ტესტირება ფილადელფიაში

კორონავირუსი მსოფლიოში ბოლო მონაცემები 11 დეკემბრისთვის

87
(განახლებულია 14:40 11.12.2020)
მსოფლიოში კოვიდ-ინფიცირებულთა რიცხვი კვლავ იზრდება, მხოლოდ ბოლო დღე-ღამის განმავლობაში დაფიქსირდა ინფექციის თითქმის 400 ათასი ახალი შემთხვევა, ექვსი ათასზე მეტი ადამიანი გარდაიცვალა.

თბილისი, 11 დეკემბერი – Sputnik. მთელ მსოფლიოში ახალი ტიპის კორონავირუსით ინფიცირებულთა რაოდენობამ 10 დეკემბრის დილისთვის 68.165.877 ადამიანი შეადგინა, გარდაიცვალა 1.557.385, ნათქვამია ჯანდაცვის მსოფლიო ორგანიზაციის (ჯანმო) ვებ-გვერდზე.

ჩრდილოეთ და სამხრეთ ამერიკაში პანდემიის დასაწყისიდან დაფიქსირდა 29.139.394 ინფიცირებული, ევროპაში – 20.869.839 და აზიაში – 11.237.814 .

ბოლო დღე-ღამის განმავლობაში ინფიცირებულთა რიცხვი მსოფლიოში 385.477-ით გაიზარდა, 6.171 ადამიანი გარდაიცვალა.

ამავე დროს, ჯონს ჰოპკინსის უნივერსიტეტის მონაცემებით, გამოვლენილია კორონავირუსის 69.531.812 შემთხვევა და გარდაცვლილია 1.580.867 ადამიანი.

ჯანმომ კორონავირუსის გავრცელება პანდემიად 2020 წლის 11 მარტს გამოაცხადა.

კორონავირუსი აშშ-ში

შეერთებულ შტატებში საკარანტინო ზომების შესუსტების ფონზე ავადობისა და სიკვდილიანობის მაჩვენებელი მუდმივად იზრდება.

ჯონს ჰოპკინსის უნივერსიტეტის მონაცემებით, ბოლო ერთი დღის განმავლობაში ქვეყანაში ახალი კორონავირუსით ინფიცირების შემთხვევების რაოდენობამ 221 ათასს გადააჭარბა, 3.124 ადამიანი გარდაიცვალა.

უნივერსიტეტის მონაცემებით, ბოლო 24 საათის განმავლობაში შეერთებულ შტატებში დაფიქსირდა COVID-19-ის 221.267 ახალი შემთხვევა. გასულ კვირაში ექიმებმა ერთ დღეში ახალი შემთხვევების რეკორდული მაჩვენებელი დააფიქსირეს – 227.885.

უნივერსიტეტის მონაცემებით, შეერთებულ შტატებში საერთო ჯამში კორონავირუსული ინფექციის თითქმის 15,4 მილიონი შემთხვევაა რეგისტრირებული, 289 ათასზე მეტი ადამიანი გარდაიცვალა. განკურნებულია 5,8 მილიონზე მეტი პაციენტი.

კორონავირუსი ინდოეთში და ბრაზილიაში

ინდოეთში, რომელიც ინფიცირებულთა რაოდენობით მეორეა მსოფლიოში და სიკვდილიანობის მიხედვით მესამე ადგილზეა, გამოვლინდა 9.767.371 შემთხვევა, დაიღუპა 141.772 ადამიანი. გამოჯანმრთელდა 9,2 მილიონზე მეტი პაციენტი.

მოსკოვში კორონავირუსზე ვაქცინაცია დაიწყო >>

პანდემიის დაწყებიდან ბრაზილიაში კორონავირუსის გამოვლენილი შემთხვევების რაოდენობამ შეადგინა 6,7 მილიონი, 179 ათასზე მეტი ადამიანი გარდაიცვალა და თითქმის 6 მილიონი გამოჯანმრთელდა. ბრაზილია მსოფლიოში მესამე ადგილზეა კორონავირუსით ინფიცირებულთა მიხედვით, ხოლო სიკვდილიანობის მიხედვით მეორე ადგილს იკავებს.

სიტუაცია მსოფლიოში

ჯანმოს მონაცემებით, რუსეთი ინფიცირებული 2,5 მილიონი ადამიანით მსოფლიოში მეოთხე ადგილს იკავებს. ბოლო დღის განმავლობაში ქვეყანაში COVID-19-ის 27.927 შემთხვევა გამოვლინდა. პანდემიის დაწყებიდან დადასტურდა 2.569.126 შემთხვევა, 2.033.669 გამოჯანმრთელდა, ხოლო 45.280 პაციენტი გარდაიცვალა.

