გაეროს გენერალური მდივანი ანტონიუ გუტერეში

გაეროს გენმდივანმა G20-ს ღარიბი ქვეყნების ვალების გადახდის გადავადებისკენ მოუწოდა

54
(განახლებულია 12:19 21.11.2020)
ადრე „დიდი ოცეულის“ ქვეყნების ფინანსთა მინისტრებმა მოილაპარაკეს, რომ მსოფლიოს უღარიბეს ქვეყნებს საგარეო ვალებზე პროცენტების გადახდას მხოლოდ 2021 წლის აპრილამდე შეუჩერებდნენ.

თბილისი, 21 ნოემბერი - Sputnik. გაეროს გენერალურმა მდივანმა ანტონიუ გუტერეშმა G20-ს წევრ ქვეყნებს მსოფლიოს უღარიბეს ქვეყნებს საგარეო ვალებზე პროცენტების გადახდა 2021 წლის ბოლომდე გადაუვადონ, იუწყება РИА Новости.

„გაკოტრებებით შექმნილ დომინოს ეფექტს მსოფლიო ეკონომიკის დანგრევა შეუძლია. ჩვენ ვერ მივცემთ COVID-პანდემიას საშუალებას „ვალების პანდემია“ გამოიწვიოს“, - განაცხადა გაეროს გენერალურმა მდივანმა.

მანამდე „ოცეულმა“ ექვსი თვით გადაავადა ვალის მომსახურების შეჩერების ინიციატივა და ვალის დამუშავებისთვის საერთო სქემა დაამტკიცა.

 „მივესალმებით ამ ნაბიჯებს, მაგრამ უფრო მეტია გასაკეთებელი. მე მოვითხოვ შემდგომ გადავადებას, 2021 წლის ბოლომდე და რაც განსაკუთრებით მნიშვნელოვანია, ინიციატივის დაფარვის სფეროების გაფართოებას ყველა ღარიბ განვითარებად და საშუალო შემოსავლის მქონე ქვეყნებზე“, - განაცხადა გუტერეშმა პრესკონფერენციაზე.

G20-ის სამიტი ონლაინ-ფორმატში 21-22 ნოემბერს გაიმართება, მისი თემები იქნება კორონავირუსის პანდემია, კლიმატის დაცვა, ფინანსური პოლიტიკა, მსოფლიო ეკონომიკის და ვაჭრობის განვითარება, აფრიკის მხარდაჭერა. მოსალოდნელია, რომ გუტერეში მასში მონაწილეობას მიიღებს.

54
კიშინიოვი

მოლდოვაში ჯანდაცვის კუთხით საგანგებო მდგომარეობის რეჟიმი წესდება

24
(განახლებულია 20:15 27.11.2020)
ქვეყანაში საზოგადოებრივი ტრანსპორტის მუშაობა არ შეჩერდება, თუმცა მათი მოძრაობის გრაფიკში კორექტივებს შეიტანენ

თბილისი, 27 ნოემბერი – Sputnik. მოლდოვაში 30 ნოემბრიდან 15 იანვრამდე ჯანდაცვაში საგანგებო მდგომარეობა იმოქმედებს, იუწყება Sputnik–მოლდოვა.

რა შეცდომებს ვუშვებთ კორონავირუსზე ტესტის ჩაბარებისას: ვირუსოლოგი განმარტავს>>

უფრო ადრე მოლდოვის ხელისუფლებამ განაცხადა, რომ ქვეყანაში კორონავირუსის 102 894 რეგისტრირებული შემთხვევაა, 2 229 ადამიანი გარდაიცვალა. მოლდოვაში ჯანდაცვის კუთხით საგანგებო რეჟიმი 1 ოქტომბრამდე მოქმედებდა. შემდეგ გადაწყდა, რომ თითოეულ ადმინისტრაციულ–ტერიტორიულ ერთეულში კორონავირუსთან ბრძოლის ზომებთან დაკავშირებით გადაწყვეტილებას ადგილობრივი ხელისუფლება დამოუკიდებლად მიიღებდა. 

