თბილისი, 4 ნოემბერი — Sputnik. დელავერის შტატმა სენატორად ტრანსგენდერი სარა მაკბრაიდი აირჩია, რაც პირველი შემთხვევაა ამ თანამდებობაზე ქვეყნის ისტორიაში, იუწყება The New York Times.
Sarah McBride, a Democrat who won a seat in the Delaware Senate, will be the first transgender state senator in the U.S.
— The New York Times (@nytimes) November 4, 2020
She is one of several candidates who broke barriers on Tuesday. https://t.co/FTMkJHy7k3
„ჩვენ ეს გავაკეთეთ. ჩვენ გავიმარჯვეთ საყოველთაო არჩევნებში. მადლობა, მადლობა, მადლობა“, — დაწერა მაკბრაიდმა „ინსტაგრამზე“.
NYT-ის ინფორმაციით, სარა მაკბრაიდი თეთრ სახლში სტაჟირებას ბარაკ ობამას პრეზიდენტობის დროს გადიოდა. ამის შემდეგ ის დელავერის შტატის გენერალურ ასამბლეაში ლობირებდა პროექტს ტრანსგენდერების უფლებების შესახებ. სამი წლის შემდეგ მაკბრაიდი გახდა პირველი ტრანსგენდერი, რომელიც დემოკრატიული პარტიის ეროვნულ ყრილობაზე სიტყვით გამოვიდა.
აშშ-ში 3 ნოემბერს ქვეყნის მოსახლეობა ირჩევდა არა მარტო პრეზიდენტს, არამედ ვიცე-პრეზიდენტს, წარმომადგენელთა პალატის 435-ვე წევრს, სენატის დაახლოებით მესამედს (35 სენატორს), 11 შტატისა და ორი ტერიტორიის გუბერნატორსა და ასევე მთელი რიგი შტატების საკანონმდებლო კრების წევრებს.
