არჩევნები აშშ-ში

არჩევნები აშშ-ში: ნევადაში ბიულეტენებს 10 ნოემბრამდე მიიღებენ ფოსტით

51
(განახლებულია 14:41 06.11.2020)
ტრამპის ადვოკატებმა აშშ-ის გენერალურ პროკურორს უილიამ ბარს ნევადაში ფალსიფიკაციის მინიმუმ 3062 შემთხვევის თაობაზე აცნობეს და სისხლის სამართლის საქმის აღძვრა მოითხოვეს.

თბილისი, 6 ნოემბერი — Sputnik. აშშ-ის შტატ ნევადაში 10 ნოემბრამდე გაგრძელდება იმ საარჩევნო ბიულეტენების მიღება, რომლებიც 3 ნოემბრის ჩათვლით არის გაგზავნილი ფოსტით, ნათქვამია შტატის სამდივნოს პრეს-რელიზში.

„ნევადის კანონის თანახმად, ფოსტით გაგზავნილი ბიულეტენები, რომლებსაც საფოსტო შტამპი არჩევნების დღეს ან მანამდე აქვს დასმული, და მიღებული იქნება არაუგვიანეს 10 ნოემბრის 17:00 საათისა, ჩათვლილი იქნება“, — ნათქვამია რელიზში.

მანამდე გავრცელდა ინფორმაცია, რომ საკვანძო შტატ ნევადაში ბიულეტენების 84%-ის დათვლის შემდეგ ბაიდენსა და ტრამპს შორის სხვაობა შემცირდა: დემოკრატ კანდიდატს ხმათა 49,4% აქვს მიღებული, ხოლო რესპუბლიკელს — 48,5%. 

ნევადაში გამარჯვება ჯო ბაიდენისთვის იმ 6 ელექტორალურ ხმას უზრუნველყოფს, რომლებიც საპრეზიდენტო არჩევნებში მისი გამარჯვებისთვის არის საკმარისი.

შტატის ყოფილი გენერალური პროკურორის ადამ ლექსოტის თქმით, დონალდ ტრამპის შტაბმა ხუთშაბათს ნევადაში მრავალრიცხოვანი არალეგიტიმური ხმების შესახებ განაცხადა და სასამართლოსგან ამგვარი ბიულეტენების დათვლის შეწყვეტა მოითხოვა.

ნევადაში რესპუბლიკური პარტიის წარმომადგენლობის Twitter-ის გვერდზე ნათქვამია, რომ ტრამპის ადვოკატებმა აშშ-ის გენერალურ პროკურორ უილიამ ბარს ფალსიფიკაციის მინიმუმ 3062 შემთხვევის თაობაზე აცნობეს და სისხლის სამართლის საქმის აღძვრა მოითხოვეს.

„გამოვლინდა ათასობით ადამიანი, რომლებმაც, როგორც ყველაფრიდან ჩანს, დაარღვიეს კანონი, მისცეს რა ხმა ნევადიდან საცხოვრებლად სხვაგან გადასვლის შემდეგ“, — ნათქვამია მათ განცხადებაში.

 

51
თემები:
მსოფლიო დღეს (2330)
ექიმები რეანიმაციაში

COVID-19-ზე უფრო საშიში: სახელდება დაავადება, რომელიც მეტ ადამიანს შეიწირავს

58
(განახლებულია 12:40 30.11.2020)
ჯანმოს რეგიონულ დირექტორს არ ესმის, რატომ იწვევს კორონავირუსი მეტ შფოთვას, როდესაც ამ დაავადებით ასობით ათასი ბავშვი იღუპება მსოფლიოში ყოველ წელს

თბილისი, 30 ნოემბერი — Sputnik. მალარიით უფრო მეტი ადამიანი - განსაკუთრებით ბავშვი დაიღუპება აფრიკაში, ვიდრე, ახალი ტიპის კორონავირუსით დაიღუპა წელს, იუწყება გაზეთი Telegraph–ი ჯანდაცვის მსოფლიო ორგანიზაციაზე დაყრდნობით.

გამოცემის ცნობით, მსოფლიოში ყოველწლიურად დაახლოებით 400 ათასი ადამიანი კვდება მალარიით, აქედან 90% აფრიკაზე მოდის. ჯანმოს გათვლებით კი კორონავირუსის პანდემია 20–დან 100 ათასამდე მსხვერპლით გაზრდის მალარიით დაღუპულთა რაოდენობას.

„ამ რეგიონში COVID-19–სგან უფრო ნაკლები ადამიანი დაიღუპება, ვიდრე მალარიისგან. მაშ, რატომ იწვევს კორონავირუსი თუ ებოლა დიდ შფოთვას, მალარია კი, რომლისგანაც ყოველ წელს ასობით ათასი ბავშვი კვდება, არა?“ — განაცხადა ჯანმოს რეგიონულმა დირექტორმა აფრიკაში მატშიდისო მოეტიმ.

როგორც მის მიერ წარმოდგენილ „მალარიის შესახებ მსოფლიო მოხსენებაშია“ ნათქვამი, ბოლო წლებში მალარიასთან ბრძოლაში შესამჩნევი პროგრესის წყალობით,  7,6 მლნ კაცის სიკვდილი აღიკვეთა. მაგრამ ეს ყველაფერი შეიძლება წყალში ჩაიყაროს, ვინაიდან წელს ინვესტიციების რაოდენობა და შესაბამისად, პროგრესიც ამ მიმართულებით, მკვეთრად შემცირდა.

