კორონავირუსი გრაფიტიზე

კარანტინს შემაძრწუნებელი შედეგები აქვს: მსოფლიოს წამყვანი ფსიქიატრები მიმართვას ავრცელებენ

98
(განახლებულია 21:41 04.11.2020)
მსოფლიოს 42 წამყვანი ფსიქიატრი მთავრობებს დაჟინებით მოუწოდებს, კორონავირუსთან დაკავშირებული მკაცრი შეზღუდვები მოსახლეობის მოწყვლადი ნაწილის „მიზანმიმართული დაცვით“ ჩანაცვლდეს.

თბილისი, 4 ნოემბერი — Sputnik. COVID-19-ის გავრცელების შეჩერების მიზნით სხვადასხვა ქვეყნებში ახალი შემაკავებელი ზომებისა და „ლოკდაუნების“ გამოცხადების ფონზე ორმოცზე მეტი წამყვანი ფსიქიატრი ავრცელებს გაფრთხილებას, რომ იზოლაცია იწვევს თვითმკვლელობის, თვითდაზიანების, ალკოჰოლიზმისა და ოჯახში ძალადობის აფეთქებას, იუწყება Daily Mail.

42 ექსპერტის ღია წერილში ნათქვამია, რომ რაც უფრო დიდხანს გაგრძელდება იზოლაცია, მით უფრო იზრდება „გვერდითი ზიანი“.

ფსიქოლოგ-კონსულტანტი კერი ნიქსონი ამტკიცებს:

„იზოლაცია არის COVID-ით სიკვდილის პრევენცია. მაგრამ ის ასევე აუცილებლად გამოიწვევს სიკვდილის ახალ შემთხვევებს, არა მხოლოდ სხვა ფიზიკური დაავადებებისგან, როგორიცაა კიბო, არამედ ალკოჰოლიზმისგან, ნარკომანიისა და თვითმკვლელობისგან, რომელთა რიცხვმაც მიმდინარე წელს უკვე მკვეთრად მოიმატა. ეს ასევე გაამძაფრებს უკიდურესი მარტოობის შეგრძნებასა და დეპრესიას, რაც განსაკუთრებით ხანდაზმულთათვის მკვლელებად მიიჩნევა. ბედის ირონიით, ეს მათ კიდევ უფრო დაუცველს გახდის COVID-ის მიმართ“.

ფსიქიატრთა ღია წერილი შეიცავს მოწოდებას, რომ მკაცრი შეზღუდვები მოსახლეობის მოწყვლადი ნაწილის „მიზანმიმართული დაცვით“ ჩანაცვლდეს.

სპეციალისტები აკონკრეტებენ, რომ პირველი „ლოკდაუნის“ მომენტიდან „დიდი ბრიტანეთის მოსახლეობის ფსიქოლოგიური ჯანმრთელობა ძლიერ დაზარალდა, გაიზარდა სტრესის, შფოთვის, დეპრესიის დაფიქსირებული შემთხვევების მნიშვნელოვანი ზრდა, მოიმატა ალკოჰოლის მოხმარებისა და ოჯახში ძალადობის ფაქტებმა, ასევე სუიციდურმა აზრებმა, განსაკუთრებით, ახალგაზრდებში“. 

წერილის ავტორები აცხადებენ, რომ კორონავირუსთან დაკავშირებული ვითარების გაშუქებისას მასმედია „ფოკუსირებულია უკიდურეს შიშსა და საფრთხეზე“, ხოლო ხანგრძლივი შიში ზიანს აყენებს და აქვეითებს იმუნიტეტს. ამ შიშის შედეგებში შედის ასევე ფობიებისა და ობსესიურ-კომპულსიური აშლილობების ზრდა.  

„ზოგ ბავშვს ჩამოუყალიბდება რწმენა, რომ „სამყარო სახიფათოა, გადამდები და საშიში“, რაც სერიოზულ ნეგატიურ ფსიქოლოგიურ შედეგებს გამოიწვევს. სოციალური კავშირები და ადამიანური შეხება აუცილებელია ფსიქოლოგიური სტაბილურობისთვის“, — ნათქვამია ღია წერილში.

მიმართვაში ექსპერტები ეყრდნობიან 42 სამეცნიერო სტატიას, რომელთა თანახმადაც პირველი იზოლაციის შემდეგ ფსიქიკური დაავადებების შემთხვევები 60 პროცენტით გაიზარდა.

ამასთან, კემბრიჯისა და ეკსეტერის უნივერსიტეტების სწავლულებმა დაადგინეს, რომ თუ აქამდე „სავარაუდო ფსიქიკური აშლილობის“ მქონე ბავშვების რაოდენობა ცხრიდან ერთი იყო, ახლა ეს მაჩვენებელი არის ექვსიდან ერთი.

წერილის ბოლოს ფსიქიატრიის ექსპერტები აცხადებენ, რომ კორონავირუსით სიკვდილიანობა აუცილებლად უნდა განიხილებოდეს უფრო ფართო კონტექსტში და დაჟინებით მოითხოვენ, „გადაიხედოს არსებული ზომები და მიდგომები“.

98
თემები:
მსოფლიო დღეს (2351)
გამელოტება

ჩვეულებრივი სასმელი გამელოტების წინააღმდეგ: როგორ შევაჩეროთ თმის ცვენა

143
(განახლებულია 20:51 04.12.2020)
მეცნიერებმა არა მარტო მღრღნელებზე, არამედ ადამიანებზეც გამოსცადეს აღნიშნული საშუალება და მან ეფექტურობა ორივე შემთხვევაში დაადასტურა.

