მამაკაცი ასხამს ღვინოს

ისუნთქეთ ღრმად, ოღონდ... მეცნიერებმა სისხლიდან ალკოჰოლის სწრაფად გამოდევნის გზას მიაგნეს

202
(განახლებულია 20:35 13.11.2020)
სისხლიდან ალკოჰოლის სწრაფად გამოდევნის ახალი მეთოდი იმდენად მარტივი აღმოჩნდა, რომ კანადელი მეცნიერები გაოცებას ვერ მალავენ, როგორ ვერ მოიფიქრეს ეს აქამდე.

თბილისი, 13 ნოემბერი — Sputnik. კანადელმა მეცნიერებმა ალკოჰოლის სისხლიდან გამოდევნის მარტივ და სწრაფ გზას მიაგნეს, რომელსაც ძვირადღირებული და რთული სპეციალური აღჭურვილობა არ სჭირდება. კვლევის შედეგები გამოქვეყნებულია ჟურნალში Scientific Reports.

ნებისმიერი ალკოჰოლური სასმელის შემადგენლობაში შემავალი ეთანოლი, აღწევს რა სისხლში კონცენტრაციის გარკვეულ დონეს, საწამლავის მსგავს მოქმედებას იწყებს — არღვევს სისხლის მიმოქცევის ფუნქციას, აზიანებს ტვინს და სხვა ორგანოებს. ჯანმოს მონაცემებით, მძიმე ალკოჰოლური მოწამვლის შედეგად მსოფლიოში ყოველწლიურად დაახლოებით 3 მილიონი ადამიანი იღუპება.

როგორც ცნობილია, ორგანიზმიდან ალკოჰოლის 90% ღვიძლს გამოაქვს მუდმივი სიჩქარით და მისი გაზრდა შეუძლებელია. ტორონტოს ჯანდაცვის საუნივერსიტეტო ქსელის (UHN) მკვლევარებმა კი სისხლიდან ალკოჰოლის გამოდევნაში ფილტვების ჩართვა გადაწყვიტეს.

კანადელმა მეცნიერებმა გაარკვიეს, რომ ჰიპერვენტილაციისას, ანუ ღრმა და სწრაფი სუნთქვისას ალკოჰოლი ორგანიზმიდან იმაზე სამჯერ სწრაფად ორთქლდება, ვიდრე ამას ღვიძლი აკეთებს. ამასთან, რაც უფრო ძლიერია სუნთქვა, მით მეტი ალკოჰოლი გამოიდევნება ორგანიზმიდან.

აღსანიშნავია, რომ ეს „ილეთი“ ექიმებისთვის მანამდეც იყო ცნობილი, მაგრამ მას შეზღუდულად იყენებდნენ, ვინაიდან ფორსირებული ამოსუნთქვისას ადამიანი ძალიან ბევრ ნახშირორჟანგს კარგავს, რომელთან ერთადაც იდევნება ალკოჰოლი. სისხლში ამ გაზის რაოდენობის სწრაფი შემცირება კი იწვევს თავბრუსხვევას, გულყრებსა და ხელ-ფეხის დაბუჟებას.

„არ შეიძლება ჰიპერვენტილაციის უბრალოდ ჩატარება, იმიტომ რომ ორიოდე წუთში თავბრუ დაგეხვევათ და გონებას დაკარგავთ“, — ნათქვამია UHN-ის პრეს-რელიზში.

გამომდინარე აქედან, კვლევის ავტორებმა დაამზადეს ჩანთის ზომის კომპაქტური მოწყობილობა, რომელიც ჰიპერვენტილაციისას პაციენტის სისხლში ნახშიროჟანგის დონეს ინარჩუნებს.

​ეს ძალიან მარტივი მოწყობილობაა, რომლის დამზადებაც მსოფლიოს ნებისმიერ წერტილში შეიძლება. მას არ სჭირდება ელექტრობა, კომპიუტერი თუ სპეციალური ფილტრები. შედგება ნახშირორჟანგით სავსე მცირე რეზერვუარისგან, რამდენიმე შემაერთებელი მილაკისა და პირბადისგან.

„საოცარია, როგორ ვერ მოვიფიქრეთ ეს ათობით წლის წინ“, — ამბობს კვლევის ხელმძღვანელი, პროფესორი ჯოზეფ ფიშერი.

კვლევის ავტორებს მიაჩნიათ, რომ მათ მიერ შემუშავებული კონცეფცია არა მარტო ხელს შეუწყობს მძიმე ალკოჰოლური ინტოქსიკაციის სამკურნალოდ ახალი მეთოდიკის შექმნას, არამედ იმათაც დაეხმარება, ვისაც სიმთვრალისგან სწრაფად გამოფხიზლება სურს.  

მოწყობილობა უკვე წარმატებით გამოიცადა მოხალისეებზე, თუმცა წარმოებაში ჩაშვებამდე სრულფასოვანი კლინიკური გამოცდის ჩატარებაა სავალდებულო.

