სამეცნიერო ლაბორატორია

უარყოფილია კიდევ ერთი მითი COVID-19-ზე: თელ-ავიველი მეცნიერები საზოგადოებას ამშვიდებენ

170
(განახლებულია 15:26 16.12.2020)
სოციალური ქსელებით გავრცელებული კოვიდ-სიმპტომები, რაც ადამიანებში დამატებით სტრესს იწვევს, ხშირად უსაფუძვლოა, აცხადებენ მეცნიერები.

თბილისი, 16 დეკემბერი — Sputnik. დაავადება COVID-19 არ იწვევს სმენის სრულ დაკარგვას, იუწყება გამოცემა EurekAlert თელ-ავივის უნივერსიტეტის მეცნიერების კვლევაზე დაყრდნობით.

გამოცემის ინფორმაციით, ისრაელში კორონავირუსის პირველი ტალღის დროს, როცა ინფიცირებულთა რაოდენობა არც ისე მაღალი იყო, სპეციალისტებმა COVID-19-ის უსიმპტომო ფორმით დაავადებული რვა პაციენტის მონაცემები შეისწავლეს. კვლევაში მათ გარდა მონაწილეობდა ჯანმრთელი ადამიანებისგან შემდგარი საკონტროლო ჯგუფი. პირველადმა ანალიზმა აჩვენა, რომ კორონავირუსი არ იწვევს სმენით დარღვევებს.

მოგვიანებით, როდესაც ისრაელში „კოვიდის“ პირველი ტალღის პიკი დადგა, მეცნიერებმა ექსპერიმენტი უკვე მეტი პაციენტის ჩართვით გაიმეორეს. შედეგი იგივე იყო.

„COVID-19 იწვევს ყნოსვისა და გემოს დაკარგვას, მაგრამ არა სმენისა. სასიხარულოა, რომ ჩვენ შევძელით ამ გავრცელებული მითის უარყოფა“, — აცხადებენ მეცნიერები.

მათი თქმით, კორონავირუსით ინფიცირებულ პაციენტებში სმენის დაკარგვა მხოლოდ დროებითი სიმპტომია, რაც დაავადების ინდივიდუალურ მიმდინარეობაზეა დამოკიდებული.

ამასთან ერთად ისინი ხაზგასმით აღნიშნავენ, რომ სოციალური ქსელები კორონავირუსს უამრავ დაავადებასა და სიმპტომებს მიაწერენ, მაგრამ ხშირად ეს ინფორმაცია საფუძველსაა მოკლებული და ადამიანებს გაუმართლებელ სტრესში აგდებს.

 

170
თემები:
მსოფლიო და მეცნიერება (611)
ჯო ბაიდენი

ტრამპმა ბაიდენს ოვალურ კაბინეტში წერილი დაუტოვა: პრეზიდენტი კომენტარს აკეთებს

6
(განახლებულია 12:50 21.01.2021)
ინაუგურაციის დღეს ყოფილი პრეზიდენტი თავის შემცვლელს წერილს ახვედრებს ოვალურ კაბინეტში, რათა სახელმწიფოს ახალმა მეთაურმა შესვლისთანავე წაიკითხოს ის

თბილისი, 21 იანვარი — Sputnik. ექს–პრეზიდენტმა დონალდ ტრამპმა დიდსულოვანი წერილი დამიტოვა, განაცხადა აშშ–ის ახალმა პრეზიდენტმა ჯო ბაიდენმა. ამის შესახებ წერს CNN–ი.

​„რამდენადაც ეს პირადი წერილია, არ ვისაუბრებ მასზე მანამ, სანამ [ტრამპს] არ დაველაპარაკები. მაგრამ ის ძალიან დიდსულოვანი იყო“, — თქვა ბაიდენმა, როდესაც ოვალურ კაბინეტში პირველ განკარგულებებს აწერდა ხელს პრეზიდენტის რანგში.

წინამორბედის მიერ ქვეყნის მომავალი ლიდერისთვის გამოსათხოვარი წერილის დატოვება ერთ–ერთი თანამედროვე ტრადიციაა. ინაუგურაციის დღეს ყოფილი პრეზიდენტი თავის შემცვლელს წერილს ახვედრებს ოვალურ კაბინეტში, რათა სახელმწიფოს ახალმა მეთაურმა შესვლისთანავე წაიკითხოს ის.

ამასთან დონალდ ტრამპი არ დაესწრო ჯო ბაიდენის ინაუგურაციას, რომელიც 20 იანვარს გაიმართა. ტრამპი თეთრი სახლიდან ცერემონიამდე რამდენიმე საათით ადრე გაფრინდა მერილენდში. ბაიდენმა წინამორბედის ეს გადაწყვეტილება გამართლებულად მიიჩნია.

 

6
თემები:
საერთაშორისო პანორამა
ვაქცინაცია COVID-19-ზე

კოვიდ-ვაქცინებისგან სიკვდილის შემთხვევები არ დაფიქსირებულა: ჯანმოს ექსპერტი

16
(განახლებულია 12:29 21.01.2021)
ჯანმოს ექსპერტის თქმით, დაფიქსირებულია მხოლოდ გვერდითი ეფექტების რამდენიმე შემთხვევა, როგორიცაა ანაფილაქტიკური შოკი და სერიოზული ალერგიები

თბილისი, 21 იანვარი — Sputnik. ჯანმოს ჯერჯერობით არ დაუფიქსირებია კორონავირუსის საწინააღმდეგო ვაქცინებით აცრის გამო სიკვდილის არცერთი შემთხვევა, განაცხადა ორგანიზაციის ექსპერტმა მარიანჯელა სიმაომ.

​„ჩვენ გვაქვს ვაქცინა, რომელიც ფართოდ გამოიყენება ბაზარზე. ეს „ფაიზერია“. და ჩვენ ჯერჯერობით არ გვინახავს სიკვდილის არცერთი შემთხვევა იმ ვაქცინებისგან, რომლებიც ამ მომენტისთვის გამოიყენება“, — განაცხადა მან.

ჯანმოს წარმომადგენლის განცხადებით, დაფიქსირდა გვერდითი ეფექტების რამდენიმე შემთხვევა, მაგალითად ანაფილაქტიკური შოკი, რამდენიმე ვაქცინირებულს კი სერიოზული ალერგიებისადმი მიდრეკილება გამოუვლინდა. ასეთ შემთხვევებში, ექსპერტის თქმით, აუცილებელია აცრა სამედიცინო დაწესებულებებში დაკვირვების ქვეშ ჩატარდეს.

მარიანჯელა სიმაოს თქმით, ჯანმო გულდასმით აკვირდება ვაქცინების ნებისმიერ გვერდით მოვლენებს და შესაბამისად გასცემს განახლებულ რეკომენდაციებს.

ამ დროისათვის კორონავირუსის საწინააღმდეგო კიდევ 12 პრეპარატი ელოდება ორგანიზაციის ექსპერტების შეფასებას.

მანამდე ასევე ცნობილი გახდა, რომ ჯანდაცვის მსოფლიო ორგანიზაციაში რეგისტრაციაზე განაცხადი შევიდა რუსული ვაქცინა Sputnik V–ს მწარმოებლებისგანაც. აღნიშნული ვაქცინა, რომელიც გამალეის მიკრობიოლოგიისა და ეპიდემიოლოგიის ცენტრში შეიქმნა, მსოფლიოში პირველად მიჩნევა.

 

16
თემები:
საერთაშორისო პანორამა