ჯანმოს ემბლემა

ჯანმო: არ დალიოთ ანტიბიოტიკები კორონავირუსის პროფილაქტიკისთვის

120
(განახლებულია 21:56 18.11.2020)
საჭიროების გარეშე ანტიბიოტიკების უკონტროლოდ გამოყენება იწვევს ამ პრეპარატებისადმი მდგრადობის გამომუშავებას და შედეგად მათი მოქმედების შესუსტებას – როდესაც ამ წამლების მიღების აუცილებლობა დადგება.

თბილისი, 18 ნოემბერი - Sputnik. ჯანდაცვის მსოფლიო ორგანიზაციამ მოსახლეობას მოუწოდა, არ დალიონ ანტიბიოტიკები რომელიმე დაავადების პროფილაქტიკის მიზნით და ექიმის დანიშნულების გარეშე. ამის შესახებ წერს РИА Новости.

ჯანდაცვის მსოფლიო ორგანიზაციაში აღნიშნავენ, რომ ევროპაში იზრდება ანტიბიოტიკების მიმართ ორგანიზმის მდგრადობის განვითარების რისკი, რასაც COVID-19-ის პანდემიის დროს ამ პრეპარატების არასწორი მიღება იწვევს.

„მიუხედავად იმ ფაქტისა, რომ ანტიბიოტიკი არ კურნავს და არ იცავს COVID-19-ის მსგავსი ინფექციებისგან, ევროპის რეგიონის ცხრა ქვეყანასა და ზონაში ჩატარებული ადამიანების ქცევის კვლევის შედეგები ცხადყოფს, რომ ანტიბიოტიკების გამოყენება პანდემიის განმავლობაში ახალი შემთხვევების რაოდენობასთან ერთად იზრდებოდა“, - ნათქვამია ჯანმოს ევროპის ბიუროს განცხადებაში, რომელიც ორგანიზაციის ვებგვერდზე გამოქვეყნდა.

კვლევის თანახმად, იმ ადამიანების 79-96%, რომლებიც ანტიბიოტიკებს იღებდნენ, არ იყვნენ ავად COVID-19-ით, მაგრამ წამლებს სვამდნენ კორონავირუსისგან თავის დასაცავად. ასევე სტაციონარებში გადაყვანილი პაციენტების მხოლოდ 15%-ს სჭირდებოდა ანტიბიოტიკები, ვინაიდან მათ აღენიშნებოდათ თანმდევი ბაქტერიული ინფექციები, თუმცა პრეპარატი დაავადებულების 75%-ს გამოუწერეს.

ჯანმოში ასევე აღნიშნეს, რომ ცეფალოსპორინების ჯგუფის ანტიბიოტიკების მესამე თაობამ მალევე შეიძლება დაკარგოს ეფექტურობა, რადგან ევროპის არაერთი სამედიცინო დაწესებულება პანდემიის დასაწყისში ცდილობდა ინფიცირებული პაციენტების მკურნალობას მსგავსი პრეპარატებით.

120
თემები:
COVID-19-ის პანდემია მსოფლიოში (1232)
უდაბნო იუთას შტატში

უდაბნოში ნაპოვნი „უცხოპლანეტური“ მონოლითი სადღაც გაუჩინარდა: ვიდეო

10
(განახლებულია 17:52 30.11.2020)
იუტას უდაბნოში ორიოდე დღის წინ შემთხვევით ნაპოვნი იდუმალი ობელისკი უკვალოდ გაქრა და ახალი თავსატეხი გაუჩინა მსოფლიოს

თბილისი, 30 ნოემბერი — Sputnik. მბრწყინავი ლითონისგან დამზადებული იდუმალი მონოლითი, რომელიც იუტის (აშშ) უდაბნოში ორიოდე დღის წინ აღმოაჩინეს, უკვალოდ გაქრა, იუწყება მედია.

​გავრცელებული ინფორმაციით, დაახლოებით 3 მ სიმაღლის მონოლითი, რომელიც უცხოპლანეტურ ნაგებობას ჰგავს, იუტის საზოგადოებრივი უსაფრთხოების დეპარტამენტის თანამშრომლებმა შენიშნეს ვერტმფრენიდან, როდესაც უდაბნოს თავზე შემოფრენას ახორციელებდნენ.

