ჩინეთის სახალხო რესპუბლიკის პრეზიდენტი სი ძინპინი

ჩინეთი მსოფლიოს „ჯანმრთელობის კოდების“ საერთაშორისო მექანიზმის შექმნას სთავაზობს

86
„ჯანმრთელობის კოდი“ სამი ფერისაა: წითელი, ნარინჯისფერი და მწვანე. თუ ადამიანი გარშემომყოფთათვის საფრთხეს არ წარმოადგენს, ის მწვანე ფერს აჩვენებს და პირს საზოგადოებრივ ადგილებში შესვლის უფლება აქვს, წითელი ფერის შემთხვევაში კი - არა

თბილისი, 22 ნოემბერი – Sputnik. ჩინეთი მსოფლიოს სთავაზობს ყველასათვის და ყველგან აღიარებული „ჯანმრთელობის კოდების“ ერთიან საერთაშორისო მექანიზმის შექმნას, რომელიც კორონავირუსზე ჩატარებული ტესტების მონაცემებს დაეყრდნობა, განაცხადა შაბათს ჩინეთის სახალხო რესპუბლიკის პრეზიდენტმა სი ძინპინმა G20-ის სამიტზე გამოსვლისას, რომელიც წელს ონლაინ-ფორმატში მიმდინარეობს.

„ჩინეთი სთავაზობს „ჯანმრთელობის კოდების“ საერთაშორისო მექანიზმს, რომელიც ნუკლეინის მჟავაზე ჩატარებული ტესტების შედეგების მიხედვით შეიქმნება და საერთაშორისოდ აღიარებული QR-კოდების ფორმატი ექნება. ჩინეთს იმედი აქვს, რომ ამ მექანიზმში მონაწილეობას სხვა ქვეყნებიც მიიღებენ“, - განაცხადა ჩინეთის ლიდერმა.

მას არ დაუკონკრეტებია, რა სახის პლატფორმაზე და რომელი დამატებითი მონაცემების საფუძველზე იმუშავებს აღნიშნული მექანიზმი.

ჩინეთში „ჯანმრთელობის კოდების“ სისტემა გაზაფხულიდან მოქმედებს. თითოეული ქალაქი ქმნის საკუთარ სისტემას სოციალურ ქსელებში (WeChat ან Alipay), ადგილობრივი მცხოვრებლები და სტუმრები ვალდებულნი არიან დარეგისტრირდნენ სისტემაში და აჩვენონ იმ ქალაქის „ჯანმრთელობის კოდი“, რომელშიც იმყოფებიან. კოდი აგროვებს მონაცემებს იმის შესახებ, სად არის ნამყოფი ადამიანი, და იმის მიხედვით, არის თუ არა უსაფრთხო ეპიდემიოლოგიური თვალსაზრისით ეს რაიონები, აჩვენებს ფერს, სულ სამი ფერია: მწვანე, ნარინჯისფერი და წითელი. ნებისმიერ შენობაში, ტრანსპორტში, ღონისძიებაზე, საზოგადოებრივ ადგილებში შესვლა მხოლოდ იმ შემთხვევაშია შესაძლებელი, თუ თქვენი „ჯანმრთელობის კოდი“ მწვანეა.

ხოლო თუ თქვენი მონაცემები აჩვენებს, რომ ავად ხართ და გარშემომყოფთათვის პოტენციურ საფრთხეს წარმოადგენთ, თქვენ მიიღებთ წითელ კოდს და საზოგადოებრივი ადგილების სტუმრობა თქვენთვის აკრძალულია.

86
თემები:
COVID-19-ის პანდემია მსოფლიოში (1218)
დონალდ ტრამპი

„გააკეთეთ, რაც საჭიროა“: ტრამპმა GSA-ს რეკომენდაცია მისცა და ახალი პოსტი გამოაქვეყნა

3
(განახლებულია 09:47 24.11.2020)
აშშ-ის მოქმედმა პრეზიდენტმა ხელისუფლების გადაცემის ფორმალური პროცედურების დაწყება დაუშვა, თუმცა არჩევნებში დამარცხება არ უღიარებია

თბილისი, 24 ნოემბერი — Sputnik. აშშ–ის პრეზიდენტმა დონალდ ტრამპმა განკარგულება მისცა გენერალური სერვისების სააგენტოს (GSA), „გააკეთოს რაც საჭიროა პირველადი პროტოკოლების თანახმად“ ჯოზეფ ბაიდენის მთავრობისთვის ხელისუფლების გადასაცემად.

