„ირანი ბედნიერია“: ჰასან როუჰანის ტრამპის მარცხი ახარებს

58
(განახლებულია 17:31 16.12.2020)
ირანის პრეზიდენტი კმაყოფილია საპრეზიდენტო არჩევნებში დონალდ ტრამპის მარცხით, თუმცა არც ჯო ბაიდენის არჩევითაა აღფრთოვანებული.

თბილისი, 16 დეკემბერი — Sputnik. ირანის პრეზიდენტმა ჰასან როუჰანიმ ტერორისტი უწოდა აშშ-ის მოქმედ პრეზიდენტს დონალდ ტრამპს და აღნიშნა, რომ ისლამური რესპუბლიკა გახარებულია არჩევნებში მისი დამარცხებით.

პრეზიდენტის გამოსვლა ირანის სახელმწიფო არხით გადაიცემოდა პირდაპირ ეთერში.

„ზოგი ამბობს, რომ ჩვენ აღფრთოვანებული ვართ ჯოზეფ ბაიდენის [შეერთებული შტატების] ხელისუფლებაში მოსვლით. ეს ასე არ არის, მაგრამ ჩვენ ძალიან ბედნიერები ვართ, რომ ტრამპი წავიდა“, — განაცხადა როუჰანიმ.

ირანის პრეზიდენტის თქმით, ტრამპი — ეს არის ადამიანი, რომელიც „ხოცავდა ადამიანებს და იყო ტერორისტი და ვაქცინის ირანში იმპორტსაც კი ეწინააღმდეგება“.  

ჰასან როუჰანი იმედოვნებს, რომ „ამერიკელების მიერ ბაიდენისთვის მიცემული ხმა — ეს არის ხმა კანონების დასაცავად და არა მათ დასარღვევად“.

14 დეკემბერს აშშ-ის ამომრჩეველთა კოლეგიის 538 წევრის კენჭისყრის შედეგების თანახმად, დემოკრატ ჯო ბაიდენს 306 ელექტორალური ხმა ერგო, ხოლო დონალდ ტრამპს — 232. შესაბამისად, აშშ-ის 46-ე პრეზიდენტად ბაიდენია არჩეული. კენჭისყრის შედეგები 6 იანვარს უნდა დამტკიცდეს კონგრესის ორივე პალატის ერთობლივ სესიაზე. პრეზიდენტის ინაუგურაცია 20 იანვარსაა დაგეგმილი.

58
თემები:
მსოფლიო დღეს (2471)
ჯო ბაიდენი

ინაუგურაციისთანავე: რა ბრძანებულებებს მოაწერს ხელს ბაიდენი პრეზიდენტობის პირველ დღეს

12
(განახლებულია 16:19 20.01.2021)
ჯო ბაიდენი თავისი წინამორბედის, დონალდ ტრამპის მიერ ხელმოწერილი მთელი რიგი ბრძანებულებების გაუქმებას გეგმავს

თბილისი, 20 იანვარი — Sputnik. ჯო ბაიდენი პრეზიდენტის პოსტზე მოსვლის პირველ დღეს რამდენიმე ბრძანებულებაზე აპირებს ხელის მოწერას, რომელთა შორისაა, მექსიკასთან გამყოფი კედლის მშენებლობის შეწყვეტა და აშშ–ის დაბრუნება ჯანდაცვის მსოფლიო ორგანიზაციასა და ასევე პარიზის კლიმატის შეთანხმებაში, იუწყება CNN-ი. 

„არჩეული პრეზიდენტი ბაიდენი მიიღებს ზომებს არა მარტო იმისთვის, რომ ტრამპის ადმინისტრაციის მიერ მიყენებული სეროზული ზარალი აანაზღაუროს, არამედ იმისთვისაც, რომ ქვეყანას წინსვლის საშუალება მისცეს“, — ნათქვამია ბაიდენის გუნდის განცხადებაში.

გავრცელებული ინფორმაციით, ჯო ბაიდენი ბრძანებულებებს ხელს 20 იანვარს მოაწერს კაპიტოლიუმში ფიცის დადებისთანავე.

ცნობილი ხდება ისიც, რომ პრეზიდენტი შეწყვეტილად გამოაცხადებს საგანგებო მდგომარეობას, რომელიც მექსიკასთან კედლის აგების საბაბად გამოიყენებოდა. ამასთან ხელისუფლება აპირებს, ყურადღებით შეისწავლოს მშენებლობასთან დაკავშირებული ფინანსირების მეთოდები და კონტრაქტები.