აღსანიშნავია, რომ ინფორმაციამ უცნაური აღმოჩენის შესახებ მსოფლიოს ყველა ქვეყნის მედიასაშუალებები შემოიარა.

შტატის ხელისუფლებამ დაადასტურა იდუმალი მონოლითის პოვნის ფაქტი, მაგრამ მისი ზუსტი კოორდინატების გამჟღავნებაზე იარი თქვეს. გადაწყვეტილების მიზეზად ადამიანების სიცოცხლეზე ზრუნვა დაასახელეს, ვინაიდან უდაბნოს ცენტრში მდებარე ობელისკამდე მისვლა კარგად მომზადებული ადამიანებისთვისაც კი სახიფათო იყო.

მიუხედავად ამისა, ზოგმა დაინეტერსებულმა პირმა მაინც შეძლო მიეგნო ობელისკისთვის.

​თვითმხილველების თქმით, უდაბნოში ნაპოვნი მონოლითი ძალიან ჰგავდა ფორმით ობელისკს სტენლი კუბრიკის ფილმ „2011 წლის კოსმოსური ოდისეიდან“ — ოღონდ იმ განსხვავებით, რომ შავი კი არ იყო, არამედ მბრწყინავი ვერცხლისფერი.  

შტატის ხელისუფლებამ ობიექტის შესწავლა დაიწყო, ხოლო მიწათმოწყობის ბიურომ განაცხადა, რომ საზოგადოებრივ ტერიტორიებზე ნებისმიერ კონსტრუქციის, მათ შორის, უცხოპლანეტურისაც , უკანონოდ მიიჩნოვა. თუმცა ისინი კატეგორიულად უარყოფენ მონოლითის იდუმალ გაუჩინარებასთან რაიმე კავშირს.

როგორც მედია წერს, „უცხოპლანეტური“ ობელისკისგან ახლა ადგილზე მხოლოდ ნათხარი და ლითონის სამკუთხედია დარჩენილი, რომელიც მანამდე კონსტრუქციის თავზე იყო დამაგრებული.

როგორც კოლორადოს მკვიდრი რიკარდო მარინო ამბობს გამოცემასთან, მან მონოლითთან მისასვლელ გზაზე ღამით, დაახლოებით 22:40 საათზე სატვირთო ავტომობილი შენიშა. რომელსაც დიდი სწორკუთხა საგანი გადაჰქონდა. მან ვერ შენიშნა, ზუსტად რა მიჰქონდა ავტომობილს, მაგრამ ადგილზე მისულს ობელისკი აღარ დახვდა.

 

10
თემები:
მსოფლიო დღეს
მოხუცი ქალბატონის ხელები

დაუჯერებელი ფაქტი: 101 წლის ქალმა კორონავირუსი სამჯერ დაამარცხა - ფოტო

28
(განახლებულია 16:20 30.11.2020)
დღეგრძელ ქალბატონს, რომელმაც მანამდე „ესპანური გრიპის“ ეპიდემიაც გამოიარა და მეორე მსოფლიო ომიც, ვერც კორონავირუსი მოერია

თბილისი, 30 ნოემბერი — Sputnik. 101 წლის იტალიელი ქალბატონი მარია ორსინგერი სამჯერ დაინფიცირდა კორონავირუსით და სამჯერვე დაამარცხა დაავადება , იუწყება გაზეთი Corriere della Sera.

გავრცელებული ინფორმაციით, COVID-19–ის დიაგნოზი მხცოვან ქალს პირველად თებერვალში დაუსვეს. მაშინ ექიმები ამბობდნენ. რომ მარია ორსინგერმა იოლად გადაიტანა საშიში დაავადება.

​თუმცა რამდენიმე თვის შემდეგ მან კიდევ ერთხელ გაიკეთა ტესტი და ინფიცირებაზე დადებითი პასუხი მიიღო. ამიტომ სექტემბერში საუკუნეზე მეტი ასაკის ქალი საავადმყოფოში მოხვდა, სადაც 18 დღე დაჰყო.

ექიმების თქმით, მარიას ამ ჯერზე ტემპერატურა კი ჰქონდა, მაგრამ ავადმყოფობა მაინც იოლ ფორმებში მიმდინარეობდა.

