კორონავირუსის პანდემია ლონდონში

რას წარმოადგენს ახალი „ბრიტანული“ შტამი? მეცნიერები კორონავირუსის მუტაციის შესახებ

265
დღემდე გამოვლენილი ყველა მუტაცია, ასეთი კი რამდენიმე იყო, ან ვერ მოძლიერდა ან არ მოქმედებს ვირუსის გავრცელებასა და, რაც მთავარია, დაავადების მიმდინარეობის დამძიმებაზე, ფიქრობენ ექსპერტები

თბილისი, 21 დეკემბერი - Sputnik. კორონავირუსის ახალი „ბრიტანული“ შტამი - ესაა მორიგი მუტაცია, რომელსაც ნეიტრალური ხასიათი აქვს და ნოემბრის დასაწყისში გაჩნდა. ამის შესახებ როსპოტრებნადზორის დირექტორის მოადგილე ალექსანდრ გორელოვმა განაცხადა.

„ყველა რნმ-გენომურმა ვირუსმა თავის გადასარჩენად და ადამიანის პოპულაციაში დასამკვიდრებლად უნდა განიცადოს მუტაცია. ესეც არის მორიგი მუტაცია, რომელსაც, უპირველეს ყოვლისა, აქვს ეპიდემიოლოგიური მნიშვნელობა იმისათვის, რომ შეასრულოს მარკერის როლი ამა თუ იმ შტამის გავრცელებაზე“, - აღნიშნა მან.

ამასთან, გორელოვის თქმით, ინფორმაცია ახალი ვარიანტის სწრაფი გავრცელების შესახებ „ოფიციალურად დადასტურებული არ არის“.

„ყველა მუტაცია, ასეთი კი კორონავირუსის გენომში დაახლოებით სამი პროცენტი იყო, ან ვერ დამკვიდრდა, ან არ მოქმედებს ინფექციის გავრცელებაზე და, რაც მთავარია - დაავადების მიმდინარეობის დამძიმებაზე“, - განმარტა მან.

პირველად COVID-19-ის ახალ შტამზე ერთი კვირის წინ დიდი ბრიტანეთის ჯანდაცვის მინისტრმა მეტ ჰენკოკმა განაცხადა. მისი სიტყვებით, ის უფრო სწრაფად ვრცელდება, ვიდრე ვირუსის სხვა სახეობები, ეს ბრიტანეთის ახალი რესპირატორული ვირუსების საფრთხეების საკონსულტაციო საბჭომაც დაადასტურა. როგორც ჯანდაცვის მსოფლიო ორგანიზაციაში აღნიშნეს, იგივე მუტაცია აღმოაჩინეს ასევე ნიდერლანდებში, დანიასა და ავსტრალიაში.

ვაქცინა „სპუტნიკ  V“ COVID-19-ის „ბრიტანული“ შტამისგან იცავს - გამალეის ცენტრი >>

მიუხედავად იმისა, რომ ინგლისში აცხადებენ, რომ კორონავირუსის ახალი შტამი 70%-ით უფრო სწრაფად ვრცელდება, ჯერ არ არსებობს მტკიცებულებები იმისა, რომ ის უფრო სახიფათოა სიკვდილიანობის და ჰოსპიტალიზაციის თვალსაზრისით, ან ინფორმაცია იმის შესახებ, რომ ის სხვაგვარად რეაგირებს ვაქცინაზე. ზოგიერთმა ქვეყანამ ბრიტანეთთან საავიაციო კავშირი შეაჩერა.

265
თემები:
COVID-19-ის პანდემია მსოფლიოში (1300)
Telegram

Sputnik-ის ინგლისურენოვანი არხი Telegram-ზე ამუშავდა

3
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

3
ვაქცინაციის ცენტრი თელ-ავივში

COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

35
(განახლებულია 16:10 25.01.2021)
კორონავისრუსთან ბრძოლის ფარგლებში მსოფლიოს ქვეყნებს ისეთი მკაცრი ზომების გატარება უწევთ, რომლებისთვისაც მანამდე არასდროს მიუმართავთ

თბილისი, 25 იანვარი — Sputnik. მსოფლიოს ქვეყნების ხელისუფლებები კვალავც ებრძვიან კორონავირუსის გავრცელებას და სხვადასხვა ღონისძიებებს მიმართავენ ინფექციის შესაჩერებლად.

მაგალითად, ნიდერლანდების ხელისუფლებამ ქვეყანაში კომენდანტის საათის შემოღების გადაწყვეტილება მიიღო. მოქალაქეებს ეკრძალებათ საღამოს ცხრა საათიდან დილის ხუთის ნახევრამდე სახლიდან გასვლა. ასეთი შეზღუდვები მეორე მსოფლიო ომის შემდეგ პირველად მოქმედებს. დამრღვევებს ჯარიმის გადახდა მოუწევთ 95 ევროს ოდენობით. გამონაკლისს მხოლოდ ძაღლების მფლობელები წარმოადგენენ.

მკაცრი ზომების საპასუხოდ, ნიდერლანდების მოქალაქეები ქუჩებში გამოვიდნენ. პოლიციამ ქვეყნის მასშტაბით ორ ათეულზე მეტი აქტივისტი დააკავა, ხოლო  გამოწერილი ჯარიმების რაოდენობამ 3.5 ათასს გადააჭარბა.

ისრაელის მთავრობამ პრაქტიკულად „ჰერმეტულად“ დახურა ქვეყანა. გარდა იმისა, რომ შეჩერებულია საერთაშორისო ფრენები უცხოეთის მოქალაქეებისთვის, ხელისუფლებამ განაცხადა, რომ თელ-ავივის ბენ გურიონის სახელობის აეროპორტი მინიმუმ ერთი კვირით ჩაიკეტება და ისრაელი, პირველად ისტორიაში, შეწყვეტს არა მარტო ემიგრანტების, არამედ იმ თანამემამულეების მიღებასაც, რომლებიც ახლა საზღვარგარეთ იმყოფებიან.