COVID-19 ინფექციის გამოვლენილი შემთხვევების რაოდენობა დიდ ბრიტანეთში ბოლო დღის განმავლობაში 20.964-ით გაიზარდა, რაც მნიშვნელოვნად აღემატება წინა დღის მაჩვენებელს. 516 ადამიანი გარდაიცვალა, ამას ქვეყნის ჯანდაცვის სამინისტრო ადასტურებს. წინა დღეს დიაგნოზი დაუდასტურდა 16.578 ადამიანს, გარდაიცვალა 533 ადამიანი. საერთო ჯამში ქვეყანაში კორონავირუსის პანდემიის დაწყებიდან კორონავირუსი დაუდასტურდა 1.787.783 ადამიანს, ხოლო 63.082 პაციენტი გარდაიცვალა.

თურქეთში COVID-19-ის შემთხვევათა რაოდენობამ დღე-ღამეში 30.424 შეადგინა, 220 ადამიანი გარდაიცვალა. ქვეყნის ჯანდაცვის სამინისტროს მონაცემებით, ეს ყველაზე მაღალი მაჩვენებელია პანდემიის დასაწყისიდან. როგორც უწყების ხელმძღვანელმა ფაჰრეტინ კოჯამ ადრე განაცხადა, კორონავირუსის პანდემიამ თურქეთის რამდენიმე რეგიონში, მათ შორის სტამბულში, მესამე პიკს მიაღწია. ბოლო ორი კვირის განმავლობაში ქვეყანაში არაერთხელ დაფიქსირდა კორონავირუსის ახალი შემთხვევების და გარდაცვალების რეკორდული რაოდენობა.

საბერძნეთში ბოლო დღე-ღამის განმავლობაში კორონავირუსით ინფიცირების 1.534 ახალი შემთხვევა დაფიქსირდა, მათ შორის ინფექცია 23 ადამიანს ქვეყანაში შესვლისას დაუდასტურდა. პანდემიის დაწყებიდან ინფიცირებულთა საერთო რაოდენობა 121.253-მდე გაიზარდა. ბოლო დღის განმავლობაში კორონავირუსით 81 ადამიანი გარდაიცვალა. საერთო ჯამში COVID-19-ს 3.370 ადამიანი ემსხვერპლა.

87
თემები:
COVID-19-ის პანდემია მსოფლიოში (1302)
შეყვარებულები

ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი

84
(განახლებულია 21:48 26.01.2021)
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუ ისინი ერთ პირობას დააკმაყოფილებენ.

თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ ერთი პირობით, წერს Daily Mail ქალის Facebook-გვერდზე დაყრდნობით.

გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუ ისინი ბონავიტას მიერ წამოყენებულ პირობას დააკმაყოფილებენ.

ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.

როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.

„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, — დაწერა კრისტენ ბონავიტამ.
  • მისი ერთადერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთვოდეს 2020 წელს გადაღებული ფოტო.

აღსანიშნავია, რომ ექსპერტების შეფასებით, კრისტენ ბონავიტას თითქმის ორკარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.

84
თემები:
საერთაშორისო პანორამა
ნადირობა

კანონმდებელმა თოვლის კაცზე ნადირობის დაშვება მოითხოვა: რა წერია კანონპროექტში

37
(განახლებულია 21:22 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს.

თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს – ასეთი უცნაური წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.

აღნიშნულის შესახებ წერს CNN.

​ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.

კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს ჯილდოდ 25 ათასი დოლარი გადაეცემა.

როგორც ჰემფრი აცხადებს, პირადად მას იეტების არსებობის არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.

მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.

სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.

37
თემები:
საერთაშორისო პანორამა
დაკავება

ფოთში შსს-ს თანამშრომელი დააკავეს

0
ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს, მას სამ წლამდე პატიმრობა ემუქრება

თბილისი, 26 იანვარი – Sputnik. ფოთში უფლებამოსილების ბოროტად გამოყენების ბრალდებით ინსპექტორ-გამომძიებელი დააკავეს, იუწყება შსს-ს პრესსამსახური.

უწყების ინფორმაციით, ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს.

სისხლის სამართლის საქმე აღიძრა „სამსახურეობრივი უფლებამოსილების ბოროტად გამოყენების“ ფაქტზე სსკ-ის 332-ე მუხლის პირველი ნაწილით, რაც სამ წლამდე თავისუფლების აღკვეთას ითვალისწინებს.

0