მევლუთ ჩავუშოღლუ

„ბრძოლის ველზეც და მოლაპარაკებათა მაგიდასთანაც“ ანკარა ბაქოს გამარჯვებას ულოცავს

55
(განახლებულია 16:26 10.11.2020)
ნიკოლ ფაშინიანმა სოციალურ ქსელში აღიარა, რომ ყარაბაღის თემაზე მიღებული გადაწყვეტილება მისთვის უკიდურესად მძიმე იყო.

თბილისი, 10 ნოემბერი — Sputnik. თურქეთის საგარეო საქმეთა მინისტრმა მევლუთ ჩავუშოღლუმ, მთიან ყარაბაღში შერიგების შესახებ შეთანხმების ფონზე, აზერბაიჯანს „ბრძოლის ველზე და მოლაპარაკებათა მაგიდასთან“ მიღწეული წარმატება მიულოცა.

„აზერბაიჯანმა მნიშვნელოვან წარმატებებს მიაღწია ბრძოლის ველზეც და მოლაპარაკებათა მაგიდასთანაც. გულწრფელად გილოცავთ ამ ბედნიერ მიღწევას“, — დაწერა ჩავუშოღლუმ Twitter-ზე.

მისი თქმით, თურქეთი „აზერბაიჯანელი ძმებისთვის კვლავაც არის ერთი ხალხი და ერთი გული“.

მანამდე, 9 ნოემბერს აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. განცხადების თანახმად, ყარაბაღში რუსი სამშვიდობოები განთავსდებიან, აზერბაიჯანი და სომხეთი დაკავებულ პოზიციებზე დარჩებიან და ამასთან ტყვეთა გაცვლას დაიწყებენ.

როგორც სომხეთის პრემიერ-მინისტრმა ნიკოლ ფაშინიანმა დაწერა Facebook-ზე, ამ გადაწყვეტილების მიღება მისთვის უკიდურესად მძიმე იყო.

„რუსეთისა და აზერბაიჯანის პრეზიდენტებთან ხელი მოვაწერე შეთანხმებას ყარაბაღის ომის შეწყვეტაზე ღამის 01:00 საათიდან. უკვე გამოქვეყნებული განცხადების ტექსტი წარმოუდგენლად მტკივნეულია ჩემთვის და ჩვენი ხალხისთვის“, – ნათქვამია ფაშინიანის ფეისბუქ-გვერდზე. 

სომხეთის მოსახლეობამ პრემიერ-მინისტრ ნიკოლ ფაშინიანის განცხადებაზე მთიან ყარაბაღში ომის შეწყვეტისა და ტერიტორიის ჩაბარების თაობაზე მყისიერი რეაგირება მოახდინა. მთავრობის სახლთან შეკრებილი საპროტესტო აქციის მონაწილეები შენობაში შეიჭრნენ, ფაშინიანის კაბინეტი დაარბიეს და სახელმწიფო სიმბოლიკა გაიტაცეს. ამის შემდეგ ისინი პარლამენტისკენ დაიძრნენ, სადაც ეროვნული კრების სპიკერი არარატ მირზოანი სცემეს. 

ამ დროისათვის აქციის მონაწილეებს დატოვებული აქვთ პარლამენტის შენობა, თუმცა დეპუტატებს ელოდებიან იმ იმედით, რომ ისინი ყარაბაღთან დაკავშირებით მიღებულ გადაწყვეტილებას გააუქმებენ.

55
თემები:
ესკალაცია ყარაბაღში 2020 (135)
კადრი სერიალიდან „დედოფლის გამბიტი“

„დედოფლის გამბიტი“ - Netflix-ის ყველაზე პოპულარული სერიალი

27
ფილმმა გენიალურ მოჭადრაკე ქალზე არა მხოლოდ ამ ინტელექტუალური თამაშის მოყვარულები, არამედ ჭადრაკისგან ძალიან შორს მდგომი ადამიანებიც მოხიბლა

თბილისი, 25 ნოემბერი - Sputnik. Netflix-ის ახალი სერიალი „დედოფლის გამბიტი“ ამ პლატფორმის ყველაზე პოპულარულ სერვისად დაასახელეს - პრემიერიდან თითქმის ერთ თვეში ის 60 მილიონზე მეტმა მაყურებელმა ნახა.

