ბაიდენის მხარდამჭერთა აქცია

აშშ-ის ჯანდაცვის სამინისტრო ბაიდენის გუნდთან მუშაობაზე უარს აცხადებს

65
(განახლებულია 13:58 19.11.2020)
აშშ-ის გენერალური სერვისების სააგენტოს ამ დრომდე არ გამოუცხადებია საპრეზიდენტო არჩევნებში გამარჯვებულის ვინაობა.

თბილისი, 19 ნოემბერი — Sputnik. აშშ-ის ჯანდაცვის სამინისტრო არ იმუშავებს ჯო ბაიდენის გუნდთან მანამ, სანამ მის გამარჯვებას ქვეყნის გენერალური სერვისების სააგენტო (GSA) არ ცნობს, იუწყება ტელეახი CNN უწყების ხელმძღვანელზე ალექს აზარზე დაყრდნობით.

„ჩვენ ძალიან მკაფიოდ განვაცხადეთ, რომ როცა GSA დაადგენს [ვინ გაიმარჯვა], ჩვენ უზრუნველვყოფთ სრულ ერთობლივ პროფესიონალურ გარდამავალ პროცესს. ჩვენ ვიცავთ სახელმძღვანელო პრინციპებს“, — განაცხადა აზარმა.

მანამდე გაზეთი Politico წერდა, რომ GSA-ს ხელმძღვანელმა ემილი მერფიმ უარი თქვა ფორმალობის დაცვაზე და ჯო ბაიდენის საპრეზიდენტო არჩევნებში გამარჯვებულად გამოცხადებაზე.

გამოცემა განმარტავს, რომ სანამ მერფი ბაიდენს გამარჯვებულად არ გამოაცხადებს, მანამ მისი გუნდი ვერც მთავრობის ფინანსებზე მიიღებს წვდომას და ვერც ფედერალურ უწყებებთან დაიწყებს მუშაობას. ექსპერტების აზრით, ამგვარი დაყოვნება ბაიდენის გეგმების განხორციელებას ხელს შეუშლის.

რონ კლაინმა, რომლის დანიშვნასაც გეგმავს ბაიდენი თეთრი სახლის აპარატის ხელმძღვანელად, მანამდე განაცხადა, რომ GSA ხელისუფლების გადაცემას მომდევნო კვირაში დაეთანხმება.

აშშ-ის საპრეზიდენტო არჩევნები 3 ნოემბერს ჩატარდა. ამერიკულმა მასმედიამ, საკუთარ მონაცემებზე დაყრდნობით, გამარჯვებულად დემოკრატი კანდიდატი ჯო ბაიდენი გამოაცხადა. მსოფლიოს ბევრი ქვეყნის ლიდერებმა უკვე მიულოცეს ბაიდენს გამარჯვება, თუმცა მოქმედ პრეზიდენტ დონალდ ტრამპს ჯერჯერობით დამარცხება არ უღიარებია, მის გუნდს სხვადასხვა შტატის სასამართლოებში სარჩელები შეაქვს კენჭისყრის შედეგების გადათვლის ან ბათილად ცნობის მოთხოვნით.

 

65
თემები:
მსოფლიო დღეს (2485)
მარია ზახაროვა

„მკაცრი დემარში“ - ბრიტანეთის ელჩი რუსეთის საგარეო უწყებაშია დაბარებული

16
(განახლებულია 15:05 24.06.2021)
როგორც რუსეთის საგარეო უწყების ოფიციალური წარმომადგენელი ამბობს, ბრიტანეთის ელჩი დღეს მივა სამინისტროში

თბილისი, 24 ივნისი − Sputnik. დიდი ბრიტანეთის ელჩი რუსეთში დებორა ბრონერტი დღეს ქვეყნის საგარეო საქმეთა სამინისტროში გამოცხადდება, სადაც მას შავ ზღვაში მომხდარ ინციდენტთან დაკავშირებით „მკაცრ დემარშს“ მოუწყობენ, განაცხადა რუსეთის საგარეო უწყების ოფიციალურმა წარმომადგენელმა მარია ზახაროვამ ტელეარხ Россия 24თან ინტერვიუში.

„ჩვენ გუშინ ვთქვით, რომ ბრიტანეთის ელჩი დავიბარეთ. საგარეო საქმეთა სამინისტროში ის დღეს მოვა და მას მკაცრ დემარშს მოვუწყობთ“, − აღნიშნა ზახაროვამ.  

ამასთან, უწყების ოფიციალური წარმომადგენლის თქმით, ეს შეხვედრა „ლონდონისთვის უსიამოვნო“ იქნება, და იქვე დაამატა, რომ ამიერიდან ყველა მსგავს ინციდენტს შესაბამისი ხისტი პასუხები გაეცემა.

