დედამიწის ხედი კოსმოსიდან

თრილერი არ გეგონოთ: კოსმოსის მცველები აშშ-ში ოფიციალურად გაჩნდებიან

81
(განახლებულია 20:57 19.12.2020)
ასეთი სახელწოდება შეირჩა აშშ-ის კოსმოსური ჯარებისთვის - გამოკითხვა ჩატარდა როგორც ახალი სახეობის ჯარების შიგნით, ისე საზოგადოებაში

თბილისი, 19 დეკემბერი – Sputnik. აშშ-ში კოსმოსის მცველები გაჩნდებიან - ასეთი სახელწოდება ექნება კოსმოსური ძალების სამხედრო მოსამსახურეებს, იუწყება ვიცე-პრეზიდენტი მაიკ პენსი.

„მე პატივი მაქვს აშშ-ს პრეზიდენტის სახელით განვაცხადო, რომ აშშ კოსმოსურ ძალებში მომსახურე მამაკაცებსა და ქალბატონებს ამიერიდან მცველები ეწოდებათ”, - განაცხადა პენსმა თეთრ სახლში გამართულ ცერემონიაზე კოსმოსური ძალების დაარსებიდან ერთი წლის აღსანიშნავად.

კოსმოსურმა ჯარებმა დაწერეს Twitter-ში, რომ ეს სახელწოდება შეირჩა ასობით წინადადებიდან, გამოკითხვა ჩატარდა როგორც ახალი სახეობის ჯარების შიგნით, ისე საზოგადოებაში.

სახელწოდება ასოცირდება ფანტასტიკურ ნაწარმოებთან, ისეთებთან, როგორებიცაა კომიქსების და ფილმების სერია სუპერგმირების შესახებ „გალაქტიკის მცველები“.

81

ვეშაპების ულამაზესი შოუ ორლანდოს დელფინარიუმში

2
ეს სრულიად არაჩვეულებრივი, ფერადოვანი და დინამიური სანახაობაა, რომელსაც მკვლელი ვეშაპები წარმოადგენენ

შამუ — უზარმაზარი, შავ–თეთრი შეფერილობის მკვლელი ვეშაპები, ორლანდოს დელფინარიუმის ბინადრები; ისინი არაჩვეულებრივ, ფერადოვან და დინამიურ შოუს წარმოადგენენ თითქმის ყოველდღე და პუბლიკას არა მხოლოდ ზომებით, არამედ არტისტობითაც ხიბლავენ.

ეს მართლაც განუმეორებელი სანახაობაა.

2
 Mega Millions-ის ლატარიის ბილეთი

აშშ-ში მცხოვრებმა უცნობმა 1 მილიარდი დოლარის ჯეკპოტი მოხსნა

88
(განახლებულია 23:31 23.01.2021)
უცნობი იღბლიანის ლატარიის ბილეთში ერთმანეთს დაემთხვა ექვსივე რიცხვი თეთრ ბურთულებზე, ასევე ოქროს „მეგაბურთულა“

თბილისი, 23 იანვარი – Sputnik. ლატარია Mega Millions-ის ბილეთმა, რომელიც მიჩიგანის შტატში გაიყიდა, 1 მილიარდი დოლარის ჯეკპოტი მოიგო, რაც მეორე ყველაზე დიდი მოგებაა თამაშის ისტორიაში, აცხადებენ მისი ორგანიზატორები.

„ერთი მილიარდი დოლარის ოდენობის ნომინალური ჯეკპოტი ერგება ბედნიერი ბილეთის მფლობელს მიჩიგანში. ეს ერთადერთი ბილეთია, რომელშიც დაემთხვა 22 იანვარს გათამაშებული ექვსივე ნომერი - თეთრი ბურთულები 4, 26, 42, 50 და 60, ასევე ოქროს „მეგაბურთულა“ – 24“, - ნათქვამია ლატარიის ვებგვერდზე გავრცელებულ განცხადებაში.

გათამაშებული ჯეკპოტის რეკორდი დამყარდა 2018 წელს, როდესაც სამხრეთ კაროლინაში გაყიდულმა ბილეთმა მოიგო 1,5 მილიარდი დოლარის პრიზი. ცნობილია, რომ ის შეიძინა ქალმა, რომელმაც ინკოგნიტოდ დარჩენა ისურვა.

ორი დღის წინ სხვა ამერიკული ლატარია Powerball-ის მერილენდში ნაყიდი ბილეთის მფლობელმა 731,1 მილიონი დოლარის ჯეკპოტი მოიგო. ეს მეოთხე ყველაზე დიდი მოგებაა Powerball-ის ისტორიაში.

Mega Millions-ს ლატარიის ბილეთები აშშ-ში 1996 წლიდან იყიდება. ახლახან ორგანიზატორებმა წესები იმგვარად შეცვალეს, რომ ცალკეული მოთამაშეების ისედაც ასტრონომიულად მცირე შანსები კიდევ უფრო შემცირდა. თუმცა ამასთან ერთად დაიწყო რეკორდული ჯეკპოტების გათამაშება, რამაც დამატებით მყიდველები მიიზიდა.

88