ექსპერტები აცხადებენ, რომ კორონავირუსის პანდემიამ შესაძლოა კიდევ მეტად გაამწვავოს მდგომარეობა და მალარიით, შარშანდელთან შედარებით, მეტი ადამიანი დაიღუპოს.

 

58
თემები:
მსოფლიო დღეს (2330)
მოჰსენ ფაჰრიზადეს მკვლელობა

ირანი შურისძიებით იმუქრება: ფიზიკოსის მკვლელობა უპასუხოდ არ დარჩება

27
(განახლებულია 12:04 30.11.2020)
ირანელი ფიზიკოსი მოჰსენ ფაჰრიზადე ისლამური რევოლუციის გუშაგთა კორპუსის მაღალჩინოსანი ოფიცერიც გახლდათ

თბილისი, 30 ნოემბერი — Sputnik. ფიზიკოს მოჰსენ ფაჰრიზადეს მკვლელობა უპასუხოდ არ დარჩება, განაცხადა ირანის თავდაცვის მინისტრმა ამირ ჰათამიმ.

„მტერმა კარგად იცის, და მე, როგორც სამხედრო, ვეუბნები მას: არცერთი დანაშაული, არცერთი მკვლელობა, არცერთი სისულელე ირანელი ხალხის მიმართ, პასუხის გარეშე არ დარჩება“, — თქვა მინისტრმა მეცნიერთან გამოთხოვების ცერემონიაზე, რომელიც სახელმწიფო ტელევიზიით გადაიცემოდა.

ჰათამის თქმით, მკვლელობის მიზანი საზოგადოებაში გათიშულობის ჩამოგდება იყო, თუმცა თავდასხმის ორგანიზატორებმა მიზანს ვერ მიაღწიეს.

​შეგახსენებთ: მოჰსენ ფაჰრიზადე 27 ნოემბერს მოკლეს თეირანის მახლობლად, როდესაც ის მეუღლესთან ერთად მიემგზავრებოდა ქალაქ აბსარდისკენ ბრონირებული ავტომობილითა და დაცვის სამი მანქანის თანხლებით. მძიმედ დაჭრილი ფიზიკოსი საავადმყოფოში ვერტმფრენით გადააფრინეს, მაგრამ ექიმებმა მისი გადარჩენა ვერ შეძლეს.

ირანის საგარეო საქმეთა მინისტრ მოჰამად ჯავად ზარიფის ვარაუდით, გამორიცხული არ არის, რომ ფაჰრიზადეს მკვლელობაში, რომელსაც ისლამური რესპუბლიკის ბირთვული პროგრამის ერთ–ერთ ავტორად მოიაზრებდნენ, ისრაელის ხელი ერიოს. მან მოუწოდა საერთაშორისო თანამეგობრობას, განსაკუთრებით კი ევროკავშირს, შეწყვიტონ ორმაგი სტანდარტები და დაგმონ „სახელმწიფოებრივი ტერორიზმის“ აქტი.

27
თემები:
მსოფლიო დღეს (2330)
ამირან გამყრელიძე

„ეს პიკია" გამყრელიძე ქვეყანაში შექმნილ ეპიდვითარებაზე

0
(განახლებულია 15:04 30.11.2020)
გამყრელიძის განცხადებით, არავინ უარყოფს, რომ ქვეყანაში რთული ეპიდემიოლოგიური მდგომარეობაა, თუმცა, სიტუაცია მართვადია

თბილისი, 30 ნოემბერი - Sputnik. საქართველო კორონავირუსის მეორე ტალღის პიკში იმყოფება – ინფიცირების ყოველდღიური მაჩვენებელი სამი–ოთხი ათასი შემთხვევაა, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე. 

გამყრელიძის განმარტებით, თუ რამდენ ხანს გაგრძელდება პიკი, ეს დამოკიდებულია ბევრ ფაქტორზე, მათ შორის იმაზე, თუ როგორ დაიცავს მოსახლეობა დაწესებულ რეგულაციებს.

„ჩვენ ვფიქრობთ, რომ შეიძლება ინფიცირების შემთხვევები ცოტათი კიდევ გაიზარდოს, თუმცა, ჩვენ დაახლოებით ასეთი მაჩვენებლის ფარგლებში დავრჩებით“, – განაცხადა ეპიდემიოლოგმა.

გამყრელიძემ ქვეყანაში შექმნილი ეპიდვითარება შეაფასა როგორც რთული, მაგრამ მართვადი.

მსოფლიოს მასშტაბით სტაციონარს გარეთ სიკვდილიანობის მაჩვენებელი საქართველოში ერთ–ერთი დაბალია, აღნიშნა მან. საქართველოს ჯანდაცვის სამინისტრომ მსოფლიოს ერთ–ერთ მოწინავე კომპანიასთან უკვე გააფორმა შეთანხმება და პრეპარატი „რემდესივირი“ ქვეყანაში მალე შემოვა.

ამასთან, მედიკოსმა განმარტა, რომ მოცემული პრეპარატი ყოველდღიური მოხმარების არ იქნება და მისი გამოყენება მხოლოდ ექიმის დანიშნულებით მოხდება.

 „მაღალი რანგის სპეციალისტმა თენგიზ ცერცვაძემ ეს პრეპარატი საკუთარ თავზე უკვე გამოსცადა“, – აღნიშნა გამყრელიძემ.

რაც შეეხება კორონავირუსის ვაქცინას, კონკრეტულად როდის მოხდება მისი საქართველოში შემოტანა, ჯერჯერობით უცნობია, თუმცა გამყრელიძე ვარაუდობს, რომ ეს 2021 წლის მარტ–აპრილში მოხდება.

0
თემები:
COVID-19 საქართველოში