მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ვინ დაესწრება ოლიმპიადას: იაპონიის მთავრობა პირობებს ასახელებს

© AFP 2024 / BEHROUZ MEHRIСимвол олимпийских игр в Токио, Япония
Символ олимпийских игр в Токио, Япония - Sputnik საქართველო
გამოწერა
„ტოკიო-2021“-ის ორგანიზატორები სამ პრინციპზე დაყრდნობით ემზადებიან თამაშებისთვის: უსაფრთხო გარემოს უზრუნველყოფა, ხარჯების მინიმიზაცია და ოლიმპიადის ფორმატის გამარტივება.

თბილისი, 11 ნოემბერი — Sputnik. იაპონიის ხელისუფლება აპირებს ორკვირიანი კარანტინისგან გაათავისუფლოს ის უცხოელები, რომლებიც 2021 წლის ოლიმპიადაზე დასასწრებად ჩავლენ ტოკიოში და რომლებსაც შესაბამისი უარყოფითი ტესტები ექნებათ კორონავირუსზე.

ოლიმპიური ცეცხლი - Sputnik საქართველო
ოლიმპიადა გადაიდო – იაპონია და საერთაშორისო ოლიმპიური კომიტეტი საბოლოოდ შეთანხმდნენ

აღნიშნულის თაობაზე წერს იაპონური ახალი ამბების სააგენტო Kyodo.

გავრცელებული ინფორმაციით, ქვეყნის მთავრობის გადაწყვეტილებით, ვიზიტორებისთვის სავალდებულოა – თან ჰქონდეთ უშუალოდ იაპონიაში გაფრენის წინ მიღებული რამდენიმე ცნობა უარყოფითი ტესტის შესახებ.

გარდა ამისა, ტოკიოს ხელისუფლება უცხოელი სტუმრების გადაადგილების მონიტორინგსაც ჩაატარებს.

ამასთან, იაპონიის მთავრობაში განიხილავენ ვარიანტს, რომლის თანახმადაც COVID-19-ით გამოწვეული მძიმე ეპიდვითარების მქონე ქვეყნების მოქალაქეებს, შესაძლოა, საერთოდ აეკრძალოთ ქვეყანაში შესვლა.

ტოკიოს ოლიმპიური თამაშები, რომელიც 2020 წელს უნდა ჩატარებულიყო, ერთი წლით გადაიდო კორონავირუსის პანდემიის გამო. მისი ჩატარება 2021 წლის 23 ივლისიდან 8 აგვისტომდე პერიოდში იგეგმება.

ამ დროისათვის იაპონია ოლიმპიური თამაშებისთვის სამ პრინციპზე დაყრდნობით ემზადება: უსაფრთხო გარემოს უზრუნველყოფა, ხარჯების მინიმუმამდე დაყვანა და ოლიმპიადის ფორმატის გამარტივება.

 

ყველა ახალი ამბავი
0