„დედოფლის გამბიტი“ არის ალკოჰოლსა და ნარკოტიკებზე დამოკიდებული გენიალური მოჭადრაკე ობოლი გოგონას ცხოვრების ისტორია.

მისი როლი ბრწყინვალედ შეასრულა ანა ტეილორ ჯოიმ.

შვიდსერიანმა ფილმმა ქსელში ნამდვილი ფურორი მოახდინა. თაყვანისმცემლები დაუღალავად იხილავენ ფილმის სცენარს, კოსტიუმებსა და დეკორაციებს. როგორც ჩანს, „დედოფლის გამბიტი“ 2020 წლის საუკეთესო პრემიების პრეტენდენტი გახდება.

საინტერესოა, რომ „დედოფლის გამბიტმა“ ახალი რეკორდი დაამყარა და Netflix-ის მთელი ისტორიის განმავლობაში ყველაზე პოპულარულ მინისერიალად დასახელდა. ეს ინფორმაცია სერვისის ოფიციალურ Twitter-ზე გავრცელდა.

მეტიც, სერიალი ყველაზე ცნობილი შოუების ათეულში მოხვდა 92 ქვეყანაში, ასევე, 63 მათგანში რეიტინგების პირველი ადგილი დაიკავა. უოლტერ ტევისის რომანი „დედოფლის გამბიტი“, რომლის მიხედვითაც სერიალია გადაღებული, The New York Times-ის ვერსიით, ბესტსელერების სიის სათავეში მოექცა.

27
ქალი პირბადით

ვირტუალური ახალი წელი? ჯანმო საახალწლო დღესასწაულების აღნიშვნის რეკომენდაციებს იძლევა

49
ვირტუალური ზეიმი და კერძების სახლში გამოწერა? რა რეკომენდაციებს გასცემს ჯანდაცვის მსოფლიო ორგანიზაცია ახალი წლის დღეებში

თბილისი, 25 ნოემბერი - Sputnik. ახალი წლის დღესასწაული განსხვავებული იქნება, თუმცა ეს სულაც არ ნიშნავს, რომ ის მოსაწყენი იქნება. ამის შესახებ განაცხადა ჯანდაცვის მსოფლიო ორგანიზაციის ევროპის რეგიონული ბიუროს ხელმძღვანელმა ჰანს კლიუგემ.

„ეს განსხვავებული ზეიმი იქნება, რაც სულაც არ ნიშნავს იმას, რომ ის მხიარული არ იქნება. რამადანის დროს სათვისტომოებმა უსაფრთხო გადაწყვეტილებები გამონახეს მარხვის დასრულებისთვის, მათ შორის, ვირტუალური ან კერძების სახლში გამოძახების მეშვეობით“, - აღნიშნა მან ონლაინბრიფინგის მსვლელობისას.

კლიუგემ ყველას ურჩია სუფთა ჰაერზე გასვლა, თუმცა ამასთან ერთად უსაფრთხოებაც არ დაივიწყონ.

„დააფასეთ ეს დრო, იყავით იმ ადამიანებთან, ვინც თქვენთვის ძვირფასია. თუ იგეგმება დიდი სამეგობროს თავშეყრა, გადადეთ ეს მანამ, სანამ უსაფრთხოდ შეკრება არ იქნება შესაძლებელი. გადადეთ 2021 წლისთვის. შეიკრიბეთ ღია ცის ქვეშ ახლობლებთან ერთად. იზეიმეთ, მაგრამ უსაფრთხოდ“, - განაცხადა კლიუგემ და ხაზი გაუსვა, რომ არ შეიძლება ბავშვების დატოვება ტრადიციული ზეიმების გარეშე, მაგრამ საჭიროა ყველაფრის გაკეთება მათი უსაფრთხოების დასაცავად.

ჯანმოს წარმომადგენელმა აღნიშნა, რომ საყოველთაო კარანტინის თავიდან აცილება შესაძლებელია იმ პირობით, თუ ამისათვის ძალღონეს არავინ დაიშურებს.

„მე ვემხრობი პოზიციას - საყოველთაო კარანტინის დაწესება უკანასკნელი საშუალებაა“, - განაცხადა კლიუგემ და ჩამოთვალა კარანტინის თანმდევი შედეგები, დაწყებული ეკონომიკაზე ზეგავლენით, დამთავრებული ადამიანების ფსიქიკურ ჯანმრთელობაზე ზემოქმედებით.

