ტესტი ანტისხეულებზე

არასახარბიელო შედეგი: დასრულდა მასშტაბური კვლევა კორონავირუსის ანტისხეულებზე

113
(განახლებულია 15:46 28.10.2020)
მასშტაბურმა ბრიტანულმა კვლევამ აჩვენა, რომ გამონაკლისს წარმოადგენენ მედიცინის მუშაკები, რომელთა სისხლში ანტისხეულების დონე დროთა განმავლობაში არ დაქვეითებულა.

თბილისი, 28 ოქტომბერი — Sputnik. დროთა განმავლობაში კორონავირუსის მიმართ ანტისხეულების მქონე მოსახლეობის წილი კი არ იზრდება, არამედ, პირიქით, მცირდება, აცხადებენ ბრიტანელი მეცნიერები, რომლებმაც ახლახან დაასრულეს მასშტაბური კვლევა.

მათი განცხადებით, ყველაზე სწრაფად ანტისხეულებს ისინი კარგავენ, ვინც COVID-19 უსიმპტომოდ გადაიტანა.

სამეცნიერო კვლევის შედეგები ლონდონის „იმპერიალ–კოლეჯის“ საიტზეა გამოქვეყნებული.

გავრცელებული ინფორმაციით, კვლევაში სახელწოდებით REACT (Real Time Assessment of Community Transmission) 365 ათასმა შემთხვევით შერჩეულმა, სხვადასხვა ასაკის ადამიანმა მიიღო მონაწილეობა, რომლებსაც 20 ივნისიდან 28 სექტემბრამდე პერიოდში სამჯერ ჩაუტარდათ ექსპრეს-ტესტირება კორონავირუს SARS-CoV-2-ის ანტისხეულებზე.

შედეგად გაირკვა, რომ ამ სამი თვის განმავლობაში ანტისხეულების მქონეთა რაოდენობა მეოთხედზე მეტით იყო შემცირებული. ეს კი, მეცნიერების თქმით, იმაზე მეტყველებს, რომ ადამიანის იმუნური პასუხი COVID-19-ზე საკმაოდ სწრაფად ქვეითდება.

დადგინდა ისიც, რომ ანტისხეულებს განსაკუთრებით სწრაფად კარგავენ 75 წელს გადაშორებული პირები და ასევე ის ადამიანები, რომლებსაც კორონავირუსული დაავადება უსიმპტომოდ განუვითარდათ.

„ამ დრომდე გაურკვეველია, იმუნიტეტის რა დონე უზრუნველყოფს ანტისხეულების გამომუშავებას და რამდენად დიდხანს რჩება ეს იმუნიტეტი. თუ ვინმეს ანტისხეულების ტესტზე დადებითი პასუხი აქვს, ეს იმას არ ნიშნავს, რომ ის COVID-19-ის მიმართ მოწყვლადი არ არის. ასეთმა ადამიანმა მაინც უნდა დაიცვას სოციალური დისტანცია, ატაროს პირბადე და გაიკეთოს ტესტი, თუ რაიმე სიმპტომი ისევ გამოუვლინდა“, — ამბობს კვლევის ხელმძღვანელი პოლ ელიოტი.

მეცნიერები აღნიშნავენ, რომ ანტისხეულების დონის კლება ქვეყნის ყველა რეგიონში და ყველა ასაკობრივ ჯგუფში შეინიშნება. გამონაკლისს წარმოადგენენ მედიცინის მუშაკები, რომელთა სისხლში ანტისხეულების დონე დროთა განმავლობაში არ დაქვეითებულა. კვლევის ავტორებს მიაჩნიათ, რომ ამის მიზეზი განმეორებითი კონტაქტები, ან ვირუსის თავდაპირველი ძლიერი ზემოქმედებაა.

მკვლევართა თქმით, მათი კვლევის უმთავრესი დასკვნა ისაა, რომ კოლექტიური იმუნიტეტი დროთა განმავლობაში კი არ იზრდება, პირიქით, მცირდება. ამიტომ კორონავირუსით განმეორებით ინფიცირების რისკი საკმაოდ მაღალია.

