რუსული ვაქცინა „სპუტნიკ V

ისრაელში COVID-19-ის საწინააღმდეგო რუსული ვაქცინის რეგისტრაცია იგეგმება

95
რუსული ვაქცინა „სპუტნიკ V" გახდება ახალი ტიპის კორონავირუსის საწინააღმდეგო პირველი ვაქცინა, რომელიც ქვეყანაში რეგისტრაციაზე იქნება წარდგენილი

თბილისი, 7 ნოემბერი – Sputnik. იერუსალიმში „ჰადასას“ სამედიცინო ცენტრი ისრაელის ჯანდაცვის სამინისტროში რუსული ვაქცინა „სპუტნიკV"-ის დარეგისტრირებას გეგმავს, უამბო РИА Новости-ს საავადმყოფოს გენერალურმა დირექტორმა, პროფესორმა ზეევ როტშტეინმა.

„რადგან ვიცით, რომ ყველა რუსული კვლევა მიმდინარეობს სწორად, სტანდარტების შესაბამისად, ჩვენ გამოვითხოვეთ ვაქცინაზე მთელი ინფორმაცია ისრაელის ჯანდაცვის სამინისტროში წარსადგენად, რათა ეს ვაქცინა ისრაელში დარეგისტრირდეს. რუსული ვაქცინა „სპუტნიკV" - პირველი ვაქცინაა, რომელიც ისრაელში რეგისტრაციაზე იქნება წარდგენილი“, - განაცხადა როტშტეინმა.

მისი თქმით, კლინიკა „ჰადასას“ ფილიალი მოსკოვში უკვე მონაწილეობს „სპუტნიკV"-ის კვლევების მესამე ფაზაში. გარდა ამისა, ზაფხულში ისრაელმა რამდენიმე სხვა კომპანიასთან, მათ შორის ამერიკულ „მოდერნასთან“, მომავალი ვაქცინის შესყიდვის შესახებ შეთანხმება გააფორმა.

„ისტორიულად ასე ჩამოყალიბდა, რომ ისრაელის ჯანდაცვის სამინისტრო უფრო მარტივად უყურებს ამერიკულ ნამუშევრებს და სიფრთხილით ეპყრობა რუსულებს. მათი მყისიერი რეაქცია იყო, რომ რუსულ აცრასთან დაკავშირებით საკმარისი მონაცემები არ აქვთ. სწორედ ამიტომ ჩვენ მათ ყველა მონაცემებს მივაწვდით. სარეგისტრაციოდ გამზადებულ ამ საქაღალდეში იქნება ყველა საჭირო მონაცემი ვაქცინის შემუშავების შესახებ და დასკვნები კვლევების პირველი და მეორე ფაზების მიხედვით“, - განმარტა პროფესორმა.

ხუთშაბათს იერუსალიმში მდებარე „ჰადასას“ სამედიცინო ცენტრმა განაცხადა, რომ „სპუტნიკV"-ის 1,5 მილიონი დოზის შესყიდვაზე ხელშეკრულება გააფორმა. აღნიშნულია, რომ თუ ისრაელის ჯანდაცვის სამინისტრო არ გასცემს ნებართვას ვაქცინის გამოყენებაზე, „ჰადასას“ სამედიცინო ცენტრი ვაქცინას თავის უცხოურ ფილიალებში გამოიყენებს.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი კორონავირუსის საწინააღმდეგო ვაქცინა „სპუტნიკV",  რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. ვაქცინა სამკვირიანი შუალედით პრეპარატის ორი კომპონენტის შეყვანას ითვალისწინებს.

