პრეზიდენტის არჩევნები მოლდოვაში

მოლდოვაში საპრეზიდენტო არჩევნების მეორე ტური 15 ნოემბერს გაიმართება

47
ქვეყნის კონსტიტუციის თანახმად, მოლდავეთის პრეზიდენტი ოთხი წლის ვადით აირჩევა და მოვალეობის შესრულებას ფიცის დადებისთანავე იწყებს

თბილისი, 4 ნოემბერი - Sputnik. მოლდოვას ცენტრალურმა საარჩევნო კომისიამ საპრეზიდენტო არჩევნების მეორე ტურის დანიშვნის გადაწყვეტილება მიიღო, იუწყება Sputnik-მოლდავეთი.

მოლდოვაში საპრეზიდენტო არჩევნები 1 ნოემბერს გაიმართა. რესპუბლიკის პრეზიდენტს ოთხი წლის ვადით ირჩევენ. ცესკომ არჩევნები შემდგარად ცნო, რადგან ამომრჩეველთა აქტივობა აუცილებელ 33,33%-იან ბარიერს ასცდა.

„დამუშავებული მონაცემების საფუძველზე, 1 ნოემბრის კენჭისყრის ფარგლებში ვერცერთმა კანდიდატმა ვერ დააგროვა ხმების 50%-ზე მეტი. ცესკო არჩევნების შედეგების შეჯამების შესახებ დადგენილებას ამტკიცებს: ჩატარდეს 15 ნოემბერს საპრეზიდენტო არჩევნების მეორე ტური ორ კანდიდატს შორის, რომლებმაც პირველ ტურში ყველაზე მეტი ხმა დააგროვეს“, - განაცხადა ცესკოს ხელმძღვანელმა დორინ ჩიმილმა.

ოქმების 100%-ის დამუშავების შემდეგ ცესკოს მონაცემებით, მოლდავეთის ექსპრემიერმა მაია სანდუმ პირველ ტურში 36,16% მოაგროვა და გაუსწრო მოქმედ პრეზიდენტ იგორ დოდონს, რომელსაც 32,61% ერგო.

2016 წლის ოქტომბერში დოდონმა და სანდუმ ასევე მიიღეს მონაწილეობა არჩევნების მეორე ტურში, რომლის შედეგადაც დოდონმა გაიმარჯვა.

47
თემები:
მსოფლიო დღეს (2485)
მარია ზახაროვა

„მკაცრი დემარში“ - ბრიტანეთის ელჩი რუსეთის საგარეო უწყებაშია დაბარებული

18
(განახლებულია 15:05 24.06.2021)
როგორც რუსეთის საგარეო უწყების ოფიციალური წარმომადგენელი ამბობს, ბრიტანეთის ელჩი დღეს მივა სამინისტროში

თბილისი, 24 ივნისი − Sputnik. დიდი ბრიტანეთის ელჩი რუსეთში დებორა ბრონერტი დღეს ქვეყნის საგარეო საქმეთა სამინისტროში გამოცხადდება, სადაც მას შავ ზღვაში მომხდარ ინციდენტთან დაკავშირებით „მკაცრ დემარშს“ მოუწყობენ, განაცხადა რუსეთის საგარეო უწყების ოფიციალურმა წარმომადგენელმა მარია ზახაროვამ ტელეარხ Россия 24თან ინტერვიუში.

„ჩვენ გუშინ ვთქვით, რომ ბრიტანეთის ელჩი დავიბარეთ. საგარეო საქმეთა სამინისტროში ის დღეს მოვა და მას მკაცრ დემარშს მოვუწყობთ“, − აღნიშნა ზახაროვამ.  

ამასთან, უწყების ოფიციალური წარმომადგენლის თქმით, ეს შეხვედრა „ლონდონისთვის უსიამოვნო“ იქნება, და იქვე დაამატა, რომ ამიერიდან ყველა მსგავს ინციდენტს შესაბამისი ხისტი პასუხები გაეცემა.

