ჯანმოს ემბლემა

ჯანმო: როგორ დავითანხმოთ ადამიანები COVID-ის ვაქცინაციაზე

61
(განახლებულია 16:20 12.11.2020)
ჯანმოს ექსპერტების აზრით, ადამიანებს აშფოთებთ კორონავირუსის საწინააღმდეგო ვაქცინების შექმნისა და ბაზარზე გამოსვლის სისწრაფე.

თბილისი, 12 ნოემბერი — Sputnik. ადამიანები, რომლებიც კატეგორიულად ეწინააღმდეგებიან კორონავირუსზე ვაქცინაციას, აზრს მხოლოდ იმ შემთხვევაში შეიცვლიან, თუ COVID-19-ის საწინააღმდეგო ვაქცინები უსაფრთხო აღმოჩნდება, აცხადებენ ჯანდაცვის მსოფლიო ორგანიზაციაში.

„ვინც უკვე უარი თქვა აცრაზე, COVID-19-ის ვაქცინის მიმართ მათი დადებითი ან უარყოფითი განწყობა შეიძლება თავად პრეპარატის ხასიათსა და მის სავარაუდო უსაფრთხოებაზე იყოს დამოკიდებული. ნაკლებად სავარაუდოა, რომ ვაქცინაციის კატეგორიული მოწინააღმდეგეები აზრს შეიცვლიან, თუმცა ყველაფერი მაინც იმაზე იქნება დამოკიდებული, თუ როგორ განვითარდება პანდემია“, — განაცხადეს ჯანმოში.

ორგანიზაციაში ხაზგასმით აღნიშნეს, რომ ადამიანების დიდ ნაწილს აშფოთებს COVID-19-ის საწინააღმდეგო ვაქცინების შექმნისა და ბაზარზე მათი გამოსვლის სისწრაფე და არ ენდობა მათ უსაფრთხოება–ეფექტურობას.

ორგანიზაციის ექსპერტების აზრით, ზოგადად ვაქცინაციაზე უარის თქმის მიზეზები ყოველთვის სპეციფიკურია და კონკრეტულ პირობებზეა დამოკიდებული. თუმცა არცთუ უმნიშვნელო როლს ასრულებს სამკურნალო პრეპარატების შესახებ გავრცელებული დეზინფორმაციაც.

მათი თქმით, მსგავსი დეზინფორმაციები ვრცელდება COVID-19-ის მომავალი ვაქცინების შესახებაც, რამაც შეიძლება გავლენა მოახდინოს საზოგადოების მხრიდან მათ მიღებასა და გამოყენებაზე.

თუმცა ჯანმოში მაინც დარწმუნებული არიან, რომ როგორც კი უსაფრთხო და ეფექტური ვაქცინები გამოჩნდება, ადამიანები კორონავირუსზე აცრების მიმართ დამოკიდებულებას შეიცვლიან, მით უმეტეს, რომ სწორედ ამაზე იქნება დამოკიდებული მათი სიცოცხლის დაცვა და ნორმალური ცხოვრების დაბრუნება.

61
თემები:
COVID-19-ის პანდემია მსოფლიოში (1218)
ჯო ბაიდენი

ბაიდენმა ადმინისტრაციის დაკომპლექტება დაიწყო: დასახელდა კანდიდატები საკვანძო პოსტებზე

36
(განახლებულია 09:20 24.11.2020)
აშშ-ის ეროვნულ უსაფრთხოებას და საგარეო პოლიტიკას უხელმძღვანელებენ გამოცდილი პროფესიონალები, რომლებიც მზად არიან პრინციპული ლიდერობა აღადგინონ

თბილისი, 23 ნოემბერი — Sputnik. აშშ-ის პრეზიდენტობის კანდიდატმა ჯო ბაიდენმა დაასახელა იმ კანდიდატების ვინაობა, რომლებსაც არჩევნებზე გამარჯვების შემთხვევაში თავის ადმინისტრაციაში საკვანძო პოსტებზე მოიაზრებს.

ინფორმაცია ბაიდენის გეგმების შესახებ პოლიტიკოსის შტაბის Twitter-აკაუნტზე გამოქვეყნდა.

ასე, მაგალითად, სახელმწიფო მდივნის პოსტი შეიძლება ტონი ბლინკენმა დაიკავოს, გაეროს მუდმივი წარმომადგენლის თანამდებობა - ლინდა თომას-გრინფილდმა, ხოლო ეროვნული უსაფრთხოების მრჩევლის პოსტი - ჯეიკ სალივანმა. შინაგანი უსაფრთხოების სამინისტროს ხელმძღვანელად მოიაზრება ალეხანდრო მაიორკასი, ხოლო ეროვნული დაზვერვის დირექტორად - ავრილ ჰეინსი. ყოფილმა სახელმწიფო მდივანმა ჯონ კერიმ შესაძლოა დაიკავოს კლიმატის საკითხებში საგანგებო წარმომადგენლის პოსტი.

განცხადებაში ხაზგასმულია: „აშშ-ის ეროვნულ უსაფრთხოებას და საგარეო ;პოლიტიკას უხელმძღვანელებენ გამოცდილი პროფესიონალები, რომლებიც მზად არიან აღადგინონ პრინციპული ლიდერობა მსოფლიო არენაზე და ღირსეული ლიდერობა ქვეყნის შიგნით“.