თბილისი, 4 დეკემბერი — Sputnik. თმის ცვენის შესაჩერებლად და გამელოტების თავიდან ასაცილებლად წარმატებით შეგიძლიათ გამოიყენოთ წვანე ჩაი, წერს გამოცემა Daily Express.

მკვლევარებმა დაადასტურეს, რომ ჩაიში შემავალი ორგანული ნივთიერება კატეხინები ტესტოსტერონისა და დიჰიდროტესტოსტერონის ნეგატიურ ეფექტებს ბლოკავს. სწორედ ეს ორი ჰორმონი აქვეითებს თმის ზრდას და აჩქარებს ცვენის პროცესს.

გავრცელებული ინფორმაციით, მეცნიერებმა კვლევა ჩაატარეს ადამიანთა ჯგუფზე, რომლებიც გამელოტებას უჩიოდნენ. ექსპერიმენტის დროს საკვლევ პირებს თავის კანზე მწვანე ჩაის ექსტრაქტს უსვამდნენ. შედეგად აღმოჩნდა, რომ ამის შემდეგ თმამ აქტიურად დაიწყო ზრდა.

კიდევ ერთი კვლევა ჩატარდა მღრღნელებზე. სწავლულები თაგვების საჭმელში რეგულარულად ურევდნენ მწვანე ჩაის ექსტრაქტს. ნახევარი წლის შემდეგ მათ ბეწვის ზრდა დაეწყოთ.

აღსანიშნავია, რომ როცა ადამიანს დღეში 50-დან 100-მდე ღერი თმა სცვივა, ეს სრულიად ნორმალურია და ბუნებრივი, მაგრამ თუ ეს მაჩვენებელი მაღალია, მაშინ აუცილებლად უნდა მიმართოთ ტრიქოლოგს.

 

143
თემები:
მსოფლიო და მეცნიერება

შეიქმნა ანტიკოვიდური ქაღალდი, რომელიც კორონავირუსს სრულად ანადგურებს

94
(განახლებულია 19:00 04.12.2020)
ჩეხი მეცნიერების მიერ შექმნილ ინოვაციურ ქაღალდს, რომელმაც ტესტირებისას დაადასტურა სრული ეფექტურობა, მსოფლიოში ანალოგი არ აქვს.

თბილისი, 4 დეკემბერი — Sputnik. ჩეხეთის მეცნიერებათა აკადემიის მეცნიერება გამოიგონეს ქაღალდი, რომელსაც მის ზედაპირზე მოხვედრილი ვირუსების, მათ შორის, ახალი ტიპის კორონავირუსის განადგურება შეუძლია, იუწყება ჩეხეთის საინფორმაციო სააგენტო CTK.

სიახლის ერთ-ერთი შემქმნელის ირჟი სობეკის თქმით, მეცნიერებმა ამ მიმართულებით მუშაობა ჯერ კიდევ რამდენიმე წლის წინ დაიწყეს, როდესაც მესამე სამყაროს რიგმა ქვეყნებმა ფულის კუპიურებიდან სხვადასხვა დაავადებების გავრცელების შესახებ განაცხადეს. ჩეხი სწავლულები გამოეხმაურნენ მოთხოვნას და თუთიისა და ვერცხლის გამოყენებით ანტიბაქტერიული ქაღალდი შექმნეს.

მას შემდეგ კი, რაც 2020 წელს კორონავირუსის პანდემიამ იფეთქა, მეცნიერებმა გადაწყვიტეს ქაღალდისთვის არა მარტო ბაქტერიების, არამედ ვირუსების განადგურების უნარიც მიენიჭებინათ.

შედეგად – შექმნეს ქაღალდი, რომელიც თავის ზედაპირზე მოხვედრილი კორონავირუსის ყველა ნაწილაკს კლავს.

„ჩატარებულმა ტესტირებამ აჩვენა, რომ ქაღალდის ზედაპირზე ყველა ვირუსი ათ წუთში 70%-ით ნადგურდება, ხოლო ნახევარ საათში კორონავირუსი მთლიანად ნადგურდება“, — განაცხადა ირჟი სობეკმა.

ახლა ქიმიკოსები იმაზე მუშაობენ, რომ კიდევ უფრო დააჩქარონ ვირუსების განადგურების პროცესი.

ჩეხ სწავლულებს მიაჩნიათ, რომ მათი „ანიკოვიდური ქაღალდი“, რომელსაც ანალოგი არ აქვს მსოფლიოში, ფართოდ იქნება გამოყენებული ფულის კუპიურებისა და სხვადასხვა დოკუმენტების დამზადებაში. უახლოეს პერიოდში ქვეყანაში პირველი 10 ტონა „ანიკოვიდური ქაღალდის“ წარმოება იგეგმება.

 

94
თემები:
მსოფლიო და მეცნიერება
სავსე მთვარე

მთვარის კალენდარი: 5 დეკემბერი რისი გაკეთება შეიძლება და რისი არა

0
(განახლებულია 15:18 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 5 დეკემბერი, შაბათი. ამ დღეს სატურნი მართავს. კლებადი მთვარე ლომის ნიშანშია.

მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: ლომი არცთუ ნაყოფიერი ნიშანია. შეიძლება მწვანილეულისა და სამკურნალო მცენარეების გამოშრობა. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

შეიძლება ხმელი ტოტების მოშორება ხეებისა და ბუჩქებისთვის, ნესტიან ადგილებში დათესვა მარცვლოვნების, ბალახის დათესვა გაზონებზე, იმ ხილისა და ბოსტნეულის დათესვა–დარგვა, რომლებსაც სინოტივე არ უყვართ. ასევე კარგი დღეა მოწყვისთვის, მავნებლებთან ბრძოლისთვის.

0