დიდ ბრიტანეთში მაღაზიები საკვებს იმარაგებენ

დიდ ბრიტანეთში მაღაზიები საკვებს იმარაგებენ

97
(განახლებულია 19:57 13.12.2020)
ხორცსა და ხილთან დაკავშირებით პრობლემები მოსალოდნელი არაა, მაგრამ ბოსტნეულის დეფიციტი სამ თვემდე შეიძლება გაგრძელდეს

თბილისი, 13 დეკემბერი – Sputnik. საკვების, წამლების და სხვა საქონლის მასშტაბურ მარაგებს ქმნიან ბრიტანული სუპერმარკეტები ამ უქმეებზე, დეტალებს ავრცელებს გამოცემა The Sunday Times.

გამოცემის ინფორმაციით, თუ დიდი ბრიტანეთი და ევროკავშირი ვერ მიაღწევენ შეთანხმებას Brexit-ზე, მომხმარებლებს პანიკა მოიცავს. Sunday Times-ის მონაცემებით, ქვეყნის ჯანდაცვის სამინისტრომ წამლების, სამედიცინო აღჭურვილობის და ვაქცინების შემომტანები გააფრთხილა, ბრიტანეთის უსაფრთხო ობიექტებზე ექვსკვირიანი მარაგი უზრუნველყონ.

„სუპერმარკეტები და მინისტრები შეშფოთებული არიან პანიკით მომხმარებლებში. მათ ახსოვთ რაც მოხდა COVID-ის დროს, როდესაც ადამიანები დიდი რაოდენობით ტუალეტის ქაღალდს ყიდულობდნენ და მათ იციან, როგორ შეიძლება სწრაფად ყველაფერი აირიოს“, - განუცხადა გამოცემას ერთ-ერთი უმსხვილესი სუპერმარკეტის უფროსმა კონსულტანტმა.

მისი თქმით, ხორცსა და ხილთან დაკავშირებით პრობლემები მოსალოდნელი არაა, მაგრამ ბოსტნეულის დეფიციტი სამ თვემდე შეიძლება გაგრძელდეს.

გაჭიანურებული Brexit-ი

ბრიტანეთი ევროკავშირის შემადგენლობიდან წელს გამოვიდა, მაგრამ ამას ჯერჯერობით დიდი ცვლილებები არ გამოუწვევია: ახლა მოქმედებს გარდამავალი პერიოდი, ქვეყანაში ჯერ ისევ მოქმედია ევროკავშირის ნორმები, ის კვლავ ერთიანი ბაზრის წევრია და კავშირის ქვეყნებთან საბაჟო გადასახადებისა და კვოტების გარეშე ვაჭრობს, თუმცა ამისათვის გარკვეულ პირობებს იცავს.

გარდამავალი პერიოდი 31 დეკემბერს სრულდება, იმ დღის შემდეგ ეს ნორმები აღარ იმოქმედებს. ახლა ბრიტანეთი და ევროკავშირი უნდა შეთანხმდნენ ახალი პარტნიორობის პირობებზე, კერძოდ სავაჭრო ხელშეკრულება უნდა გააფორმონ.

ევროკომისია სთავაზობდა ბრიტანეთს ხელშეკრულების დადებას ყოველგვარი გადასახადებისა და კვოტების გარეშე, თუმცა გარკვეული პირობებით.  თუ ასეთი შეთანხმება ვერ მოხდება, აღდგება სასაზღვრო კონტროლი და გარკვეული ტარიფები. ჯერჯერობით მოლაპარაკებებს შედეგი არ მოჰყოლია, არსებობს გარკვეული უთანხმოება, მათ შორის კონკურენციის წესებზე და თევზჭერის პირობებზე.

ხელშეკრულების გასაფორმებლად ცოტა დრო რჩება: ძალაში შესვლისთვის საჭიროა მისი იურიდიულად გამართვა, რამდენიმე ენაზე თარგმნა და რატიფიცირება - ევროკავშირსა და დიდ ბრიტანეთში.

97
თემები:
მსოფლიო დღეს (2471)
დაკეტილი კაფეები ავსტრიაში

ყველაფერი დაკეტილია: ავსტრიაში მკაცრი ლოკდაუნი სამი კვირით გააგრძელეს

77
მკაცრი კარანტინი ქვეყანაში 26 დეკემბერს დაიწყო. დღემდე ვარაუდობდნენ, რომ ის 24 იანვარს დასრულდებოდა

თბილისი, 17 იანვარი - Sputnik. ავსტრიაში კორონავირუსის გამო მკაცრი ლოკდაუნი 7 თებერვლამდე გაგრძელდება, ასეთი განცხადებით რესპუბლიკის კანცლერი სებასტიან კურცი გამოვიდა.

