ცეცხლწაკიდებული ნოუთბუქი

იაფი და საშიში: ნოუთბუქის Amazon-ზე ნაყიდი აკუმულატორი აფეთქდა და ხანძარი გააჩინა

72
(განახლებულია 20:23 18.11.2020)
ექსპერტები დაჟინებით მოუწოდებენ მომხმარებლებს, ელექტროტექნიკა მხოლოდ მაღაზიებში ან ცნობილი მწარმოებლების ვებ-საიტებზე შეიძინონ და არა „მესამე პირებისგან“.

თბილისი, 18 ნოემბერი — Sputnik. ისეთი ონლაინ-კომპანიების პლატფორმებზე, როგორებიცაა Amazon, Wish და eBay, ზოგჯერ უკიდურესად სახიფათო პროდუქცია იყიდება, რომლებიც, როგორც წესი, მომხმარებლებს მეტისმეტად მაცდური ფასებით იზიდავენ, იუწყება BBC მომხმარებელთა უფლებების დამცველ ორგანიზაციებზე დაყრდნობით.  

ორგანიზაცია Electrical Safety First-ის შეშფოთების მიზეზი გახდა ლეპტოპი, რომელსაც Amazon-ზე შეძენილი აკუმულატორის დაყენების შემდეგ ცეცხლი გაუჩნდა.  

„დაახლოებით 22:30 საათი იყო. ჩემი ორი ძაღლის გასეირნებას ვაპირებდი. ამ დროს ლეპტოპი მაგიდაზე იდო და იტენებოდა. უცბად გაისმა ჭახანი. პანიკაში ჩავარდნილმა ძაღლებთან ერთად ბაღში ვისკუპე და უკვე იქიდან დავინახე თავზარდაცემულმა, თუ როგორ ავარდა ალი ლეპტოპზე და მერე ცეცხლი მაგიდასაც წაეკიდა“, — ამბობს რეიჩელ კენტი, რომელმაც „ამაზონზე“ შეიძინა უვარგისი აკუმულატორი.

საბედნიეროდ, სახანძრო დროულად მივიდა შემთხვევის ადგილზე და ცეცხლი ჩააქრეს.

რეიჩელს ექსპერტებმა უთხრეს, რომ ლეპტოპი სწორედ იმ აკუმულატორის გამო აფეთქდა, რომელიც „ამაზონზე“ შეიძინა.

ESF-ის აღმასრულებელ დირექტორს ლესლი რადს ეჭვიც არ ეპარება, რომ შობის წინა დღეებში ბევრი ადამიანი კვლავ მიმართავს ინტერნეტით ონლაინ-შესყიდვებს. ამიტომ დაჟინებით ურჩევს ყველას, „ვინც ელექტროტექნიკას ყიდულობს, შეიძინოს ისინი მაღაზიებში ან ცნობილი მწარმოებლების ვებ-საიტებზე და არა მესამე პირებისგან, რომლებიც ინტერნეტით ვაჭრობენ“.

„გამოძიების დროს ჩვენ ძალიან საშიში პროდუქტები ვიპოვეთ. უხარისხო ან ფალსიფიცირებული ნივთების თვალით დადგენა ზოგჯერ ძალზე ძნელია, განსაკუთრებით მაშინ, თუ გამოცდილება არ გაქვთ“, — ამბობს ლესლი რადი.

მას ეთანხმება მომხმარებელთა უფლებების დაცვის კომპანია Which?-ის წარმომადგენელი სიუ დევისიც, რომელიც ყველაზე ფართო სპექტრის პროდუქციის ტესტირებითა და შედარებით არის დაკავებული.

„Which? მუდმივად აფიქსირებს უამრავ საშიშ საქონელს, რომლებიც ინტერნეტ-მაღაზიებში იყიდება, მათ შორის, ნაძვის ხის მოსართავებსა და საბავშვო სათამაშოებსაც. იმის გათვალისწინებით, რომ ამ ზამთარს ადამიანები უფრო მეტად იქნებიან დამოკიდებული ინტერნეტ–შესყიდვებზე, კარგი იქნებოდა, თუ ონლაინ-გამყიდველებს იურიდიული პასუხისმგებლობა დაეკისრებოდათ მათ მიერ გაყიდული პროდუქციის უსაფრთხოებაზე, რათა სახიფათო პროდუქცია შობაზე სახლებში არ აღმოჩნდეს“, — განაცხადა დევისმა.   

