არჩევნები აშშ-ში

ტრამპის შტაბი ფიცის ქვეშ მიცემული წერილობითი ჩვენებებით მიმართავს სასამართლოს

44
(განახლებულია 16:59 11.11.2020)
აშშ-ის მიჩიგანის შტატში ამ დროისათვის ხმები ბოლომდე დათვლილი არ არის, თუმცა ტრამპის შტაბს უკვე მეორე სარჩელი შეაქვს შტატის სასამართლოში.

თბილისი, 11 ნოემბერი — Sputnik. აშშ-ის მოქმედი პრეზიდენტის დონალდ ტრამპის საარჩევნო შტაბს ახალი სარჩელი შეაქვს მიჩიგანის შტატის სასამართლოში მოთხოვნით – არ დაამტკიცოს კენჭისყრის შედეგები მანამ, სანამ არ დადასტურდება, რომ შტატში დამუშავებული ყველა ბიულეტენი კანონიერად იყო მიწოდებული.

აღნიშნულის თაობაზე ტრამპის შტაბის იურიდიულმა კონსულტანტმა მეტ მორგანმა განუცხადა პრესის წარმომადგენლებს ვიდეოკონფერენციის დროს.

„ჩვენ გვსურს დავრწმუნდეთ, რომ [მიჩიგანში] კენჭისყრის შედეგები არ მოიცავს თაღლითური ან უკანონო გზებით მიწოდებულ საარჩევნო ბიულეტენებს“, — ციტირებს მორგანის სიტყვებს სააგენტო Reuters.

გაზეთ Washington Examiner-ის ინფორმაციით, ახალ სარჩელში ნათქვამია, რომ რესპუბლიკური პარტიის ბევრი დამკვირვებელი არ დაუშვეს იმ ხმების დათვლის პროცესზე, რომლებიც ფოსტით იყო მიღებული უეინის ოლქში. აღსანიშნავია, რომ ამ ოლქში შედის შტატის უდიდესი ქალაქი დეტროიტი.

გარდა ამისა, მორგანის თქმით, რესპუბლიკელი დამკვირვებლების მიმართ ადგილი ჰქონდა დევნისა და დაშინების ფაქტებს, რის თაობაზეც სარჩელი ფიცის ქვეშ მიცემულ წერილობით ჩვენებებს შეიცავს.  

ტელეარხ Fox News-ის ინფორმაციით, ამ დროისათვის მიჩიგანის შტატში (16 ელექტორალური ხმა) ბიულეტენების 99%-ია დათვლილი. ლიდერობს დემოკრატი ჯო ბაიდენი. მას 50,6% აქვს, ხოლო რესპუბლიკელ დონალდ ტრამპს – 47,9%.

აღსანიშნავია, რომ დონალდ ტრამპის საარჩევნო შტაბმა და რესპუბლიკური პარტიის წარმომადგენლებმა უამრავი სარჩელი შეიტანეს, სულ ცოტა, ხუთი შტატის სასამართლოებში და ხმების დათვლის პროცესი გაასაჩივრეს.

ტრამპის შტაბს მანამდე უკვე ჰქონდა სარჩელი შეტანილი მიჩიგანის სასამართლოში ხმების დათვლის პროცედურის შეჩერების მოთხოვნით, გამომდინარე იქიდან, რომ დათვლის პროცედურას რესპუბლიკელ დამკვირვებლებს არ ასწრებდნენ. თუმცა სასამართლომ ეს მოთხოვნა არ დააკმაყოფილა.

 

44
თემები:
მსოფლიო დღეს (2347)
შეჩერდეს COVID-19

ეს მძიმე დაავადება ადამიანს COVID-19-სგან იცავს: ისრაელის მეცნიერების კვლევა

96
(განახლებულია 15:02 03.12.2020)
მეცნიერები ასახელებენ სამ ჰიპოთეზას, რომლებითაც აიხსნება, რატომ ემართებათ COVID-19 ნაკლებად ამ დაავადების მქონე ადამიანებს

თბილისი, 3 დეკემბერი — Sputnik. ისრაელელმა მეცნიერებმა აღმოაჩინეს დაავადება, რომელსაც კორონავირუსით ინფიცირების რისკის შემცირება შეუძლია, იუწყება პორტალი ScienceDirect-ი.

