შვედეთის პრემიერ-მინისტრი შტეფან ლოვენი

სამასიდან რვამდე: შვედეთის პრემიერმა თავყრილობებზე მკაცრი შეზღუდვა დააწესა

53
(განახლებულია 15:45 17.11.2020)
მანამდე ქვყენაში კორონავირუსის პანდემიის გამო დაწესებული შეზღუდვების თანახმად, 300 კაცზე მეტის თავშეყრა იყო აკრძალული.

თბილისი, 17 ნოემბერი — Sputnik. კორონავირუსთან დაკავშირებული ვითარების გაუარესების გამო შვედეთში რვა კაცზე მეტის ერთად შეკრება იკრძალება, იუწყება სააგენტო Reuters ქვეყნის პრემიერ-მინისტრის შტეფან ლოვენის განცხადებაზე დაყრდნობით.

აღსანიშნავია, რომ მანამდე შვედეთში 300-ზე მეტი ადამიანის თავშეყრა იყო აკრძალული.

„ეს ახალი ნორმაა მთელი მოსახლეობისთვის. არ იაროთ სპორტდარბაზებში, არ იაროთ ბიბლიოთეკებში, არ მოაწყოთ წვეულებები. გააუქმეთ ყველაფერი“, — განაცხადა ლოვენმა.

მანამდე შვედეთის საზოგადოებრივი ჯანდაცვის სააგენტომ აღიარა, რომ მისი პროგნოზი კორონავირუსის მეორე ტალღის განვითარებასთან დაკავშირებით მცდარი იყო. ქვეყნის ხელისუფლებას იმედი ჰქონდა, რომ მიმდინარე წლის გაზაფხულზე კორონავირუსის საწინააღმდეგო შეზღუდვებზე უარის თქმით კოლექტიური იმუნიტეტი ჩამოყალიბდებოდა, რომელიც შემოდგომაზე ხელს შეუშლიდა დაავადების გავრცელებას. მაგრამ რეალურად ქვეყანამ სხვა სურათი მიიღო: ამ დროისათვის შვედეთში ჰოსპიტალიზაციის დონე სხვა ევროპულ ქვეყნებზე მაღალია.

 

53
თემები:
მსოფლიო დღეს (2309)

Agora Awards: 2020 წლის საუკეთესო ფოტოები

12
  • უნგრელი აკოს დუტკას „ავღანელი გოგონა 2020 წელს“
  • ქართველი ფოტოგრაფი ნიკა ფაილოძის სურათი „ყელიცადის ტბა“
  • გერმანელი ფოტოგრაფი კატარინა ი.-ს „ზამთრის გზა“
  • ამერიკელი ფოტოგრაფი ზეგ ჰარისის „პროტესტი ატლანტაში“
  • ვიეტნამელი ფოტოგრაფი კაო კი ნჰანის „აჩრდილები“
  • რუსი ფოტოგრაფი პაველ კუნის სურათი „როგორი იქნებოდა სამყარო, ყველას რომ ერთი სახე გვქონოდა?“
  • იტალიელი ფოტოგრაფი ესტერ ტურის სურათი „გიგანტების პირისპირ“
  • პორტუგალიელი ხორხე ბესალარის სურათი „ფერმერები“
  • იაპონელი ფოტოგრაფი რეიკო ტაკაჰაშის „მიკურაძიმა“
  • ბრიტანელი ჯო შელის „ჩრდილოეთის რეგვენები“
  • ბრაზილიელი ფოტოგრაფი ჯოვანი დრესლერის ფინალისტი სურათი „სადაც სიცოცხლე იწყება და სიყვარული არასდროს მთავრდება“
  • რუსი ფოტოგრაფი სერგეი სავენკოს „ჩემი ცოლი, ჩემი მარგალიტი“
  • ჰონკონგელი ფოტოგრაფი ჯონის სურათი „ქალაქის განათებები“
  • ფრანგი ფოტოგრაფი მატეოს „დამკვირვებლები“
  • რუსი ანდრეი პუგაჩის „ზამთარი ქალაქ ნურ-სულთანში“
ფოტოაპლიკაცია Agora-ს კონკურსის #BestPhotoOf2020 ფინალისტები გამოვლინდნენ. იხილეთ Sputnik-საქართველოს ფოტოლენტაში საუკეთესო სურათები ფოტოკონკურსიდან

წელს კონკურსში მთელი მსოფლიოდან 8 700 ნამუშევარი მონაწილეობდა. გამარჯვებული გახდა მწყურვალი ჭიანჭველების სურათი. ფოტომ ყველაზე მეტი ხმა მიიღო ხუთივე შესარჩევ ტურში. 2020 წელს ფინალში 50 ფოტოგრაფი გავიდა.