 

72
თემები:
მსოფლიო დღეს (2325)
მდგომარეობა მსოფლიოში კორონავირუსთან დაკავშირებით

მსოფლიოში COVID-19-ით ინფიცირების ახალი შემთხვევების და გარდაცვალების რეკორდი დაფიქსირდა

78
კორონავირუსის მეორე ტალღამ ქვეყნებს გაცილებით დიდი ძალით გადაუარა, ვიდრე პირველმა, და ინფიცირებულთა რაოდენობა გამუდმებით იზრდება

თბილისი, 28 ნოემბერი – Sputnik. მსოფლიოში კორონავირუსით ინფიცირების ახალი შემთხვევების რაოდენობა ბოლო 24 საათში 747 082-ით გაიზარდა, რაც პანდემიის დაწყებიდან რეკორდული მაჩვენებელია, ნათქვამია ჯანდაცვის მსოფლიო ორგანიზაციის ვებგვერდზე მოყვანილ მონაცემებში.

ერთ დღე-ღამეში გარდაიცვალა 13 296 ადამიანი, რაც ასევე რეკორდული რიცხვია.

COVID-19-ის ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში (405 ათასზე მეტი) და ევროპაში (236 ათასზე მეტი).

მსოფლიოში კორონავირუსით ინფიცირების 61,2 მილიონზე მეტი შემთხვევა დაფიქსირდა, გარდაიცვალა 1,4 მილიონზე მეტი ადამიანი.

ჯანდაცვის მსოფლიო ორგანიზაციამ 11 მარტს ახალი კორონავირუსის აფეთქებას პანდემია უწოდა.

78
თემები:
COVID-19-ის პანდემია მსოფლიოში
საპროტესტო აქცია პარიზში

მასშტაბური საპროტესტო აქცია პარიზში არეულობებში გადაიზარდა - ვიდეო

51
თავიდან მშვიდობიანი აქცია არეულობებში მას მერე გადაიზარდა, რაც პოლიციის მისამართით მომიტინგეებმა ბოთლები და ფოიერვერკები ისროლეს, სამართალდამცველებმა კი საპასუხოდ ცრემლსადენი გაზი გამოიყენეს

თბილისი, 28 ნოემბერი - Sputnik. მედიის თავისუფლების მხარდამჭერი მასობრივი მანიფესტაცია პარიზში არეულობებში გადაიზარდა, იუწყება РИА Новости.

საფრანგეთის უმსხვილესი პროფკავშირების ორგანიზებით გამართულმა აქციამ მონაწილეთა უზარმაზარი რაოდენობა შეკრიბა. მომიტინგეები 14:00 საათზე მსვლელობით გაემართნენ რესპუბლიკის მოედნიდან ბასტილიის მოედნის მიმართულებით.

მსვლელობაში მონაწილეობა მიიღეს შემდეგი უმსხვილესი ფრანგული მედიის წარმომადგენლებმა - გაზეთი Monde, ჟურნალი Paris Match, რადიოსადგური RFI, ასევე საერთაშორისო ორგანიზაცია „რეპორტიორები საზღვრების გარეშე“. გარდა ამისა, მანიფესტაციას შეუერთდნენ ადვოკატები, როლებიც აქციაზე შავ მანტიებში გამოწყობილები გამოცხადდნენ, და ზოგიერთი პარლამენტარები. კოლონაში ყვითელჟილეტიანებიც ჩანდნენ.

საათნახევარში მშვიდობიან დემონსტრაციას შეუერთდა შავ სამოსში გამოწყობილი ადამიანების მრავალრიცხოვანი ჯგუფი. ისინი ჯერ პოლიციის მისამართით შეურაცხმყოფელ შეძახილებს გაჰყვიროდნენ, შემდეგ კი ძალოვანებს ბოთლები და ფოიერვერკები ესროლეს. ხულიგნებმა ასევე ნაგვის დიდ კონტეინერს ცეცხლი წაუკიდეს.

პოლიციელებმა უკან დაიხიეს და ამავე დროს ცრემლსადენი გაზი გამოიყენეს.

