უკრაინის პრეზიდენტი ვლადიმირ ზელენსკი

უკრაინის პრეზიდენტს კორონავირუსი დაუდასტურდა

60
ზელენსკი ზაფხულში უკვე იმყოფებოდა ორკვირიან იზოლაციაში, თუმცა არც მას, არც მის შვილებს მაშინ კორონავირუსი არ დაუდგინდა

თბილისი, 9 ნოემბერი – Sputnik. უკრაინის პრეზიდენტმა ვლადიმირ ზელენსკიმ განაცხადა, რომ კორონავირუსით დაავადდა, მაგრამ თავს კარგად გრძნობს.

„არ არსებობს მსოფლიოში ის ბედნიერი ადამიანი, ვისთვისაც COVID-19 არ წარმოადგენს საფრთხეს. ყველა ეპიდღონისძიების მიუხედავად, მეც მივიღე დადებითი პასუხი. მე მაქვს 37,5, თქვენ კი 36,6-ს გისურვებთ! თუმცა, თავს კარგად ვგრძნობ. ვრჩები იზოლაციაში და ვაგრძელებ მუშაობას. უმრავლესობა ამარცხებს COVID19-ს. მეც გადავიტან. ყველაფერი კარგად იქნება!“ - დაწერა მან თავის Telegram-არხზე.

პრეზიდენტის მეუღლემ ელენა ზელენსკაიამ ივნისში კორონავირუსი უკვე გადაიტანა. ის მკურნალობდა სახლში, თუმცა შემდგომში პნევმონიის დიაგნოზით საავადმყოფოში მოხვდა. 3 ივლისს პრეზიდენტის ოფისმა გაავრცელა ინფორმაცია, რომ ის საავადმყოფოდან გაეწერა, თუმცა პნევმონიაზე მკურნალობა სახლში გააგრძელა.

უკრაინის ჯანდაცვის სამინისტროს ბოლო მონაცემებით, პანდემიის დაწყებიდან დღემდე კორონავირუსი 469 018 ადამიანს დაუდგინდა, გამოჯანმრთელდა 209 143 პაციენტი, გარდაიცვალა - 8 565 ადამიანი.

60
თემები:
COVID-19-ის პანდემია მსოფლიოში (1232)
მოხუცი ქალბატონის ხელები

დაუჯერებელი ფაქტი: 101 წლის ქალმა კორონავირუსი სამჯერ დაამარცხა - ფოტო

23
(განახლებულია 16:20 30.11.2020)
დღეგრძელ ქალბატონს, რომელმაც მანამდე „ესპანური გრიპის“ ეპიდემიაც გამოიარა და მეორე მსოფლიო ომიც, ვერც კორონავირუსი მოერია

თბილისი, 30 ნოემბერი — Sputnik. 101 წლის იტალიელი ქალბატონი მარია ორსინგერი სამჯერ დაინფიცირდა კორონავირუსით და სამჯერვე დაამარცხა დაავადება , იუწყება გაზეთი Corriere della Sera.

გავრცელებული ინფორმაციით, COVID-19–ის დიაგნოზი მხცოვან ქალს პირველად თებერვალში დაუსვეს. მაშინ ექიმები ამბობდნენ. რომ მარია ორსინგერმა იოლად გადაიტანა საშიში დაავადება.

​თუმცა რამდენიმე თვის შემდეგ მან კიდევ ერთხელ გაიკეთა ტესტი და ინფიცირებაზე დადებითი პასუხი მიიღო. ამიტომ სექტემბერში საუკუნეზე მეტი ასაკის ქალი საავადმყოფოში მოხვდა, სადაც 18 დღე დაჰყო.

ექიმების თქმით, მარიას ამ ჯერზე ტემპერატურა კი ჰქონდა, მაგრამ ავადმყოფობა მაინც იოლ ფორმებში მიმდინარეობდა.

ბოლოს, უკვე მესამედ, ორსინგერს კორონავირუსი ოქტომბერში დაუდასტურდა.

„არანაირი სიმპტომი არ ჰქონია. თავს კარგად გრძნობდა, მადაც კი არ დაუკარგავს“, — ამბობს მარიას ქალიშვილი.