ბოლოს, უკვე მესამედ, ორსინგერს კორონავირუსი ოქტომბერში დაუდასტურდა.

„არანაირი სიმპტომი არ ჰქონია. თავს კარგად გრძნობდა, მადაც კი არ დაუკარგავს“, — ამბობს მარიას ქალიშვილი.

ექიმების თქმით, მარია ორსინგერის შემთხვევა ერთ–ერთი ყველაზე იშვიათია, ვინაიდან კორონავირუსით განმეორებითი ინფიცირების ფაქტებიც კი მსოფლიოში ძალიან მცირეა, რომ აღარაფერი ვთქვათ სამჯერ დაავადებაზე.

28
თემები:
მსოფლიო დღეს
აქცია ბათუმში

„ეს უპასუხისმგებლობაა“ ამირან გამყრელიძე საპროტესტო აქციებზე აჭარაში

0
(განახლებულია 17:36 30.11.2020)
თუ საქართველოს მოქალაქეები არ დაიცავენ დადგენილ რეკომენდაციებს, ქვეყანა ვირუსს ვერ შეებრძოლება, აღნიშნავს ეპიდემიოლოგი

თბილისი, 30 ნოემბერი – Sputnik. დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საპროტესტო აქციებს აჭარაში უპასუხისმგებლობა უწოდა.

კარვები, ჯიხურები, პროტესტი: რა ხდება აჭარის მთავრობის სახლთან>>

ბათუმში უვადო საპროტესტო აქციები 8 ნოემბერს დაიწყო. მისი მონაწილეები მოითხოვენ რიგგარეშე არჩევნების ჩატარებას, საარჩევნო ადმინისტრაციის შეცვლასა და პოლიტპატიმრების გათავისუფლებას. მთავრობის სახლის წინ კარვებია გაშლილი. ეპიდემიოლოგები აღნიშნავენ, რომ ასეთი აქციების დროს არ იცავენ უსაფრთხოების ძირითად ზომებს – პირბადის ტარებასა და დისტანციას.

გამყრელიძის განცხადებით, ქვეყანაში პოლიტიკური პროცესიც კი პანდემიის მართვას უნდა ემორჩილებოდეს.

„სერიოზული პანდემიის წინაშეა მთელი მსოფლიო, სერიოზული ზრდა გვაქვს ქვეყანაში ინფიცირების. სწორედ ამის შეჩერების რამდენიმე მიდგომა არსებობს, ერთ-ერთი სწორედ ის შემზღუდველი ღონისძიებებია, რაც ქვეყანამ დააწესა. მაგრამ ერთია დაწესება და აღსრულება - მეორე. თუ მას არ აღვასრულებთ და თითოეული ადამიანი არ გავითავისებთ, რომ უნდა დავიცვათ რეკომენდაციები, ისე არაფერი არ გამოვა“, – განაცხადა გამყრელიძემ ბრიფინგზე.

საკითხს გამოეხმაურა ჯანდაცვის მინისტრი ეკატერინე ტიკარაძეც. მან კიდევ ერთხელ აღნიშნა, თუ რამდენად მნიშვნელოვანია ყველა რეკომენდაციისა და წესის დაცვა. მისი თქმით, პანდემია მძვინვარებს არა მხოლოდ საქართველოში, არამედ მთელ მსოფლიოში და პირველი და უმთავრესი ამოცანა ადამიანების სიცოცხლის დაცვაა.

„ეს პიკია" – გამყრელიძე ქვეყანაში შექმნილ ეპიდვითარებაზე>>

საქართველოში კორონავირუსის მეორე ტალღაა. ყოველდღიურად ვირუსის დაახლოებით 4 ათასი შემთხვევა ვლინდება. ინფიცირებულთა რაოდენობის შესაკავებლად 28 ნოემბრიდან რიგი შეზღუდვები ამოქმედდა. ყველაზე სერიოზული შეზღუდვები დიდ ქალაქებში მოქმედებს, სადაც გაჩერებულია საქალაქო ტრანსპორტი, არ მუშაობს სავაჭრო ცენტრები, ბაზრობები, სპორტდარბაზები, აუზები, ქვეყანაში მოქმედებს პირბადის რეჟიმი და იკრძალება ღამით გარეთ გასვლა.

0
თემები:
COVID-19 საქართველოში