რაც შეეხება ჯანდაცვის მსოფლიო ორგანიზაციიდან აშშ–ის გასვლას, ჯო ბაიდენი ასევე გააუქმებს ტრამპის ბრძანებულებას ამასთან დაკავშირებით, ვინაიდან ჯანმოს „გადამწყვეტი მნიშვნელობა აქვს COVID-19–ზე საერთაშორისო პასუხის კოორდინაციაში და ასევე მომავალი პანდემიებისა და ეპიდემიებისთვის მაღალი მზაობისთვის“.

კიდევ ერთი საკითხი, რომლის გაუქმებასაც აპირებს ბაიდენის ადმინისტრაცია, ეს მილსადენ Keystone XL–ის მშენებლობაა. პროექტი 1,9 ათასი კმ სიგრძისა და დღეში 800 ათასი ბარელი სიმძლავრის ნავთობსადენის მშნებელობას ითვალისწინებს უმსხვილესი კანადური ნავთობმომპოვებელი პროვინცია ალბერტადან მექსიკის ყურის ნავთობგადამამუშავებელ ქარხნებამდე. ამ ნავთობსადენის მშენებლობას დონალდ ტრამპის ადმინისტრაცია უჭერდა მხარს.

 

12
თემები:
საერთაშორისო პანორამა
დონალდ ტრამპი

„პატრიოტული პარტია“: ტრამპი ახალი პარტიის შექმნას გეგმავს

29
(განახლებულია 14:53 20.01.2021)
გამოცემის ინფორმაციით, დონალდ ტრამპი ახალი პოლიტიკური პარტიის დაარსებას აპირებს, რასაც რესპუბლიკელები, დიდი ალბათობით, წინააღმდეგობას გაუწევენ

თბილისი, 20 იანვარი — Sputnik. შეერთებული შტატების მოქმედმა პრეზიდენტმა, რესპუბლიკელმა დონალდ ტრამპმა, რომლის უფლებამოსილების ვადა 20 იანვარს იწურება, ბოლო დროს თავის მომხრეებთან ერთად ახალი პოლიტიკური პარტიის შექმნის შესაძლებლობა განიხილა, იუწყება The Wall Street Journal-ი.

გამოცემის წყაროს ინფორმაციით, ტრამპს ახალი პოლიტიკური გაერთიანებისთვის  „პატრიოტული პარტიის“ დარქმევა სურს.  

გამოცემა აღნიშნავს, რომ ტრამპს თანაპარტიელებთან უთანხმოება აქვს მას შემდეგ, რაც რამდენიმე მათგანმა, მათ შორის, აშშ-ს სენატში რესპუბლიკელთა უმრავლესობის ლიდერმა მიჩ მაკკონელმა, განაცხადა, რომ პრეზიდენტმა ხალხს 6 იანვრის არეულობისკენ უბიძგა, რა დროსაც ტრამპის მომხრეები კაპიტოლიუმში შეიჭრნენ და შეეცადნენ, ხელი შეეშალათ 3 ნოემბრის საპრეზიდენტო არჩევნების შედეგების დამტკიცებისთვის. აღნიშნული არეულობების შედეგად რამდენიმე ადამიანი დაიღუპა.

ჯერჯერობით გაურკვეველია, რამდენად მტკიცედ აქვს გადაწყვეტილი დონალდ ტრამპს ახალი პარტიის ჩამოყალიბება, რაც მნიშვნელოვან ფინანსურ ხარჯებსა და დროს უკავშირდება. WSJ-ის ცნობით, პრეზიდენტს უამრავი მხარდამჭერი ჰყავს, რომელთა ნაწილი არ იყო ჩართული რესპუბლიკური პარტიის პოლიტიკაში მანამ, სანამ ის ქვეყნის სათავეში არ მოვიდა 2016 წელს.

ამასთან გამოცემა აღნიშნავს, რომ მესამე პარტიის შეექმნის ნებისმიერი მცდელობა დიდი ალბათობით გადააწყდება რესპუბლიკელთა მხრიდან წინააღმდეგობას.

29
თემები:
საერთაშორისო პანორამა