გაეროს გენერალური მდივანი ანტონიუ გუტერეში

გაერომ ქვეყნებს მოუწოდა, კლიმატის სფეროში საგანგებო მდგომარეობა გამოაცხადონ

101
(განახლებულია 12:23 13.12.2020)
წინააღმდეგ შემთხვევაში ამ საუკუნეში კაცობრიობას შეიძლება დაუდგეს კატასტროფული დათბობა - სამ გრადუსზე მეტი, აღნიშნა გაეროს გენერალურმა მდივანმა.

თბილისი, 13 დეკემბერი – Sputnik. გაეროს გენერალურმა მდივანმა ანტონიუ გუტერეშმა მსოფლიო ლიდერებს მოუწოდა, საკუთარ ქვეყნებში კლიმატის სფეროში საგანგებო მდგომარეობა გამოაცხადონ, ვიდრე ნახშირბადის ნეიტრალობა არ იქნება მიღწეული.

ნახშირბადის ნეიტრალობა გულისხმობს, რომ ნახშირორჟანგის გამონაბოლქვი კომპენსირდება იმ ნახშირბად-ნეგატიური პროექტების რეალიზაციის ხარჯზე, რა დროსაც ნახშირორჟანგი ატმოსფეროდან შეიწოვება.

გუტერეშმა განაცხადა, რომ კლიმატის შესახებ პარიზის შეთანხმების ხელმოწერის დროს ქვეყნების მიერ ნაკისრი ვალდებულებები არ სრულდება. მისი თქმით, ნახშირბადის დიოქსიდის კონცენტრაციამ რეკორდულ დონეს მიაღწია, დედამიწაზე დღეს ტემპერატურა 1,2 გრადუსით მაღალია, ვიდრე სამრეწველო რევოლუციამდე იყო. ამ საუკუნეში კაცობრიობას შეიძლება დაუდგეს კატასტროფული დათბობა - სამ გრადუსზე მეტი, აღნიშნა გაეროს გენერალურმა მდივანმა.

„სწორედ ამიტომ დღეს მსოფლიოს ყველა ლიდერს მოვუწოდებ, საკუთარ ქვეყნებში კლიმატის სფეროში საგანგებო მდგომარეობა გამოაცხადონ, ვიდრე ნახშირბადის ნეიტრალობა არ იქნება მიღწეული“, – აღნიშნა მან.

გუტერეშის თქმით, უკვე 38-მა ქვეყანამ გადადგა ეს ნაბიჯი და აღიარა სიტუაციის გადაუდებელი ხასიათი, ამიტომ მან მოუწოდა დანარჩენებს, ამ მაგალითს მიბაძონ.

გაეროს გენმდივანმა ასევე მოუწოდა ქვეყნებს დააწესონ გადასახადი გარემოს ნახშირორჟანგით დაბინძურებისთვის, ეტაპობრივად შეწყვიტონ წიაღისეული ენერგომატარებლების სექტორის დაფინანსება და საბოლოოდ შეწყვიტონ მისი სუბსიდირება. გარდა ამისა, მან მოუწოდა, შეწყდეს ნახშირზე მომუშავე ახალი სადგურების მშენებლობა, ხოლო ნახშირორჟანგის გამონაბოლქვი და გადასახადების ტვირთი გადასახადების გადამხდელების ნაცვლად დაეკისროს მათ, ვინც გარემოს აბინძურებს.

კლიმატის შესახებ პარიზის შეთანხმება 2015 წლის 12 დეკემბერს 21-ე კონფერენციის შედეგების მიხედვით პარიზში გაფორმდა. კონფერენცია მიეძღვნა ჩარჩო-კონვენციას კლიმატის ცვლილების შესახებ. ეს პირველი გლობალური შეთანხმებაა კლიმატის შესახებ, რომელიც 190 ქვეყნის მიერ არის ხელმოწერილი და გლობალური დათბობის შესაკავებლად მსოფლიო სამოქმედო გეგმას განსაზღვრავს. შეთანხმება არ ითვალისწინებს წიაღისეულ საწვავზე მთლიანად უარის თქმას. თუმცა ყველა მხარემ უნდა მიიღოს ზომები გამონაბოლქვის შესამცირებლად, ტექნოლოგიური გადაიარაღებისა და კლიმატის ცვლილებებისადმი ადაპტაციის კუთხით. გარდა ამისა, ენერგომატარებლებში სულ უფრო მეტი წილი ენერგიის აღდგენად წყაროებზე უნდა მოდიოდეს.