ზახაროვამ ყურადღება გაამახვილა იმაზეც, რომ ლონდონმა რამდენჯერმე შეცვალა თავისი ვერისია მომხდართან დაკავშირებით, რათა რუსეთის საზღვრების დარღვევა რამენაირად აეხსნა.

„არსებობს ვიდეოკადრები, ფაქტობრივი მტკიცებულებები. და რაც ყველაზე გასაკვირია, არა მარტო ჩვენი, არამედ ბრიტანელი ჟურნალისტის მხრიდანაც“, − განაცხადა დიპლომატმა.

რუსეთის თავდაცვის უწყების ცნობით, 23 ივნისს, ბრიტანეთის სამეფო ფლოტის ესკადრონული ნაღმმზიდი HMS Defender-ი, მოსკოვის დროით დილის 11:52 საათზე, სამი კილომეტრით ღრმად შევიდა რუსეთის ტერიტორიულ წყლებში. ამის შემდეგ რუსულმა მხარემ ხომალდის ეკიპაჟი გააფრთხილა, რომ იარაღს გამოიყენებდნენ იმ შემთხვევაში, თუ ხომალდი იმავე კურსით განაგრძობდა სვლას. 

აღნიშნულ გაფრთხილებაზე ბრიტანულ ეკიპაჟს რეაგირება არ მოუხდენია. შესაბამისად, უკვე 12:06 და 12:08 საათებზე რუსულმა სასაზღვრო-სანაპირო ხომალდმა გამაფრთხილებელი ცეცხლი გახსნა, ხოლო კიდევ ცხრა წუთის შემდეგ გამანადგურებელმა Су-24м ასევე გამაფრთხილებელი ბომბები ჩამოყარა ესკადრონული ნაღმმზიდის გზაზე. ბრიტანულმა Defender-მა რუსეთის ფედერაციის ტერიტორიული წყლები 12:23 საათზე დატოვა.

16
თემები:
რუსეთი დღეს
პრინცესა დიანა და პრინცი ჩარლზი

„რა მოხდა?...“ - პრინცესა დიანას ბოლო სიტყვებს სიკვდილის წინ ექიმი იხსენებს

44
(განახლებულია 11:53 24.06.2021)
პრინცესა დიანას ტრაგიკული გარდაცვალებიდან 24 წელი გავიდა. მისი გარდაცვალების ბოლო წუთები ექიმმა გაიხსენა, რომელმაც პირველად ნახა დიანა ავტოკატასტროფის შემდეგ

1 ივლისს პრინცესა დაიანას იუბილეა, ლეიდი დი 60 წლის უნდა გამხდარიყო. რომ არა 1997 წლის 30 აგვისტოს ტრაგედია, დღეს ის ცოცხალი იქნებოდა. პრინცესა დაიანას იუბილესთან დაკავშირებით გამოცემა „დეილი მეილმა“ მისი სიცოცხლის ბოლო წუთები გაიხსენა. გამოცემამ აღადგინა ინტერვიუები იმ ადამიანებთან, რომლებსაც ბოლო წუთებში დაიანასთან კონტაქტი ჰქონდათ. მათ შორის იყვნენ გამვლელები, სასწრაფო სამედიცინო დახმარების ექიმები, რეანიმატოლოგები და პაპარაცები.

ავარია მაშინ მოხდა, როდესაც პრინცესა დაიანა დოდი ალ-ფაიედთან და დაცვის წევრთან ერთად სასტუმრო „რიცადან“ გამოვიდა, გვირაბში მიმავალი მანქანა ბოძსს შეეჯახა. პირველი შემთხვევის ადგილზე გაჩნდა ექიმი ფრედრიკ მეიეზი, რომელიც ადგილზე შემთხვევით აღმოჩნდა. ექიმს თან ჰქონდა სააფთიაქო ჩანთა და მან ადგილზევე სცადა პირველადი დახმარების აღმოჩენა.

ის ამბობს, რომ წარმოდგენაც კი არ ჰქონდა, ვის ეხმარებოდა. ახსოვს, რომ დაიანა მანქანის უკანა სავარძელზე იწვა, მას სახე დაზიანებული ჰქონდა, თუმცა სუნთქავდა და საუბრობდა: „ღმერთო, რა მოხდა?!“ – ეს იყო სიტყვები, რომელიც დაიანამ ექიმს უთხრა. 10 წუთში ადგილზე გაჩნდა პოლიციაც, ნახევარ საათში კი პრინცესა დაიანა კლინიკაში გადაიყვანეს.

