მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მაკრონმა ნიცაში მომხდარი თავდასხმის შემდეგ მოსახლეობას მიმართა

© REUTERS / ERIC GAILLARDშემთხვევის ადგილი
შემთხვევის ადგილი - Sputnik საქართველო
გამოწერა
საფრანგეთის ლიდერმა მხარდაჭერის სიტყვებით მიმართა მთელ ერს, კათოლიკეებს, ასევე ნიცის მცხოვრებლებს და განაცხადა, რომ პარასკევს თავდაცვის საბჭოს შეკრებს

თბილისი, 29 ოქტომბერი — Sputnik. საფრანგეთის პრეზიდენტმა ემანუელ მაკრონმა ნიცაში განაცხადა, რომ ქვეყანაზე „ისლამური ტერორისტული შეტევა“ განხორციელდა.

ხუთშაბათს დილით ნიცაში დანით შეიარაღებული უცნობი პირი თავს დაესხა ადამიანებს ნოტრ-დამის ეკლესიაში, დაიღუპა სამი ადამიანი, რამდენიმე დაიჭრა. რამდენიმე მედია იუწყება, რომ თავდამსხმელმა ორ ადამიანს თავები მოკვეთა.

ტერაქტის განგაში: საფრანგეთში ტერორიზმთან ბრძოლის მაქსიმალური დონე გამოცხადდა >>

„... ჩვენზე კვლავ განხორციელდა შეტევა... ჩვენი ფასეულობებისათვის, ჩვენი თავისუფლების გემოსთვის, ჩვენს მიწაზე არსებული შესაძლებლობისთვის თავისუფლად გვწამდეს და არ დავემორჩილოთ არანაირი ტერორის სულისკვეთებას. დღეს კიდევ ერთხელ მინდა მკაფიოდ განვაცხადო: ჩვენ არ დავნებდებით“, - განაცხადა მაკრონმა.

© REUTERS / ERIC GAILLARDთავდასხმის ადგილი ნიცაში
მაკრონმა ნიცაში მომხდარი თავდასხმის შემდეგ მოსახლეობას მიმართა - Sputnik საქართველო
თავდასხმის ადგილი ნიცაში

მაკრონმა ასევე განაცხადა, რომ ხუთშაბათს მოხდა თავდასხმა საუდის არაბეთში საფრანგეთის საკონსულოზე. საფრანგეთის ლიდერმა მხარდაჭერის სიტყვებით მიმართა მთელ ერს, კათოლიკეებს, ასევე ნიცის მცხოვრებლებს.

ემანუელ მაკრონი - Sputnik საქართველო
მაკრონი რადიკალი ისლამისტების წინააღმდეგ ბრძოლას აძლიერებს

„2016 წლის ზაფხულში მამა (ჟაკ) ამელის მკვლელობის შემდეგ ჩვენს ქვეყანაში ყველა წმინდანის დღის წინ კვლავ ხორციელდება თავდასხმები კათოლიკეებზე. მთელი საფრანგეთი მათთან ერთად (კათოლიკეებთან) არის და მათ მხარეზე იდგება, რათა ჩვენს ქვეყანაში თავისუფალი აღმსარებლობა არსებობდეს“, - აღნიშნა მან.

პარასკევს დილით მაკრონი თავდაცვის საბჭოს შეკრებს, იუწყება РИА Новости.

თავდამსხმელი მალევე სამართალდამცველებმა დააკავეს. დაკავებისას ის დაიჭრა. ნიცის მერმა კრისტიან ესტროზიმ განაცხადა, რომ თავდამსხმელი გაუჩერებლად იმეორებდა „ალაჰ აკბარ“. ყველაფერი მიუთითებს იმაზე, რომ მომხდარი ტერორისტული აქტია, ხაზგასმით აღნიშნა ქალაქის მერმა. გამოძიებას პროკურატურის ანტიტერორისტული განყოფილება აწარმოებს.

საფრანგეთის პოლიცია - Sputnik საქართველო
საფრანგეთში რამდენიმე თავდასხმა მოხდა: არიან დაღუპულები – ვიდეო

ფრანგული მედია ამტკიცებს, რომ თავდამსხმელი ტუნისის მოქალაქეა და ადრე პოლიციის ყურადღება არ მიუქცევია. ტელეარხ BFMTV-ის მონაცემებით, თავდამსხმელი ოქტომბრის დასაწყისში ქვეყნის ტერიტორიაზე იტალიის კუნძულ ლამპედუზიდან მოხვდა.

ბოლო ორ კვირაში ეს საფრანგეთში უკვე მეორე თავდასხმაა. 16 ოქტომბერს, პარიზის გარეუბანში ისტორიის მასწავლებელს, სამუელ პატის რადიკალ–ისლამისტმა თავი მოკვეთა. მკვლელობა სკოლასთან ახლოს მოხდა. ადრე გაკვეთილებზე, რა დროსაც სიტყვის თავისუფლების თემა განიხილებოდა, მასწავლებელი მოსწავლეებს წინასწარმეტყველ მუჰამედზე კარიკატურებს უჩვენებდა. მასწავლებელთან გამოთხოვების ცერემონიაზე მაკრონმა განაცხადა, რომ საფრანგეთი სიტყვის თავისუფლების დაცვას გააგრძელებს და კარიკატურებზე უარს არ იტყვის.

ყველა ახალი ამბავი
0