95
თემები:
COVID-19-ის პანდემია მსოფლიოში (1232)
ექიმები რეანიმაციაში

COVID-19-ზე უფრო საშიში: სახელდება დაავადება, რომელიც მეტ ადამიანს შეიწირავს

49
(განახლებულია 12:40 30.11.2020)
ჯანმოს რეგიონულ დირექტორს არ ესმის, რატომ იწვევს კორონავირუსი მეტ შფოთვას, როდესაც ამ დაავადებით ასობით ათასი ბავშვი იღუპება მსოფლიოში ყოველ წელს

თბილისი, 30 ნოემბერი — Sputnik. მალარიით უფრო მეტი ადამიანი - განსაკუთრებით ბავშვი დაიღუპება აფრიკაში, ვიდრე, ახალი ტიპის კორონავირუსით დაიღუპა წელს, იუწყება გაზეთი Telegraph–ი ჯანდაცვის მსოფლიო ორგანიზაციაზე დაყრდნობით.

გამოცემის ცნობით, მსოფლიოში ყოველწლიურად დაახლოებით 400 ათასი ადამიანი კვდება მალარიით, აქედან 90% აფრიკაზე მოდის. ჯანმოს გათვლებით კი კორონავირუსის პანდემია 20–დან 100 ათასამდე მსხვერპლით გაზრდის მალარიით დაღუპულთა რაოდენობას.

„ამ რეგიონში COVID-19–სგან უფრო ნაკლები ადამიანი დაიღუპება, ვიდრე მალარიისგან. მაშ, რატომ იწვევს კორონავირუსი თუ ებოლა დიდ შფოთვას, მალარია კი, რომლისგანაც ყოველ წელს ასობით ათასი ბავშვი კვდება, არა?“ — განაცხადა ჯანმოს რეგიონულმა დირექტორმა აფრიკაში მატშიდისო მოეტიმ.

როგორც მის მიერ წარმოდგენილ „მალარიის შესახებ მსოფლიო მოხსენებაშია“ ნათქვამი, ბოლო წლებში მალარიასთან ბრძოლაში შესამჩნევი პროგრესის წყალობით,  7,6 მლნ კაცის სიკვდილი აღიკვეთა. მაგრამ ეს ყველაფერი შეიძლება წყალში ჩაიყაროს, ვინაიდან წელს ინვესტიციების რაოდენობა და შესაბამისად, პროგრესიც ამ მიმართულებით, მკვეთრად შემცირდა.

ექსპერტები აცხადებენ, რომ კორონავირუსის პანდემიამ შესაძლოა კიდევ მეტად გაამწვავოს მდგომარეობა და მალარიით, შარშანდელთან შედარებით, მეტი ადამიანი დაიღუპოს.

 

49
თემები:
მსოფლიო დღეს
მოჰსენ ფაჰრიზადეს მკვლელობა

ირანი შურისძიებით იმუქრება: ფიზიკოსის მკვლელობა უპასუხოდ არ დარჩება

23
(განახლებულია 12:04 30.11.2020)
ირანელი ფიზიკოსი მოჰსენ ფაჰრიზადე ისლამური რევოლუციის გუშაგთა კორპუსის მაღალჩინოსანი ოფიცერიც გახლდათ

თბილისი, 30 ნოემბერი — Sputnik. ფიზიკოს მოჰსენ ფაჰრიზადეს მკვლელობა უპასუხოდ არ დარჩება, განაცხადა ირანის თავდაცვის მინისტრმა ამირ ჰათამიმ.

„მტერმა კარგად იცის, და მე, როგორც სამხედრო, ვეუბნები მას: არცერთი დანაშაული, არცერთი მკვლელობა, არცერთი სისულელე ირანელი ხალხის მიმართ, პასუხის გარეშე არ დარჩება“, — თქვა მინისტრმა მეცნიერთან გამოთხოვების ცერემონიაზე, რომელიც სახელმწიფო ტელევიზიით გადაიცემოდა.

ჰათამის თქმით, მკვლელობის მიზანი საზოგადოებაში გათიშულობის ჩამოგდება იყო, თუმცა თავდასხმის ორგანიზატორებმა მიზანს ვერ მიაღწიეს.

​შეგახსენებთ: მოჰსენ ფაჰრიზადე 27 ნოემბერს მოკლეს თეირანის მახლობლად, როდესაც ის მეუღლესთან ერთად მიემგზავრებოდა ქალაქ აბსარდისკენ ბრონირებული ავტომობილითა და დაცვის სამი მანქანის თანხლებით. მძიმედ დაჭრილი ფიზიკოსი საავადმყოფოში ვერტმფრენით გადააფრინეს, მაგრამ ექიმებმა მისი გადარჩენა ვერ შეძლეს.