„ექსპერტები თანხმდებიან იმაში, რომ 7-დღიანი ავადობა უნდა შემცირდეს 50-მდე, იდეალურ შემთხვევაში - 25-მდე, სანამ გახსნას შევძლებთ“, - აღნიშნა კურცმა.

მან განმარტა, რომ ავსტრიისთვის ეს დაახლოებით ინფიცირების 700 ახალ შემთხვევას ნიშნავს, და აღნიშნა, რომ არ არის დარწმუნებული, რომ ამ რიცხვის მიღწევა დადგენილ ვადებში საერთო შესაძლებელია.

ქვეყანაში მკაცრი კარანტინი 26 დეკემბერს დაიწყო, ვარაუდობდნენ, რომ ის 24 იანვარს დასრულდებოდა. უკვე სამი კვირაა ქვეყანაში პრაქტიკულად არაფერი არ მუშაობს: ღიაა მხოლოდ სუპერმარკეტები, აფთიაქები, ბანკები, ასევე მომსახურებათა ის სფეროები, სადაც კლიენტთან ახლო კონტაქტი არ იგულისხმება. 24 საათის განმავლობაში არ შეიძლება სახლის დატოვება საპატიო მიზეზის გარეშე, რაშიც სხვა ყველაფერთან ერთად, გასეირნება მოიაზრება.

მოსახლეობა ასეთი შეზღუდვების გამო ძალიან დაიღალა: შაბათს ავსტრიაში შემზღუდავი ზომების მოწინააღმდეგეთა რამდენიმე დემონსტრაცია გაიმართა, ყველაზე დიდი აქცია ვენაში შეიკრიბა: ქალაქის პოლიციის მონაცემებით, საერთო ჯამში დედაქალაქის ქუჩებში დაახლოებით 10 ათასი ადამიანი გამოვიდა.

შეგახსენებთ, რომ ავსტრიაში 27 დეკემბერს დაიწყო კორონავირუსის საწინააღმდეგო ვაქცინაცია, ის სამ ეტაპად ჩატარდება.

77
შტორმი შავ ზღვაზე

შავ ზღვაში რუსული გემი ჩაიძირა: ეკიპაჟის გადასარჩენად ოპერაცია მიმდინარეობს

162
მიმდინარეობს ოპერაცია რუსული გემის Арвин ეკიპაჟის 13 წევრის გადასარჩენად. ინციდენტი ინკუმუს რაიონში მოხდა

თბილისი, 17 იანვარი – Sputnik. შავ ზღვაში თურქეთის სანაპიროზე სატვირთო გემი „არვინი“ ჩაიძირა, იუწყება ბართინის პროვინციის გუბერნატორი სინან გიუნერი.

მისი მონაცემებით, იწყება ოპერაცია ეკიპაჟის 13 წევრის გადასარჩენად.

გუბერნატორის განცხადებით, არახელსაყრელი მეტეოროლოგიური პირობების გამო სამაშველო ოპერაცია გართულდა, მაშველებს უბედურების ზონამდე მიღწევა უჭირთ.

„ბორტზე ეკიპაჟის 13 წევრი იმყოფებოდა, ყველა რუსეთის მოქალაქეა. ამ მომენტისთვის გადარჩენილია ეკიპაჟის 5 წევრი, სამაშველო კატარღაზე ამოყვანილია ორი ცხედარი, ექვსის ძებნა გრძელდება“, - ციტირებს გიუნერს სააგენტო Anadolu.

ამასთან, ანკარაში რუსეთის საელჩოს მონაცემებით, შავ ზღვაში გემის ჩაძირვის შედეგად დაღუპულები არ არიან.

შავ ზღვაში თურქეთის სანაპიროსთან ჩაძირული გემი „არვინი“ პალაუს დროშის ქვეშ ცურავდა, ამას გემების მონიტორინგის სისტემების - Vesselfinder და Marinetraffic-ის მონაცემები მოწმობს.

162
ყვავილები ზღვის სანაპიროზე

დღის ასტროპროგნოზი ზოდიაქოს ნიშნებისთვის: 18 იანვარი

0
(განახლებულია 13:33 17.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 18 იანვარია, ორშაბათი. მზარდი მთვარე ვერძის ნიშანშია. ამ დღეს პლანეტა მზე მფარველობს.