მოლდოვაში 28 ნოემბრიდან იკრძალებაღამის კლუბების, დისკოთეკების, კარაოკეს, საცეკვაო მოედნების მუშაობა მათი დასახელებისგან დამოუკიდებლად. ასევე 22:00–დან 07:00 საათამდე აკრძალულია მომსახურება რესტორნებში, კაფეებსა და ბარებში, სასადილოებში. არ შეიძლება ღონისძიებების ორგანიზება მაყურებლის დასწრებით თეატრებში, კინოთეატრებში, საკონცერტო დარბაზებში, კულტურის სახლებში.

სახელმწიფო და კერძო დაწესებულებების ხელმძღვანელებმა უნდა დაადგინონ საწარმოს ფუნქციონირებისთვის აუცილებელი პერსონალისა და თანამშრომლების მუშაობის მოქნილი ან სპეციალური რეჟიმი. პერსონალისთვის, რომლის ყოფნა ოფისში სავალდებულო არაა, უზრუნველყოფილი უნდა იყოს დისტანციური მუშაობის პირობები.

როგორც ჩვეულებრივ გრიპს: ცნობილი ექიმი კორონავირუსისთვის ეფექტურ პრეპარატებს ასახელებს>>

როგორც მთავრობაში აღნიშნავენ, დაშვებულია მასობრივი და სადღესასწაულო ღონისძიებების ჩატარება არა უმეტეს 50 ადამიანისა, თუ დაცული იქნება სანიტარულ–ჰიგიენური წესები და შევსებული იქნება ეპიდემიოლოგიური ანკეტები.

24
თემები:
COVID-19-ის პანდემია მსოფლიოში
COVID 19 იტალიაში

გასროლა იტალიაში: გერმანელმა ეპიდემიოლოგმა პანდემიის სენსაციური ვერსია გამოთქვა

171
(განახლებულია 20:32 27.11.2020)
გერმანელი ეპიდემიოლოგი ევროპელებს უყურადღებობაში სდებს ბრალს, რამაც შეუწყო კიდეც ხელი კორონავირუსის გლობალურ გავრცელებას.

თბილისი, 27 ნოემბერი — Sputnik. ამ დროისათვის მსოფლიოში კორონავირუსის იტალიური შტამია გავრცელებული, რომელმაც ქვეყნის ჩრდილოეთში განიცადა მუტაცია და ამას ყურადღება არავინ მიაქცია, განაცხადა გერმანელმა ეპიდემიოლოგმა ალექსანდერ კეკულემ ტელეარხ ZDF-ის ეთერში.

„გლობალური პანდემიისთვის სასტარტო გასროლა ჩრდილოეთ იტალიაში მოხდა“, — აღნიშნა ეპიდემიოლოგმა.

მისი თქმით, დღეისათვის COVID-19-ით დაავადებულთა 99% სწორედ იტალიური შტამითაა ინფიცირებული.

კეკულეს განმარტებით, კორონავირუსი SARS-nCov-2, რომელიც პირველად ჩინეთის უჰანში გაჩნდა, შეუმჩნევლად ვრცელდებოდა იტალიაში რამდენიმე კვირის განმავლობაში, რამაც მას მუტაციისა და ადამიანებზე კარგად ადაპტაციის საშუალება მისცა.

გერმანელი ექიმი ევროპელებს სერიოზულ შეცდომად უთვლის იმას, რომ თავიდანვე არ მიაქციეს შესაბამისი ყურადღება კორონავირუსის საფრთხეს და ის არავინ აღიქვა სერიოზულად. და ეს მაშინ, როდესაც ისეთი ვირუსები, როგორიც COVID-19-ის აღმძვრელია, ვრცელდება არა დღეების, არამედ საათების განმავლობაში, განსაკუთრებით, წელიწადის ცივ სეზონზე, როცა პირველად იჩინა კიდეც თავი ვირუსმა.

171
თემები:
COVID-19-ის პანდემია მსოფლიოში
ქალთა მარში თბილისში – აქცია

„იმოქმედე ძალადობის წინააღმდეგ“ საქართველოში ახალი კამპანია დაიწყო

0
(განახლებულია 21:10 27.11.2020)
ოჯახური ძალადობა საქართველოში ერთ–ერთ მთავარ პრობლემად რჩება და ქვეყანაში ყველაზე ხშირად ჩადენილი დანაშაულების ხუთეულში შედის

თბილისი, 27 ნოემბერი – Sputnik. ყველა მსხვერპლი და პოტენციური მსხვერპლი სახელმწიფოსგან საჭირო დახმარებისა და მხარდაჭერის მიღებას შეძლებს, ნათქვამია სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს განცხადებაში.