კვლევის თანახმად, ბრონქული ასთმით დაავადებული ადამიანები ნაკლებად შეიძლება დაავადდნენ COVID-19-ით.

კვლევის ერთ-ერთი ავტორი, დოქტორი იუჯინ მერზონი აღნიშნავს, რომ არსებობს სამი ჰიპოთეზა, რომელიც ამ დასკვნას ხსნის.

პირველი მიზეზი არის ის, რომ რესპირატორული ალერგია დაკავშირებულია კონკრეტული ფერმენტის მნიშვნელოვან შემცირებასთან, რომელსაც ვირუსი უჯრედში შესვლის წერტილად იყენებს.  

მეორე ჰიპოთეზის თანახმად, ასთმით დაავადებულთა უმეტესობა ინჰალაციურ კორტიკოსტეროიდებს იყენებს, მათ კი კორონავირუსის რეპლიკაციის შემცირება შეუძლია.

გარდა ამისა, მეცნიერთა აზრით, ასთმით დაავადებულთა შემთხვევაში სოციალური ფაქტორიც მოქმედებს.

„დიდია ალბათობა იმისა, რომ ისინი ჯანდაცვის სამინისტროს მითითებებს იცავდნენ ნიღბების ტარების, სოციალური დისტანცირებისა და ჰიგიენის წესების შესახებ“, — განმარტა კვლევის ავტორმა.

ექსპერტების აზრით, ეს კვლევა შეიძლება დადებითად აისახოს დაავადებების მქონე მოსახლეობის გარკვეული ჯგუფებისთვის პერსონალიზებული რეკომენდაციების შემუშავებაზე.

 

96
თემები:
მსოფლიო და მეცნიერება
ფეისბუქი

აშშ-ის 40-ზე მეტი შტატი Facebook-ს სასამართლოში უჩივლებს: სარჩელი მზადაა

40
(განახლებულია 17:37 03.12.2020)
Facebook-ის წარმომადგენლები და ნიუ-იორკის პროკურატურის თანამშრომლები არანაირ კომენტარს არ აკეთებენ აღნიშნულთან დაკავშირებით.

თბილისი, 3 დეკემბერი — Sputnik. აშშ-ის მთელი რიგი შტატების ადმინისტრაციები მომდევნო კვირაში კომპანია Facebook-ის წინააღმდეგ საამართლოში სარჩელის შეტანას აპირებენ, იუწყება სააგენტო Reuters წყაროებზე დაყრდნობით.

გავრცელებული ინფორმაციით, სოციალური ქსელის მფლობელ კომპანიას ქვეყნის ანტიმონოპოლიური კანონმდებლობის სავარაუდო დარღვევაში სდებენ ბრალს.

სააგენტოს ერთ-ერთი წყაროს თქმით, სასამართლოში ჩივილს 40-ზე მეტი შტატი აპირებს.

6 ოქტომბერს აშშ-ის კონგრესის წარმომადგენელთა პალატამ 449-გვერდიანი მოხსენება წარმოადგინა, რომელიც 16-თვიან გამოძიებას ეყრდნობა. როგორც მოხსენებაშია ნათქვამი, კომპანიები Amazon, Facebook, Google და Apple ბაზარზე მონოპოლისტურ ტაქტიკას იყენებენ.

20 ოქტომბერს აშშ-ის იუსტიციის სამინისტრომ სამოქალაქო სარჩელი შეიტანა კორპორაცია Google-ის წინააღმდეგ, ვინაიდან, ხელისუფლების აზრით, ის ზიანს აყენებს კონკურენციას ონლაინ–მოედნებზე. ამერიკის ფედერალურ ხელისუფლებასთან ერთად მოსარჩელეთა რანგში ქვეყნის 11 შტატი გამოდიოდა.

