აღლუმი პრეზიდენტის ინაუგურაციაზე

COVID-19-ის გამო ჯო ბაიდენის ინაუგურაცია შეზღუდულად გაიმართება

78
(განახლებულია 15:22 16.12.2020)
აშშ-ის პრეზიდენტის ინაუგურაცია 2021 წლის 20 იანვარს გაიმართება, მანამდე კი ამომრჩეველთა კოლეგიის კენჭისყრის შედეგები კონგრესის ორივე პალატის ერთობლივ სესიაზე უნდა დამტკიცდეს.

თბილისი, 16 დეკემბერი — Sputnik. აშშ-ის ახლადარჩეული პრეზიდენტის ჯო ბაიდენის საინაუგურაციო კომიტეტი ამერიკელებს მოუწოდებს, თავი შეიკავონ ვაშინგტონში ღონისძიებაზე დასასწრებად ჩასვლისგან, ვინაიდან ის შეზღუდული მასშტაბით ჩატარდება, ნათქვამია ორგანიზატორების განცხადებაში.

„ცერემონიის ჩატარების ადგილი უკიდურესად შეზღუდული იქნება... პრეზიდენტის ინაუგურაციის კომიტეტი მოუწოდებს საზოგადოებას, თავი შეიკავონ მგზავრობისგან და საინაუგურაციო ღონისძიებებში მონაწილეობა შინ მიიღონ“, — წერია განცხადებაში.

აქვე აღინიშნება, რომ საორგანიზაციო კომიტეტი ინაუგურაციის შემდეგ აღლუმის ჩატარების საკითხსაც გადახედავს.  

14 დეკემბერს აშშ-ის ამომრჩეველთა კოლეგიის კენჭისყრა გაიმართა, რა დროსაც დემოკრატმა ჯო ბაიდენმა 306 ელექტორალური ხმა მიიღო, ხოლო დონალდ ტრამპმა — 232. კონსტიტუციის თანახმად, კოლეგიის კენჭისყრის შედეგები 6 იანვარს უნდა დამტკიცდეს კონგრესის ორივე პალატის ერთობლივ სესიაზე, ხოლო ინაუგურაცია 20 იანვარს გაიმართება.

 

78
თემები:
მსოფლიო დღეს (2471)
რუსული ვაქცინით „სპუტნიკ V“ არგენტინის ლიდერი აიცრა

რუსული ვაქცინით „სპუტნიკ V“ არგენტინის ლიდერი აიცრა

16
არგენტინის ხელისუფლებამ რუსული ვაქცინა „სპუტნიკ V“-ს გამოყენების ნებართვა 2020 წლის დეკემბერში გასცა

თბილისი, 21 იანვარი - Sputnik. არგენტინის პრეზიდენტ ალბერტო ფერნანდესს კორონავირუსის საწინააღმდეგო რუსული ვაქცინა „სპუტნიკ V“-ს პირველი კომპონენტის ინიექცია გაუკეთეს, ამის შესახებ სახელმწიფოს მეთაურმა თავის Facebook-გვერდზე დაწერა.

„დღეს ავიცერი ვაქცინით „სპუტნიკ V“. მადლობა გამალეის ინსტიტუტსსამეცნიერული საქმიანობისთვის, მათ, ვინც მუშაობდა მასზე და ჩვენი ქვეყნის ყველა მედმუშაკს მათი თავდადებისთვის“, - ნათქვამია განცხადებაში.

ფერნანდესმა ასევე აღნიშნა, რომ ვაქცინა კორონავირუსის მიმართ იმუნიტეტს აყალიბებს და მოქალაქეებს მოუწოდა, მის მაგალითს მიბაძონ.

არგენტინის ხელისუფლებამ რუსული ვაქცინა „სპუტნიკ V"-ს გამოყენების ნებართვა 2020 წლის დეკემბერის ბოლოს გასცა. პირველი დოზებით აცრეს 18-დან 59 წლამდე მედიკოსები და ინტენსიური თერაპიის თანამშრომლები. გუშინ არგენტინის მარეგულირებელმა დაუშვა რუსული ვაქცინით 60 წელს გადაცილებულ მოქალაქეთა აცრა.

ამ დროისთვის ვაქცინა „სპუტნიკ V" დაჩქარებული პროცედურის ფარგლებში უკვე დარეგისტრირებული და დამტკიცებულია არგენტინაში, ბელარუსში, პალესტინაში, არაბეთის გაერთიანებულ საამიროებში, ვენესუელაში, პარაგვაიში, თურქმენეთში, სერბეთში, უნგრეთში, ბოლივიასა და ალჟირში.

16
დოლარები

ჯეკპოტი Powerball-ში: აშშ-ში უცნობმა იღბლიანმა 700 მილიონ დოლარზე მეტი მოიგო

67
ყველაზე დიდი მოგება Powerball-ში იყო თანხა 1,58 მილიარდი დოლარი: ის 2016 წელს სამმა ადამიანმა გაინაწილა

თბილისი, 21 იანვარი – Sputnik. აშშ-ში Powerball-ის ლატარია გათამაშდა - უცნობი იღბლიანი 731 მილიონ დოლარს მიიღებს, იუწყება ტელეარხი Fox2.

