თბილისი, 25 ნოემბერი — Sputnik. ჩემი ადმინისტრაცია არ იქნება ბარაკ ობამას მესამე ვადა, განაცხადა ჯო ბაიდენმა, რომელსაც ობამას ადმინისტრაციაში რვა წლის განმავლობაში ეკავა ვიცე-პრეზიდენტის პოსტი.

© AP Photo / Alex Brandon

„გააკეთეთ, რაც საჭიროა“: ტრამპმა ახალი პოსტი გამოაქვეყნა და GSA-ს რეკომენდაცია მისცა

მანამდე ბაიდენი არაერთხელ გააკრიტიკეს იმის გამო, რომ ის თავის ადმინისტრაციაში ახალი სახეების დანიშვნას კი არ გეგმავს თანამდებობებზე, არამედ ისეთი ხალხის მოყვანას, რომლებიც ობამას ადმინისტრაციიდან არიან ცნობილი.

„ეს ობამას მესამე ვადა არ არის. ჩვენ სრულიად სხვა მსოფლიოს შევეჯახეთ. პრეზიდენტმა ტრამპმა ლანდშაფტი შეცვალა. ახლა ეს არის „ამერიკა უპირველეს ყოვლისა“, ანუ „ამერიკა მარტოობაში“, — თქვა ბაიდენმა NBC-სთან ინტერვიუში.

გარდა ამისა, ამერიკული პრესის მიერ საპრეზიდენტო არჩევნებში გამარჯვებულად ცნობილმა დემოკრატმა კანდიდატმა ასევე გაახმოვანა თავისი მმართველობის პირველი 100 დღის გეგმები. მისი თქმით, ეს პერიოდი მიგრაციულ რეფორმასა და კორონავირუსთან ბრძოლას დაეთმობა.

„მე სენატს გადავუგზავნი კანონს იმიგრანტების შესახებ, რომელიც 11 მილიონ დაურეგისტრირებელ ადამიანს მოქალაქეობის მიღებისკენ გაუხსნის გზას“, — თქვა ბაიდენმა.

© photo: AFP 2020 / DREW ANGERER

ბაიდენმა ადმინისტრაციის დაკომპლექტება დაიწყო: დასახელდა კანდიდატები საკვანძო პოსტებზე

კიდევ ერთი გეგმა – მოქმედი პრეზიდენტის დონალდ ტრამპის რამდენიმე ბრძანებულების გაუქმებაა, რომლებმაც, მისი აზრით, ადამიანებსა და კლიმატს ზიანი მიაყენა. ამასთან დემოკრატი კანდიდატი პირობას დებს, რომ არ წამოაყენებს ტრამპის წინააღმდეგ გამოძიების დაწყების ინიციატივას.

აშშ-ში საპრეზიდენტო არჩევნები 3 ნოემბერს ჩატარდა, მაგრამ კენჭისყრის ოფიციალური შედეგები ჯერ კიდევ არ არის ცნობილი. მასმედიის ინფორმაციით, ჯო ბაიდენს უკვე აქვს გამარჯვებისთვის საკმარისი რაოდენობის ხმა ამომრჩეველთა კოლეგიისგან. გასული დღე-ღამის განმავლობაში სამმა საკვანძო შტატმა — პენსილვანიამ (20 ელექტორალური ხმა), მიჩიგანმა (16) და ნევადამ (6) არჩევნებში ჯო ბაიდენის გამარჯვება დაადასტურა.

ახალი პრეზიდენტის ინაუგურაცია 2021 წლის 20 იანვარს უნდა გაიმართოს.

თბილისი,  26 იანვარი – Sputnik. წყალგამანაწილებელი კომპანია Georgian water and power–ის (GWP) განცხადებით, თბილისის სტაბილურ წყალმომარაგებას საფრთხე არ შეექმნება, იუწყება პირველი არხი.

წყალგამანაწილებელი კომპანიის კონტრაქტორების ერთმა ნაწილმა, რომელიც კომპანიას დაქირავებული ჰყავს გარკვეული ვადით და პირობებით, ორი დღეა, უარი განაცხადა სამუშაოს შესრულებაზე.

GWP–ის დაახლოებით ოცამდე თანამშრომელმა კომპანიის სასარგებლოდ შედგენილი ხელშეკრულების პირობების გადახედვა, კუთვნილ შვებულებაზე ნებართვის მიღება და ხელფასის გაზრდა მოითხოვა.

photo: Georgian Water and Power / FB

თბილისში GWP–ის თანამშრომლები გაიფიცნენ

„ერთი მხრივ, ისინი არ ასრულებენ ხელშეკრულებით გათვალისწინებულ მოვალეობებს, მეორე მხრივ კი, სხვებსაც ხელს უშლიან სამუშაოს შესრულებაში, რითაც აფერხებენ კომპანიის მიმდინარე საქმიანობას. მიუხედავად შექმნილი მდგომარეობისა, თბილისის სტაბილურ წყალმომარაგებას არანაირი საფრთხე არ შეექმნება“, – განაცხადეს კომპანიაში.

კომპანიაში ამავე დროს ხაზი გაუსვეს იმასაც, რომ „ჯორჯიან უოთერ ენდ ფაუერმა“, მიუხედავად პანდემიით გამოწვეული რთული ვითარებისა და მკვეთრად შემცირებული შემოსავლებისა, გამოიჩინა მაღალი სოციალური პასუხისმგებლობა და კომპანიაში დასაქმებულ ყველა თანამშრომელს შეუნარჩუნა სამუშაო ადგილი და ანაზღაურება, მაშინ როდესაც კომპანიების დიდი ნაწილი გაჩერებულია და ადამიანები სამუშაოს გარეშე დარჩნენ.

კომპანიის განცხადებით, „ჯორჯიან უოთერ ენდ ფაუერმა“ მაქსიმალური ძალისხმევა გამოიჩინა კონტრაქტორებთან შექმნილი სიტუაციის განსამუხტად.

თბილისში ათასობით ოჯახი 24 საათის განმავლობაში უწყლოდ დარჩება >>

დამსაქმებელსა და დასაქმებულებს შორის სადავო საკითხების გადაწყვეტის პროცესში ჩართული იყო პროფკავშირის წარმომადგენელიც, რომელიც GWP–ის ხელმძღვანელობასთან კონსულტაციებს მართავდა.

აღსანიშნავია, რომ „ჯორჯიან უოთერ ენდ ფაუერმა“ 26-27 იანვარს ღრმაღელე-სამგორის წყალგამტარ გვირაბზე, წყალმომარაგების სტაბილურობის მიზნით, ტექნიკური სამუშაოები დაიწყო, რის გამოც ჩუღურეთისა და ნაძალადევის რაიონებში ათასობით აბონენტს წყალმომარაგება შეუწყდა.