ამერიკელი კარდიოლოგები: თუ გინდათ დიდხანს იცოცხლოთ, ხშირად მიირთვით ცხარე წიწაკა

© Pixabay / JillWellingtonმწარე წითელი წიწაკა ჩილი
მწარე წითელი წიწაკა ჩილი - Sputnik საქართველო
გამოწერა
ამერიკელმა კარდიოლოგებმა ამ დასკვნის გამოტანამდე 5 ათასამდე კვლევა შეისწავლეს და 570 ათასი ადამიანის მონაცემები გააანალიზეს.

თბილისი, 11 ნოემბერი — Sputnik. წითელი წიწაკა ჩილის რეგულარულ მოხმარებას შეუძლია შეამციროს ნაადრევი სიკვდილის რისკი და ხელი შეუწყოს სიცოცხლის ხანგრძლივობას – ამგვარ დასკვნამდე მივიდნენ აშშ-ის კარდიოლოგიური ასოციაციის მეცნიერები, რის თაობაზეც იუწყება Fox News.

წითელი წიწაკა - Sputnik საქართველო
მწარე წიწაკა და მისი სასარგებლო თვისებები

სპეციალისტებმა გააანალიზეს ჯანდაცვის ხუთ წამყვან მსოფლიო ბაზაში არსებული 4 729 კვლევა და ერთმანეთს შეადარეს იტალიაში, ჩინეთში, ირანსა და აშშ-ში მცხოვრები 570 ათასი ადამიანის მონაცემები.

მასშტაბური ანალიზის შედეგად მკვლევარებმა დაასკვნეს, რომ იმ პაციენტებში, რომლებიც ჩილის რეგულარულად იღებენ, გულ-სისხლძარღვთა დაავადებებით სიკვდილის რისკი 26%-ით ნაკლებია, ხოლო კიბოთი — 23%-ით ნაკლები.

გარდა ამისა, ჩილის მოყვარულებში 25%-ით ნაკლებია ნებისმიერი მიზეზით გარდაცვალების ფაქტები მათთან შედარებით, ვინც იშვიათად ან საერთოდ არ იღებს ამ პროდუქტს.

ჩილის ამ შედეგებს მეცნიერები იმით ხსნიან, რომ ცხარე წითელ წიწაკას აქვს ანთებისა და სიმსივნეების საწინააღმდეგო და ასევე ანტიოქსიდანტური თვისებები. გარდა ამისა, ჩილი არეგულირებს გლუკოზის დონეს სისხლში.

ამასთან ერთად მკვლევარები აცხადებენ, რომ ორგანიზმზე ჩილის ზემოქმედების მექანიზმი ჯერ კიდევ არ არის ბოლომდე შესწავლილი და ეს დამატებით კვლევებს მოითხოვს.

 

ყველა ახალი ამბავი
0