დღეს განსაკუთრებით აქტუალური იქნება სიახლეებისადმი მისწრაფება. ჩვეული საქმიანობა და მოვალეობები მოსაწყენი გახდება და მათი სამომავლოდ გადადების სურვილი გაჩნდება. გამძაფრდება ემოციურობა, ცნობისმოყვარეობა და თუ ზოგიერთი ცნობისმოყვარეობის დაკმაყოფილებას შეეცდებით, დღე, შესაძლოა, საკმაოდ მრავალფეროვანი და კაშკაშა გამოვიდეს. ერთადერთი, რასაც უნდა მოერიდოთ, ეს კამათია, რომელიც სულ უსაფუძვლოდ შეიძლება დაიწყოს და შემდეგ მისი შეჩერება ძალიან გართულდება.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: დღეს დიდი ალბათობაა, რომ თქვენი ურთიერთობების გამოცდა მოეწყოს. ეს შეიძლება იყოს სამუშაო კონტაქტების ან ახლობელ ადამიანებთან ურთიერთობების შემოწმება. დღე კონფლიქტური სიტუაციების წარმოშობას შეუწყობს ხელს და თუ გამწვავებას მოერიდებით, მთელი დიპლომატიური უნარების გამოჩენა მოგიწევთ. ვარსკვლავები გაფრთხილებენ, რომ როგორც არ უნდა მოგინდეთ გარშემომყოფების გაკრიტიკება, თავი შეიკავეთ და ეს არ გააკეთოთ, წინააღმდეგ შემთხვევაში ძალზე სავალალო შედეგები შეიძლება დადგეს.

კურო: ყურადღება გმართებთ იმის მიმართ, რასაც ირვლივ მყოფნი ლაპარაკობენ: შესაძლოა, რაღაც საინტერესო გაიგოთ, მაგალითად, ინფორმაცია, კარგი იდეა. დღეს ასევე არ ღირს გარშემომყოფების რჩევების იგნორირება, შემოთავაზებულ დახმარებაზე უარის თქმა, რადგან თქვენი წარმატების გასაღები არა მხოლოდ პირადი ძალისხმევა, არამედ გვერდით მდგომი ადამიანების ხელშეწყობაც იქნება.

ტყუპი: დღეს თქვენი ცნობისწადილი ძალზე გაზრდილი იქნება, ასევე თქვენი ემოციებით დამუხტავთ გარშემომყოფებს. შესაძლოა, სწორედ დღეს ახალი ჰობი გაგიჩნდეთ, ან ვინმე საინტერესო ადამიანი გაიცნოთ რომანტიკული ურთიერთობებისთვის. თქვენი ცნობისმოყვარეობა იმდენად მაღალ დონეზეა, რომ ინტერესის დასაკმაყოფილებლად მთების გადადგმა შეგიძლიათ. ამასთან ვარსკვლავები გაფრთხილებენ, რომ თქვენი დღევანდელი გატაცება, დიდი ალბათობით, მყარი არ აღმოჩნდება და გაჩენილი ნაპერწკალი მალე მინავლდება.

კირჩხიბი: ვარსკვლავები დღეს კარგ შესაძლებლობებს მოგცემენ ისეთ საქმეებში, რომლებიც დაკავშირებულია გონებრივ მუშაობასთან და მოფიქრება–დაგეგმვასთან. არცთუ წარმატენული დღეა იმისთვის, რომ იდეებს ცხოვრებაში შეასხათ ხორცი, მაგრამ მათი გენერირებისთვის იდეალური დროა. დღეს მოფიქრებულ გეგმებს წარმატების დიდი შანსები აქვს. ასე რომ, ძილშიც კი მზად იყავით, რომ თუ გენიალური იდეა გეწვიათ, მაშინვე ჩაინიშნოთ და შემდეგ ცხოვრებაში განახორციელოთ.

ლომი: დღეს თქვენთვის ერთ ადგილზე ჯდომა უკუნაჩვენებია. ცხოვრება ახალ მოვლენებს, ემოციებს, შთაბეჭდილებებსა და სისხლში მეტ ადრენალინს მოითხოვს. დღეს ორ რამეში არ უნდა შეაკავოთ თავი: მოძრაობასა და ურთიერთობებში. ფიტნესი, შოპინგი, დილის გარბენა, ახალი ნაცნობობა – ეს ყველაფერი თქვენთვის, უბრალოდ, სასიცოცხლოდ აუცილებელია. შესაძლოა, სპორტის ექსტრემალური სახეობებით ნერვების „შეტოკება“ მოგინდეთ, ან უცნობთან ფლირტი. და რატომაც არა? მთავარია, სიტუაციაზე და საკუთარ თავზე კონტროლი არ დაკარგოთ.

ქალწული: დღეს გარშემომყოფებთან უთანხმოებებია მოსალოდნელი. საერთო ენის გამონახვა მეგობრებთან და ახლობლებთანაც კი შეიძლება გაგიჭირდეთ. ამის მიზეზი თქვენი კატეგორიულობა და კომპრომისზე წასვლის სურვილის არქონა გახდება. თუნდაც ასე არ იყოს, დღეს უსაზღვრო მოთმინებისა და დიპლომატიურობის გამოჩენა მოგიწევთ. ბოლოს და ბოლოს, თუ კამათი პრინციპუყლ საკითხებს არ შეეხება, რატომ არ უნდა დათმოთ? ეს ჯობია, ვიდრე მთელი დღე იმის გამორკვევაში გაატაროთ, ვინაა დამნაშავე და რა გააკეთოთ ამის შემდგომ.

