ჯანსაღი სხეული

ქველმოქმედების მიზნით: მსოფლიოს სპორტსმენი მამაკაცები გაშიშვლდნენ ფოტო

74
(განახლებულია 15:04 19.11.2020)
მამაკაცები აბსოლუტურად შიშვლები პოზირებდნენ ერთობლივი დასვენების, სპორტული ღონისძიებებისა და თამაშების დროს.

თბილისი, 19 ნოემბერი — Sputnik. მსოფლიოს სხვადასხვა ქვეყნის სპორტსმენებმა შიშველი ფოტოსესია მოაწყვეს საქველმოქმედო კალენდრისთვის Worldwide Roar 2021, იუწყება გამოცემა Daily Mail, რომელიც აქვეყნებს კიდეც თამამ ფოტოებს. 

​გავრცელებული ინფორმაციით, სპორტსმენი მამაკაცები სრულიად შიშვლები პოზირებდნენ ჩოგბურთის კორტებზე თამაშისა თუ ცხენოსნობისა და დასვენების დროს.

აღსანიშნავია, რომ ეროტიკული კალენდრის გაყიდვიდან მიღებული თანხა საქველმოქმედო ორგანიზაცია Sport Allies-ს გადაეცემა, რომელიც მხარს უჭერს ახალგაზრდა სპორტსმენებს სქესის, რასისა და ფიზიკური შესაძლებლობების მიუხედავად.

როგორც კალენდრის შემქმნელი ანგუს მალკომი ამბობს, თავისი ნამუშევრებით სურს წამოაყენოს მნიშვნელოვანი კითხვა: „როგორ ვხედავთ მამაკაცებს“.

„საზოგადოებაში მიღებულია ჩაითვალოს, რომ თუ მამაკაცი ნატურალად და ღია ფერის კანით დაიბადა, მას სოციალური პრივილეგიებიც აქვს და წარმატების მიღწევის მეტი შანსიც. მე ვცდილობ ამ სტერეოტიპის გადალახვას და მამაკაცთა უფლებებისა და შესაძლებლობების გათანაბრებას“, — ამბობს მალკომი.

მისი თქმით, კალენდრის მთავარი ამოცანაა საზოგადოებაში ზოგადად მამაკაცის მიმართ ჯანსაღი დამოკიდებულების ჩამოყალიბება.

 

74
რუსული ვაქცინა  Спутник V

ევროპაში განმარტეს, რა შემთხვევაში გამოიყენებენ COVID-19-ის საწინააღმდეგო რუსულ ვაქცინას

47
ევროკომისიაში მიაჩნიათ, რომ ყველა ვაქცინა, რომელსაც ევროპის მოქალაქეებს სთავაზობენ, ევროპის წამლის სააგენტოს მიერ უნდა იყოს დამტკიცებული

თბილისი, 30 ნოემბერი - Sputnik. ევროკომისიის წარმომადგენელმა განაცხადა, რომ უნგრეთის ხელისუფლების გადაწყვეტილება, გამოიყენოს COVID-19-ის საწინააღმდეგო რუსული ვაქცინა, მთელ ევროკავშირზე არ გავრცელდება. იუწყება РИА Новости.

რუსეთის მრეწველობისა და ვაჭრობის მინისტრმა დენის მანტუროვმა 13 ნოემბერს უნგრეთის საგარეო საქმეთა მინისტრ პეტერ სიიარტოსთან რუსული ვაქცინის უნგრეთში წარმოების საკითხი განიხილა. სიიარტომ 27 ნოემბერს განაცხადა, რომ ქვეყანაში „სპუტნიკ  V“-ის მცირე პარტიების მიწოდება დეკემბერში დაიწყებოდა, უფრო მსხვილი პარტიებისა კი - იანვარში.

„ევროკომისიაში მიაჩნიათ, რომ ყველა ვაქცინა, რომელსაც ევროპის მოქალაქეებს სთავაზობენ, უმჯობესია ევროპის წამლის სააგენტოს მიერ იყოს დამტკიცებული. თუმცა სასწრაფო პროცედურის ფარგლებში, სახელმწიფოს შეუძლია საკუთარი ქვეყნის ტერიტორიაზე ვაქცინის გამოყენება და თავის მოქალაქეთა შორის მისი გავრცელება დაუშვას. მაგრამ ჩვენ ვაქცინის საკითხებში მაქსიმალური გამჭვირვალობის მომხრე ვართ“, - განაცხადა ევროკავშირის წარმომადგენელმა.

