ახალგაზრდა მეცნიერ-მკვლევარი ლაბორატორიაში

ევრიკა! აღმოჩენილია წონაში დაკლების უმარტივესი გზა

180
(განახლებულია 18:39 16.12.2020)
აღნიშნული ბაქტერია უკვე დიდი ხანია გამოიყენება ყველის წარმოებაში, რითიც მისი ორგანიზმში შეყვანის უსაფრთხოება დადასტურებულია.

თბილისი, 16 დეკემბერი — Sputnik. მეცნიერთა ჯგუფი მივიდა დასკვნამდე, რომ ნაწლავის ბაქტერია Hafnia alvei-ზე დამზადებული პრობიოტიკი ჭარბი წონის მქონე ადამიანებს უსაფრთხოდ გახდომაში დაეხმარება, იუწყება ჟურნალი Obesity, რომელშიც რუანის უნივერსიტეტის მეცნიერთა ახალი კვლევის მონაცემებია გამოქვეყნებული.

კვლევის ავტორები აღნიშნავენ, რომ ბაქტერია Hafnia alvei და გენები, რომლებიც პასუხისმგებელი არიან ClpB ცილის სინთეზზე, ჯანმრთელი ადამიანების ნაწლავებში არსებობს. ამასთან, რამდენიმე ასეული ადამიანის მიკრობიოტის ნიმუშების შესწავლის გზით მეცნიერებმა აღმოაჩინეს კანონზომიერება: ამ ბაქტერიების რაოდენობა ჭარბწონიან ადამიანებში შემცირებულია.

„სიმსუქნის პროფილაქტიკისა და მკურნალობის არსი იმაშია, რომ ბაქტერიები პრობიოტიკის სახით მიეცეს იმ ადამიანებს, რომლებსაც ჭარბი წონა აქვთ“, — აცხადებენ მეცნიერები.

საფრანგეთში Hafnia alvei გამოიყენება ყველის რბილი სახეობების წარმოებისთვის, მაგალითად, „კამამბერის“, ამიტომ ორგანიზმში მისი „გარედან“ შეყვანის უსაფრთხოება უკვე დადასტურებულია.

მკვლევარებმა პრეკლინიკური კვლევები მსუქან თაგვებზე ჩაატარეს, რა დროსაც მღრღნელებს დღეში ერთხელ აძლევდნენ ბაქტერიის დოზას. ექსპერიმენტის შედეგად თაგვებმა წონაში კლება დაიწყეს Hafnia alvei-ის დამატებიდან ოთხი დღის შემდეგ.

დადგინდა სიცოცხლის 25%-ით გახანგრძლივების გზა: სახელდება ყველის სახეობები>>

აღსანიშნავია, რომ ბაქტერია ცოტა ხნის წინ გერმანიაში ადამიანებზე გამოიცადა და მან ამ შემთხვევაშიც დადებითი შედეგი აჩვენა. გაირკვა ისიც, რომ ბაქტერიების მიღების შედეგად ადამიანებს შიმშილის შეგრძნება მნიშვნელოვნად უმცირდებოდათ.  

180
თემები:
მსოფლიო და მეცნიერება (612)
Telegram

Sputnik-ის ინგლისურენოვანი არხი Telegram-ზე ამუშავდა

12
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

12
ვაქცინაციის ცენტრი თელ-ავივში

COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

71
(განახლებულია 16:10 25.01.2021)
კორონავისრუსთან ბრძოლის ფარგლებში მსოფლიოს ქვეყნებს ისეთი მკაცრი ზომების გატარება უწევთ, რომლებისთვისაც მანამდე არასდროს მიუმართავთ

თბილისი, 25 იანვარი — Sputnik. მსოფლიოს ქვეყნების ხელისუფლებები კვალავც ებრძვიან კორონავირუსის გავრცელებას და სხვადასხვა ღონისძიებებს მიმართავენ ინფექციის შესაჩერებლად.

მაგალითად, ნიდერლანდების ხელისუფლებამ ქვეყანაში კომენდანტის საათის შემოღების გადაწყვეტილება მიიღო. მოქალაქეებს ეკრძალებათ საღამოს ცხრა საათიდან დილის ხუთის ნახევრამდე სახლიდან გასვლა. ასეთი შეზღუდვები მეორე მსოფლიო ომის შემდეგ პირველად მოქმედებს. დამრღვევებს ჯარიმის გადახდა მოუწევთ 95 ევროს ოდენობით. გამონაკლისს მხოლოდ ძაღლების მფლობელები წარმოადგენენ.