ახლა ფინალისტები პირველი ადგილისათვის და მთავარი ჯილდოსთვის - 25 ათასი დოლარისთვის შეჯიბრებას განაგრძობენ. გაიმარჯვებს ის ფოტო, რომელიც პლატფორმის 3,5 მილიონი მომხმარებლის უმეტესობის ხმას მიიღებს.

გამარჯვებული გამოვლინდება 28 დეკემბერს. სულ #BestPhotoOf2020-ზე 35 ათასზე მეტი მოთხოვნა გაიგზავნა 135 ქვეყნიდან.

12
  • უნგრელი აკოს დუტკას „ავღანელი გოგონა 2020 წელს“

    უნგრელი აკოს დუტკას „ავღანელი გოგონა 2020 წელს“

  • ქართველი ფოტოგრაფი ნიკა ფაილოძის სურათი „ყელიცადის ტბა“
    © photo : Agora @damiane

    ქართველი ფოტოგრაფი ნიკა ფაილოძის სურათი „ყელიცადის ტბა“

  • გერმანელი ფოტოგრაფი კატარინა ი.-ს „ზამთრის გზა“
    © photo : Agora @imkaphotos

    გერმანელი ფოტოგრაფი კატარინა ი.-ს „ზამთრის გზა“

  • ამერიკელი ფოტოგრაფი ზეგ ჰარისის „პროტესტი ატლანტაში“
    © photo : Agora @e2ek

    ამერიკელი ფოტოგრაფი ზეგ ჰარისის „პროტესტი ატლანტაში“

  • ვიეტნამელი ფოტოგრაფი კაო კი ნჰანის „აჩრდილები“
    © photo : Agora @caokynhan

    ვიეტნამელი ფოტოგრაფი კაო კი ნჰანის „აჩრდილები“

  • რუსი ფოტოგრაფი პაველ კუნის სურათი „როგორი იქნებოდა სამყარო, ყველას რომ ერთი სახე გვქონოდა?“
    © photo : Agora @pavelkun

    რუსი ფოტოგრაფი პაველ კუნის სურათი „როგორი იქნებოდა სამყარო, ყველას რომ ერთი სახე გვქონოდა?“

  • იტალიელი ფოტოგრაფი ესტერ ტურის სურათი „გიგანტების პირისპირ“
    © photo : Agora @e.stis

    იტალიელი ფოტოგრაფი ესტერ ტურის სურათი „გიგანტების პირისპირ“

  • პორტუგალიელი ხორხე ბესალარის სურათი „ფერმერები“

    პორტუგალიელი ხორხე ბესალარის სურათი „ფერმერები“

  • იაპონელი ფოტოგრაფი რეიკო ტაკაჰაშის „მიკურაძიმა“
    © photo : Agora @reiko.t

    იაპონელი ფოტოგრაფი რეიკო ტაკაჰაშის „მიკურაძიმა“

  • ბრიტანელი ჯო შელის „ჩრდილოეთის რეგვენები“
    © photo : Agora @joeshellyy

    ბრიტანელი ჯო შელის „ჩრდილოეთის რეგვენები“

  • ბრაზილიელი ფოტოგრაფი ჯოვანი დრესლერის ფინალისტი სურათი „სადაც სიცოცხლე იწყება და სიყვარული არასდროს მთავრდება“

    ბრაზილიელი ფოტოგრაფი ჯოვანი დრესლერის ფინალისტი სურათი „სადაც სიცოცხლე იწყება და სიყვარული არასდროს მთავრდება“

  • რუსი ფოტოგრაფი სერგეი სავენკოს „ჩემი ცოლი, ჩემი მარგალიტი“
    © photo : Agora @fondphoto

    რუსი ფოტოგრაფი სერგეი სავენკოს „ჩემი ცოლი, ჩემი მარგალიტი“

  • ჰონკონგელი ფოტოგრაფი ჯონის სურათი „ქალაქის განათებები“
    © photo : Agora @jsrpixel

