Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ჯანმო COVID-19-ის მესამე ტალღაზე აფრთხილებს: როდის ველოდოთ

© photo: AFP 2020 / PASCAL GUYOTკორონავირუსის პანდემია მსოფლიოში: სიტუაცია საფრანგეთში
კორონავირუსის პანდემია მსოფლიოში: სიტუაცია საფრანგეთში - Sputnik საქართველო
გამოწერა
ჯანმოს მონაცემებით, მსოფლიოში კორონავირუსით ინფიცირების უკვე 57,2 მილიონი შემთხვევა დაფიქსირდა, 1,36 მილიონი ადამიანი გარდაიცვალა

თბილისი, 22 ნოემბერი - Sputnik. კორონავირუსის მესამე ტალღამ ევროპას შემდეგი წლის დასაწყისში შეიძლება გადაუაროს, განაცხადა ჯანდაცვის მსოფლიო ორგანიზაციის სპეციალურმა წარმომადგენელმა, დევიდ ნაბარომ შვეიცარიულ მედიაკომპანია CH Media-თვის მიცემულ ინტერვიუში.

მან აღნიშნა, რომ ევროპის ბევრმა ქვეყანამ თავიდან ვერ აიცილა მეორე ტალღა, თუმცა მათ პირველი ტალღის კონტროლის ქვეშ მოქცევა შეძლეს.

მედიკოსი ავადმყოფთან - Sputnik საქართველო
პლუს 49: რამდენია გარდაცვლილთა საერთო რაოდენობა

„ევროპის რეაქცია სრულყოფილი არ იყო. ზაფხულის თვეებში, როდესაც პირველი ტალღა კონტროლის ქვეშ მოაქციეს, აუცილებელი ინფრასტრუქტურის ჩამოყალიბება ვერ მოახერხეს. ახლა მათ მეორე ტალღასთან აქვთ საქმე. თუ ევროპა აუცილებელ ინფრასტრუქტურას ახლა არ შექმნის, მესამე ტალღა შემდეგი წლის დასაწყისში ექნებათ“, – განაცხადა ნაბარომ.

ჯანმოს წარმომადგენლის თქმით, ახლა ბევრი ქვეყნის წინაშე დგას ამოცანა - კვლავ მოაქციონ ვირუსი კონტროლის ქვეშ, მაგრამ ეს არ გააკეთონ ისეთი უხეში ზომებით, როგორიცაა ლოკდაუნი, რომელიც ძალიან ძვირი უჯდებათ.

ჯანმოს წარმომადგენელმა ასევე აღნიშნა, რომ აღმოსავლეთ აზიაში კორონავირუსთან დაკავშირებული სიტუაცია უკეთესია, რაც ხელისუფლებასა და მოსახლეობას შორის მკაფიო კომუნიკაციის შედეგადაა მიღწეული.

© video: Sputnik / Anna Anastasiadi, Vladimir Umikashviliკორონავირუსი vs საქართველო: თბილისელები COVID-19-ის შესახებ
ჯანმო COVID-19-ის მესამე ტალღაზე აფრთხილებს: როდის ველოდოთ - Sputnik საქართველო
კორონავირუსი vs საქართველო: თბილისელები COVID-19-ის შესახებ

„კიდევ ერთი ელემენტი, რომელიც ძალიან შესამჩნევია აღმოსავლეთ აზიაში: მას შემდეგ, რაც მოხდა შემთხვევების რაოდენობის შემცირება ადამიანების ძლიერი რეაქციის წყალობით, ზომების შერბილება არ ხდება. საჭიროა დალოდება, სანამ მაჩვენებლები არ გახდება დაბალი და ამ დონეზე არ შენარჩუნდება“, - აღნიშნა მან.

ყველა ახალი ამბავი
0