ტრამპმა სოციალური ქსელები დასაჯა: ბრძანებულება ხელმოწერილია>>

რამდენიმე დღის წინ კი The Wall Street Journal-მა გაავრცელა ინფორმაცია, რომ ფედერალური ხელისუფლება კიდევ ოთხ სარჩელს ამზადებს Facebook-ისა და Google-ის წინააღმდეგ აშშ-ის ანტიმონოპოლიური კანონმდებლობის დარღვევის გამო.

აღსანიშნავია, რომ Facebook-ის წარმომადგენლებმაც და ნიუ-იორკის პროკურატურის თანამშრომლებმაც უარი განაცხადეს ყველანაირ კომენტარზე.

 

40
თემები:
მსოფლიო დღეს (2347)
ნატოს სწავლებები შავ ზღვაზე

მოსაზრება: ნატო შავ ზღვაზე გადის - შეავიწროებს თუ არა ალიანსი რუსეთს ყირიმში

0
(განახლებულია 17:42 03.12.2020)
ჩრდილოატლანტიკურმა ალიანსმა რეფორმები წამოიწყო, სანამ ჯო ბაიდენი თეთრ სახლში შევა. სამიტზე, რომელიც გუშინ დამთავრდა, საგარეო საქმეთა მინისტრებმა ორგანიზაციის ფუნდამენტურ პრინციპებს გადახედეს და გადააკეთეს მისი მუშაობა.

გალია იბრაგიმოვა

უწინდებური მხოლოდ მთავარი პრობლემები დარჩა —  რუსეთი და ჩინეთი. როგორ აპირებს ნატო „რუსული საფრთხის“ შეკავებას?

კრიზისებზე ნატოს ადაპტირება

იენს სტოლტენბერგი საგარეო უწყებების ხელმძღვანელებთან ვიდეოშეხვედრისთვის განსაკუთრებულად გულმოდგინედ ემზადებოდა. ეს მინისტრების დონეზე ბოლო შეხვედრაა ყოველწლიური სამიტის წინ, რომელიც წლის დასაწყისისთვის იგეგმება. დღის წესრიგის წინასწარ შემუშავება და დაგროვილ საკითხებზე მსჯელობა ორგანიზაციის წევრების მოულოდნელი ნაბიჯებისგან თავის დაზღვევას ნიშნავს. მით უმეტეს, რომ ამის პრეცედენტები ყოფილა.

მაგალითად, გასული წლის შეხვედრის წინ ემანუელ მაკრონმა განაცხადა, რომ „ნატოს ტვინი მოკვდა“. ამან მისცა კიდეც ტონი დისკუსიებს და მთელი გეგმები არია. ალიანსის წევრები გაცხარებით უმტკიცებდნენ საფრანგეთის ლიდერსა თუ ერთმანეთს, რომ ბლოკში ყველაფერი წესრიგში იყო.

ტრანსატლანტიკური სოლიდარობის მთავარ სკეპტიკოსად დონალდ ტრამპი რჩებოდა. ალიანსის დასკვნის საპასუხოდ, თუ რაოდენ მნიშვნელოვანია რუსეთის, ჩინეთისა და ირანის შეკავება, აშშ–ის პრეზიდენტმა თავდაცვაზე შენატანების გაზრდა მოითხოვა. საგარეო გამოწვევებთან ძირითადად ამერიკის სამხედრო პოტენციალის ხარჯზე ბრძოლა მას არარაციონალურად მიაჩნდა.

მომავალ სამიტზე აშშ ჯო ბაიდენმა უნდა წარმოადგინოს და ალიანსის გენმდივანს იმედი აქვს, რომ „ნორმალურობას“ დაუბრუნდებიან. ამაში სტოლტენბერგი იმას გულისხმობს, რომ ამერიკელები ბლოკის წევრებთან სამხედრო–პოლიტიკური მოკავშირეობის მნიშვნელობას დაადასტურებენ.

