თბილისი, 1 დეკემბერი — Sputnik. სამეფო კარის მსახურმა, რომელიც ბუკინგემის სასახლიდან რამდენიმე ნივთის მოპარვის ეჭვის გამო იყო დააკავებული, დანაშაული აღიარა, წერს გაზეთი  Daily Mail.

ლონდონის პოლიციამ სამეფო კარის მსახური, 37 წლის ადამო კანტო აგვისტოში დააკავა. გამოცემის ცნობით, მან დედოფალ ელისაბედ II-ის რეზიდენციდან 100 ათასი გირვანქა სტერლინგის ღირებულების რამდენიმე ნივთი მოიპარა, რომელთა ნაწილი ინტერნეტ-აუქციონ eBay-ზე გაყიდა.

​მას შემდეგ, რაც კანტომ ქურდობა აღიარა, ოლქის მოსამართლემ ის სპეციალური გირაოს სანაცვლოდ გაათავისუფლა და განაჩენის გამოტანის მიზნით საქმე სხვა სასამართლოს გადაუგზავნა. მამაკაცი გააფრთხილეს, რომ მას შეიძლება პატიმრობა მიესაჯოს.

გამოცემის ინფორმაციით, კანტოს მიერ მოპარულ რელიკვიებს შორისაა ბანის ორდენის რაინდის მედალი და ასევე სამეფო ვიქტორიანული ორდენის კავალრის მედალი.

გარდა ამისა, კანტომ აღიარა, რომ მან ასევე მოიპარა პრინც უილიამისა და კეიტ მიდლტონის ავტოგრაფებიანი ფოტოები, ასევე ალბომი, რომელიც სამეფო კარზე აშშ-ის პრეზიდენტ დონალდ ტრამპის ვიზიტის დროს გადაღებული ფოტოებისგან შედგებოდა.

აღინიშნება, რომ ადამო კანტო ნივთებს იპარავდა სასახლის მაღაზიიდან, პერსონალის კარადებიდან, თეთრეულის ოთახიდან, Royal Collection-ის ბილეთების სალაროდან, სამეფო გალერეის მაღაზიიდან და იორკის ჰერცოგის საცავიდან.

ბუკინგემის სასახლეში აღნიშნულთან დაკავშირებით კომენტარის გაკეთება არ ისურვეს.

თბილისი, 6 მარტი – Sputnik. თურქმენეთის, ტაჯიკეთის, ყირგიზეთისა და უზბეკეთის მოქალაქეებს საქართველოში ჩამოსვლა ვაქცინაციის გარეშე შეუძლიათ. ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

photo : Wizz Air / FB

Wizz Air–ი ქუთაისის საერთაშორისო აეროპორტიდან ფრენებს 20 მიმართულებით განახორციელებს

საქართველოს მთავრობის გადაწყვეტილებით, ამ ქვეყნების მოქალაქეებმა საქართველოში ჩამოფრენისას თან უნდა იქონიონ PCR-ტესტის უარყოფითი პასუხი.

საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია.

მინისტრმა განსაკუთრებული ყურადღება გაამახვილა უზბეკეთზე, რომელთანაც პანდემიამდე პირდაპირი ავიამიმოსვლა მოქმედებდა.

„ჩვენ განსაკუთრებით დიდ ნაკადებს ველოდებით უზბეკეთიდან. შემოსვლის რეჟიმის შემსუბუქების პარალელურად, ვფიქრობთ, რომ ფრენები ამ ქვეყანასთან გააქტიურდება“, – განაცხადა ნათია თურნავამ.

აქამდე კორონავირუსზე უარყოფითი შედეგის ამსახველი ცნობით საქართველოში შემოსვლა შეეძლოთ ევროკავშირის ქვეყნების მოქალაქეებსა და რეზიდენტებს, ისრაელის, შვეიცარიის, ნორვეგიის, აშშ-ის, დიდი ბრიტანეთის, კატარის, არაბთა გაერთიანებული საამიროების, ბაჰრეინისა და თურქეთის მოქალაქეებს, ასევე რუსეთის, სომხეთის, აზერბაიჯანის, ბელარუსის, უკრაინისა და ყაზახეთის მოქალაქეებს.

საქართველოს საგარეო საქმეთა სამინისტროში აღნიშნავენ, რომ მოგზაურებმა უნდა გაითვალისწინონ შემდეგი:

• საქართველოში ამ ქვეყნებიდან უნდა ჩამოვიდნენ საჰაერო გზით, დასაშვებია ტრანზიტი მესამე ქვეყნების გავლით;
• საზღვარზე უნდა წარმოადგინონ ბოლო 72 საათში ჩატარებული PCR-ტესტის უარყოფითი პასუხი;
• საქართველოში ჩამოსვლიდან მესამე დღეს უცხოეთის მოქალაქეებმა საკუთარი ხარჯით უნდა ჩაიტარონ განმეორებითი PCR–ტესტი;
• სახელმწიფო საზღვრის გადაკვეთის წინ საჭიროა სპეციალური ფორმის შევსება, სადაც მითითებული უნდა იყოს ბოლო 14 დღის მოგზაურობის ისტორია და საკუთარი საკონტაქტო მონაცემები (მისამართი, ტელეფონის ნომერი, ელექტრონული ფოსტა და ა.შ.).

იმ პირებმა, რომლებიც ბოლო 14 დღის განმავლობაში იმყოფებოდნენ დიდ ბრიტანეთში, აუცილებლად უნდა გაიარონ 12-დღიანი კარანტინი. ამ შემთხვევაში აღარ არის აუცილებელი PCR–ტესტის უარყოფითი პასუხის წარდგენა საზღვარზე, ასევე ტესტის განმეორებით ჩატარება მესამე დღეს.