202
თემები:
მსოფლიო და მეცნიერება (572)
უდაბნო იუთას შტატში

უდაბნოში ნაპოვნი „უცხოპლანეტური“ მონოლითი სადღაც გაუჩინარდა: ვიდეო

14
(განახლებულია 17:52 30.11.2020)
იუტას უდაბნოში ორიოდე დღის წინ შემთხვევით ნაპოვნი იდუმალი ობელისკი უკვალოდ გაქრა და ახალი თავსატეხი გაუჩინა მსოფლიოს

თბილისი, 30 ნოემბერი — Sputnik. მბრწყინავი ლითონისგან დამზადებული იდუმალი მონოლითი, რომელიც იუტის (აშშ) უდაბნოში ორიოდე დღის წინ აღმოაჩინეს, უკვალოდ გაქრა, იუწყება მედია.

​გავრცელებული ინფორმაციით, დაახლოებით 3 მ სიმაღლის მონოლითი, რომელიც უცხოპლანეტურ ნაგებობას ჰგავს, იუტის საზოგადოებრივი უსაფრთხოების დეპარტამენტის თანამშრომლებმა შენიშნეს ვერტმფრენიდან, როდესაც უდაბნოს თავზე შემოფრენას ახორციელებდნენ.

აღსანიშნავია, რომ ინფორმაციამ უცნაური აღმოჩენის შესახებ მსოფლიოს ყველა ქვეყნის მედიასაშუალებები შემოიარა.

შტატის ხელისუფლებამ დაადასტურა იდუმალი მონოლითის პოვნის ფაქტი, მაგრამ მისი ზუსტი კოორდინატების გამჟღავნებაზე იარი თქვეს. გადაწყვეტილების მიზეზად ადამიანების სიცოცხლეზე ზრუნვა დაასახელეს, ვინაიდან უდაბნოს ცენტრში მდებარე ობელისკამდე მისვლა კარგად მომზადებული ადამიანებისთვისაც კი სახიფათო იყო.

მიუხედავად ამისა, ზოგმა დაინეტერსებულმა პირმა მაინც შეძლო მიეგნო ობელისკისთვის.

​თვითმხილველების თქმით, უდაბნოში ნაპოვნი მონოლითი ძალიან ჰგავდა ფორმით ობელისკს სტენლი კუბრიკის ფილმ „2011 წლის კოსმოსური ოდისეიდან“ — ოღონდ იმ განსხვავებით, რომ შავი კი არ იყო, არამედ მბრწყინავი ვერცხლისფერი.  

შტატის ხელისუფლებამ ობიექტის შესწავლა დაიწყო, ხოლო მიწათმოწყობის ბიურომ განაცხადა, რომ საზოგადოებრივ ტერიტორიებზე ნებისმიერ კონსტრუქციის, მათ შორის, უცხოპლანეტურისაც , უკანონოდ მიიჩნოვა. თუმცა ისინი კატეგორიულად უარყოფენ მონოლითის იდუმალ გაუჩინარებასთან რაიმე კავშირს.

როგორც მედია წერს, „უცხოპლანეტური“ ობელისკისგან ახლა ადგილზე მხოლოდ ნათხარი და ლითონის სამკუთხედია დარჩენილი, რომელიც მანამდე კონსტრუქციის თავზე იყო დამაგრებული.

როგორც კოლორადოს მკვიდრი რიკარდო მარინო ამბობს გამოცემასთან, მან მონოლითთან მისასვლელ გზაზე ღამით, დაახლოებით 22:40 საათზე სატვირთო ავტომობილი შენიშა. რომელსაც დიდი სწორკუთხა საგანი გადაჰქონდა. მან ვერ შენიშნა, ზუსტად რა მიჰქონდა ავტომობილს, მაგრამ ადგილზე მისულს ობელისკი აღარ დახვდა.

 

14
თემები:
მსოფლიო დღეს
მოხუცი ქალბატონის ხელები

დაუჯერებელი ფაქტი: 101 წლის ქალმა კორონავირუსი სამჯერ დაამარცხა - ფოტო

28
(განახლებულია 16:20 30.11.2020)
დღეგრძელ ქალბატონს, რომელმაც მანამდე „ესპანური გრიპის“ ეპიდემიაც გამოიარა და მეორე მსოფლიო ომიც, ვერც კორონავირუსი მოერია

თბილისი, 30 ნოემბერი — Sputnik. 101 წლის იტალიელი ქალბატონი მარია ორსინგერი სამჯერ დაინფიცირდა კორონავირუსით და სამჯერვე დაამარცხა დაავადება , იუწყება გაზეთი Corriere della Sera.