ექიმების თქმით, მარია ორსინგერის შემთხვევა ერთ–ერთი ყველაზე იშვიათია, ვინაიდან კორონავირუსით განმეორებითი ინფიცირების ფაქტებიც კი მსოფლიოში ძალიან მცირეა, რომ აღარაფერი ვთქვათ სამჯერ დაავადებაზე.

23
თემები:
მსოფლიო დღეს
ექიმები რეანიმაციაში

COVID-19-ზე უფრო საშიში: დასახელდა დაავადება, რომელიც მეტ ადამიანს შეიწირავს

75
(განახლებულია 17:00 30.11.2020)
ჯანმოს რეგიონულ დირექტორს არ ესმის, რატომ იწვევს კორონავირუსი მეტ შფოთვას, როდესაც ამ დაავადებით ყოველ წელს მსოფლიოში ასობით ათასი ბავშვი იღუპება.

თბილისი, 30 ნოემბერი — Sputnik. მალარიით უფრო მეტი ადამიანი, განსაკუთრებით ბავშვები, დაიღუპება აფრიკაში, ვიდრე ახალი ტიპის კორონავირუსით დაიღუპა წელს, იუწყება გაზეთი Telegraph ჯანდაცვის მსოფლიო ორგანიზაციაზე დაყრდნობით.

გამოცემის ცნობით, მსოფლიოში ყოველწლიურად დაახლოებით 400 ათასი ადამიანი კვდება მალარიით, აქედან 90% აფრიკაზე მოდის. ჯანმოს გათვლებით კი კორონავირუსის პანდემია აფრიკაში 20-დან 100 ათასამდე მსხვერპლით გადააჭარბებს მალარიით დაღუპულთა რაოდენობას.

„ამ რეგიონში COVID-19-სგან უფრო ნაკლები ადამიანი დაიღუპება, ვიდრე მალარიისგან. მაშ, რატომ იწვევს კორონავირუსი თუ ებოლა დიდ შფოთვას, მალარია კი, რომლისგანაც ყოველ წელს ასობით ათასი ბავშვი კვდება, არა?“ — განაცხადა ჯანმოს რეგიონულმა დირექტორმა აფრიკაში მატშიდისო მოეტიმ.

როგორც მის მიერ წარმოდგენილ „მალარიის შესახებ მსოფლიო მოხსენებაშია“ ნათქვამი, ბოლო წლებში მალარიასთან ბრძოლაში შესამჩნევი პროგრესის წყალობით 7,6 მლნ კაცის სიკვდილი აღიკვეთა. მაგრამ ეს ყველაფერი შეიძლება წყალში ჩაიყაროს, ვინაიდან წელს ინვესტიციების რაოდენობა და, შესაბამისად, პროგრესიც ამ მიმართულებით მკვეთრად შემცირდა.

ექსპერტები აცხადებენ, რომ კორონავირუსის პანდემიამ შესაძლოა კიდევ მეტად გაამწვავოს მდგომარეობა და მალარიით, შარშანდელთან შედარებით, მეტი ადამიანი დაიღუპოს.

 

75
თემები:
მსოფლიო დღეს
პაციენტი

სამედიცინო ჟანგბადის პრობლემა არ შეიქმნება: რა საკითხებზე იმსჯელა საკოორდინაციო საბჭომ

0
(განახლებულია 17:20 30.11.2020)
პრემიერ-მინისტრ გიორგი გახარიას დავალებით, ეკონომიკის სამინისტრო საქართველოში სამედიცინო ჟანგბადის წარმოების გაზრდის ხელშეწყობასა და მარაგების გაზრდაში ჩაერთვება

 

თბილისი, 30 ნოემბერი - Sputnik. უწყებათაშორისმა საკოორდინაციო საბჭომ 28 ნოემბრიდან დაწესებული შეზღუდვების აღსრულების პროცესი და ჰოსპიტალურ სექტორში არსებული მდგომარეობა განიხილა, ნათქვამია საქართველოს მთავრობის ადმინისტრაციის მიერ გავრცელებულ ინფორმაციაში.

რთული ეპიდვითარების გამო, საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში. 

როგორც სხდომაზე აღინიშნა, შეზღუდვების გამკაცრება ეპიდემიის გავრცელების შენელებას ისახავს მიზნად და მიღებული ზომების ეფექტურობისთვის უდიდესი მნიშვნელობა ენიჭება მათ  აღსრულებას.

