თბილისი, 17 ნოემბერი — Sputnik. გაეროს გენერალური ასამბლეის თავმჯდომარემ ვოლკან ბოზკირმა ორგანიზაციის უშიშროების საბჭოს მუშაობა გააკრიტიკა და განაცხადა, რომ სტრუქტურა ეფექტურად ვერ პასუხობს მსოფლიოს წინაშე მდგარ სასიცოცხლო გამოწვევებს.
ამის შესახებ დიპლომატმა საკუთარ გვერდზე დაწერა სოციალურ ქსელ Twitter-ზე.
While the #UnitedNations needs much deeper reforms, it is evident that reform of the Security Council is an unavoidable imperative, both challenging and essential. Through active engagement and a pragmatic approach, I believe we can make meaningful progress on this agenda. #UNGA. pic.twitter.com/0cN784Zhe0
— UN GA President (@UN_PGA) November 16, 2020
ბოზკირის თქმით, უშიშროების საბჭოს რეფორმა გარდაუვალია.
„მიმაჩნია, რომ აქტიური მონაწილეობითა და პრაგმატული მიდგომით ჩვენ მნიშვნელოვან პროგრესს მივაღწევთ“, — იმედი აქვს გენასამბლეის თავმჯდომარეს.
მისი თქმით, ვეტოს უფლების ხშირი გამოყენება და წევრთა კონკურენტული ინტერესები ზღუდავს გაეროს უშიშროების საბჭოს ეფექტურობას, და ეს ხშირად ზოგი უკიდურესად სასწრაფოდ მოსაგვარებელი ჰუმანიტარული კრიზისის დროსაც კი ხდება.
თურქი დიპლომატი ვოლკან ბოზკირი გაეროს გენერალური ასამბლეის თავმჯდომარედ მიმდინარე წლის 17 ივნისს აირჩიეს 75-ე სესიაზე.