მეტი დამაჯერებლობისთვის გენერალურმა მდივანმა ანალიტიკოსებს მიმართა, რათა მათ ორგანიზაციის შიგნით არსებული პრობლემები განეხილათ, მათი გადაწრის გზები წარმოედგინათ და უახლოესი ათი წლის ამოცანები მოენიშნათ. ეს შრომა გაფორმდა მოხსენებაში მეტყველი სათაურით „ნატო 2030“.

ექსპერტთა პროექტების შესწავლითა და მათი კორექტირებით საგარეო საქმეთა მინისტრებიც დაკავდნენ. შეხვედრის ყველა მონაწილემ, საფრანგეთის ჩათვლით, აღიარა, რომ „ტვინის სიკვდილი“ ალიანსს არ ემუქრება, მაგრამ რეფორმები არ აწყენდა.

„მნიშვნელოვანია თავდაცვითი კავშირის ადაპტირება საერთაშორისო მდგომარეობასთან. კრიზისულ სიტუაციებში ნატო უნდა მოქმედებდეს ოპერატიულად და შეკრულად, მაშინაც კი, თუ ამას ფუნდამენტური პრინციპების დარღვევა მოჰყვება“, — ნათქვამია დოკუმენტში.

მთავარი, რის გადახედვასაც სთავაზობენ ექსპერტები, ეს ვეტოს უფლებაა: ამით ახლა თანაბრად სარგებლობს ნატოს ყველა წევრი. „თუ ერთხმიანი კენჭისყრა შეიზღუდება, მაშინ დაძაბულობა ალიანსის შიგნით შემცირდება“, — ვარაუდობენ მკვლევარები.

მაგრამ მათ დასკვნებს ყველა მინისტრი არ დაეთანხმა — თუმცა იდეები ნოვატორულად მიიჩნიეს.

და კვლავ „მოსკოვის ხელი“

სამაგიეროდ საგარეო საფრთხეებზე ყველა წევრი ერთი აზრისაა: ტრანსატლანტიკური უსაფრთხოებისთვის მთავარ გამოწვევებად კვლავ რუსეთი და ჩინეთი რჩებიან.

„მოსკოვი ბირთვული იარარის მოდერნიზებას ახდენს და ახალ რაკეტებს განალაგებს უკიდურესი ჩრდილოეთიდან სირიასა და ლიბიამდე. რუსეთის ყოფნა ბელორუსიაში და მთიან ყარაბაღში კრიზისების შედეგადაც გაძლიერდა“, — განაცხადა სტოლტენბერგმა.

„კრემლი ყოფილ საბჭოთა რესპუბლიკებზე ჰეგემონიისკენ მიისწრაფვის და არღვევს მათ სუვერენიტეტს. ნატოსთვის მნიშვნელოვანია, ადაპტირდეს ახალ გარემოებასთან, რომელშიც კვლავ დაბრუნდა მუდმივად აგრესიულ რუსეთთან მეტოქეობა“, — იმეორებენ გენმდივნის კვალდაკვალ მოხსენების ავტორები.

მუშაობა „რუსული საფრთხის გასანეიტრალებლად“ უკვე მიმდინარეობს. ამის მაგალითად სტოლტენბერგმა ნატოს საქართველოსთან და უკრაინასთან თანამშრომლობა დაასახელა. ახლა ორივე სახელმწიფო ალიანსის პარტნიორები არიან ფართო შესაძლებლობებით. ეს დასავლურ ტექნოლოგიებსა და სადაზვერვო ინფორმაციაზე წვდომას მოიაზრებს, თუმცა ბლოკის სრულფასოვან წევრობას არ ნიშნავს.

რუსეთის შესაკავებლად ალიანსი აპირებს, გააფართოვოს თავისი სამხედრო ყოფნა შავ ზღვაზე — რუსეთის „ ყირიმში გაძლიერებული ყოფნის“ პასუხად. დეტალები ჯერჯერობით არ საჯაროვდება.

