მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ჩვენ შევცდით“: დანიის ხელისუფლება ბოდიშს იხდის წაულების განადგურებისთვის

© photo: Sputnik / Kirill Shpitsin / გადასვლა მედიაბანკშიწაულა
წაულა - Sputnik საქართველო
გამოწერა
დანიის ხელისუფლებამ აღიარა, რომ მათ არ ჰქონდათ საკმარისი იურიდიული უფლებები იმისთვის, რომ წაულების დახოცვა მოეთხოვათ.

თბილისი, 11 ნოემბერი — Sputnik. დანიის ხელისუფლების გადაწყვეტილება ქვეყანაში წაულების განადგურების შესახებ, რადგან ისინი თითქოს კორონავირუსს ავრცელებდნენ, მცდარი იყო, განაცხადეს ქვეყნის პრემიერ-მინისტრმა მეტე ფრედერიქსენმა და სოფლის მეურნეობისა და კვების პროდუქტების მინისტრმა მოგენს იენსენმა.

წაულა - Sputnik საქართველო
დანიაში კორონავირუსით ინფიცირებულ წაულებს დახოცავენ: ჯანმოს კომენტარი

იენსენმა ტელეარხ TV2-ის ეთერში აღიარა, რომ მთავრობას არ ჰქონდა საკმარისი იურიდიული უფლებები იმისთვის, რომ წაულების მომშენებლებისთვის მათი დახოცვა მოეთხოვა, მათ შორის, ჯანმრთელი ინდივიდებისა.

„ჩვენ შევცდით“, — განაცხადა მინისტრმა.

გამოცემა Berlingske-ს ცნობით, სოფლის მეურნეობის მინისტრმა საბოდიშო წერილები დაუგზავნა ფერმერებს და განუმარტა მათ, რომ ცხოველების განადგურება იყო არა მოთხოვნა ხელისუფლების მხრიდან, არამედ რეკომენდაცია.

აღსანიშნავია, რომ დანიის მთავრობის გადაწყვეტილებამ ქვეყანაში ყველა წაულის განადგურების შესახებ, რომლებიც თითქოს მუტირებული კორონავირუსის გამავრცელებლები იყვნენ, აღშფოთება გამოიწვია როგორც პარლამენტში, ისე ქვეყნის მოსახლეობასა და ფერმერებს შორის.

გავრცელებული ინფორმაციით, ამ დროისათვის პარლამენტში მზადდება კანონპროექტი, რომელიც ხელისუფლებას მსგავსი ზომების გატარების მოთხოვნის უფლებას მისცემს აუცილებლობის შემთხვევაში. თუმცა, მასმედიის ცნობით, დეპუტატების უმეტესობა არ აპირებს მხარი დაუჭიროს კანონპროექტს.

ყველა ახალი ამბავი
0