კანონპროექტის არსი

სამშაბათს, საფრანგეთის ეროვნულმა ასამბლეამ პირველი მოსმენით მხარი დაუჭირა კანონპროექტს „გლობალური უსაფრთხოების შესახებ", რომლის 24-ე მუხლი ერთი წლით თავისუფლების აღკვეთას და 45 ათასი ევროს ოდენობის ჯარიმას ითვალისწინებს „პოლიციელის ან ჟანდარმის სახის ან იდენტიფიკაციის სხვა ელემენტის გამოსახულებისათვის, მათი ფიზიკური ან ფსიქიკური ხელშეუხებლობისთვის აშკარა ზიანის მიყენების მიზნით”.

ცვლილებაში, რომელიც ამ მუხლში შევიდა, ზუსტდება, რომ ეს ზომა ვერ დაარღვევს ინფორმაციის ცოდნის უფლებას.

სტატიამ მკვეთრი კრიტიკა გამოიწვია ჟურნალისტების საზოგადოებაში. მედიის თანამშრომლები ფიქრობენ, რომ კანონპროექტის მიღების შემთხვევაში სიტყვის თავისუფლებას ზიანი მიადგება, რადგან მანიფესტაციების დროს ძალოვანების ქმედებების გადაღება შეუძლებელი გახდება.

მთავრობაში კი განაცხადეს, რომ დოკუმენტი ამ უფლებას არ არღვევს.

პარიზში ამ კანონპროექტის წინააღმდეგ აქციები რამდენიმე დღის განმავლობაში არ წყდება. ბევრჯერ მანიფესტაციები დემონსტრანტების და პოლიციის შეტაკებებით დასრულდა.

51
თემები:
მსოფლიო დღეს (2325)
ეკლესია ხადის ხეობაში

საეკლესიო კალენდარი: 29 ნოემბერი

0
(განახლებულია 19:56 28.11.2020)
საქართველოს მართლმადიდებელი ეკლესია 29 ნოემბერს მათე მოციქულისა და მართალი ფუბლიანეს, წმიდა ნათლისღებით მათეს ხსენების დღეს აღნიშნავს.

წმიდა მოციქული და მახარებელი მათე, მართალი ფულბიანე, ეთიოპიის მთავარი, წმიდა ნათლისღებით მათე 

წმიდა მოციქული და მახარებელი მათე, ძე ალფესი, გალილეის ქალაქ კაპერნაუმის მკვიდრი იყო. იგი მეზვერედ, ანუ გადასახადების ამკრეფად მუშაობდა და საკმაოდ შეძლებულადაც ცხოვრობდა. თანამემამულეთ სძაგდათ იგი ყველა სხვა მეზვერის მსგავსად და ყველასაგან მოძაგებულ მეზვერეზე, უფალმა იესო ქრისტემ შეაჩერა თავისი ღვთაებრივი მზერა. ერთხელ, როცა უფალი კაპერნაუმში იმყოფებოდა, იგი გამოვიდა ამ ქალაქიდან და დიდძალი ხალხის თანხლებით ზღვის სანაპიროსაკენ გაეშურა. აქ საზვერესთან მათე იჯდა. უფალი მიუახლოვდა მას და უთხრა:

- შემომიდეგ მე!

ეს სიტყვები მეზვერე მათემ მხოლოდ ხორციელი ყურებით კი არ გაიგონა, არამედ გულისმიერითაც ისმინა და უმალვე წამოდგა თავისი საზვერე ადგილიდან, რათა ყოველივე მიეტოვებინა და უფალს შესდგომოდა.

ამ დროიდან მოყოლებული, მათემ მიატოვა მთელი თავისი ქონება-სამკვიდრებელი, ქრისტეს შეუდგა და უკვე აღარასოდეს განშორებია მას ვითარცა ერთგული მოწაფე.

უფლის წმიდა მოციქულებზე სულიწმიდის გარდამოსვლის შემდეგ წმიდა მათე, სხვა მოციქულებთან ერთად, თავიდან პალესტინაში იმყოფებოდა და იერუსალიმსა და მის შემოგარენში ქადაგებდა სახარებას. მაგრამ, აი, დადგა ის ჟამიც, როცა მოციქულები იერუსალიმიდან უნდა წასულიყვნენ და მთელს ქვეყნიერებაზე გაბნეული ხალხებისათვის ექადაგათ ღვთის სიტყვა, რათა ჭეშმარიტ სარწმუნოებაზე მოექციათ ისინი.

