მხატვრის ატრიბუტები

რეპროდუქცია ეგონათ: დაკარგული შედევრი 60 წელი ეკიდა ოფისის კედელზე

112
(განახლებულია 19:37 11.12.2020)
ნახატს შემთხვევით მიაქციეს ყურადღება ოფისში ინვენტარიზაციაზე მისულმა ექსპერტებმა და ის შესასწავლად წაიღეს.

თბილისი, 11 დეკემბერი — Sputnik. ნახატი, რომელიც ბელგიაში, ბრიუსელის სენ-ჟილეს რაიონის ადმინისტრაციის კაბინეტის კედელზე 60 წელზე მეტი ხნის განმავლობაში ეკიდა, ფლამანდიური სკოლის მხატვრის იაკობ იორდანსის დაკარგული შედევრი აღმოჩნდა, იუწყება გამოცემა The Guardian.

​გავრცელებული ინფორმაციით, ნახატს „წმიდა ოჯახი“, რომელიც ადმინისტრაციაში რეპროდუქცია ეგონათ, კულტურული მემკვიდრეობის სამეფო ინსტიტუტის თანამშრომლებმა მიაქციეს ყურადღება 2019 წელს ინვენტარიზაციის დროს. შესაბამისად, ის შემდგომი შესწავლისა და ანალიზისთვის წაიღეს.

სურათის გამოკვლევამ აჩვენა, რომ ტილო 1617 ან 1618 წლებშია დახატული და არის ნახატის პირველი ვარიაცია, რომლის შემდგომი ვერსიებიც ინახება მსოფლიოს წამყვან მუზეუმებში: სანკტ-პეტერბურგის ერმიტაჟში, ნიუ-იორკის მეტროპოლიტენ-მუზეუმსა და მიუნხენის ძველ პინაკოთეკაში.

ბელგიის ნატიფი ხელოვნების სამეფო მუზეუმების უფროსმა კურატორმა იოსტ ვანდერ აუვერამ აღნიშნა, რომ აღმოჩენამ ხელი შეუწყო იორდანსის ადრეული ნამუშევრების არა მხოლოდ ზუსტ დათარიღებას, არამედ მისი ერთ-ერთი ყველაზე მნიშვნელოვანი ნახატის ისტორიის შესწავლასაც.

მისი თქმით, ხის იმგვარ პანელს, რომელზეც ნახატია შესრულებული, სხვა ფლამანდიელი ფერმწერი ანტონის ვან დეიკიც იყენებდა. შესაბამისად, ექსპერტს მიაჩნია, რომ ორივე მხატვარი იმ დროს რუბენსის სახელოსნოში მუშაობდა. 

ნახატს ერთი წლის განმავლობაში რესტავრაცია ჩაუტარდება, 2021 წლის ბოლოს კი ბელგიის ნატიფი ხელოვნების სამეფო მუზეუმებში გამოიფინება.

112
თემები:
მსოფლიო დღეს (2471)
რუსული ვაქცინით „სპუტნიკ V“ არგენტინის ლიდერი აიცრა

რუსული ვაქცინით „სპუტნიკ V“ არგენტინის ლიდერი აიცრა

16
არგენტინის ხელისუფლებამ რუსული ვაქცინა „სპუტნიკ V“-ს გამოყენების ნებართვა 2020 წლის დეკემბერში გასცა

თბილისი, 21 იანვარი - Sputnik. არგენტინის პრეზიდენტ ალბერტო ფერნანდესს კორონავირუსის საწინააღმდეგო რუსული ვაქცინა „სპუტნიკ V“-ს პირველი კომპონენტის ინიექცია გაუკეთეს, ამის შესახებ სახელმწიფოს მეთაურმა თავის Facebook-გვერდზე დაწერა.

„დღეს ავიცერი ვაქცინით „სპუტნიკ V“. მადლობა გამალეის ინსტიტუტსსამეცნიერული საქმიანობისთვის, მათ, ვინც მუშაობდა მასზე და ჩვენი ქვეყნის ყველა მედმუშაკს მათი თავდადებისთვის“, - ნათქვამია განცხადებაში.

ფერნანდესმა ასევე აღნიშნა, რომ ვაქცინა კორონავირუსის მიმართ იმუნიტეტს აყალიბებს და მოქალაქეებს მოუწოდა, მის მაგალითს მიბაძონ.

არგენტინის ხელისუფლებამ რუსული ვაქცინა „სპუტნიკ V"-ს გამოყენების ნებართვა 2020 წლის დეკემბერის ბოლოს გასცა. პირველი დოზებით აცრეს 18-დან 59 წლამდე მედიკოსები და ინტენსიური თერაპიის თანამშრომლები. გუშინ არგენტინის მარეგულირებელმა დაუშვა რუსული ვაქცინით 60 წელს გადაცილებულ მოქალაქეთა აცრა.

ამ დროისთვის ვაქცინა „სპუტნიკ V" დაჩქარებული პროცედურის ფარგლებში უკვე დარეგისტრირებული და დამტკიცებულია არგენტინაში, ბელარუსში, პალესტინაში, არაბეთის გაერთიანებულ საამიროებში, ვენესუელაში, პარაგვაიში, თურქმენეთში, სერბეთში, უნგრეთში, ბოლივიასა და ალჟირში.