შვედეთმა, რომელმაც მანამდე აღიარა, რომ კორონავირუსის გავრცელების წინააღმდეგ ბრძოლის რბილი ზომები არაეფექტური იყო, დახურა საზღვარი ნორვეგიასთან, სადაც COVID-19-ის „ბრიტანული“ შტამი გამოვლინდა.

ამ გზით ქვეყნის ხელისუფლება ცდილობს, შეზღუდოს სავაჭრო ტურიზმი ორი ქვეყნის საზღვარზე და დაიცვას საკუთარი მოქალაქეები ვირუსის ახალი მუტაციისგან.

საფრანგეთის ხელისუფლების მოთხოვნით, ყველა პირმა, რომლებიც ქვეყანაში საზღვაო ან საჰაერო გზით შევლენ, უნდა წარადგინოს კორონავირუსზე უარყოფითი ტესტი საზღვრის გადაკვეთამდე არა უგვიანეს 72 საათისა.

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს>>

ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირებულთა რაოდენობამ 99 მილიონს გადააჭარბა. აქედან დაავადებამ  2.1 მილიონზე მეტი ადამიანი იმსხვერპლა.

საშიში ინფექციის გავრცელების მხრივ პირველ ადგილზეა შეერთებული შტატები — 25 მილიონზე მეტი დაავადებულითა და 419 ათასზე მეტი გარდაცვლილით; მეორე ადგილზეა ინდოეთი — 10,6 მილიონზე მეტი ინფიცირებულითა და 153 ათასზე მეტი გარდაცვლილით, მესამე ადგილზეა ბრაზილია — ინფიცირების 8,8 მილიონი დადასტურებული შემთხვევითა და 217 ათასი გარდაცვლილით.

35
თემები:
საერთაშორისო პანორამა
ვაქცინა Pfizer-BioNTech

მხოლოდ ჯანმოს მიერ აღიარებული ვაქცინა პარლამენტი ვაქცინაციის გეგმას მხარს უჭერს

0
(განახლებულია 17:21 25.01.2021)
საქართველოში კორონავირუსის ვაქცინის შეძენა და შემოტანა საკანონმდებლო დონეზე დარეგულირდება – შესაბამისი შესწორებები უკვე ინიცირებულია და მას უახლოეს მომავალში მიიღებენ

თბილისი, 25 იანვარი – Sputnik. საქართველოს პარლამენტი სრულად უჭერს მხარს ვაქცინაციის ეროვნულ გეგმას, რომლის მიხედვით მოსახლეობის უმინიზაცია მხოლოდ ჯანდაცვის მსოფლიო ორგანიზაციის (ჯანმო) მიერ დამტკიცებული ვაქცინებით მოხდება, განუცხადა ჟურნალისტებს მმართველი პარტია „ქართული ოცნების“ აღმსარულებელმა მდივანმა მამუკა მდინარაძემ.

სად და როგორ ჩატარდება ვაქცინაცია: ჯანდაცვის სამინისტროს განმარტება>>

მდინარაძის განცხადებით, პარლამენტში უკვე ინიცირებულია შესწორებების პროექტი კანონში „საზოგადოებრივი ჯანმრთელობის“ შესახებ, რომლის თანახმად COVID-19–ის პროფილაქტიკისა და მკურნალობის მიზნით ვაქცინაციისთვის ქვეყანაში მხოლოდ ჯანმოს მიერ აღიარებული ვაქცინები უნდა შემოვიდეს.

„ჩატარებული აცრების შემდგომი გვერდითი მოვლენების ან გართულებების განვითარების შემთხვევაში, სახელმწიფო კანონით დადგენილი წესით უზრუნველყოფს მოსახლეობის უფასო სამედიცინო მომსახურებას და რეაბილიტაციას გარდა იმ შემთხვევებისა, როდესაც პრევენციული აცრების შემდგომი გვერდითი მოვლენები გამოწვეულია იმპორტიორის, სამედიცინო პერსონალის თუ სამედიცინო დაწესებულების დაშვებული შეცდომით“, – განმარტა მდინარაძემ.

მისი თქმით, „ქართული ოცნების“ მთავრობა აქტიურად მუშაობს და ემზადება ვაქცინის საქართველოში შემოტანისთვის, მათ შორის საკანონმდებლო დონეზე.

საქართველო COVAX–პლატფორმის მეშვეობით Pfizer-ისა AstraZeneca-ს ვაქცინის შესყიდვასთან დაკავშირებით აქტიურ მოლაპარაკებებს აწარმოებს. COVAX–პლატფორმით საქართველომ ვაქცინა მოსახლეობის 20%-სთვის – 700 ათასი ადამიანისთვის შეუკვეთა. ქვეყანამ უკვე გადაიხადა 4 მლნ დოლარი.

COVAX–პლატფორმამ საქართველოსგან 18 იანვარს დასტური მიიღო იმასთან დაკავშირებით, რომ ქვეყანა მზადაა მიმდინარე წლის პირველ კვარტალში კორონავირუსის საწინააღმდეგო ვაქცინა მიიღოს. ვაქცინის პირველი პარტია – დაახლოებით 20 ათასი დოზა საქართველოში დაახლოებით ერთ თვეში, თებერვლის ბოლოს გამოჩნდება. ქვეყანაში შემოიტანენ ამერიკული კომპანია Pfizer-ისა და მისი გერმანული პარტნიორი BioNTech-ის პრეპარატს BNT162b2.

0
თემები:
საქართველოს პარლამენტი