ზახაროვამ ყურადღება გაამახვილა იმაზეც, რომ ლონდონმა რამდენჯერმე შეცვალა თავისი ვერისია მომხდართან დაკავშირებით, რათა რუსეთის საზღვრების დარღვევა რამენაირად აეხსნა.

„არსებობს ვიდეოკადრები, ფაქტობრივი მტკიცებულებები. და რაც ყველაზე გასაკვირია, არა მარტო ჩვენი, არამედ ბრიტანელი ჟურნალისტის მხრიდანაც“, − განაცხადა დიპლომატმა.

რუსეთის თავდაცვის უწყების ცნობით, 23 ივნისს, ბრიტანეთის სამეფო ფლოტის ესკადრონული ნაღმმზიდი HMS Defender-ი, მოსკოვის დროით დილის 11:52 საათზე, სამი კილომეტრით ღრმად შევიდა რუსეთის ტერიტორიულ წყლებში. ამის შემდეგ რუსულმა მხარემ ხომალდის ეკიპაჟი გააფრთხილა, რომ იარაღს გამოიყენებდნენ იმ შემთხვევაში, თუ ხომალდი იმავე კურსით განაგრძობდა სვლას. 

აღნიშნულ გაფრთხილებაზე ბრიტანულ ეკიპაჟს რეაგირება არ მოუხდენია. შესაბამისად, უკვე 12:06 და 12:08 საათებზე რუსულმა სასაზღვრო-სანაპირო ხომალდმა გამაფრთხილებელი ცეცხლი გახსნა, ხოლო კიდევ ცხრა წუთის შემდეგ გამანადგურებელმა Су-24м ასევე გამაფრთხილებელი ბომბები ჩამოყარა ესკადრონული ნაღმმზიდის გზაზე. ბრიტანულმა Defender-მა რუსეთის ფედერაციის ტერიტორიული წყლები 12:23 საათზე დატოვა.

18
თემები:
რუსეთი დღეს
პრინცესა დიანა და პრინცი ჩარლზი

„რა მოხდა?...“ - პრინცესა დიანას ბოლო სიტყვებს სიკვდილის წინ ექიმი იხსენებს

46
(განახლებულია 11:53 24.06.2021)
პრინცესა დიანას ტრაგიკული გარდაცვალებიდან 24 წელი გავიდა. მისი გარდაცვალების ბოლო წუთები ექიმმა გაიხსენა, რომელმაც პირველად ნახა დიანა ავტოკატასტროფის შემდეგ

1 ივლისს პრინცესა დაიანას იუბილეა, ლეიდი დი 60 წლის უნდა გამხდარიყო. რომ არა 1997 წლის 30 აგვისტოს ტრაგედია, დღეს ის ცოცხალი იქნებოდა. პრინცესა დაიანას იუბილესთან დაკავშირებით გამოცემა „დეილი მეილმა“ მისი სიცოცხლის ბოლო წუთები გაიხსენა. გამოცემამ აღადგინა ინტერვიუები იმ ადამიანებთან, რომლებსაც ბოლო წუთებში დაიანასთან კონტაქტი ჰქონდათ. მათ შორის იყვნენ გამვლელები, სასწრაფო სამედიცინო დახმარების ექიმები, რეანიმატოლოგები და პაპარაცები.

ავარია მაშინ მოხდა, როდესაც პრინცესა დაიანა დოდი ალ-ფაიედთან და დაცვის წევრთან ერთად სასტუმრო „რიცადან“ გამოვიდა, გვირაბში მიმავალი მანქანა ბოძსს შეეჯახა. პირველი შემთხვევის ადგილზე გაჩნდა ექიმი ფრედრიკ მეიეზი, რომელიც ადგილზე შემთხვევით აღმოჩნდა. ექიმს თან ჰქონდა სააფთიაქო ჩანთა და მან ადგილზევე სცადა პირველადი დახმარების აღმოჩენა.