მანამდე CNN–მა გაავრცელა ინფორმაცია, რომ GSA–მ და მისმა ხელმძღვანელმა ემილი მერფიმ ბაიდენი საპრეზიდენტო არჩევნებში გამარჯვებულად ცნეს და მზად არიან ხელისუფლების გადაცემის დასაწყებად.

​„ჩვენი საქმე მყარად მიიწევს წინ, ჩვენ განვაგრძობთ მტკიცე ბრძოლას, დარწმუნებული ვარ, ჩვენ გავიმარჯვებთ! მიუხედავად ამისა, ჩვენი ქვეყნის ინტერესებიდან გამომდინარე, ვიძლევი რეკომენდაციას, რომ ემილი მერფიმ და მისმა გუნდმა გააკეთონ ყველაფერი, რაც საჭიროა პირველადი პროტოკოლების თანახმად. იგივე ვუთხარი ჩემს გუნდსაც“, — დაწერა ტრამპმა Twitter–ზე.

ამგვარად, მიუხედავად იმისა, რომ ფორმალური პროცედურების დაწყება დაუშვა, აშშ–ის მოქმედი პრეზიდენტი კვლავ არ ცნობს მარცხს საპრეზიდენო არჩევნებში.

მანამდე ჯო ბაიდენმა დაასახელა იმ კანდიდატების ვინაობა, რომლებსაც არჩევნებში გამარჯვების შემთხვევაში თავის ადმინისტრაციაში საკვანძო პოსტებზე მოიაზრებს.

ასე მაგალითად, სახელმწიფო მდივნის პოსტი შეიძლება ტონი ბლინკენმა დაიკავოს, გაეროში აშშ–ის მუდმივი წარმომადგენლის თანამდებობა — ლინდა თომას-გრინფილდმა, ხოლო ეროვნული უსაფრთხოების მრჩევლის პოსტი — ჯეიკ სალივანმა. შინაგანი უსაფრთხოების სამინისტროს ხელმძღვანელად მოიაზრება ალეხანდრო მაიორკასი, ხოლო ეროვნული დაზვერვის დირექტორად — ავრილ ჰეინსი. ყოფილმა სახელმწიფო მდივანმა ჯონ კერიმ შესაძლოა კლიმატის საკითხებში საგანგებო წარმომადგენლის პოსტი დაიკავოს.

შეგახსენებთ: აშშ–ში საპრეზიდენტო არჩევნები 3 ნოემბერს ჩატარდა, თუმცა მისი საბოლოო შედეგები ამ დრომდე არ არის გამოცხადებული. როგორც ამერიკული მედია იუწყება, ჯო ბაიდენს უკვე მიღებული აქვს გამარჯვებისთვის საკმარისი ხმები ამომრჩეველთა კოლეგიისგან. მსოფლიოს ბევრმა ლიდერმა უკვე მიულოცა გამარჯვება დემოკრატ კანდიდატს.   

ამასთან მოქმედი პრეზიდენტი დონალდ ტრამპი დემოკრატებს „არჩევნების მოპარვის“ მცდელობაში ადანაშაულებს და მის შტაბს სასამართლოებში შეაქვს სარჩელები. როგორც ტრამპის ადვოკატი რუდოლფ ჯულიანი ირწმუნება, არჩევნების პროცესში დარღვევებს სისტემური ხასიათი ჰქონდა.

3
თემები:
მსოფლიო დღეს
ჯო ბაიდენი

ბაიდენმა ადმინისტრაციის დაკომპლექტება დაიწყო: დასახელდა კანდიდატები საკვანძო პოსტებზე

36
(განახლებულია 09:20 24.11.2020)
აშშ-ის ეროვნულ უსაფრთხოებას და საგარეო პოლიტიკას უხელმძღვანელებენ გამოცდილი პროფესიონალები, რომლებიც მზად არიან პრინციპული ლიდერობა აღადგინონ

თბილისი, 23 ნოემბერი — Sputnik. აშშ-ის პრეზიდენტობის კანდიდატმა ჯო ბაიდენმა დაასახელა იმ კანდიდატების ვინაობა, რომლებსაც არჩევნებზე გამარჯვების შემთხვევაში თავის ადმინისტრაციაში საკვანძო პოსტებზე მოიაზრებს.