სასწორი: დღეს ვითარებამ, შესაძლოა, არჩევნის წინაშე დაგაყენოთ და ტანჯვად გექცეთ საკითხი, თუ რა გააკეთოთ და როგორ მოიქცეთ. არჩევანი შეიძლება შეეხებოდეს სამუშაო პროექტებს, საყიდლებს ან პირად ცხოვრებას, შეიძლება სიყვარულის საკითხებს და თქვენს მომავალ ცხოვრებასაც. მთავარი ისაა, რომ როდესაც არჩევანს გააკეთებთ, სხვა ვარიანტები უნდა დაივიწყოთ, ამიტომ ვარსკვლავები მოგიწოდებენ, ყველაფერი კარგად აწონ–დაწონოთ. და საუკეთესო არჩევნისთვის წესი ასეთი იქნება: გული გიკარნახებთ, რა გააკეთოთ და გონება – რა არ გააკეთოთ.

მორიელი: დღეს თქვენი გული და გონება ერთმანეთს დაუპირისპირდება: სურვილი ერთ მხარეს გიბიძგებთ, ხოლო ლოგიკა და ფაქტები – მეორე მხარეს. თუ ასეთი რამ მოხდა, ექსპერტები გირჩევენ, არ აჩქარდეთ, რადგან, დიდი ალბათობით, რა გზაც არ უნდა აირჩიოთ, არასწორი იქნება. ნამდვილი გადაწყვეტილება გულითა და გონების ერთად უნდა მიიღოთ. თუ თავდაჯერებული არ ხართ, მაშინ აჯობებს, სხვა ვარიანტები მოძებნოთ.

მშვილდოსანი: დღეს კარგი შესაძლებლობები მოგეცემათ იქ, სადაც სიცოცხლე ჩქეფს და ახალი ნაცნობობის გაბმის საშუალება გაქვთ. ხართ უმაღლეს დონეზე კომუნიკაბელური, ადვილად აბამთ ურთიერთობებს. თუ ძველი პრობლემის გადაჭრისთვის ახლებურ დამოკიდებულებას გადაწყვეტთ, წარმოსახვა გამოიყენეთ. თქვენი ფანტაზია იდეალურად მიესადაგება არა მხოლოდ პრობლემის გადაჭრას, არამედ ეს უნარი შეგიძლიათ გამოიყენოთ მუშაობაშიცა და ოჯახურ ცხოვრებაშიც.

თხის რქა: დღეს რუტინული სამუშაოს შესრულების განწყობა არ გექნებათ, რადგან მოგზაურობის სურვილის „ქარი დაუბერავს“. ვარსკვლავები გირჩევენ, სასიამოვნო სასარგებლოს შეუხამოთ და შვებულება დაგეგმოთ, თუნდაც მანამდე დიდი დრო იყოს დარჩენილი. ეს სამომავლო მიზანს დაგისახავთ, მოგცემთ მძლავრ პოზიტივს და ყოველდღიურ ყოფასთან შეგუებაში დაგეხმარებათ.

მერწყული: თავს სახლიდან მოშორებით იგრძნობთ. ოფისში ან სახლში მუშაობის განწყობა არ გექნებათ. გაჩნდება სურვილი, რომ ცხოვრებაში რაც შეიძლება მეტი მრავალფეროვნება შეიტანოთ, გამდიდრდეთ ახალ–ახალი შთაბეჭდილებებით. გაისეირნეთ, შესაძლოა, რომანტიკულ ნაცნობობასაც გამოჰკრათ ხელი, შეხვდეთ საინტერესო ადამიანებს. ეს ყველაფერი თქვენს გრძნობებს გაამდიდრებს.

თევზები: დღეს განწყობა გექნებათ იმგვარი, რომ დროის სახლში გატარება არ მოგინდებათ. თუ ინერტულობას გადალახავთ და სახლიდან გახვალთ, არ ინანებთ – გაქვთ შანსი, რომ დრო საინტერესოდ გაატაროთ, გაიცნოთ საინტერესო ადამიანები. დროა, გაალამაზოთ ყოველდღიურობა და გახსოვდეთ, რომ კარგი დღე ისაა, რომელშიც ჩვეულ წესებს არ იცავენ და დღე არ იწყება მაღვიძარითა და არ მთავრდება ტელევიზორით.

0