პანდემიის განვითარების მოდელი შეიმუშავეს, წერს South China Morning Post-ი. 

ერთი ვარიანტის თანახმად, კორონავირუსით ინფიცირებულთა საერთო რაოდენობა მსოფლიოში 170 მილიონ ადამიანამდე გაიზრდება უახლოეს ორ თვეში. ამასთან, როგორც პროფესორი ცზიანგო აღნიშნავს, საერთო რაოდენობის ერთი მეხუთედი აშშ-ზე მოვა.

გარდა ამისა, მოდელირების ამ ვარიანტით გამოითვალა სავარაუდო მსხვერპლის რაოდენობაც.

„მარტის დასაწყისისთვის COVID-19-ით გარდაცვლილთა რაოდენობამ შეიძლება ხუთ მილიონს მიაღწიოს“, - ამბობს პროფესორი.

რაც შეეხება ყველაზე ოპტიმისტურ სცენარს, მისი რეალიზაციისთის მეცნიერებს სოციალური დისტანცირება და პირბადეების ტარება, ასევე მასობრივი ვაქცინაციის ჩატარება მიაჩნიათ აუცილებლად. თუმცა, ყველა ამ პირობის დაცვის შემთხვევაშიც კი, ჩინელი მეცნიერების გათვლებით, მიმდინარე წლის მარტის დასაწყისისთვის მსოფლიოში კიდევ სამასი ათასი ადამიანი გარდაიცვლება COVID-19-სგან.

სწავლულების თქმით, ძირითადი პრობლემა ისაა, რომ ვირუსი SARS-CoV-2, ისევე როგორც გრიპი, ვითარდება. ეს კი იმას ნიშნავს, რომ ადამიანის ორგანიზმთან ვირუსის ადაპტაციამ შეიძლება დაავადებას სეზონური ხასიათი შესძინოს, რაც მნიშვნელოვნად გაართულებს მასთან ბრძოლას.

40
თემები:
მსოფლიო და მეცნიერება
ეპიდვითარება აზერბაიჯანში

აზერბაიჯანში კარანტინი შეარბილეს და 1 აპრილამდე გააგრძელეს

0
(განახლებულია 18:35 16.01.2021)
აზერბაიჯანში ზოგიერთი შეზღუდვის მოხსნა ბოლო დროს არსებული სტაბილური ეპიდვითარების გამო გახდა შესაძლებელი

თბილისი, 16 იანვარი — Sputnik. აზერბაიჯანში კორონავირუსის გამო დაწესებული კარანტინი 1 აპრილის 06:00 საათამდე გააგრძელეს, იუწყება Sputnik-აზერბიჯანი.

25 იანვრიდან უქმდება ისეთი კომერციული ობიექტების საქმიანობის შეზღუდვა, როგორიცაა სავაჭრო ობიექტები. გამონაკლისს წარმოადგენს სავაჭრო ცენტრები და საზკვების ობიექტებისთვის ადგილზე მომსახურება. გარდა ამისა, აღნიშნული თარიღიდან განაახლებენ მუშაობას სილამაზის სალონები, მათ შორის ბინაზე მომსახურებით, მუზეუმები, საგამოფენო სალონები და საქალაქთაშორისო გადაზიდვები.

1 თებერვლის 00:00 საათიდან ქვეყნის ტერიტორიაზე საზკვების ობიექტები, ასევე რესტორნები, კაფეები, ჩაიხანები და სხვა ობიექტები კლიენტებს 06:00 საათიდან 00:00 საათამდე მოემსახურებიან.

ამასთან ნებადართული საქმიანობების ყველა სფეროში უნდა სრულდებოდეს მინისტრთა კაბინეტის მიერ დამტკიცებული ყველა მოთხოვნა.

ძალაში რჩება გადაწყვეტილება ბაქოს მეტროპოლიტენის, საზოგადოებრივი ტრანსპორტის უქმეებზე მუშაობის შეჩერების შესახებ გადაწყვეტილება - კარანტინის რეჟიმის დასრულებამდე.

2021 წლის 18 იანვრის 00:00 საათიდან  ბაქოში, სუმგაითში, განჯაში, მინგეჩაურში, შირვანში, აფშერონის რეგიონში, აგრეთვე  ლენქორანში, მასალის, ჯალილაბადის, შაქის, ზაქათალას, გუბას, ხაჩმაზის, ევლახის, ბარდის, ბილასუვარისა და ისმაილის რაიონებში საცხოვრებელი ადგილის დატოვების მიზნით პორტალ icaze.e-gov.az-დან სმს-შეტყობინებისა და ნებართვის მიღების სისტემა უქმდება.

ამასთან აზერბაიჯანის ხუთ ქალაქსა და 12 რაიონში შესვლა-გამოსვლა კვლავ არ არის დაშვებული.

ასევე სავალდებულო რჩება პირბადეების ტარება.

0