ბინის ინტერიერი

დასახელდა დიაბეტის გამომწვევი ნივთიერება, რომელიც ყველა ოჯახშია

199
(განახლებულია 22:33 12.11.2020)
მეცნიერთა თქმით, ამ მავნე ნივთიერების ზემოქმედება შეიძლება შეამციროთ ჭამის წინ ხელების რეგულარული დაბანით, ხალიჩების, ავეჯისა და ოთახის სხვა ზედაპირების საგულდაგულო გაწმენდით.

თბილისი, 12 ნოემბერი — Sputnik. პოლიბრომირებულმა დიფენილ ეთერებმა (პბდე), რომლებიც გამოიყენება ავეჯის, მისი გადასაკრავებისა და ასევე ელექტრონიკის წარმოებაში ხანძარსაწინააღმდეგო დაცვის გასაზრდელად, შეიძლება დიაბეტი გამოიწვიოს, წერს გამოცემა Medical Xpress კალიფორნიის უნივერსიტეტის მეცნიერებზე დაყრდნობით.

გავრცელებული ინფორმაციით, მკვლევარებმა ორსულ თაგვებზე ჩაატარეს ცდები, მოახდინეს რა მათზე მცირე დოზებით პბდე-თი ზემოქმედება. ეს დოზა შეესაბამებოდა გარემოს საშუალო ზემოქმედებას ქალზე როგორც ორსულობის, ისე ლაქტაციის (ძუძუთი კვების) პერიოდში.

შედეგად – საცდელი თაგვების მთელ შთამომავლობას გლუკოზის აუტანლობა და ინსულინის მიმართ მგრძნობელობის დაბალი დონე განუვითარდა. ამასთან სისხლში შაქრის მაღალი დონე გაუჩნდათ დედა–თაგვებსაც, თუმცა ისინი ისე ძლიერ არ დაზარალებულან, როგორც მათი ნაშიერები.

„ჩვენმა ექსპერიმენტმა აჩვენა, რომ გარემოში არსებული ქიმიური ნივთიერებები, როგორიცაა პბდე, დედისგან შეიძლება შთამომავლებს გადაეცეს, რაც განვითარების ადრეულ ეტაპზე საზიანოა ჯანმრთელობისთვის“, — განმარტა კვლევის ერთ-ერთმა ავტორმა მარგარიტა კიურას-კოლაზომ.

მეცნიერებმა ხაზგასმით აღნიშნეს, რომ ადამიანებზე კვლევები ჯერ არ ჩატარებულა, მაგრამ პბდე-ს ნეგატიური გავლენა ადამიანის ჯანმრთელობაზე უკვე დამტკიცებულია მეცნიერულად.

ექსპერტებმა აღნიშნეს, რომ ამ მავნე ნივთიერების ზემოქმედების შეზღუდვა შესაძლებელია ჭამის წინ ხელების რეგულარული დაბანითა და ხალიჩების, ავეჯისა და ოთახის სხვა ზედაპირების საგულდაგულო გაწმენდით.

 

199
თემები:
მსოფლიო და მეცნიერება (641)
ჯო ბაიდენი

„პუტინს შეხვედრა ზაფხულში შევთავაზე: ბაიდენმა კომენტარი გააკეთა

31
ბაიდენის მიერ პუტინისთვის პირადი შეხვედრის შეთავაზების ფონზე, ფაშინგტონმა მოსკოვს ახალი სანქციები დაუწესა

თბილისი, 16 აპრილი — Sputnik. აშშ–ი პრეზიდენტმა ჯო ბაიდენმა რუსეთის ლიდერ ვლადიმირ პუტინს სატელეფონო საუბრისას სამიტის ევროპაში ჩატარება შესთავაზა მიმდინარე ზაფხულს.

ამის შესახებ ბაიდენმა თავად განაცხადა თეთრ სახლში რუსეთთან დაკავშირებული პოლიტიკის თაობაზე საუბრისას.

„პრეზიდენტ პუტინთან საუბრისას აღვნიშნეს, რომ პირად, პირდაპირი კონტაქტები ჩვენ შორის ძალიან მნიშვნელოვანია უფრო ეფექტური ურთიერთობებისთვის. ის დაეთანხმა ამ მოსაზრებას. ამასთან დაკავშირებით მე პირადი შეხვედრა შევთავაზე მას ამ ზაფხულს ევროპაში სამიტის ფარგლებში, რათა ის საკითხები განვიხილოთ, რომლებსაც ჩვენი ქვეყნები აწყდებიან“, — განაცხადა აშშ–ის პრეზიდენტმა.

მისი თქმით, გუნდები უკვე განიხილავენ ამგვარ შესაძლებლობას.

გარდა ამისა, როგორც ბაიდენმა აღნიშნა, „ამ სამიტზე აშშ და რუსეთი შეძლებენ წამოიწყონ დიალოგი სტრატეგიული სტაბილურობის თაობაზე, რათა შეიარაღებაზე კონტროლისა და უსაფრთხოების სფეროში თანამშრომლობა შესაძლებელი იყოს“.