მოქმედი  რეგულაციების დაცვა შესაბამისი უწყებების მხრიდან მკაცრად კონტროლდება. ბოლო მონაცემებით,  ბოლო 24 საათში შეზღუდვების დარღვევის 1.244 ფაქტი გამოვლინა:  იზოლაციის ან კარანტინის წესის დარღვევისთვის - 67 პირი, პირბადის ტარების წესის დარღვევისთვის კი 1.177 ფიზიკური პირი დაჯარიმდა.

ასევე, შეზღუდვების ამოქმედებიდან დღემდე შემოწმდა 10 ათასზე მეტი ობიექტი. მათ შორის, წერილობითი ან სიტყვიერი გაფრთხილება მიიღო  6 ათასზე მეტმა ობიექტმა, დაჯარიმდა 3 ობიექტი,  4 ათასზე მეტ ობიექტს შეუჩერდა საქმიანობა, ერთ ობიექტზე კი „იზოლაციის და კარანტინის წესის“ განმეორებით დარღვევის ფაქტი გამოვლინდა.

საკოორდინაციო საბჭოს სხდომაზე ასევე განიხილეს ჰოსპიტალურ სექტორში საწოლფონდის კუთხით არსებული ვითარება. ჯანდაცვის მინისტრ ეკატერინე ტიკარაძის განმარტებით, ქვეყანაში 8.214 საწოლის რესურსია, მათგან მობილიზებულია 7.103 და გამოყენებულია 6.138. ქვეყანაში 564 თავისუფალი საწოლია. გარდა ამისა,  თავისუფალია ფილტვების ხელოვნური ვენტილაციის 430 აპარატი. დღეისთვის საქართველოში 85 კოვიდ–კლინიკაა. 

სხდომაზე ყურადღება გამახვილდა  სამედიცინო  ჟანგბადით მომარაგების პროცესის უწყვეტობის მნიშვნელობაზეც.

უწყებათაშორისო საკოორდინაციო საბჭოსა და პრემიერ გიორგი გახარიას დავალებით ეკონომიკისა და მდგრადი განვითარების სამინისტრო ჩაერთო საქართველოში სამედიცინო ჟანგბადის წარმოების სიმძლავრეების გაზრდის ხელშეწყობისა და მარაგების შევსების პროცესში.

ეკონომიკის მინისტრ ნათია თურნავას განმარტებით, კორონავირუსის აპანდემიის მეორე ტალღის დროს სამედიცინო ჟანგბადის მოხმარება, პრაქტიკულად, სამჯერ გაიზარდა.

„დღეში 80 ტონას აჭარბებს სამედიცინო ჟანგბადის მოხმარება, რაც სამჯერ და მეტად აღემატება იმ მაჩვენებელს, რაც კორონავირუსის პანდემიის დაწყებამდე გვქონდა. ჩვენ აქტიურად ვმუშაობთ იმაზე, რომ ქვეყანაში სამედიცინო ჟანგბადის პრობლემა არ შეიქმნას და მინდა დავარწმუნო მოსახლეობა და ჯანადაცვის სექტორი, რომ ჟანგბადის მომარაგების კუთხით პრობლემა არ გვექნება“, - განაცხადა თურნავამ.

მისი თქმით, ეკონომიკის სამინისტრომ თურქეთში ჟანგბადის 10 ახალი, დიდი სიმძლავრის გენერატორი შეიძინა და თითო დღეში 1 ტონა ჟანგბადს აწარმოებს. ორი დანადგარი უკვე საქართველოშია და რუხის მულტიპროფილურ კლინიკაში დამონტაჟდა. დეკემბრის შუა რიცხვებში კიდევ ექვს დანადგარს ველოდებით, რომელიც თბილისისა და ბათუმის რესპუბლიკურ საავადმყოფოებზე გადანაწილდება დასძინა მინისტრმა.

ბრძოლა Covid-19-თან: ერთ დღეში მოქმედი რეგულაციების დარღვევის 1244 ფაქტი გამოვლინდა>>>

ქვეყანაში კორონავირუსის პირველი შემთხვევიდან დღემდე კორონავირუსით ინფიცირების 135.584 შემთხვევა დადასტურდა, გამოჯანმრთელდა 113.986 პაციენტი, გარდაცვლილია 1.267.

0
თემები:
COVID-19 საქართველოში