ტელეარხის ინფორმაციით, მომგებიანი ბილეთი მერილენდის შტატში გაიყიდა, ხოლო გათამაშება ოთხშაბათს, 20 იანვარს გაიმართა.

ეს ჯეკპოტი აშშ-ის ისტორიაში სიდიდით მეხუთეა, ის გათამაშდა მეორე დღეს მას შემდეგ, რაც ვერავინ ვერ ამოიცნო რიცხვების სწორი კომბინაცია სხვა პოპულარულ ლატარიაში - Mega Millions-ში. მასში მაქსიმალური თანხა, რომლის მოგებაც შესაძლებელია, 970 მილიონამდე გაიზარდა.

Powerball-ში ყველაზე დიდი მოგება იყო 1,58 მილიარდი დოლარი: ეს თანხა 2016 წელს სამმა ადამიანმა გაინაწილა.

ლატარიის წესების მიხედვით, მოგების მიღების ორი ვარიანტი არსებობს: მას 30 წლის განმავლობაში უხდიან მოგებულს (სრული თანხა) ან ერთჯერადად უხდიან (ამ შემთხვევაში თანხა ნაკლები იქნება). თუ ოთხშაბათს გათამაშებული ჯეკპოტის მფლობელი მეორე ვარიანტს აირჩევს, მას 546 მილიონ დოლარზე ოდნავ მეტს გადაუხდიან.

67
საქართველოს სახალხო არტისტი, მომღერალი თემურ წიკლაური

17-ის ვარ და ამ ციფრებს გინდა შეუცვალე ადგილი, გინდა არა!

0
(განახლებულია 15:14 22.01.2021)
დღეს ყველასთვის საყვარელი მომღერლის, თემურ წიკლაურის დაბადების დღეა, ეს ინტერვიუ მისგან, 2017 წელს, სწორედ ამ დღეს ჩავწერეთ. ამჟამად მას ჯანმრთელობის პრობლემები შეექმნა, მაგრამ ვიმედოვნებთ, რომ ყველაფერი მოგვარდება და ბატონი თემური მალე გამოჯანმრთელდება.

ამ გულწრფელ, ბუნებრივ დიალოგს თითქმის შეუცვლელად გთავაზობთ.

ამის უფლება მის მიმართ განსაკუთრებულმა დამოკიდებულებამ  და პირადად მან მომცა. ასე რომ, იმედია, ჩვენი საუბრის გარკვეულად  თავისუფალ მანერას ყვითელი პრესისთვის ჩვეულ ფამილარობაში არ ჩამითვლით. 

-გამარჯობა, ძალიან კარგ ადამიანს და არაჩვეულებრივ მომღერალს ვულოცავ დაბადების დღეს!

— მადლობა, ბალღო, გაიხარე!

-ერთადერთი ადამიანი ხართ, ვინც დღემდე ბალღს მეძახის…

— ბალღი ხარ, აბა, ვინ ხარ? საერთოდ კი მინდა გითხრა, რომ ამ ქვეყნად რასაც დაირქმევ, ის ხარ!

-აი, თქვენ რას ირქმევთ?

— მეც ბავშვი ვარ!… მართლა გეუბნები.

-ასაკს არ გეკითხებით…

— მკითხე რა, 17-ის ვარ და ამ ციფრებს გინდა შეუცვალე ადგილი, გინდა არა!..

-როგორ მოახერხეთ, რომ ამ ასაკში ბავშვი დარჩით?

— როგორ და… გონით და გულით! მე რომ ვამბობ და ვმღერი: „გული არა ბერდება“ —თქო- მართლაც ასეა! ცხოვრებაში ძალიან უნდა გინდოდეს, რომ თავისუფლად და გემრიელად იყო, ისე როგორც ბავშვია.

-და გარემოებებმაც ხომ უნდა შეგიწყონ ხელი, არა?

— გარემოებები აბსოლუტურად არ მაინტერსებს!… ზოგიერთ ტელევიზიაში არ მიწვევენ ხოლმე და მე მათ გამო ვერ შევიცვლები. მე მესმის, რომ ახალი თაობა მოვიდა, რომელმაც სიმღერის ახალი კულტურა შემოიტანა, მაგრამ მე არ შევიცვლები, რადგან ისე, როგორც მე ვმღერი, ვთვლი, რომ ჩემს ქვეყანას და ხალხს ესეც სჭირდება! მე მიყვარს მაგალითად სიმღერა სამშობლოზე, სიყვარულზე, კაცობაზე, რწმენაზე, მეგობრობაზე… განსხავავებული წარმოდგენები გვაქვს!..

-ჩემნაირებიც ხომ არიან და მე ხომ მესაუბრებით ამ თემებზე?