2020 წლის 3 ნოემბერს აშშ-ში მორიგი საპრეზიდენტო არჩევნები გაიმართა. ამჟამად კერ კიდევ გრძელდება ხმების დათვლა და გარჩევები ამ საკითხზე. მედიის შეფასებით, აშშ-ის დემოკრატიული პარტიის კანდიდატმა ჯო ბაიდენმა გამარჯვებისთვის საჭირო ამომრჩეველთა კოლეგიის ხმათა საკმარისი რაოდენობა მოიპოვა და მოქმედ პრეზიდენტ დონალდ ტრამპს გაუსწრო. დემოკრატმა თავი არჩეულ პრეზიდენტად უკვე გამოაცხადა. თავის მხრივ, ტრამპმა განაცხადა, რომ ბაიდენმა იჩქარა, როდესაც საკუთარ თავს ქვეყნის ახალი ლიდერი უწოდა.

36
თემები:
მსოფლიო დღეს
4G კავშირის ანძები

დასახელდა 5G-ს რეალური საფრთხე, რომელსაც დიდი მსხვერპლის მოტანა შეუძლია

85
(განახლებულია 19:51 23.11.2020)
აშშ-ის აერონავტიკის რადიოტექნიკური კომისიის დასკვნით, 5G ანძებს მართლაც შეუძლიათ საფრთხე შეუქმნან ადამიანების სიცოცხლეს.

თბილისი, 23 ნოემბერი — Sputnik. კავშირის 5G ქსელები რეალურ საფრთხეს წარმოადგენს ადამიანების სიცოცხლისთვის და მრავალრიცხოვანი ლეტალური შემთხვევების გამოწვევა შეუძლია, წერს გამოცემა The Sun ავიაციის ამერიკელ ექსპერტებზე დაყრდნობით.

აერონავტიკის რადიოტექნიკური კომისიის (RTCA) მონაცემებით, რომელიც კონსულტაციას უწევს აშშ-ის სამოქალაქო ავიაციის ფედერალურ სააგენტოს (FAA), 5G ანძების მუშაობას გარკვეულ სიხშირეებზე შეუძლია ხარვეზები შეუქმნას ლაინერების სიმაღლის მზომ რადარებს, რომლებიც 4,2–4,4 გიგაჰერცზე მუშაობენ.

როგორც RTCA-ს ანგარიშშია ნათქვამი, ამას შეუძლია გავლენა მოახდინოს როგორც აშშ-ის, ისე მთელი მსოფლიოს ავიაციაზე და არაერთი ავიაკატასტროფა გამოიწვიოს მრავალრიცხოვანი მსხვერპლით.

„რისკების დეტალურ ანალიზს, რომლებიც 5G-ს გავლენას უკავშირდება, ავიაციის უსაფრთხოებისთვის სასიცოცხლო მნიშვნელობა აქვს. აუცილებელია გვქონდეს იმის გარანტია, რომ უსაფრთხოებისთვის კრიტიკულად მნიშვნელოვანი საავიაციო სისტემები დაცული იქნება“, — განაცხადა RTCA-ს ხელმძღვანელმა ტერი მაკვენესმა.

მან მოუწოდა ყველას, ყურადღება მიაქციონ კომისიის დასკვნებს და დამატებითი კვლევები ჩაატარონ საავიაციო ტრანსპორტზე 5G ქსელების ზემოქმედებასთან დაკავშირებით.

 

85
თემები:
მსოფლიო დღეს
კორონავირუსი საქართველოში

New York Times: საქართველოში მსოფლიო მასშტაბით ყველაზე მძიმე კოვიდ–სტატისტიკაა

0
(განახლებულია 08:20 24.11.2020)
საქართველოში კორონავირუსის მეორე ტალღა მძვინვარებს – ანტირეკორდები ინფიცირებულთა და გარდაცვლილთა კუთხით ყოველდღიურად მყარდება

თბილისი, 24 ნოემბერი – Sputnik.  საქართველო 100 ათას მოსახლეზე ინფიცირებულთა რაოდენობით მსოფლიოში ლიდერია, შესაბამის სტატისტიკას  The New York Times–ი აქვეყნებს. 

გამოცემის მონაცემებით, ბოლო კვირის განმავლობაში საქართველოში 100 ათას მოსახლეზე 2,8 ათასი ინფიცირებული მოდის, რაც მსოფლიო მასშტაბით ყველაზე დიდი მაჩვენებელია.

საქართველოსთან ერთად „შავ სიაში“ მოხვდნენ ლუქსემბურგი, ჩერნოგორია და სერბეთი.

ეპიდემიოლოგიური სიტუაცია ქვეყანაში, რომელიც პანდემიის დასაწყისში დიდი დროის განმავლობაში ინფიცირებულთა რაოდენობის ბოლო ადგილზე იმყოფებოდა, სექტემბერში მკვეთრად გაუარესდა. ინფიცირების ორნიშნა დღიური მაჩვენებელი, მალე სამნიშნა გახდა, ბოლო დღეებში კი ოთხნიშნა ციფრშია გამოხატული. მხოლოდ ბოლო დღე–ღამეში ქვეყანაში კორონავირუსით ინფიცირების 3 958 ახალი შემთხვევა გამოვლინდა, გარდაიცვალა 36 ადამიანი.

ოფიციალური ვებგვერდ StopCov–ის მონაცემებით, პანდემიის დასაწყისიდან დღემდე ქვეყანაში ინფიცირებულთა რაოდენობამ 108 680–ს მიაღწია.

 

0
თემები:
COVID-19 საქართველოში