ქრისტიანებად მოქცეულმა აქაურმა იუდეველებმა სთხოვეს მას, წერილობით გადმოგვეცი უფალ იესო ქრისტეს საქმეები და მოძღვრება, რათა ყოველთვის, თქვენს არყოფნაშიც, შეგვეძლოს მათი მოხსენებაო. იერუსალიმელ მორწმუნეთა ამ თხოვნას მაშინ იქ მყოფი სხვა მოციქულებიც დაეთანხმნენ, და წმიდა მათეც ამ დიდი საქმის შესრულებას შეუდგა. მისი სახარება დაწერილია 8 წლის შემდგომ უფლის ზეცად ამაღლებიდან.

იერუსალიმიდან წასული წმიდა მოციქული მათე ბევრ ქვეყანაში ქადაგებდა ღვთის სიტყვას.

უკაცრიელ მთაზე განმარტოებულ წმიდა მოციქულს თვით უფალი გამოეცხადა მშვენიერი ჭაბუკის სახით, რომელსაც მარჯვენა ხელში კვერთხი ეჭირა, და მიესალმა თავის მოწაფეს. შემდეგ კვერთხი გაუწოდა და უბრძანა, ჩადი ამ მთიდან ქალაქში და ეს კვერთხი შენს მიერ დაარსებული ეკლესიის კარიბჭესთან აღმართეო.

წმიდა მოციქულმა მათემ ჩაიბარა კვერთხი უფლის ხელთაგან, ჩავიდა ქალაქში და ნარბძანების შესასრულებლად გაემართა. იმ ქალაქის მთავრის, ფუბლიანეს ცოლი და ვაჟიშვილი ბოროტი სულებით იყვნენ შეპყრობილნი. დედა-შვილი შემთხვევით შეხვდა ქუჩაში მიმავალ მოციქულს და სასტიკი, შემაშინებელი ხმით დაიწყეს ყვირილი: წმიდა მათემ აღუკრძალა არაწმიდა სულებს ღაღადი და განდევნა ისინი. განკურნებულმა დედა-შვილმა თაყვანი სცა მოციქულს და მშვიდად გაჰყვნენ უკან.

როცა თავისი ცოლ-შვილის განკურნებისა და მომხდარი სასწაულის შესახებ შეიტყო, ქალაქის თავმა თავიდან განიხარა, მაგრამ შემდეგ, ეშმაკის ჩაგონებით, რისხვით აღივსო მოციქულისადმი, რადგან მთელი ქალაქის მცხოვრებნი მასთან მიდიოდნენ და ინათლებოდნენ, ხოლო თავიანთ უწინდელ კერპებს ზურგს აქცევდნენ. ამის გამო ფუბლიანემ მისი მოკვლა გადაწყვიტა.

მაშინ ფუბლიანემ უბრძანა მეომრებს შეეპყროთ წმიდა მოციქული, მიწაზე დაეგდოთ გულაღმა და ხელ-ფეხით ძელისათვის მიემსჭვალათ. როცა ეს აღასრულეს, მსახურებმა, ასევე მთავრის ბრძანებით, დიდძალი ფიჩხი და ტოტები მოაგროვეს, მოიტანეს ფისი და გოგირდიც, ყოველივე ეს მოციქულს დააყარეს ზემოდან და ცეცხლი წაუკიდეს. წმიდა მოციქულმა უფალს მიაბარა თავისი წმიდა სული (ეს მოხდა დაახლოებით 60 წელს ქრისტეს შობიდან).

ფუბლიანემ ირწმუნა უფალი ჩვენი იესო ქრისტე, და ყველას გასაგონად აღიარა, რომ სწორედ იგია ერთი ჭეშმარიტი ღმერთი და მოინათლა. მას მათე ეწოდა.

მან მალე სხვას ჩააბარა თავისი სამთავრო ხელისუფლება, სრულიად უარყო ამქვეყნიური საზრუნავნი და მთლიანად ლოცვა-ვედრებას მიეცა ღმრთის ეკლესიაში. მათემ მიიღო ეპისკოპოსობა და კეთილად იღვაწა რწმენის ხარებაში: მრავალნი განაშორა კერპთაყვანისმცემლობის სიბნელეს და ჭეშმარიტ ღმერთთან მოიყვანა; ბოლოს კი, ხანგრძლივი, ღვთის სათნომყოფელი ცხოვრების შემდეგ თვითონაც ჩაბარდა უფალს.

მასალა მომზადებულია ღია წყაროებზე დაყრდნობით

 

0