მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ერდოღანი ყარაბაღში თურქი სამხედროების გაგზავნას გეგმავს: ბრძანებულების პროექტი მეჯლისშია

© AFP / ADEM ALTANრეჯეფ ერდოღანი
რეჯეფ ერდოღანი - Sputnik საქართველო
გამოწერა
მანამდე რუსეთის პრეზიდენტის პრეს-მდივანმა განმარტა, რომ მოსკოვსა და ანკარას შორის ყარაბაღში ერთობლივი სამშვიდობო ძალების განთავსებაზე „საუბარი არ ყოფილა“.

თბილისი, 16 ნოემბერი — Sputnik. თურქი სამხედროების აზერბაიჯანში გაგზავნის შესახებ პრეზიდენტ რეჯეფ თაიიფ ერდოღანის ბრძანებულების პროექტი უკვე წარედგინა რესპუბლიკის პარლამენტს, იუწყება სააგენტო Anadolu.

როგორც მოსალოდნელია, თურქეთის პარლამენტი აღნიშნულ საკითხს უახლოეს დღეებში განიხილავს.

თურქეთის დროშა - Sputnik საქართველო
უარის მიუხედავად: თურქეთი ყარაბაღის სამშვიდობო მისიაში ჩაერთვება

მანამდე, 11 ნოემბერს პრეზიდენტმა ერდოღანმა განაცხადა, რომ ანკარამ და მოსკოვმა ხელი მოაწერეს მემორანდუმს, რომელიც ყარაბაღში ცეცხლის შეწყვეტის რეიმის კონტროლის ცენტრის შექმნას ითვალისწინებდა, და რომ თურქეთი მონაწილეობას მიიღებს „ერთობლივ სამშვიდობო მისიაში“.

ამ განცხადებამდე ცოტა ხნით ადრე კი რუსეთის პრეზიდენტის პრეს-მდივანი დმიტრი პესკოვი განმარტავდა, რომ მოსკოვი და ანკარა ყარაბაღის საკითხზე მონიტორინგის ცენტრის მეშვეობით ითანამშრომლებდნენ, რომელიც აზერბაიჯანის ტერიტორიაზე განთავსდება, ხოლო „ერთობლივ სამშვიდობო ძალებზე საუბარი არ ყოფილა“.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

ყველა ახალი ამბავი
0