ინფორმაცია ბაიდენის გეგმების შესახებ პოლიტიკოსის შტაბის Twitter-აკაუნტზე გამოქვეყნდა.

ასე, მაგალითად, სახელმწიფო მდივნის პოსტი შეიძლება ტონი ბლინკენმა დაიკავოს, გაეროს მუდმივი წარმომადგენლის თანამდებობა - ლინდა თომას-გრინფილდმა, ხოლო ეროვნული უსაფრთხოების მრჩევლის პოსტი - ჯეიკ სალივანმა. შინაგანი უსაფრთხოების სამინისტროს ხელმძღვანელად მოიაზრება ალეხანდრო მაიორკასი, ხოლო ეროვნული დაზვერვის დირექტორად - ავრილ ჰეინსი. ყოფილმა სახელმწიფო მდივანმა ჯონ კერიმ შესაძლოა დაიკავოს კლიმატის საკითხებში საგანგებო წარმომადგენლის პოსტი.

განცხადებაში ხაზგასმულია: „აშშ-ის ეროვნულ უსაფრთხოებას და საგარეო ;პოლიტიკას უხელმძღვანელებენ გამოცდილი პროფესიონალები, რომლებიც მზად არიან აღადგინონ პრინციპული ლიდერობა მსოფლიო არენაზე და ღირსეული ლიდერობა ქვეყნის შიგნით“.

2020 წლის 3 ნოემბერს აშშ-ში მორიგი საპრეზიდენტო არჩევნები გაიმართა. ამჟამად კერ კიდევ გრძელდება ხმების დათვლა და გარჩევები ამ საკითხზე. მედიის შეფასებით, აშშ-ის დემოკრატიული პარტიის კანდიდატმა ჯო ბაიდენმა გამარჯვებისთვის საჭირო ამომრჩეველთა კოლეგიის ხმათა საკმარისი რაოდენობა მოიპოვა და მოქმედ პრეზიდენტ დონალდ ტრამპს გაუსწრო. დემოკრატმა თავი არჩეულ პრეზიდენტად უკვე გამოაცხადა. თავის მხრივ, ტრამპმა განაცხადა, რომ ბაიდენმა იჩქარა, როდესაც საკუთარ თავს ქვეყნის ახალი ლიდერი უწოდა.

36
თემები:
მსოფლიო დღეს
აბანოთუბანი

გაუძლებს თუ არა ქვეყნის ეკონომიკა ახალ შეზღუდვებს ექსპერტის მოსაზრება

0
(განახლებულია 08:46 24.11.2020)
რამდენადაც დიდი უნდა იყოს ეკონომიკის დახმარების სურვილი, პანდემიის შეკავება მკაცრი შეზღუდვების გარეშე ვერ მოხერხდება, მიაჩნია პროფესორ სოსო არჩვაძეს

 

თბილისი, 24 ნოემბერი – Sputnik. ზაფხულის პერიოდში მოკლევადიანი კოვიდ–შესვენების შემდეგ, როდესაც ქალაქებსა და კურორტებს ტურისტები დაუბრუნდნენ, ქვეყანა თანდათან უბრუნდება ახალი შეზღუდვების აუცილებლობის ფაზას. ამასთან,  შეზღუდვების ჩამონათვალი სულ უფრო მატულობს. 

შეზღუდვები პირდაპირპროპორციულად დაკავშირებულია ქვეყანაში გართულებულ ეპიდსიტუაციასთან, სადაც ყოველდღიურად ინფიცირების 4 ათასამდე ახალი შემთხვევა ფიქსირდება. ეპიდემიოლოგთა ნაწილი მკაცრ ლოკდაუნს მოითხოვს, სხვები აცხადებენ, რომ მკაცრ შეზღუდვებს ქვეყნის ეკონომიკა და თავად მოსახლეობა ვეღარ გაუძლებს.

ეკონომიკურ საკითხთა ექსპერტს, პროფესორ სოსო არჩვაძეს მიაჩნია, რომ ე.წ. მაშველი რგოლი ხანმოკლე, ორკვირიანი ლოკდაუნი იქნება.