    ჰონკონგელი ფოტოგრაფი ჯონის სურათი „ქალაქის განათებები“

  • ფრანგი ფოტოგრაფი მატეოს „დამკვირვებლები“
    © photo : Agora @matheo_jbt

    ფრანგი ფოტოგრაფი მატეოს „დამკვირვებლები“

  • რუსი ანდრეი პუგაჩის „ზამთარი ქალაქ ნურ-სულთანში“

    რუსი ანდრეი პუგაჩის „ზამთარი ქალაქ ნურ-სულთანში“

COVID 19-ით დაავადებული პაციენტი კლინიკაში გადაჰყავთ

შეიძლება იოლად გამოგეპაროთ: დასახელდა COVID-19-ის ყველაზე ადრეული სიმპტომი

88
ახალი ტიპის კორონავირუსის შესწავლის პროცესში მსოფლიოს მეცნიერები ხშირ აღმოჩენებს აკეთებენ დაავადების სიმპტომატიკის კუთხით და ახალ-ახალ ნიშნებს ასახელებენ

თბილისი, 25 ნოემბერი — Sputnik. სიმშრალე და უსიამოვნო შეგრძნებები ცხვირში ჯერ კიდევ მანამ ვითარდება კორონავირუსით დაავადებულებში, სანამ პაციენტი ყნოსვასა და გემოს შეგრძნებას დაკარგავს, შესაბამისად, ეს სიმპტომები COVID-19-ის ყველაზე ადრეულ ნიშნებად შეიძლება ჩაითვალოს, მიაჩნიათ ესპანელ მეცნიერებს, რომელთა კვლევის შედეგებიც პრეპრინტების პორტალ medRxiv-ზეა გამოქვეყნებული.

ბარსელონის უნივერსიტეტის მკვლევარების ვარაუდით, COVID-19-ის დროს ყნოსვის დაკარგვა განპირობებულია იმით, რომ ვირუსით დაზიანებული თასისებური უჯრედები ლორწოს გამოყოფას წყვეტს, რომელიც აუცილებელია სუნებზე პასუხისმგებელი ნივთიერებებისთვის.

საკუთარი ჰიპოთეზის დასადასტურებლად, ავტორებმა კვლევა COVID-19-ის მსუბუქი ფორმით დაავადებულ 35 პაციენტს ჩაუტარეს, რომლებსაც ყნოსვის დაკარგვა აღენიშნებოდათ.

გაირკვა, რომ მათი დაახლოებით 70 პროცენტი დაავადების საწყის ეტაპზე ცხვირში „უცნაურ შეგრძნებასა“ და სიმშრალეს უჩიოდა, ნაწილი კი ამბობდა, რომ ისეთი შეგრძნება ჰქონდათ, თითქოს ცხვირი გამოურეცხეს. ეს სიმპტომები საშუალოდ 12 დღის განმავლობაში გრძელდებოდა და დროში ემთხვეოდა ან წინ უსწრებდა ყნოსვისა და გემოს დაკარგვას — რასაც საბოლოოდ საკვლევი პირების 80-85 პროცენტი აღნიშნავდა.

მკვლევარები უჩვეულო ნაზალურ შეგრძნებებს ხსნიან იმით, რომ ცხვირის რესპირატორულ ეპითელიუმში ვირუსის მოხვედრა, განსაკუთრებით, თასისებურ უჯრედებში, ეპითელიუმის გამოშრობას იწვევს. ეს ასევე ამცირებს ყნოსვით მგრძნობელობას. გარდა ამისა, ავტორები აღნიშნავენ, რომ ვირუსულმა ინფექციამ შეიძლება ასევე ცხვირხახის ეპითელიუმის პირდაპირი დაზიანება გამოიწვიოს.

მეცნიერთა აზრით, მათი კვლევის შედეგები ძალიან მნიშვნელოვანია ინფექციის ადრეული გამოვლენისთვის, განსაკუთრებით მათთვის, ვისაც მსუბუქი ან ასიმპტომური ფორმა აქვს.

„ცხვირში ამ შეგრძნებების არსებობა შესაძლოა ყურადსაღები იყოს როგორც დიაგნოზის დასასმელად, ისე სოციალური დისტანცირების მიზნით, განსაკუთრებით იმ შემთხვევებში, როდესაც PCR ტესტები მსუბუქ შემთხვევებში არ გამოიყენება“, — წერენ სტატიის ავტორები.