ირანის საგარეო საქმეთა მინისტრ მოჰამად ჯავად ზარიფის ვარაუდით, გამორიცხული არ არის, რომ ფაჰრიზადეს მკვლელობაში, რომელსაც ისლამური რესპუბლიკის ბირთვული პროგრამის ერთ–ერთ ავტორად მოიაზრებდნენ, ისრაელის ხელი ერიოს. მან მოუწოდა საერთაშორისო თანამეგობრობას, განსაკუთრებით კი ევროკავშირს, შეწყვიტონ ორმაგი სტანდარტები და დაგმონ „სახელმწიფოებრივი ტერორიზმის“ აქტი.

23
თემები:
მსოფლიო დღეს
პატრული

„თუ არ ვიმუშავებთ, შიმშილით მოვკვდებით" რუსთავში გარემოვაჭრეებმა აქცია გამართეს

0
(განახლებულია 14:09 30.11.2020)
კორონავირუსის პანდემიის გავრცელების პრევენციის მიზნით ხელისუფლების მიერ დაწესებულმა ახალმა შეზღუდვებმა საზოგადოების გარკვეულ ნაწილში უკმაყოფილება გამოიწვია

თბილისი, 30 ნოემბერი – Sputnik. რუსთავის მუნიციპალიტეტში  გარემოვაჭრეებმა საავტომობილო გზა გადაკეტეს და საქმიანობის გაგრძელების უფლებას მოითხოვეს.

ე.წ „სტამბულის ბაზრობის“ მოვაჭრეები სახელმწიფოსგან დახმარებას მოითხოვენ. აქციის მონაწილეების თქმით, მათი ერთადერთი შემოსავლის წყარო გარევაჭრობაა, რისი უფლებაც პანდემიის გამო აღარ ეძლევათ. მოვაჭრეები საქმიანობის გაგრძელებას, წინააღმდეგ შემთხვევაში ფულად დახმარებას ითხოვენ. 

„ჩვენ გვეუბნებიან – ორი თვე იჯექით სახლებში და შიმშილით მოკვდით. მე არ შემიძლია სახლში ჯდომა, შვილი მყავს, რომელიც უნდა ვარჩინო. ახალ წლამდე ღია სივრცეში მუშაობის უფლება მაინც მომცენ, დისტანციასაც დავიცავ, ოღონდ სახლში რამე მივიტანო. ისინი ჩვენ ადამიანებად არ გვთვლიან, ყურადღებას არ გვაქცევენ... თუ არ ვიმუშავებ, შიმშილით მოვკვდები“, – განაცხადა აქციის ერთ–ერთმა მონაწილემ.

აქციაზე რუსთავის მერი ირაკლი ტაბაღუა მივიდა. მისი თქმით, ქვეყანაში შექმნილი ეპიდვითარებიდან გამომდინარე დაწესებული ახალი შეზღუდვების გამო, გარემოვაჭრეებს ვაჭრობის უფლება არ აქვთ, რის შესახებაც ისინი გაფრთხილებული არიან.

მოვაჭრეები საპროტესტო აქციების გამართვას იმ დრომდე აპირებენ, ვიდრე მათი მოთხოვნები არ დაკმაყოფილდება.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი ოთხი ათასს აღწევს.

ინფიცირების ზრდის მაჩვენებლის შეკავების მიზნით, საქართველოში 28 ნოემბრიდან რიგი შეზღუდვები ამოქმედდა. ყველაზე სერიოზული შეზღუდვები მოქმედებს ქვეყნის დიდ ქალაქებში, მათ შორის, რუსთავში – შეჩერებულია ტრანსპორტის გადააადგილება, დაკეტილია სავაჭრო ცენტრები, ბაზრობები (გარდა აგრარული ბაზრისა)  სპორტ–დარბაზები და აუზები და ა.შ.

0
თემები:
COVID-19 საქართველოში