მისი აზრით, ნიღბები უკიდურესად მნიშვნელოვანია ინფექციის გავრცელების შესაკავებლად, მაგრამ მათი ტარება არ არის პანაცეა, საჭიროა უსაფრთხოების სხვა ზომების დაცვაც.

49
თემები:
COVID-19-ის პანდემია მსოფლიოში
სალომე ზურაბიშვილი

ზურაბიშვილმა გაეროს უამბო, რა კეთდება საქართველოში ოჯახურ ძალადობასთან ბრძოლის კუთხით

0
ოჯახში ძალადობა საქართველოში ერთ-ერთ მთავარ პრობლემად რჩება და ყველაზე ხშირი დანაშაულის ხუთეულში შედის

თბილისი, 25 ნოემბერი – Sputnik. ოჯახში ძალადობის პრევენცია და მასზე რეაგირება საქართველოსთვის პრიორიტეტად რჩება, განაცხადა საქართველოს პრეზიდენტმა სალომე ზურაბიშვილმა ქალთა მიმართ ძალადობის აღმოფხვრის საერთაშორისო დღისადმი მიძღვნილ გაეროს ოფიციალურ ონლაინ-ღონისძიებაზე.

ქალთა არასამთავრობო ორგანიზაციები ამ თარიღს 1981 წლიდან აღნიშნავენ. ამ დღეს 1960 წელს დომინიკას რესპუბლიკის ლიდერის, რაფაელ ტრუხილიოს ბრძანებით სასტიკად მოკლეს სამი და მირაბალები, რომლებიც რესპუბლიკის გამოჩენილი პოლიტიკური მოღვაწეები იყვნენ. 1999 წლის 17 დეკემბერს გაეროს გენერალურმა ასამბლეამ 25 ნოემბერი ქალთა მიმართ ძალადობის აღმოფხვრისთვის ბრძოლის საერთაშორისო დღედ გამოაცხადა.

„ოჯახში ძალადობის პრევენცია და რეაგირება საქართველოსთვის პრიორიტეტად რჩება. ჩვენ უზრუნველვყავით, რომ მიუხედავად COVID-19-ს მდგომაროებისა, არანაირი შეფერხება არ არის სახელმწიფოს მიერ მხარდაჭერილი სერვისების მიწოდებაში (თავშესაფრები, კრიზისის ცენტრები, ცხელი ხაზები); სახელმწიფომ ძლიერი მესიჯი გაუგზავნა ქალებსა და გოგონებს, რათა ძალადობის შემთხვევაში მათ მოიძიონ დახმარება და დაუკავშირდნენ სამართალდამცავებსა და სხვა მხარდამჭერ ორგანიზაციებს“, - განაცხადა ზურაბიშვილმა.

მან ასევე ისაუბრა ოჯახურ ტირანებზე ელექტრონული მეთვალყურეობაზე, რომელიც საქართველოში წელს შემოიღეს.

„შემაკავებელ ორდერთან ერთად, ეს მექანიზმი დამნაშავის რეალურ დროში მონიტორინგისა და მსხვერპლთან, მსხვერპლის სახლთან, სამსახურთან თუ სხვა სივრცეებში მიახლოების აკრძალვის საშუალებას იძლევა“, - აღნიშნა პრეზიდენტმა.

თავის გამოსვლაში ზურაბიშვილმა გამოხატა მადლიერება გენერალური მდივნის მიმართ განსაკუთრებული მოწოდებისთვის – „მშვიდობა შინ“ და აღნიშნა, რომ ამ საკითხში ყველა ქვეყნის თანამშრომლობა პრობლემის გადაჭრის ერთადერთი გზაა.

ოჯახში ძალადობა საქართველოში ერთ-ერთ მთავარ პრობლემად რჩება და ყველაზე ხშირი დანაშაულის ხუთეულში შედის. 2020 წლის ცხრა თვეში საქართველოში ოჯახური ძალადობის 4 138 შემთხვევა მოხდა. ძალადობის მსხვერპლთა ძირითადი ნაწილია 25-დან 44 წლამდე ასაკის ქალებია. წლის დაწყებიდან ოჯახში ძალადობას 19 ქალი ემსხვერპლა.

0
თემები:
ადამიანის უფლებები საქართველოში