გავრცელებული ინფორმაციით, COVID-19–ის დიაგნოზი მხცოვან ქალს პირველად თებერვალში დაუსვეს. მაშინ ექიმები ამბობდნენ. რომ მარია ორსინგერმა იოლად გადაიტანა საშიში დაავადება.

​თუმცა რამდენიმე თვის შემდეგ მან კიდევ ერთხელ გაიკეთა ტესტი და ინფიცირებაზე დადებითი პასუხი მიიღო. ამიტომ სექტემბერში საუკუნეზე მეტი ასაკის ქალი საავადმყოფოში მოხვდა, სადაც 18 დღე დაჰყო.

ექიმების თქმით, მარიას ამ ჯერზე ტემპერატურა კი ჰქონდა, მაგრამ ავადმყოფობა მაინც იოლ ფორმებში მიმდინარეობდა.

ბოლოს, უკვე მესამედ, ორსინგერს კორონავირუსი ოქტომბერში დაუდასტურდა.

„არანაირი სიმპტომი არ ჰქონია. თავს კარგად გრძნობდა, მადაც კი არ დაუკარგავს“, — ამბობს მარიას ქალიშვილი.

ექიმების თქმით, მარია ორსინგერის შემთხვევა ერთ–ერთი ყველაზე იშვიათია, ვინაიდან კორონავირუსით განმეორებითი ინფიცირების ფაქტებიც კი მსოფლიოში ძალიან მცირეა, რომ აღარაფერი ვთქვათ სამჯერ დაავადებაზე.

28
თემები:
მსოფლიო დღეს
ჯანეტ ქერდიყოშვილი და ნოე სულაბერიძე

ჯანეტ ქერდიყოშვილი დაბადების დღეზე სტუმრების გარეშე დარჩა - ვიდეო

0
(განახლებულია 15:41 30.11.2020)
ჯანეტ ქერდიყოშვილმა საკუთარი იუბილეზე სტუმრებისთვის დიდი სუფრა გააწყო, გაემზადა დასახვედრად და ყველაფერი მოულოდნელად დასრულდა

მოდელი ჯანეტ ქერდიყოშვილი 29 ნოემბერს 29 წლის გახდა. პროდიუსერ ნოე სულაბერიძის მეუღლე ამ დღისთვის მთელი დღე ემზადებოდა, სტუმრებისთვის საკუთარი დიზაინით სუფრაც გააწყო და „ინსტაგრამის“ „სთორიში“ სოციალური ქსელის მომხმარებლებს გაუზიარა როგორ ემზადებოდა მათ დასახვედრად.

მოგვიანებით, ნოე სულაბერიძემ გამოაქვეყნა ვიდეო, სადაც ჩანს, რომ სუფრას მხოლოდ ის და ჯანეტი არია შემომსხდარნი, სტუმრებისთვის განკუთვნილი ადგილები კი რბილი სათამაშოებით შეავსეს და ასე აღნიშნეს ჯანეტის „ოქროს დაბადების დღე“.

როგორც ჩანს, პანდემიიდან გამომდინარე, წყვილმა მოსალოდნელი გართულებების თავიდან აცილების მიზნით, სტუმრების დაპატიჟებაზე უარი თქვა, ან პირიქით, სტუმრებმა შეიკავეს თავი და მილოცვა ვირტუალურად გადაწყვიტეს.

View this post on Instagram

A post shared by @itsmyworld_____

ჯანეტი თვალწარმტაცი გარეგნობითა და დახვეწილი მანერებით გამოირჩევა. ახალგაზრდა მოდელი და ახალბედა დედა განსაკუთრებულად საინტერესოდ ფეხმძიმობის პერიოდში გამოიყურებოდა. ჯანეტს უყვარს ფერთა გამებით თამაში. სწორედ ამიტომ, ორსულობისას საკუთარი ატელიე დააარსა, სადაც ქალბატონებს დახვეწილ სამოსს სთავაზობს.

იტალიაში ერთ-ერთ წამყვან დიზაინერების სკოლაში ჭრა-კერვის გარდა, სტილის შეგრძნებაც შეისწავლა. საქართველოში დაბრუნებულ მოდელს ახალი შესაძლებლობები მეორე ნახევარმა ჩაუგდო ხელთ. მოდელი ტელეწამყვან ნოე სულაბერიძეზეა დაოჯახებული.

ჯანეტი და ნოე ერთობლივად და ცალ-ცალკე დიდი პოპულარობით სარგებლობენ. ცნობილი პროდიუსერი და რეიტინგული გადაცემის ავტორი, უმშვენიერესი მოდელი და დიზაინერი ჯანეტ ქერდიყოშვილი შეუდარებლად გამოიყურებიან. მათი სიყვარულის ისტორია სწრაფად განვითარდა და გრანდიოზული ქორწილით დაგვირგვინდა. წყვილს ქალიშვილი 28 იანვარს გაუჩნდა.

0
თემები:
სელებრითების ცხოვრება