113
თემები:
მსოფლიო და მეცნიერება (572)
კიშინიოვი

მოლდოვაში ჯანდაცვის კუთხით საგანგებო მდგომარეობის რეჟიმი წესდება

13
(განახლებულია 20:15 27.11.2020)
ქვეყანაში საზოგადოებრივი ტრანსპორტის მუშაობა არ შეჩერდება, თუმცა მათი მოძრაობის გრაფიკში კორექტივებს შეიტანენ

თბილისი, 27 ნოემბერი – Sputnik. მოლდოვაში 30 ნოემბრიდან 15 იანვრამდე ჯანდაცვაში საგანგებო მდგომარეობა იმოქმედებს, იუწყება Sputnik–მოლდოვა.

რა შეცდომებს ვუშვებთ კორონავირუსზე ტესტის ჩაბარებისას: ვირუსოლოგი განმარტავს>>

უფრო ადრე მოლდოვის ხელისუფლებამ განაცხადა, რომ ქვეყანაში კორონავირუსის 102 894 რეგისტრირებული შემთხვევაა, 2 229 ადამიანი გარდაიცვალა. მოლდოვაში ჯანდაცვის კუთხით საგანგებო რეჟიმი 1 ოქტომბრამდე მოქმედებდა. შემდეგ გადაწყდა, რომ თითოეულ ადმინისტრაციულ–ტერიტორიულ ერთეულში კორონავირუსთან ბრძოლის ზომებთან დაკავშირებით გადაწყვეტილებას ადგილობრივი ხელისუფლება დამოუკიდებლად მიიღებდა. 

მოლდოვაში 28 ნოემბრიდან იკრძალებაღამის კლუბების, დისკოთეკების, კარაოკეს, საცეკვაო მოედნების მუშაობა მათი დასახელებისგან დამოუკიდებლად. ასევე 22:00–დან 07:00 საათამდე აკრძალულია მომსახურება რესტორნებში, კაფეებსა და ბარებში, სასადილოებში. არ შეიძლება ღონისძიებების ორგანიზება მაყურებლის დასწრებით თეატრებში, კინოთეატრებში, საკონცერტო დარბაზებში, კულტურის სახლებში.

სახელმწიფო და კერძო დაწესებულებების ხელმძღვანელებმა უნდა დაადგინონ საწარმოს ფუნქციონირებისთვის აუცილებელი პერსონალისა და თანამშრომლების მუშაობის მოქნილი ან სპეციალური რეჟიმი. პერსონალისთვის, რომლის ყოფნა ოფისში სავალდებულო არაა, უზრუნველყოფილი უნდა იყოს დისტანციური მუშაობის პირობები.

როგორც ჩვეულებრივ გრიპს: ცნობილი ექიმი კორონავირუსისთვის ეფექტურ პრეპარატებს ასახელებს>>

როგორც მთავრობაში აღნიშნავენ, დაშვებულია მასობრივი და სადღესასწაულო ღონისძიებების ჩატარება არა უმეტეს 50 ადამიანისა, თუ დაცული იქნება სანიტარულ–ჰიგიენური წესები და შევსებული იქნება ეპიდემიოლოგიური ანკეტები.

13
თემები:
COVID-19-ის პანდემია მსოფლიოში
COVID 19 იტალიაში

გასროლა იტალიაში: გერმანელმა ეპიდემიოლოგმა პანდემიის სენსაციური ვერსია გამოთქვა

158
(განახლებულია 20:32 27.11.2020)
გერმანელი ეპიდემიოლოგი ევროპელებს უყურადღებობაში სდებს ბრალს, რამაც შეუწყო კიდეც ხელი კორონავირუსის გლობალურ გავრცელებას.

თბილისი, 27 ნოემბერი — Sputnik. ამ დროისათვის მსოფლიოში კორონავირუსის იტალიური შტამია გავრცელებული, რომელმაც ქვეყნის ჩრდილოეთში განიცადა მუტაცია და ამას ყურადღება არავინ მიაქცია, განაცხადა გერმანელმა ეპიდემიოლოგმა ალექსანდერ კეკულემ ტელეარხ ZDF-ის ეთერში.

„გლობალური პანდემიისთვის სასტარტო გასროლა ჩრდილოეთ იტალიაში მოხდა“, — აღნიშნა ეპიდემიოლოგმა.