101
თემები:
გარემოს დაცვა და ეკოლოგია (151)
გრაფიტი კედელზე COVID-19-ის თემაზე

პანდემიის განვითარების ორი მოდელი 2021 წელს: რა მოხდება უკეთეს და უარეს შემთხვევებში

28
(განახლებულია 16:53 16.01.2021)
ჩინელმა მეცნიერებმა კორონავირუსის პანდემიის განვითარების ორი მოდელი შეიმუშავეს და პროგნოზები გამოაქვეყნეს

თბილისი, 16 იანვარი - Sputnik. ჩინელი მეცნიერების ჯგუფმა, რომელშიც დაავადებათა კონტროლისა და პროფილაქტიკის ცენტრის, სახალხო არმიისა და მთელი რიგი სხვა სამეცნიერო-კვლევითი ინსტიტუტების სწავლულებისგან შედგებოდა, პროფესორ სიუი ცზიანგოს ხელმძღვანელობით, 2021 წელს კორონავირუსული პანდემიის განვითარების მოდელი შეიმუშავეს, წერს South China Morning Post-ი. 

ერთი ვარიანტის თანახმად, კორონავირუსით ინფიცირებულთა საერთო რაოდენობა მსოფლიოში 170 მილიონ ადამიანამდე გაიზრდება უახლოეს ორ თვეში. ამასთან, როგორც პროფესორი ცზიანგო აღნიშნავს, საერთო რაოდენობის ერთი მეხუთედი აშშ-ზე მოვა.

გარდა ამისა, მოდელირების ამ ვარიანტით გამოითვალა სავარაუდო მსხვერპლის რაოდენობაც.

„მარტის დასაწყისისთვის COVID-19-ით გარდაცვლილთა რაოდენობამ შეიძლება ხუთ მილიონს მიაღწიოს“, - ამბობს პროფესორი.

რაც შეეხება ყველაზე ოპტიმისტურ სცენარს, მისი რეალიზაციისთის მეცნიერებს სოციალური დისტანცირება და პირბადეების ტარება, ასევე მასობრივი ვაქცინაციის ჩატარება მიაჩნიათ აუცილებლად. თუმცა, ყველა ამ პირობის დაცვის შემთხვევაშიც კი, ჩინელი მეცნიერების გათვლებით, მიმდინარე წლის მარტის დასაწყისისთვის მსოფლიოში კიდევ სამასი ათასი ადამიანი გარდაიცვლება COVID-19-სგან.

სწავლულების თქმით, ძირითადი პრობლემა ისაა, რომ ვირუსი SARS-CoV-2, ისევე როგორც გრიპი, ვითარდება. ეს კი იმას ნიშნავს, რომ ადამიანის ორგანიზმთან ვირუსის ადაპტაციამ შეიძლება დაავადებას სეზონური ხასიათი შესძინოს, რაც მნიშვნელოვნად გაართულებს მასთან ბრძოლას.

28
თემები:
მსოფლიო და მეცნიერება

ძლიერი მიწისძვრის შედეგები ინდონეზიაში - ფოტო

79
  • ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა
  • სტიქიის შედეგად დაიღუპა 26 ადამიანი
  • სხვადასხვა კატეგორიის დაზიანება მიიღო ასობით ადამიანმა
  • პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი
  • დანგრეულია 60 შენობა
  • მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები
  • ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო
  • კერა რვა კილომეტრის სიღრმეზე იყო
  • ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი
  • მიწისქვეშა ბიძგებმა რამდენიმე მეწყერის ჩამოწოლაც გამოიწვია
ინდონეზიის კუნძულ ახალ გვინეიზე ძლიერი მიწისძვრა მოხდა. იხილეთ Sputnik-საქართველოს ფოტოლენტაში დამანგრეველი სტიქიის შედეგები

გუშინ ქვეყანაში 5,7 და 6,2 მაგნიტუდის ორი მიწისძვრა მოხდა. მეორე მიწისძვრის ეპიცენტრი კუნძული სულავესის ქალაქ მამუჯუს მახლობლად იყო. ბოლო მონაცემებით, სტიქიის შედეგად 26 ადამიანი დაიღუპა, რამდენიმე ასეული დაშავდა. 

