ვისკონსინის მოსახლეობა ტრამპის დახვედრაზე

ტრამპი არ ნებდება: ვისკონსინი ხმების თავიდან გადათვლას დათანხმდა

51
(განახლებულია 16:42 19.11.2020)
აშშ-ის მოქმედი პრეზიდენტის საარჩევნო შტაბმა უკვე გადაურიცხა ორი ოლქის საარჩევნო კომისიებს 3 მლნ დოლარი ხმების თავიდან გადასათვლელად.

თბილისი, 19 ნოემბერი — Sputnik. აშშ-ის ვისკონსინის შტატის (10 ელექტორალური ხმა) საარჩევნო კომისია დაინისა და მილუოკის ოლქებში ხმების თავიდან გადათვლას დათანხმდა, რითიც დონალდ ტრამპის შტაბის მოთხოვნა დააკმაყოფილა, იუწყება სააგენტო Bloomberg.

გავრცელებული ინფორმაციით, კომისიამ ოთხშაბათს განიხილა ტრამპის შტაბის მიერ შეტანილი მოთხოვნა და ხმების ნაწილობრივ გადათვლას დაეთანხმა. რესპუბლიკელებს ეჭვი აქვთ, რომ სწორედ ამ ორ ოლქში ჰქონდა ადგილი არაერთ მაქინაციასა და გაყალბებას.

მანამდე შტატის აღნიშნულმა საარჩევნო კომისიებმა დაადასტურეს, რომ მოქმედი პრეზიდენტის შტაბისგან 3 მლნ დოლარი მიიღეს კენჭისყრის შედეგების გადასამოწმებლად. ამასთან უნდა აღინიშნოს, რომ ხმების მთელ შტატში თავიდან გადათვლა ტრამპს 7,9 მლნ დოლარი დაუჯდებოდა.

არსებული ინფორმაციით, დაინისა და მილუოკის ოლქებში ხმების გადათვლა 19 ნოემბერს დაიწყება და 1 დეკემბრისთვის უნდა დასრულდეს.

ამ დროისათვის ხმების გადათვლა ასევე მიმდინარეობს ჯორჯიის შტატშიც (16 ელექტორალური ხმა), სადაც უკვე აღმოაჩინეს რამდენიმე ათასი ჩაუთვლელი ბიულეტენი.

 

51
თემები:
მსოფლიო დღეს (2324)

ლიეტუვაში საბჭოთა მებრძოლების ძმათა სასაფლაო შეურაცხყვეს - ვიდეო

1
ლიეტუვაში უცნობებმა საბჭოთა მებრძოლების ძმათა სასაფლაო შეურაცხყვეს. საუბარია ქალაქ ობიალიაის სასაფლაოზე, რომელიც ქვეყნის ჩრდილო-აღმოსავლეთით მდებარეობს

ადგილობრივების ინფორმაციით, ვანდალებმა საფლავებსა და მემორიალურ დაფებს წითელი საღებავები გადაასხეს და სვასტიკები მოხატეს. დამნაშავეების ვინაობა უცნობია.

ეს შემთხვევა პირველი არ არის. საბჭოთა საფლავებს ლიეტუვაში რეგულარულად შეურაცხყოფენ, ზუსტად ისე, როგორც ლატვიაში, ესტონეთში, პოლონეთსა და უკრაინაში. მოსკოვი მსგავს ქმედებებს მკვეთრად აკრიტიკებს და ყველაფერს ამ ქვეყნების ისტორიის გადაწერის კურსს უკავშირებს.

სასაფლაოს შეურაცხყოფაზე ემოციური რეაქცია ქონდა როსსოტრუდნიჩესტვას მეთაურ ევგენი პრიმაკოვს.

1

საბავშვო ევროვიზია 2020: ფინალამდე რჩება ორი დღე - ვიდეო

17
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

17