„ჩვენ შევძლებთ გადავჭრათ უმნიშვნელოვანესი გლობალური გამოწვევები, რომლებიც რუსეთისა და აშშ–სგან ერთად მუშაობას მოითხოვს, ირანისა და ჩრდილოეთ კორეის მხრიდან ბირთვული საფრთხეების, პანდემიისა და კლიმატის ცვლილების ჩათვლით“, — თქვა ამერიკის პრეზიდენტმა.

ჯო ბაიდენმა ხუთშაბათს ხელი მოაწერა ბრძანებულენას ახალი ანტირუსული სანქციების დაწესების შესახებ, რომლის ძალითაც შეერთებული შტატები უკრძალავს ამერიკულ კომპანიებს, პირდაპირ შეიძინონ 2021 წლის 14 ივნისის შემდეგ რუსეთის ცენტრალური ბანკის, ფინანსთა სამინისტროსა თუ ეროვნული კეთილდღეობის ფონდის მიერ გამოშვებული ობლიგაციები.

გარდა ამისა, აშშ–ის ფინანსთა სამინისტრომ სანქციები დაუწესა რუსეთის 16 ორგანიზაციასა და ასევე 16 პირს , რომლებიც კავშირში არიან აშშ–ის არჩევნებში რუსეთის სავარაუდო ჩარევასთან, და ყირიმთან დაკავშირებულ რვა ფიზიკურ და იურიდიულ პირს, მათ შორის, ყირიმის მთავრობის წევრებს.  ამასთან აშშ–ის ხელისუფლებამ ვაშინგტონში რუსეთის საელჩოს ათი თანამშრომლის ქვეყნიდან გაძევების გადაწყვეტილებაც მიიღო.

როგორც რუსეთის პრეზიდენტის პრესმდივანმა დმიტრი პესკოვმა განაცხადა, ვაშინგტონის სანქციები ხელს არ უწყობს პუტინისა და ბაიდენის შეხვედრს ჩატარებას.

31
თემები:
საერთაშორისო პანორამა
ევროკავშირის დროშა

შეთანხმება მიღწეულია: ევროკავშირი COVID-პასპორტებს ზაფხულში აამოქმედებს

183
(განახლებულია 10:37 15.04.2021)
კოვიდ-პასპორტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს

თბილისი, 15 აპრილი — Sputnik. ევროკავშირის ქვეყნები ოფიციალურად შეთანხმდნენ ზაფხულისთვის ტურისტული COVID–პასპორტების შემოღების თაობაზე, დეტალებს კანონმდებლები მაისში განიხილავენ, იუწყება  Reuters–ი დიპლომატიურ წრეებში არსებულ წყაროებზე დაყრდნობით.

აღნიშნული დოკუმენტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს.

როგორც აღინიშნება, ევროპარლამენტმა, რომელიც ასევე უნდა დაეთანხმოს გადაწყვეტილებას, რათა ის ძალაში შევიდეს, თავისი პოზიცია აპრილის ბოლოსთვის უნდა შეათანხმოს.

როგორც მოსალოდნელია, კანონმდებლების, ქვეყნების წარმომადგენლებისა და ევროკავშირის აღმასრულებელ ხელისუფლებას შორის დასკვნითი მოლაპარაკებები მაისში დაიწყება.

ამასთან, როგორც Reuters–ი წერს, ევროკავშირის წევრი ქვეყნები დოკუმენტის გაცემისას ვალდებული იქნებიან, გაითვალისწინონ მხოლოდ  ევროკავშირის მიერ მოწონებული ვაქცინებით აცრა, თუმცა ზოგ ქვეყანას შეუძლია სერტიფიკატები რუსული „სპუტნიკ V–ითა“ თუ ჩინური Sinovac–ით აცრების შემთხვევაშიც გასცეს, რომლებიც მათ ტერიტორიებზეა დაშვებული.

183
თემები:
საერთაშორისო პანორამა

ავლაბარში „საქართველოს ბანკის" ერთ–ერთ ფილიაზე შეიარაღბული თავდასხმა მოხდა

0
გავრცელებული ინფორმაციით, შეიარაღებულმა პირმა ბანკში რამდენიმე ადამიანი მძევლად აიყვანა – ადგილზე სამართალდამცველები არიან მობილიზებული

თბილისი, 16 აპრილი  — Sputnik. მეტროსადგურ „ავლაბრის" მიმდებარე ტეროტირიაზე არსებულ „საქართველოს ბანკის" ერთ–ერთ ფილიალზე შიეარაღებული თავდასხმა მოხდა, იუწყება ტელეკომპანია Rustavi 2.

ტელეკომპანიის ინფორმაციით, ბანკში ერთი შეიარაღებული პირი შეიჭრა და მძევლები ჰყავს აყვანილი.

ამ დროისთვის ტერიტორია ყვითელი ლენტითაა შემოსაზღვრული.

ადგილზე მობილიზებულია სამართალდამცველები.

ამ დროისთვის მომხდარ ფაქტთან დაკავშირებით სხვა ინფორმაცია არ ვრცელდება.

მასალა მომზადების პროცესშია

0