ევროკომისიაში განმარტეს, რომ სახელმწიფო თავადაა პასუხისმგებელი სასწრაფო წესით მიღებულ გადაწყვეტილებაზე.

„თუ ვაქცინის გამოყენება ნებადართულია უნგრეთის ხელისუფლების მიერ, მაშინ საუბარია მის გამოყენებაზე მხოლოდ უნგრეთის ტერიტორიაზე“, - დაასკვნა ევროკომისიის წარმომადგენელმა.

ევროპის წამლის სააგენტომ (ЕМА) 26 ნოემბერს დაადასტურა კონტაქტები „სპუტნიკ  V“-ის მწარმოებელთან და აღნიშნა, რომ რთულია წინასწარ იმის გათვლა, რამდენ ხანში იქნება დამტკიცებული ასეთი პრეპარატები. ამავდროულად სააგენტოში განაცხადეს, რომ ევროკომისიაში აგროვებენ რესურსს ამ პროცესების დასაჩქარებლად და COVID-19-ის საწინააღმდეგო ვაქცინის შესწავლისა და ნებართვის გაცემის ვადების შესამცირებლად.

ევროკომისიის წარმომადგენელმა ხაზგასმით აღნიშნა ასევე, რომ სააგენტოს ჯერ არ მიუღია განაცხადი ევროპულ ბაზარზე რუსული ვაქცინის გაყიდვის ნებართვის მიღებაზე. მანასევე დასძინა, რომ  მონაცემებს აღნიშნულ პრეპარატზე ჯერ არც ევროკომისია არ ფლობს.

47
თემები:
COVID-19-ის პანდემია მსოფლიოში
უდაბნო იუთას შტატში

უდაბნოში ნაპოვნი „უცხოპლანეტური“ მონოლითი სადღაც გაუჩინარდა: ვიდეო

31
(განახლებულია 21:07 30.11.2020)
იუტას უდაბნოში ორიოდე დღის წინ შემთხვევით ნაპოვნი იდუმალი ობელისკი უკვალოდ გაქრა და ახალი თავსატეხი გაუჩინა მსოფლიოს.

თბილისი, 30 ნოემბერი — Sputnik. მბრწყინავი ლითონისგან დამზადებული იდუმალი მონოლითი, რომელიც იუტის (აშშ) უდაბნოში ორიოდე დღის წინ აღმოაჩინეს, უკვალოდ გაქრა, იუწყება მასმედია.

​გავრცელებული ინფორმაციით, დაახლოებით 3 მ სიმაღლის მონოლითი, რომელიც უცხოპლანეტურ ნაკეთობას ჰგავდა, იუტის საზოგადოებრივი უსაფრთხოების დეპარტამენტის თანამშრომლებმა შენიშნეს ვერტმფრენიდან, როდესაც უდაბნოს თავზე შემოფრენას ახორციელებდნენ.

აღსანიშნავია, რომ ინფორმაციამ უცნაური აღმოჩენის შესახებ მსოფლიოს ყველა ქვეყნის მედიასაშუალებები შემოიარა.

შტატის ხელისუფლებამ დაადასტურა იდუმალი მონოლითის პოვნის ფაქტი, მაგრამ მისი ზუსტი კოორდინატების გამჟღავნებაზე უარი თქვეს. გადაწყვეტილების მიზეზად ადამიანების სიცოცხლეზე ზრუნვა დაასახელეს, ვინაიდან უდაბნოს ცენტრში მდებარე ობელისკამდე მისვლა კარგად მომზადებული ადამიანებისთვისაც კი სახიფათო იყო.

მიუხედავად ამისა, ზოგმა დაინეტერსებულმა პირმა მაინც შეძლო მიეგნო ობელისკისთვის.

​თვითმხილველების თქმით, უდაბნოში ნაპოვნი მონოლითი ძალიან ჰგავდა ფორმით ობელისკს სტენლი კუბრიკის ფილმ „2011 წლის კოსმოსური ოდისეიდან“ — ოღონდ იმ განსხვავებით, რომ შავი კი არ იყო, არამედ მბრწყინავი ვერცხლისფერი.  