პიტიე-სალპეტრიემის კლინიკაში ექიმები მთელი სამი საათის მანძილზე ცდილობდნენ პრინცესა დაიანას გადარჩენას, ჩატარდა გულის მასაჟი, გული დაიანს რამდენჯერმე გაუჩერდა, თუმცა მალევე შინაგანი სისხლდენა დაიწყო და მისი გადარჩენა ვერ მოხერხდა. ავტოსაგზაო შემთხევვის  გამოძიება 18 თვეს გაგრძელდა, დადგინდა, რომ დამნაშავე იყო მძღოლი, ანრო პილი, რომელიც არაფხიზელ მდგომარეობაში იმყოფებოდა. ის და დოდი ალ-ფაიედი ადგილზე გარდაიცვალნენ. გადარჩა მხოლოდ დაიანას დაცვის წევრი, ტრევორ რის-ჯონსი, რომელიც მომხდარს ვერ იხსენებს.

44
თემები:
სამეფო ოჯახის ამბები
სოფიკო შევარდნაძე

„სამი თვეა ამ სასწაულთან ერთად ვცხოვრობ“ - სოფო შევარდნაძე პირად ცხოვრებაზე დუმილს არღვევს

0
(განახლებულია 15:22 24.06.2021)
ცნობილმა ჟურნალისტმა პაუზის შემდეგ ვაჟთან ერთად უახლესი ფოტო გამოაქვეყნა და ცხოვრებისეულ პირად დეტალებზე ისაუბრა. რატომ არის 42 წლის ტელესახის ცხოვრებაში უკანასკნელი სამი თვე სასწაული?

საქართველოს ყოფილი პრეზიდენტის შვილიშვილი, ცნობილი ჟურნალისტი სოფო შევარდნაძე „ინსტაგრამის“ საკუთარ გვერდზე პირად ცხოვრებაზე საუბრობს, რადგან ბოლო პერიოდში, მას მერე, რაც ის დედა გახდა, არ წყდება კითხვები, თუ რატომ არ ჩანს მისი მეორე ნახევარი, ან რატომ არ ასაჯაროებს პატარა ანდრიას ფოტოს. მან გადაწყვიტა, დუმილი კიდევ ერთხელ დაარღვიოს.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

სოფიკოს მიერ ვაჟთან ერთად გამოქვეყნებულ ფოტოებს, „ფოლოვერები“ სულმოუთქმენლად ელიან, თუმცა სოფო პირადი სივრცის პრინციპებს არ არღვევს. ახალშობილ ვაჟთან ერთად პოზირებს, ერთობლივ კადრებს სოციალურ ქსელში განათავსებს, თუმცა სახეს ამ დრომდე უმალავს. „სამი თვეა ამ სასწაულთან ერთად ვცხოვრობ“,- აღნიშნავს სოფო მიკრობლოგის ახალ პოსტზე. „ამიერიდან ყველაფერი სხვანაირად იქნება, აღმოჩნდა, რომ ადამიანური რესურსები ამოუწურავია. როცა მესმის შეკითხვები დედობისა და სამსახურის შეთავსებაზე, წამიერად ვპასუხობ, რომ ყველაფერი შესაძლებელია, თუ გაქვს სურვილი და არ გაქვს კომპლექსები, რომლებსაც უსაფუძვლო დანაშაულის განცდა სდევს ხოლმე თან“,- უყვება ფანებს ჟურნალისტი.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

„ახლა ჩემი ოჯახი მაქვს. მე უკვე არა მხოლოდ ქალიშვილი, ან შვილიშვილი ვარ. ახლა დედა ვარ. და რაც არ უნდა უნდოდეს ბევრს, გაიგოს მეტი და უფრო ახლოს, მე უბრალოდ ვიცი, რომ ამიერიდან ჩემი შვილისთვის საზღვრების აგება ჩემი პასუხისმგებლობაა. ყოველთვის მიმაჩნდა, რომ ოჯახის წევრებს აქვთ უფლება, თავად გადაწყვიტონ, სურთ მათ საჯაროობა თუ არა. ჩვენი საქმე კი ის არის, მათ მივცეთ ეს არჩევანი და დავიცვათ არასაჭირო ყურადღებისგან. თუ ადამიანს, რომელიც ჩემ გვერდით არის, შეუძლია საკუთარი თავის დაცვა ამ უფლებით, ჩემი შვილისთვის მე ვარ ასეთი დამცველი. და მხოლოდ როდესაც ანდრია გაიზრდება და თავად შეძლებს გადაწყვიტოს, რის მიწოდება შეუძლია სამყაროსთვის, მე ვიქნები მხოლოდ და მხოლოდ დამკვირვებელი. მანამდე კი ასეა“, – წერდა სოფო.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

0
თემები:
ქართველი სელებრითები