მკაცრი ზომების საპასუხოდ, ნიდერლანდების მოქალაქეები ქუჩებში გამოვიდნენ. პოლიციამ ქვეყნის მასშტაბით ორ ათეულზე მეტი აქტივისტი დააკავა, ხოლო  გამოწერილი ჯარიმების რაოდენობამ 3.5 ათასს გადააჭარბა.

ისრაელის მთავრობამ პრაქტიკულად „ჰერმეტულად“ დახურა ქვეყანა. გარდა იმისა, რომ შეჩერებულია საერთაშორისო ფრენები უცხოეთის მოქალაქეებისთვის, ხელისუფლებამ განაცხადა, რომ თელ-ავივის ბენ გურიონის სახელობის აეროპორტი მინიმუმ ერთი კვირით ჩაიკეტება და ისრაელი, პირველად ისტორიაში, შეწყვეტს არა მარტო ემიგრანტების, არამედ იმ თანამემამულეების მიღებასაც, რომლებიც ახლა საზღვარგარეთ იმყოფებიან.

შვედეთმა, რომელმაც მანამდე აღიარა, რომ კორონავირუსის გავრცელების წინააღმდეგ ბრძოლის რბილი ზომები არაეფექტური იყო, დახურა საზღვარი ნორვეგიასთან, სადაც COVID-19-ის „ბრიტანული“ შტამი გამოვლინდა.

ამ გზით ქვეყნის ხელისუფლება ცდილობს, შეზღუდოს სავაჭრო ტურიზმი ორი ქვეყნის საზღვარზე და დაიცვას საკუთარი მოქალაქეები ვირუსის ახალი მუტაციისგან.

საფრანგეთის ხელისუფლების მოთხოვნით, ყველა პირმა, რომლებიც ქვეყანაში საზღვაო ან საჰაერო გზით შევლენ, უნდა წარადგინოს კორონავირუსზე უარყოფითი ტესტი საზღვრის გადაკვეთამდე არა უგვიანეს 72 საათისა.

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს>>

ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირებულთა რაოდენობამ 99 მილიონს გადააჭარბა. აქედან დაავადებამ  2.1 მილიონზე მეტი ადამიანი იმსხვერპლა.

საშიში ინფექციის გავრცელების მხრივ პირველ ადგილზეა შეერთებული შტატები — 25 მილიონზე მეტი დაავადებულითა და 419 ათასზე მეტი გარდაცვლილით; მეორე ადგილზეა ინდოეთი — 10,6 მილიონზე მეტი ინფიცირებულითა და 153 ათასზე მეტი გარდაცვლილით, მესამე ადგილზეა ბრაზილია — ინფიცირების 8,8 მილიონი დადასტურებული შემთხვევითა და 217 ათასი გარდაცვლილით.

71
თემები:
საერთაშორისო პანორამა
სიღნაღის წმიდა გიორგის სახელობის ეკლესია

საეკლესიო კალენდარი: 26 იანვარი 

0
(განახლებულია 22:08 25.01.2021)
საქართველოს მართლმადიდებელი ეკლესია 26 იანვარს მოწამე ერმილეს და სტრატონიკეს, ღირსისა იაკობის და ღირსი მაქსიმე კავსოკალივიტის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

წმიდა მოწამენი ერმილე და სტრატონიკე 

წმიდა მოწამენი ერმილე და სტრატონიკე სლავები იყვნენ. ისინი ქალაქ სინღიდოში (ბელგრადში) ცხოვრობდნენ ქრისტიანთა მდევნელი იმპერატორის, ლიკინიუსის (307-324) დროს და ერთმანეთთან, ღვთის სიყვარულის გარდა, გულწრფელი მეგობრობაც აკავშირებდათ. ერმილე დიაკვნად მსახურობდა. ლიკინიუსის ბრძანებით, იგი შეიპყრეს და დიდხანს საშინლად აწამებდნენ, მაგრამ ვერ გატეხეს. წმიდა სტრატონიკემ – ციხის ზედამხედველმა და ფარულმა ქრისტიანმა, მეგობრის ტანჯვის ყურებას ვერ გაუძლო, ცრემლები წასკდა და თავი გასცა. ამის შემდეგ მანაც ერმილეს ხვედრი გაიზიარა. ნაწამები წმიდანები ზღვაში მოისროლეს. სამი დღის შემდეგ ქრისტიანებმა იპოვეს მდინარის ნაპირზე გამორიყული მარტვილთა ცხედრები და პატივით დაკრძალეს სინღიდონის მახლობლად. არსებობს ცნობა, რომ XII-XIII საუკუნეების მიჯნაზე მათი უხრწნელი თავები ინახებოდა კონსტანტინეპოლში, წმიდა სოფიას ტაძარში.