მისი თქმით, დღეისათვის COVID-19-ით დაავადებულთა 99% სწორედ იტალიური შტამითაა ინფიცირებული.

კეკულეს განმარტებით, კორონავირუსი SARS-nCov-2, რომელიც პირველად ჩინეთის უჰანში გაჩნდა, შეუმჩნევლად ვრცელდებოდა იტალიაში რამდენიმე კვირის განმავლობაში, რამაც მას მუტაციისა და ადამიანებზე კარგად ადაპტაციის საშუალება მისცა.

გერმანელი ექიმი ევროპელებს სერიოზულ შეცდომად უთვლის იმას, რომ თავიდანვე არ მიაქციეს შესაბამისი ყურადღება კორონავირუსის საფრთხეს და ის არავინ აღიქვა სერიოზულად. და ეს მაშინ, როდესაც ისეთი ვირუსები, როგორიც COVID-19-ის აღმძვრელია, ვრცელდება არა დღეების, არამედ საათების განმავლობაში, განსაკუთრებით, წელიწადის ცივ სეზონზე, როცა პირველად იჩინა კიდეც თავი ვირუსმა.

158
თემები:
COVID-19-ის პანდემია მსოფლიოში
სრულიად საქართველოს კათოლიკოს–პატრიარქი ილია მეორე

შობის მარხვაში მორწმუნეებს, საჭიროების შემთხვევაში, რძის ნაწარმის მიღების ნება მიეცემათ

26
28 ნოემბრიდან შობის მარხვა იწყება, რომელიც, საეკლესიო კალენდრის თანახმად, ორმოცდღიან პერიოდს მოიცავს და 7 იანვარს, უფლის შობის დღეს დასრულდება.

თბილისი, 27 ნოემბერი - Sputnik. ეპიდემიის მიზეზით შექმნილი ვითარების გამო სასულიერო პირებს ეძლევათ ლოცვა-კურთხევა, იკონომიის წესით, საჭიროებისამებრ, მისცენ ნება მორწმუნეთ რძის ნაწარმის გამოყენებისა და არ შეუქმნან მათ დაბრკოლება ზიარების მისაღებად, ნათქვამია საქართველოს კათოლიკოს-პატრიარქის, ილია მეორის მიმართვაში, რომელსაც საქართველოს საპატრიარქო ავრცელებს.

ილია მეორე: წმინდა გიორგის მადლი შეგეწიოთ>>

ხვალ, 28 ნოემბერს, იწყება საშობაო მარხვა, რომელიც 7 იანვრამდე გასტანს. ამ მარხვაში 25 დეკემბრის ჩათვლით დაშვებულია თევზი (ოთხშაბათის და პარასკევის გარდა).

პატრიარქი მრევლს სთხოვს, გააძლიერონ ლოცვა და, ყოველდღიური ლოცვების გარდა, დამატებით წაიკითხონ მე-3, 26-ე, 102-ე და 145-ე ფსალმუნები.

„ღმერთმა დაგლოცოთ და გაგახაროთ. მარხვა სინანულისა და შობა სიხარულისა გაგვითენოს უფალმა, ამინ!“ – აღნიშნულია პატრიარქის მიმართვაში.

ქრისტეშობის მარხვა 40 დღე გრძელდება. ის დაწესებულია იმისთვის, რათა თითოეული ადამიანი სინანულით, ლოცვით და მარხვით განიწმინდოს და შობის დღესასწაულზე მოწიწებით მიეახლოს ძე ღვთისას.

ეკლესიის ისტორიაში შობის მარხვის შესახებ ცნობები მეოთხე საუკუნიდან მოიპოვება, მაგრამ, როგორც ჩანს, მისი დაწყებისა და დასრულების თარიღი მკაცრად განსაზღვრული არ იყო. ორმოცდღიანი მარხვა 1166 წლს პატრიარქ ლუკას მოსაყდრეობის პერიოდში მოწვეულ კონსტანტინეპოლის ადგილობრივ საეკლესიო კრებაზე დადგინდა. მარხვის დასაწყისში მოძღვრები თავიანთ სულიერ შვილებს ლოცვის გაძლიერებისკენ, ზიარებისკენ, თავმდაბლობისკენ და მოთმინებისკენ მოუწოდებენ.

26