ის ამბობს, რომ წარმოდგენაც კი არ ჰქონდა, ვის ეხმარებოდა. ახსოვს, რომ დაიანა მანქანის უკანა სავარძელზე იწვა, მას სახე დაზიანებული ჰქონდა, თუმცა სუნთქავდა და საუბრობდა: „ღმერთო, რა მოხდა?!“ – ეს იყო სიტყვები, რომელიც დაიანამ ექიმს უთხრა. 10 წუთში ადგილზე გაჩნდა პოლიციაც, ნახევარ საათში კი პრინცესა დაიანა კლინიკაში გადაიყვანეს.

პიტიე-სალპეტრიემის კლინიკაში ექიმები მთელი სამი საათის მანძილზე ცდილობდნენ პრინცესა დაიანას გადარჩენას, ჩატარდა გულის მასაჟი, გული დაიანს რამდენჯერმე გაუჩერდა, თუმცა მალევე შინაგანი სისხლდენა დაიწყო და მისი გადარჩენა ვერ მოხერხდა. ავტოსაგზაო შემთხევვის  გამოძიება 18 თვეს გაგრძელდა, დადგინდა, რომ დამნაშავე იყო მძღოლი, ანრო პილი, რომელიც არაფხიზელ მდგომარეობაში იმყოფებოდა. ის და დოდი ალ-ფაიედი ადგილზე გარდაიცვალნენ. გადარჩა მხოლოდ დაიანას დაცვის წევრი, ტრევორ რის-ჯონსი, რომელიც მომხდარს ვერ იხსენებს.

46
თემები:
სამეფო ოჯახის ამბები
გიორგი ვაშაძე

ოპოზიციამ 2021 წლის ადგილობრივი არჩევნების სავარაუდო თარიღი დაასახელა

0
საქართველოში ადგილობრივი ხელისუფლების ორგანოების არჩევნები უნდა გაიმართოს ოქტომბერში, მაგრამ კონკრეტული თარიღი - 2 ოქტომბერი - პირველად გაჟღერდა.

თბილისი, 24 ივნისი – Sputnik. საქართველოს მმართველ პარტიას „ქართული ოცნება - დემოკრატიული საქართველო“ არჩევნების ჩატარება 2 ოქტომბერს სურს, განუცხადა ჟურნალისტებს დეპუტატმა გიორგი ვაშაძემ.

საქართველოში ადგილობრივი ხელისუფლების ორგანოების არჩევნები, სადაც მოსახლეობა მუნიციპალიტეტების მერებსა და საკრებულოების დეპუტატებს აირჩევს, 2021 წლის ოქტომბერში უნდა გაიმართოს.

ვაშაძის თქმით, „ქართულ ოცნებას“ სურს და მან დაუდასტურა ეს ოპოზიციას, რომ არჩევნები 2 ოქტომბერს შედგეს. ოპოზიციამ საპასუხოდ წამოაყენა წინადადება, კანონში გაიწეროს წესი, რომელმაც არჩევნების ჩატარების თარიღთან დაკავშირებით ყოველგვარი სპეკულაციები უნდა გამორიცხოს.

ამასთან მან აღნიშნა, რომ ოპოზიციის სურვილია არჩევნები უფრო გვიან ჩატარდეს, მაგრამ მმართველი პარტია დაჟინებით მოითხოვს ამ თარიღს.

ადგილობრივი თვითმმართველობის არჩევნები განსაზღვრავს არა მხოლოდ თვითმმართველობის ორგანოების შემადგენლობას, არამედ, შესაძლოა, ის რიგგარეშე საპარლამენტო არჩევნების საბაბიც გახდეს. ეს იმ შემთხვევაში მოხდება, თუ მმართველი პარტია „ქართული ოცნება“ არჩევნებზე პროპორციული ხმების 43%-ზე ნაკლებს მიიღებს.

0