შავი ზღვის პრიორიტეტები

„ნატოს მთავარი ამოცანაა, მოემზადოს აშშ–ის პრეზიდენტის შეცვლისთვის. ბლოკში იმედი აქვთ, რომ ბაიდენი ხელს შეუწყობს კონსოლიდაციას და ტრამპის დროს გაჩენილი პრობლემები გაქრება. მაგრამ ნაკლებ სავარაუდოა, რომ ახალმა ლიდერმა წინამორბედის ყველა მემკვიდრეობაზე უარი თქვას. ის ნამდვილად მოითხოვს, რომ ყველა წევრმა თავისი მთლიანი შიდა პროდუქტის 2% შეიტანოს ბლოკის თავდაცვის ყულაბაში“, — მიაჩნია რუსეთის საერთაშორისო საქმეთა საბჭოს გენერალურ დირექტორ ანდრეი კორტუნოვს.

პოლიტოლოგს მიაჩნია, რომ ბაიდენის მოსვლა არ შეცვლის დაზაბულობას ნატო–რუსეთის ურთიერთობებში.  თუმცა, მოსკოვის საერთაშორისო პრობლემების ფართო წრეში გარევის გათვალისწინებით, ალიანსი ვერ შეძლებს დიალოგის იგნორირებას — თუნდაც სამხედროების დონეზე.

შავი ზღვის პობლემატიკას ნატოს დღის წესრიგში კორტუნოვი იმით ხსნის, რომ რუსეთის გავლენა კავკასიაზე ძლიერდება: „ომი მთიან ყარაბაღში და რუსი სამშვიდობოების შესვლა ალიანსის ყურადღების მიღმა არ დარცენილა. ეს ტერიტორიები შავი ზღიდან შორს არაა, რომელსაც ნატოელები თავისი ინტერესების ზონად მიიჩნევენ. იქ მოსკოვის გაძლიერება პოტენციურ გამოწვევად ფასდება. აქედანაა განცხადებები შავი ზღვის რეგიონის პრიორიტეტულობაზე“.

თუმცა ექსპერტი დარწმუნებულია, რომ რუსეთი ნატოსთვის რისკის ერთადერთი ფაქტორი არ არის შავი ზღვის აკვატორიაში. „მათი გეგმები, განმტკიცდნენ შავი ზღვის რეგიონში იმდენად მოსკოვის წინააღმდეგ არ არის მიმართული, რამდენადაც ანკარისა, — ფიქრობს ის. — მიუხედავად ბლოკის წევრობისა, თურქეთის პოზიცია მთელ რიგ საკითხებში განსხვავდება საერთო აზრისგან. ერდოღანს უთანხმოება აქვს საბერძნეთთან, საფრანგეთთან, გერმანიასთან და აშშ–თანაც კი. მაგრამ ნატოს თურქეთის ალიანსში დაბრუნება სურს. კიდევ ერთი მიზანი — ეს თურქეთის რუსეთთან შემდგომი დაახლოების შეკვეცაა“.

ნატოს შავი ზღვის დღის წესრიგით უკრაინაც პედალირებს. ამასთან ალიანსთან ურთიერთობის მთავარ თემად რუსეთის ყირიმში სამხედრო ყოფნის გაძლიერება იქნება, მიაჩნია ექსპერტს.

„ნახევარკუნძულზე ახალი ობიექტების მშენებლობას კიევი ტრანსატლანტიკური უსაფრთხოებისთვის მორიგ საფრთხეებად წარმოაჩენს. უკრაინის ხელისუფლება კვლავ განაგრძობს მტკიცებას, რომ ყირიმში რუსული საბრძოლო სისტემების განთავსება ის პრობლემაა,  რომელიც გაძლიერებულ ყურადღებას მოითხოვს“, — არ გამორიცხავს კორტუნოვი.

რედაქცია შესაძლოა არ ეთანხმებოდეს ავტორის მოსაზრებებს!

0