16
დოლარები

ჯეკპოტი Powerball-ში: აშშ-ში უცნობმა იღბლიანმა 700 მილიონ დოლარზე მეტი მოიგო

67
ყველაზე დიდი მოგება Powerball-ში იყო თანხა 1,58 მილიარდი დოლარი: ის 2016 წელს სამმა ადამიანმა გაინაწილა

თბილისი, 21 იანვარი – Sputnik. აშშ-ში Powerball-ის ლატარია გათამაშდა - უცნობი იღბლიანი 731 მილიონ დოლარს მიიღებს, იუწყება ტელეარხი Fox2.

ტელეარხის ინფორმაციით, მომგებიანი ბილეთი მერილენდის შტატში გაიყიდა, ხოლო გათამაშება ოთხშაბათს, 20 იანვარს გაიმართა.

ეს ჯეკპოტი აშშ-ის ისტორიაში სიდიდით მეხუთეა, ის გათამაშდა მეორე დღეს მას შემდეგ, რაც ვერავინ ვერ ამოიცნო რიცხვების სწორი კომბინაცია სხვა პოპულარულ ლატარიაში - Mega Millions-ში. მასში მაქსიმალური თანხა, რომლის მოგებაც შესაძლებელია, 970 მილიონამდე გაიზარდა.

Powerball-ში ყველაზე დიდი მოგება იყო 1,58 მილიარდი დოლარი: ეს თანხა 2016 წელს სამმა ადამიანმა გაინაწილა.

ლატარიის წესების მიხედვით, მოგების მიღების ორი ვარიანტი არსებობს: მას 30 წლის განმავლობაში უხდიან მოგებულს (სრული თანხა) ან ერთჯერადად უხდიან (ამ შემთხვევაში თანხა ნაკლები იქნება). თუ ოთხშაბათს გათამაშებული ჯეკპოტის მფლობელი მეორე ვარიანტს აირჩევს, მას 546 მილიონ დოლარზე ოდნავ მეტს გადაუხდიან.

67
ეპიდემია საქართველოში

შეზღუდვები, რომელიც 1 თებერვლიდან გაუქმდება: სრული ჩამონათვალი

0
(განახლებულია 16:25 22.01.2021)
28 ნოემბრიდან დაწესებულმა შეზღუდვებმა ეპიდვითარების დასტაბილურებაზე პირდაპირი გავლენა იქონია, მაგრამ ეპიდემილოგების განცხადებით, ეს დამშვიდების საფუძველს არ იძლევა.

თბილისი, 22 იანვარი - Sputnik. უწყებათაშორისმა საკოორდინაციო საბჭომ ქვეყანაში მოქმედი შეზღუდვების ეტაპობრივი მოხსნის გადაწყვეტილება  დღეს გამართულ სხდომაზე მიიღო.

კერძოდ, ეპიდემიოლოგიური ვითარების გათვალისწინებით, შეზღუდვების ეტაპობრივი გაუქმების გეგმა ასეთია:

1 თებერვლიდან:

– აღდგება რეგულარული ავიარეისები

– საქართველოს ხუთ ქალაქში – ბათუმში, ზუგდიდში, გორში, ფოთსა და თელავში აღდგება მუნიციპალური ტრანსპორტის მოძრაობა და სკოლებში სასწავლო პროცესი

– ქვეყნის მთელ ტერიტორიაზე მუშაობას განაახლებს ყველა მაღაზია და სავაჭრო ცენტრი

– აჭარაში საქმიანობას განაახლებს ღია ტიპის კვების ობიექტები

– ბათუმში, ზუგდიდში, გორში, თელავსა და ფოთში ე.წ. კარანტინი უქმე დღეებში იმოქმედებს, როდესაც შაბათ–კვირას არ იმოძრავებს საზოგადოებრივი ტრანსპორტი და არ იმუშავებს მაღაზიები, რესტორნები და კაფე–ბარები

15 თებერვლიდან:

- ყველა ქალაქში  გაიხსნება ღია და დახურული ბაზრობები 

შეზღუდვები, რომელიც ნარჩუნდება:

– ძალაში რჩება თბილისში, რუსთავსა და ქუთაისში საზოგადოებრივი ტრანსპორტის მუშაობაზე დაწესებული შეზღუდვა

– იკრძალება საქალაქთაშორისო ტრანსპორტის გადაადგილება

– არ იხსნება ზამთრის კურორტები

– 21:00 საათიდან  05:00 საათამდე გადაადგილებაზე შეზღუდვა

–  სავალდებულოა პირბადის ტარება

–  იკრძალება მასობრივი ღონისძიებების გამართვა

– აკრძალულია სპორტდარბაზებისა და აუზების მუშაობა

1 მარტიდან

- თბილისში, ქუთაისსა და რუსთავში  აღდგება მუნიციპალური ტრანსპორტის გადაადგილება

–  ქვეყნის მასშტაბით საქმიანობას განაახლებენ  სკოლები და საბავშვო ბაღები

-  პროფესიულ და უმაღლეს სასწავლო დაწესებულებებში სტუდენტები აუდიტორიებში დაბრუნდებიან

– აღდგება საქალაქთაშორისო ტრანსპორტის მოძრაობა

– მუშაობას განაახლებენ ზამთრის კურორტები

– გაუქმდება 21:00 საათიდან 05:00 საათამდე პერიოდში ქუჩაში გადაადგილებაზე დაწესებული შეზღუდვა

როგორც საქართველოს მთავრობაში აცხადებენ, აღნიშნულ გეგმაში ცვლილება ქვეყანაში შექმნილი ეპიდვითარებიდან გამომდინარე მოხდება

0
თემები:
კორონავირუსი საქართველოში: ბოლო ცნობები