შტატის ხელისუფლებამ ობიექტის შესწავლა დაიწყო, ხოლო მიწათმოწყობის ბიურომ განაცხადა, რომ საზოგადოებრივ ტერიტორიებზე ნებისმიერი კონსტრუქცია, მათ შორის უცხოპლანეტურიც, უკანონოდ მიიჩნევა. თუმცა ისინი კატეგორიულად უარყოფენ მონოლითის იდუმალ გაუჩინარებასთან რაიმე კავშირს.

როგორც მასმედია წერს, „უცხოპლანეტური“ ობელისკისგან ახლა ადგილზე მხოლოდ ამონათხარი და ლითონის სამკუთხედია დარჩენილი, რომელიც მანამდე კონსტრუქციის თავზე იყო დამაგრებული.

როგორც კოლორადოს მკვიდრი რიკარდო მარინო ამბობს გამოცემასთან, მან მონოლითთან მისასვლელ გზაზე ღამით, დაახლოებით 22:40 საათზე სატვირთო ავტომობილი შენიშა. რომელსაც დიდი სწორკუთხა საგანი გადაჰქონდა. მან ვერ შენიშნა, ზუსტად რა მიჰქონდა ავტომობილს, მაგრამ ადგილზე მისულს ობელისკი აღარ დახვდა.

 

31
თემები:
მსოფლიო დღეს
ახალი გზის მშენებლობა, რომელიც მაჭავარიანის ქუჩას გელოვანის გამზირთან დააკავშირებს

თბილისში, მაჭავარიანის ქუჩაზე მოძრაობა ერთი თვით ნაწილობრივ შეიზღუდება

0
მაგისტრალური წყალსადენის კვანძების მოწყობის სამუშაოები ვაკე-საბურთალოს რაიონში, „ვეფხისა და მოყმის" ძეგლთან ახალი სატრანსპორტო კვანძის მშენებლობის ფარგლებში მიმდინარეობს

თბილისი, 30 ნოემბერი – Sputnik. თბილისში, მაჭავარიანის ქუჩაზე, სარეაბილიტაციო სამუშაოების გამო, მოძრაობა 1-დან 30 დეკემბრამდე ნაწილობრივ შეიზღუდება, ინფორმაციას თბილისის მერია ავრცელებს.

თბილისის მუნიციპალიტეტის მერიის ინფრასტრუქტურის განვითარების საქალაქო სამსახურის დაკვეთით, კომპანია „ბლექ სი გრუპი“ მაგისტრალური წყალსადენის კვანძების მოწყობის სამუშაოებს განახორციელებს.

„შეზღუდვა გადაუდებელი დახმარების ოპერატიული მართვის ცენტრის („112“) შენობიდან ვაშლიჯვრის და უკუმიმართულებით, მაჭავარიანის ქ. N1 კორპუსიდან BP-ის ბენზინგასამართ სადგურამდე იმოქმედებს“, - აღნიშნულია თბილისის მერიის ინფორმაციაში.

მაჭავარიანის ქუჩაზე დაგეგმილი სამუშაოების გამო, ავტომობილების გადაადგილების მიმართულება არ შეიცვლება, აცხადებენ უწყებაში.

სამუშაოები 24-საათიან რეჟიმში იწარმოებს.

თბილისის მერია ვაკე-საბურთალოს რაიონში, ახალი სატრანსპორტო კვანძის მშენებლობას ახორციელებს.

პროექტის თანახმად, გადაუდებელი დახმარების ოპერატიული მართვის (112) ცენტრის მიმდებარე ტერიტორიიდან ჩამოსასვლელი გზა სუპერმარკეტ „აგროჰაბსა" და „მათე მოტორსის" ყოფილ შენობას შორის გაივლის და მარშალ გელოვანის გამზირს დაუკავშირდება. ბეტონის ახალი გზა ოთხზოლიანი იქნება.

მოეწყობა საყრდენი კედლები და წყალამრიდები, დამონტაჟდება გარე განათების თანამედროვე სტანდარტების შესაბამისი ქსელი.

საბურთალოს რაიონში ახალი გზის მშენებლობა მიმდინარე წლის გაზაფხულზე დაიწყო. პროექტის ღირებულება 15 მილიონი ლარია.

0
თემები:
ტრანსპორტი საქართველოში