79
  • ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა
    © AP Photo / Rudy Akdyaksyah

    ხუთშაბათს ინდონეზიის კუნძულ სულავესიზე 6,2 მაგნიტუდის მიწისძვრა დაფიქსირდა

  • სტიქიის შედეგად დაიღუპა 26 ადამიანი
    © AFP / Firdaus

    სტიქიის შედეგად დაიღუპა 26 ადამიანი

  • სხვადასხვა კატეგორიის დაზიანება მიიღო ასობით ადამიანმა
    © REUTERS / Basarnas Sulbar

    სხვადასხვა კატეგორიის დაზიანება მიიღო ასობით ადამიანმა

  • პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი
    © REUTERS / Antara Foto/Akbar Tado

    პროვინცია დასავლეთ სულავესიში დაახლოებით 2 ათასი ადამიანი გახდა იძულებული დაეტოვებინა საცხოვრებელი

  • დანგრეულია 60 შენობა
    © AP Photo / Sadly Ashari Said

    დანგრეულია 60 შენობა

  • მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები
    © REUTERS / Basarnas Sulbar

    მათ შორის მამუჯუს საავადმყოფოც, რომლის ნანგრევებშიც კვლავ იმყოფებიან ადამიანები

  • ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო
    © AFP / Firdaus

    ევროპის ხმელთაშუაზღვის სეისმოლოგიური ცენტრის მონაცემებით, მიწისძვრის ეპიცენტრი ქალაქ პარე-პარედან ჩრდილო დასავლეთით 139 კილომეტრში იყო

  • კერა რვა კილომეტრის სიღრმეზე იყო
    © AP Photo / Rudy Akdyaksyah

    კერა რვა კილომეტრის სიღრმეზე იყო

  • ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი
    © REUTERS / Antara Foto/Akbar Tado

    ინდონეზიის მეტეოროლოგიისა და გეოფიზიკის სააგენტოს ხელმძღვანელმა დვიკორიტ კარნავატიმ განაცხადა, რომ დაფიქსირდა 26-ზე მეტი აფთერშორკი

  • მიწისქვეშა ბიძგებმა რამდენიმე მეწყერის ჩამოწოლაც გამოიწვია
    © REUTERS / Antara Foto/Akbar Tado

    მიწისქვეშა ბიძგებმა რამდენიმე მეწყერის ჩამოწოლაც გამოიწვია

საპროტესტო აქცია ExpoGeoriga-სთან

Expo Georgia-სთან აქციაზე დაკავებული პირები ხელწერილის საფუძველზე გაათავისუფლეს

0
(განახლებულია 17:48 16.01.2021)
სამართალდამცველებმა აქციის ცხრა მონაწილე ადმინისტრაციული წესით, წვრილმანი ხულიგნობისა და დაუმორჩილებლობის ბრალდებით დააკავეს.

თბილისი, 16 იანვარი - Sputnik. საგამოფენო ცენტრ Expo Georgia-სთან აქციაზე დაკავებული ცხრავე პირი ხელწერილის საფუძველზე გაათავისუფლეს, იუწყება პირველი არხი.

Expo Georgia-სთან, სადაც დღეს მმართველი პარტია „ქართული ოცნება - დემოკრატიული საქართველოს“ ყრილობა ჩატარდა, მოძრაობა „სირცხვილიას“ და „შეცვალეს“ აქტივისტებმა  საპროტესტო აქცია გამართეს.

სამართალდამცველებსა და აქციის მონაწილეებს შორის დაპირისპირება მას შემდეგ დაიწყო, რაც აქტივისტებმა გზის გადაკეტვა სცადეს. სამართალდამცველებმა მათ საავტომობილო მოძრაობის შეფერხების საშუალება არ მისცეს. აქციაზე ცხრა პირი დააკავეს.

დღეს „ქართული ოცნებამ“ ყრილობაზე პარტიის თავმჯდომარე (ირაკლი კობახიძე) და პოლიტსაბჭოს წევრები აირჩია. პარტიის განახლება მას შემდეგ გახდა საჭირო, რაც ყოფილმა თავმჯდომარე ბიძინა ივანიშვილმა პოლიტიკა საბოლოოდ დატოვა.

0