— შენ ერთი ცალი ხარ რაა…

-ანუ, „შტუჩნი“ ვარ?

— ვააა, შტუჩნი? როგორ გამაცინე, შენ დახლს ქვეშ გადანახული ხარ!

-ახლა მთლად ნაფტალინში ნუ ჩამდეთ!…

— არა კაცო, პირიქით ვახსენე: ყოველთვის ახალი ხარ და თან კარგი ადამიანი.

- იმდენს მაქებთ, ჩემი დაბადების დღე მგონია!

— იცი, რომ მე ახალ წელს არ ვიხდი ხოლმე? იმიტომ, რომ ვთვლი, ახალი წელია ყოველთვის და მაშინ, როცა მიხარია!

-და როდის გიხარიათ ხოლმე? 

— მე მიხარია როცა აღდგომაა, ქრისტეშობაა. საქართველოში ახალ წელს როცა უნდათ, მაშინ იხდიან. ეგრე ვარ მეც!

-მაშინ დღეს ახალ წელსაც გილოცავთ! ერთი წელი ხომ მოგემატათ? ჰოდა, გილოცავთ ახალ წელს!

— ახალი წელია, აბა, რაა?! ისე, დაბადების დღის გადახდა ყოველთვის მრცხვენია ხოლმე, რა გავაკეთე ისეთი, რომ არიქა და შევძრა ქვეყანა და ეს დღე აღვნიშო?

-დღეს ისეთები აღნიშნავენ პომპეზურად როომ…

— მე სხვა რას აღნიშნავს, არ მაინტერესებს — სხვა.. სხვა „ფინთ“ რაღაცეებსაც აკეთებს — მეც გავაკეთო? 

- მარტო ერთს გეტყვით: ქართული ესტრადის და მუსიკალური ისტორიის ნაწილი ხართ… 

— მე ასე გეტყვით: ჩვენ რაც შეგვეძლო — ყველაფერი გავაკეთეთ, ახლა სხვებმა გააკეთონ, — ის ნამდვილად ვიცი, რომ ისე ვიცხოვრე, აუგი არავის ვათქმევინე და დღემდე ქართულ ხელოვნებას და ქართულ საქმეს ვემსახურები!  ახლა ჯერ უფალს არ უნდა, რომ ამ ეტაპზე ახალი პროექტი გავაკეთოთ, რადგან ჩემი აზრით, ღმერთი რაღაც ძალიან დიდისთვის გვამზადებს!  მარტო ჩემს თავს არა, „ივერიას“ ვგულისხმობ: ჯემალს, გიას, ვახოს, ნუგზარს… ამ ახლის საკეთებლად ყველანი მზად ვართ!..

-ბატონო თემურ, თქვენ „ფეისბუკზე“ ხართ?  ერთი- ორი თემურ წიკლაური მგონი, მე მყავს მეგობრებში და…

— არა, ისინი მე არ ვარ!..ვიღაცეებმა დადეს და ერთობიან. მე არ დამიდია! 

- აბა, ხალხმა როგორ უნდა გაარჩიოს ნამდვილი წიკლაური ფეიკისგან, ანუ არა ნამდვილისგან? 

— ცხვირით განასხვავებთ! ეგენი უცხვირ-პიროები არიან და მე ცხვირი მაინც მაქვს! თუ ცხვირი დაინახე, ე.ი. მე ვარ! მათგან არწივის ცხვირით გამომaრჩევ! 

-თემურ წიკლაურს რას უსურვებთ? 

— აი, გინდა გაგანდო ახლა რას აკეთებს თემურ წიკლაური?— ჩუმად გავიგე: კლასიკური მუსიკის კონცერტს ამზადებს… ფილიპის არიას შევთავაზებ „დონ კარლოსიდან“, მურმანისა და აბესალომის პარტიებს — „აბესალომ და ეთერიდან“,  „სულო ბოროტოს“ ვიმღერებ. ეს ურთულესი არიები უკვე გაკეთებული მაქვს, ამას გარდა სამი ნეაპოლიტანური და ორი რუსული სიმღერა მზად მაქვს. ამას აპრილ-მაისში ვაპირებ.  ბატონ ალეკო ხომერიკთან ერთად ვემზადებოდი. ეს ყველაფერ ოპერის თეატრში იქნება. აბა, მიკროფონში ხომ არ ვიმღერებ არიებს?.. რადგან გატყობთ კმაყოფილობას — იქნება მეორე განყოფილობაც.. ბოლოს კლასიკას საესტრადი სიმღერებსაც მივაყოლებ… მინდა, რომ ქართველი მაყურებლის წინაშე ღირსეულა წარვდგე.

- წარმატებას, გამარჯვებას და თქვენთვის ჩვეულ მხნეობას გისურვებთ, ცხოვრებაში: „გააჩერეთ დედამიწა ჩავდივარო“- არასოდეს გეთქვათ!…

 

0