ელექტრონული სამაჯური შემაკავებელ ორდერთან ერთად – სიახლე ოჯახში მოძალადის მიმართ>>

სააგენტო გენდერული ძალადობის წინააღმდეგ 16–დღიან კამპანიას შეუერთდა. სააგენტოს ინფორმაციით, მიუხედავად ქვეყანაშიკორონავირუსის პანდემიისგან გამოწვეული კრიზისისა, ბრძოლა ქალების მიმართ ძალადობისა და ოჯახში ძალადობის წინააღმდეგ სახელმწიფოსთვის კვლავ პრიორიტეტულია. პრობლემის ეფექტური გადაჭრისთვის ძალზე მნიშვნელოვანი და აუცილებელია სახელმწიფოსა და საზოგადოების ერთობა – თითოეული მოქალაქის აქტიური მხარდაჭერა.

ამჟამად სახელმწიფო დახმარების სააგენტოს ბაზაზე ქვეყნის მასშტაბით ხუთი კრიზისული ცენტრი მოქმედებს. ამ დაწესებულებების მუშაობის შესახებ დეტალური ინფორმაციის მიღება შესაძლებელია ცხელ ხაზზე 116 006. ძალადობის საკითხებზე სატელეფონო კონსულტაცია რვა ენაზე, მათ შორის ქართულზე 24 საათიან რეჟიმშია შესაძლებელი. გარანტირებულია ანონიმურობა.

კრიზისული ცენტრების მომსახურების მიღება შეუძლიათ მსხვერპლს, ოჯახური ძალადობისა და ქალებზე ძალადობის სავარაუდო მსხვერპლს, ტრეფიკინგის, სექსუალური ხასიათის ძალადობის მსხვერპლს.

ყველა დაზარალებულის, ძალადობის მსხვერპლისთვის ცენტრები უზრუნველყოფენ ფსიქოლოგიურ–სოციალურ რეაბილიტაციას, გაუწევენ სამედიცინო მომსახურებას, საჭიროების შემთხვევაში – თარჯიმნის მომსახურებას და ა.შ.

ძალადობის სტატისტიკა: 8 თვეში ოჯახური ტირანების მსხვერპლი 6 ათასზე მეტი ადამიანი გახდა>>

რაც შეეხება ძალადობის სავარაუდო მსხვერპლს, ცენტრი მათ მისცემს დროებით საცხოვრებელს, გაუწევს ფსიქოლოგის, პირველად და გადაუდებელ სამედიცინო, სამართლებრივ დახმარებას, ასევე დაეხმარება თარჯიმნით და ა.შ.

კრიზისული ცენტრების მისამართები:

  • თბილისი – ბუდაპეშტის ქუჩა №28
  • ქუთაისი – დუმბაძის ქუჩა №59–61
  • გორი – ბარნოვის ქუჩა №9ა
  • მარნეული – რუსთაველის ქუჩა №41
  • ოზურგეთი – გრიბოედოვის ქუჩა №21

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. 2020 წლის  ცხრა თვეში 4 138 ოჯახური ძალადობის შემთხვევა დაფიქსირდა. შსს-ს სტატისტიკის მიხედვით, ოჯახური ძალადობის მსხვერპლი ყველაზე ხშირად ხდებიან 25–44 წლის ქალები. წლის დასაწყისიდან ამ დანაშაულის შედეგად 19 ქალი დაიღუპა.

ქალთა მიმართ ძალადობის აღმოფხვრის დღესთან დაკავშირებით თბილისის ანძა ნარინჯისფრად განათდა>>

გაეროს გენერალურმა ასამბლეამ 1999 წლის 17 დეკემბრის პლენარულ სხდომაზე მიღებული რეზოლუციით 25 ნოემბერი ქალთა მიმართ ძალადობის აღკვეთის საერთაშორისო დღედ გამოაცხადა. ქალთა მიმართ ძალადობის აღკვეთის საერთაშორისო დღე ქალთა მიმართ ძალადობის პრობლემისადმი საზოგადოების ყურადღების მიპყრობას ისახავს მიზნად.

0