მომავალში ავტორები ამ თემაზე მუშაობის გაგრძელებას აპირებენ, რათა დეტალურად შეისწავლონ თუ როგორ მოქმედებს SARS-CoV-2 ვირუსი ეპითელური უჯრედების მუშაობაზე და ზუსტად განსაზღვრონ, რა მომენტში იცვლება ცხვირის სიმშრალე  COVID-19-ის უფრო მკაფიო სიმპტომებით.

88
თემები:
მსოფლიო და მეცნიერება
აკაკი ზოიძე

ზოიძე: აუცილებელია ხელისუფლებამ პრევენციული ზომები სამი მიმართულებით გაატაროს

0
(განახლებულია 14:34 25.11.2020)
ჯანდაცვის სფეროში ექსპერტი ხელისუფლებას ურჩევს ქვეყანაში ვირუსის გავრცელების შესაკავებლად უმოკლეს ვადაში გაატაროს ქმედითი ღონისძიებები

თბილისი, 25 ნოემბერი - Sputnik. ინფექციის გავრცელების ტემპს თუ არ შევანელეთ, მძიმე დეკემბერი და სიკვდილიანობის მკვეთრი მატება გველოდება – ქვეყანაში შექმნილ რთულ ეპიდვითარებას ექსპერტი ჯანდაცვის საკითხებში აკაკი ზოიძე სოციალურ ქსელში ეხმაურება. 

სექტემბრის დასაწყისიდან ქვეყანაში ინფიცირების ბუმია – კორონავირუსის ახალი შემთხვევების დღიურმა ზრდამ ბოლო დღეებში ოთხი ათასს მიაღწია.

ზოიძის განცხადებით, კორონავირუსის გავრცელების პრევენციის მიზნით  დღეს მოქმედი შეზღუდვების  გამკაცრება გარდაუვალია. მისი თქმით, რაც არ უნდა ბევრი კლინიკა ჩაერთოს ინფიცირებულთა მართვის პროცესში, სისტემა ასეთ დატვირთვას ვერ გაუძლებს, რადგანაც  პირველ რიგში, სამედიცინო პერსონალი არ იქნება საკმარისი.

ზოიძე ხელისუფლებას ინფექციის სწრაფი აღმავალი ტენდენციის შესაჩერებლად ერთდროულად ზომების სამი მიმართულებით გატარებისკენ მოუწოდებს.

„საჭიროა უკვე არსებული რეგულაციების უმკაცრესი შესრულება და მისი გაკონტროლება; ტესტირების შემდგომი გაფართოება და დადასტურებულ ინფიცირებულთა კონტაქტების დროულად მოძიებაში დამატებითი რესურსების (მათ შორის დიგიტალურის) ჩართვა, რათა დროულად მოხდეს ინფიცირებულთა თვითიზოლაცია ან კოვიდ–სასტუმროში გადაყვანა. და ბოლოს – ადამიანების მობილობის დაქვეითება გავრცელების კერებში - დიდ ქალაქებში, რამდენიმე კვირით მაინც“, – დაწერა ზოიძე საკუთარი Facebook–გვერდზე. 

მისი განმარტებით, აუცილებელია ხელისუფლებამ გაატაროს ეპიდემიოლოგიური თვალსაზრისით ყველაზე დიდი  ეფექტისა და ამავდროულად, სოციალურ-ეკონომიკურად ყველაზე ნაკლები ნეგატიური ეფექტის მქონე ზომები.

ექსპერტის ვარაუდით,  აღნიშნული ზომების გატარების შემთხვევაში,  ქვეყანაში ორ კვირაში  ინფიცირებულთა რაოდენობა მნიშვნელოვნად შემცირდება, 20-24 დღეში კი სიკვდილიანობის მაჩვენებელი დაიკლებს.

ბოლო მონაცემებით, საქართველოში ინფიცირებულთა საერთო რაოდენობამ 114 ათასს მიაღწია, გარდაიცვალა 1085 ადამიანი.

ქვეყანაში ეპიდემიოლოგიური სიტუაციის გართულების ქვეყანაში წერილოვანი შეზღუდვები უკვე მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, საქართველოს დიდ ქალაქებში 22:00 საათიდან 05:00 საათამდე პერიოდში აკრძალულია ქვეითად მოსიარულეებისა და ავტოტრანსპორტის გადაადგილება. თუმცა, აღნიშნულ შეზღუდვებს ეპიდვითარების გაუმჯობესებაზე მნიშვნელოვანი ზემოქმედება არ მოუხდენია.


0
თემები:
COVID-19 საქართველოში