მისი თქმით, ეკონომიკის შველა შეუძლებელია ქვეყანაში ეპიდვითარების გაუმჯობესების გარეშე. შვედეთში ეპიდემიასთან ბრძოლისთვის „ჯოგური მეთოდი“ გამოიყენეს, რომლის არსიც შემდეგია – მოკლე პერიოდში რაც უფრო მეტი ადამიანი დაინფიცირდება კორონავირუსისგან, მით უფრო მალე დაუბრუნდება ქვეყანა ცხოვრების ჩვეულ რიტმს. თუმცა, შვედეთი იძულებული გახდა ამ მეთოდზე უარი ეთქვა და შეზღუდვები დაეწესებინა, პარალელურად კი მოსახლეობისთვის აეხსნა რა და რისთვის წესდებოდა.

 „ვფიქრობ, ამ დღეებში შეზღუდვების დაწესების შესახებ გამოაცხადებენ. ეკონომიკური კატასტროფის შესახებ საუბარი გადაჭარბებულია. მარტ–აპრილთან შედარებით, ეკონომიკური მაჩვენებელი უმჯობესდება. მაჩვენებლები მეტყველებენ იმაზე, რომ არც ისე რთული ვითარებაა, როგორც წარმოაჩენენ. მაგალითად, გაიზარდა უცხოეთიდან ფულადი გზავნილების მოცულობა, გაიზარდა  შრომითი მიგრანტების რაოდენობა. და ეს მაჩვენებლები მთლიანობაში არცთუ ცუდ სურათს ქმნიან. ვფიქრობ, ორკვირიანი ლოკდაუნი ეკონომიკაზე დიდ დარტყმას ვერ მოახდენს...საჭიროა შემზღუდავი ზომების გატარება, რათა ორგანიზმმა მთლიანობაში ჯანმრთელობა და ფუნქციონირების უნარი შეინარჩუნოს“, – განაცხადა არჩვაძემ.

მისი განმარტებით, საყურადღებოა ის ფაქტიც, რომ თითოეული კოვიდ–პაციენტის მკურნალობა სახელმწიფოს არცთუ იაფი უჯდება. თითქოსდა ეკონომიკური შეზღუდვები დაწესებული არ არის, ეკონომიკაზე კი ეს ძლიერ მოქმედებს. 

პანდემიასთან ბრძოლას სახელმწიფო საზოგადოების  გარეშე ვერ შეძლებს, დარწმუნებულია პროფესორი.

არჩვაძის სიტყვებით, საჭიროა თითოეულმა ადამიანმა გააცნობიეროს თუ რამდენად საშიშია უხილავი მტერი. აუცილებელია პანდემიის პერიოდში ელემენტარული წესების დაცვა და თავშეყრის ადგილებში ყოფნისგან თავის არიდება.

ერთმნიშვნელოვნად შეიძლება ითქვას, რომ სახელმწიფოს წინაშე რთული ამოცანა დგას – ან სამედიცინო სექტორის შველა, ან ეკონომიკისთვის განვითარების შესაძლებლობის მიცემა. თუმცა, პირველის კოორდინირებული მუშაობის გარეშე მეორის შველა არ გამოვა.

კოვიდ–კრიზისის პერიოდში გაიზარდა უმუშევართა რიცხვი. თეატრების, კინოთეატრების, საბავშვო გასართობი ცენტრების დაკეტვამ ფინანსურად შეჭირვებულთა რიგები შეავსო. თუმცა, ის ფაქტი, რომ მთავრობა ზამთრის პერიოდში კომუნალური მომსახურების ხარჯებს დაფარავს, მოსახლეობისთვის არცთუ მცირე მხარდაჭერაა.

 „ყველად უნდა გადავიტანოთ ეს დრო“, – განაცხადა არჩვაძემ.

როგორც მან აღნიშნა, დღეს ყველა ძალისხმევა უნდა იყოს მიმართული ადამიანებს შორის კონტაქტების შეზღუდვაზე, რამდენადაც სწორედ არასაკმარისმა ეფექტურმა ზომებმა გამოიწვია ინფიცირებულთა უმართავი ზრდა. ეპიდვითარების კონტროლის გარეშე კი ეკონომიკის აყვავებაზე საუბარი შეუძლებელია, დარწმუნებულია პროფესორი.

0
თემები:
საქართველოს ეკონომიკა