Кандидат от демократов Хиллари Клинтон

პრეზიდენტობის ექს-კანდიდატმა ამომრჩეველთა კოლეგიის გაუქმება მოითხოვა

47
(განახლებულია 18:32 15.12.2020)
ავტორიტეტული ორგანიზაცია „გელაპის“ მიერ ჩატარებულმა გამოკითხვამ აჩვენა, რომ ამერიკელთა 61% არჩევნების არსებულ სისტემას მოძველებულად მიიჩნევს და მის შეცვლას უჭერს მხარს.

თბილისი, 15 დეკემბერი — Sputnik. აშშ-ის პრეზიდენტობის ყოფილი კანდიდატი ჰილარი კლინტონი ამომრჩეველთა კოლეგიის გაუქმებისკენ მოუწოდებს, რის შესახებაც საკუთარ Twitter-ზე დაწერა.

ჰილარი კლინტონის თქმით, ქვეყანას აუცილებლად ესაჭიროება ამომრჩეველთა კოლეგიის გაუქმება და პრეზიდენტის საყოველთაო კენჭისყრის გზით არჩევა. ​მისი აზრით, ასევე უნდა ირჩეოდეს ნებისმიერი სხვა თანამდებობის პირიც.

„თუმცა, სანამ ის არსებობს, მე სიამაყით მივეცი ჩემი ხმა ნიუ-იორკში ჯო ბაიდენსა და კამალა ჰარისს“, — დაამატა პოლიტიკოსმა.

აღსანიშნავია, რომ ჰილარი კლინტონი ნიუ-იორკის ამომრჩეველთა კოლეგიის ერთ-ერთი წევრი იყო.

აშშ-ში საპრეზიდენტო აჩევნები ამ დროისათვის ორსაფეხურიანია. ამ სისტემის შესაბამისად, 14 დეკემბერს ამომრჩეველთა კოლეგიის კენჭისყრის შედეგად დემოკრატმა ჯო ბაიდენმა გაიმარჯვა.

ცოტა ხნის წინ ავტორიტეტული ორგანიზაცია „გელაპის“ მიერ ჩატარებულმა გამოკითხვამ აჩვენა, რომ ამერიკელთა 61% არჩევნების არსებულ სისტემას მოძველებულად მიიჩნევს და მის შეცვლას უჭერს მხარს. მათი აზრით, ამომრჩეველთა კოლეგია აღარ ამართლებს თავის დანიშნულებას, იგნორირებას უწევს რა ამომრჩეველთა ნებას და გადაჭარბებულად მეტ უფლებას ანიჭებს სადავო შტატებს, რომლებზეც არის კიდეც დამოკიდებული არჩევნების საბოლოო შედეგი.

აღსანიშნავია, რომ მანამდე აშშ-ის ისტორიაში უკვე იყო შემთხვევები, როცა მოსახლეობის ხმების რაოდენობით გამარჯვებული კანდიდატი პრეზიდენტი ვერ გახდა — სწორედ ამომრჩეველთა კოლეგიის წევრების მიერ ხმათა სხვაგვარად გადანაწილების გამო.

 

47
თემები:
მსოფლიო დღეს (2471)
შეყვარებულები

ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი

86
(განახლებულია 21:48 26.01.2021)
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუ ისინი ერთ პირობას დააკმაყოფილებენ.

თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ ერთი პირობით, წერს Daily Mail ქალის Facebook-გვერდზე დაყრდნობით.

გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუ ისინი ბონავიტას მიერ წამოყენებულ პირობას დააკმაყოფილებენ.

ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.

როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.

„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, — დაწერა კრისტენ ბონავიტამ.
  • მისი ერთადერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთვოდეს 2020 წელს გადაღებული ფოტო.

აღსანიშნავია, რომ ექსპერტების შეფასებით, კრისტენ ბონავიტას თითქმის ორკარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.

86
თემები:
საერთაშორისო პანორამა
ნადირობა

კანონმდებელმა თოვლის კაცზე ნადირობის დაშვება მოითხოვა: რა წერია კანონპროექტში

38
(განახლებულია 21:22 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს.

თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს – ასეთი უცნაური წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.

აღნიშნულის შესახებ წერს CNN.

​ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.

კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს ჯილდოდ 25 ათასი დოლარი გადაეცემა.

როგორც ჰემფრი აცხადებს, პირადად მას იეტების არსებობის არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.

მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.

სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.

38
თემები:
საერთაშორისო პანორამა
აქცია კომენდანტის საათის დროს

თბილისში კომენდანტის საათის მოხსნის მოთხოვნით მორიგი აქცია გაიმართა

33
შეზღუდვების მოხსნის მოთხოვნით დედაქალაქში საპროტესტო აქცია იმართება. მოქალაქეები საზოგადოებრივი ტრანსპორტის მუშაობის აღდგენას, ღამით გადაადგილებაზე შეზღუდვის მოხსნას, ზამთრის კურორტებისა და ბაზრობების გახსნას ითხოვენ

თბილისი, 26 იანვარი – Sputnik. თბილისში პარლამენტის შენობასთან კოვიდ-შეზღუდვების მოხსნის მოთხოვნით მორიგი აქცია გაიმართა.

აქციის ორგანიზატორია „მოძრაობა საქართველოსთვის“. მოძრაობის წევრებმა საღამოს საათებში გადაადგილებაზე დაწესებული შეზღუდვა გააპროტესტეს.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.

აქციის მონაწილეები თავისუფლების მოედნიდან პარლამენტის შენობამდე მსვლელობით მივიდნენ.

„მოძრაობა საქართველოსთვის“ წარმომადგენლებმა კიდევ ერთი აქცია დაანონსეს. მათი განცხადებით, ოთხშაბათს შეზღუდვების მოხსნის მოთხოვნით აქცია ქუთაისში გაიმართება.

დღეს ცნობილი გახდა, რომ კოვიდ-შეზღუდვების წინააღმდეგ გამოსული აქციის მონაწილეები ხელისუფლების წინააღმდეგ სარჩელის შეტანას საკონსტიტუციო სასამართლოში აპირებენ.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

33