მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„მკვდარი სულები“: დონალდ ტრამპი მტკიცებულებების წარმოდგენას მიტინგებზე გეგმავს

© photo: AFP 2020 / BRENDAN SMIALOWSKIდონალდ ტრამპი
დონალდ ტრამპი - Sputnik საქართველო
გამოწერა
მიუხედავად იმისა, რომ დემოკრატმა ჯო ბაიდენმა თავი უკვე გამოაცხადა აშშ-ის პრეზიდენტად, მოქმედი პრეზიდენტი დონალდ ტრამპი მარცხს ჯერჯერობით არ აღიარებს.

თბილისი, 9 ნოემბერი — Sputnik. აშშ-ის პრეზიდენტი დონალდ ტრამპი მიტინგების ჩატარებას გეგმავს, რათა მთელ რიგ შტატებში ხმების გადათვლას მიაღწიოს, იუწყება პორტალი Axios ამერიკის ლიდერის მრჩევლებზე დაყრდნობით.

ეკრანი არჩევნების შედეგებით ვაშინგტონში - Sputnik საქართველო
ბაიდენმა განაცხადა, რომ ამერიკის ლიდერობისთვის იბრძოლებს: ტრამპს მისი გამარჯვების არ სჯერა

გამოცემის ინფორმაციით, ტრამპის შტაბი მზადაა გამოაცხადოს, რომ იქმნება გუნდი ხმების გადასათვლელად ჯორჯიაში, არიზონასა და პენსილვანიაში.

გავრცელებული ინფორმაციით, აშშ-ის მოქმედი პრეზიდენტი აპირებს წარმოადგინოს მიტინგებზე იმ ამომრჩეველთა გარდაცვალების მოწმობები, რომლებსაც კენჭისყრაში მონაწილეობა აქვთ მიღებული, თუმცა ხმის მიცემის მომენტისთვის ისინი უკვე აღარ იყვნენ ცოცხლები.

მანამდე ამერიკული მედიასაშუალებები იუწყებოდნენ, რომ ქვეყანაში ნამდვილად დაფიქსირდა „მკვდარი სულების“ არჩევნებში მონაწილეობის ფაქტები.

მოწინავე ამერიკული მედიასაშუალებების ინფორმაციით, აშშ-ის საპრეზიდენტო არჩევნებში გამარჯვება წილად ჯო ბაიდენს ხვდა, რომელმაც უკვე გამოაცხადა თავი ქვეყნის არჩეულ პრეზიდენტად.

რაც შეეხება დონალდ ტრამპს, მას ჯერ არ უღიარებია დამარცხება, ხოლო მის ადვოკატებს სარჩელები შეაქვთ სხვადასხვა შტატების სასამართლოებში ხმების დათვლის შეჩერებისა და სავარაუდო დარღვევების გამოძიების მოთხოვნით.

 

ყველა ახალი ამბავი
0