ღირსი იაკობი, ნიზიბიელი ეპისკოპოსი

ღირსი იაკობ ნიზიბიელი, გეფალელი (სომხეთი) მთავრის ძე იყო. მან კარგი განათლება მიიღო, მაგრამ ამქვეყნიურ მშფოთვარე ცხოვრებაში სულის მისადრეკი ადგილი ვერ ჰპოვა და ნიზიბიის მახლობლად, უდაბურ მთებში განმარტოვდა. იაკობს სურდა, მთელი ცხოვრება აქ, მთებში გაეტარებინა, მაგრამ, ღვთის ნებით, წარმართების მოსაქცევად და მართლმორწმუნეთა განსამტკიცებლად სპარსეთს მიაშურა. ერთმა სპარსელმა მსაჯულმა უსამართლოდ დაადო მსჯავრი უდანაშაულო ადამიანს. წმიდანი დამწუხრდა და უსამართლობა რომ ემხილებინა, ნამსხვრევებად ქცევა უბრძანა მახლობლად მდებარე მოზრდილ ლოდს. ყველა, ვინც ეს სასწაული იხილა, შეძრწუნდა. მსაჯულმაც შეცვალა განაჩენი. იმპერატორ მაქსიმიანეს (305-311) მიერ ქრისტიანთა დევნის დროს ღირსმა იაკობმა სარწმუნოების მხნე აღსარებით გაითქვა სახელი. ნიზიბიის მცხოვრებლებმა კეთილმსახური ცხოვრებით და სასწაულებით გაბრწყინებული მამა თავიანთ ეპისკოპოსად აირჩიეს (დაახლ. 314 წელს). მშობლიურ ქალაქში დაბრუნებულ და ასეთ მაღალ ხარისხში აყვანილ წმიდანს არ შეუცვლია ცხოვრების წესი, პირიქით, კიდევ უფრო გაამკაცრა ღვაწლი.

მღვდელმთავარი იაკობი ნიკეის I მსოფლიო საეკლესიო კრების მუშაობაში მონაწილეობდა და ერთგულად იცავდა მართლმადიდებლობას. მან ნიზიბიაში გახსნა სკოლა, სადაც თავად მასწავლებლობდა. მაღალი ზნეობით გაბრწყინებული წმიდანის სიტყვები ადვილად აღწევდა მსმენელის გულებამდე. სომხეთის ეპისკოპოსმა გრიგოლმა ღირს იაკობს სთხოვა, წერილობით განემარტა, რა არის სარწმუნოება. პასუხად წმიდა მამამ დაწერა 18 თავისგან შემდგარი თხზულება. მისი ნაწერები გამოირჩეოდა დამაჯერებლობით, აზრის სიცხადით, გულწრფელობით. ღირსი იაკობი მშვიდობით მიიცვალა 350 წელს.

ღირსი მაქსიმე კავსოკალივიტი

ღირსი მაქსიმე კავსოკალივიტი ჩვიდმეტი წლის იყო, როცა მშობლიური ოჯახი დატოვა, მონაზვნობა შეიმოსა და მაკედონიის საუკეთესო მოძღვრის ბერი მარკოზის მორჩილი გახდა. მოძღვრის სიკვდილის შემდეგ  მაქსიმემ სალოსობა დაიწყო. ათონზე ღირსი მამის ათანასეს ლავრაში დამკვიდრდა მორჩილად. ღირსი მაქსიმე ხშირად იცვლიდა საცხოვრისს. მიტოვებულ ბალახის ტალავრებს წვავდა, ამიტომაც შეარქვეს კავსოკალივიტი - ტალავართმმუსვრელი (ის, ვინც ტალავრებს წვავს). წმიდა მთის მამებმა იცოდნენ, როგორი ასკეტური ცხოვრებით ცხოვრობდა წმიდანი, რამდენ ჭირსა და განსაცდელს ითმენდა, მაგრამ ვერ იცვლიდნენ წინასწარ აკვიატებულ აზრს მის შესახებ. ათონზე ჩამოსულმა ღირსმა გრიგოლ სინელმა მოხიბლულად მიჩნეულ ბერთან საუბრის შემდეგ თავისი გაოცება ვერ დამალა და თქვა: ეს ხომ მიწიერი ანგელოზია. ღირსმა მაქსიმემ მხოლოდ სიკვდილის წინ აიღო ხელი განდეგილობაზე და ათანასეს ლავრის მახლობლად დაემკვიდრა, სადაც მიიცვალა 1354 წელს, 95 წლის ასაკში.

მასალა მომზადებულია ღია წყაროებზე დაყრდნობით.

0