ამსტერდამი

ნიდერლანდებმა საქართველოს მოქალაქეებისთვის საზღვარი ჩაკეტა

52
(განახლებულია 15:40 28.10.2020)
ნიდერლანდებმა საქართველო უსაფრთხო ქვეყნების სიიდან ამოიღო და ქვეყნის მოქალაქეებისთვის მკაცრი შეზღუდვები დააწესა.

თბილისი, 28 ოქტომბერი – Sputnik. ნიდერლანდების სამეფოს მთავრობის გადაწყვეტილებით საქართველოში მუდმივად მცხოვრებ (რეზიდენტ) პირებს ნიდერლანდებში ტურისტული მიზნებით შესვლა აეკრძალათ, ნათქვამია ნიდერლანდების სამეფოში საქართველოს საელჩოს მიერ გავრცელებულ ინფორმაციაში. 

შესაბამისი გადაწყვეტილება ძალაში 27 ოქტომბრიდან შევიდა. საელჩოს ინფორმაციით, ნიდერლანდებმა საქართველო უსაფრთხო ქვეყნების სიიდან ამოიღო. მანამდე საქართველო „მწვანე ქვეყნებს“ მიეკუთვნებოდა და ქვეყნის მოქალაქეებს 1 ივლისიდან ნიდერლანდებში მოგზაურობის ნებართვა ჰქონდათ.

ახალი წესების თანახმად, საქართველოდან ნიდერლანდებში გამგზავრება საქართველოს მოქალაქეს ან საქართველოში მუდმივად მცხოვრებ პირს (მათი ოჯახის წევრებს) გამონაკლისის სახით რამდენიმე შემთხვევაში შეუძლია. კერძოდ, თუ პირი არის ევროკავშირის ქვეყნების ან გაერთიანებული სამეფოს მოქალაქე; ნორვეგიის, ისლანდიის, შვეიცარიის, მონაკოს, ანდორას, სან–მარინოს ან წმინდა საყდრის (ვატიკანის) მოქალაქეობის ან ბინადრობის ნებართვის მქონე პირი.

ნიდერლანდების ტერიტორიაზე შესვლას შეძლებენ ის პირებიც, რომელთაც აქვთ გრძელვადიანი ვიზა (MVV), მუშაობენ ქვეყანაში (ექიმი, მედდა, ტრაილერის მძღოლი, მკვლევარი და ა.შ.), რეგულარულად კვეთენ საზღვარს (cross-border commuter), დასაქმებული არიან  ენერგეტიკის სფეროში, ქარის ელექტროსადგურზე, ოფშორულ კომპანიებში და ა.შ. 

საზღვრის კვეთის დროს აუცილებელია მოქალაქეს თან ჰქონდეს ტერიტორიაზე შესვლის უფლების დამადასტურებელი დოკუმენტი. მათ, შეიძლება, ათდღიანი კარანტინის გავლა მოუწიოთ.

დაინტერესებულ პირებს შეუძლიათ დეტალურ ინფორმაციას გაეცნონ ნიდერლანდების მთავრობის ვებ-გვერდზე.

ნიდერლანდებში კორონავირუსის 311 889 შემთხვევაა დაფიქსირებული, გარდაიცვალა 7 142 ადამიანი.

რაც შეეხება საქართველოს, ქვეყანაში ეპიდვითარება ყოველღდიურად უარესდება.

28 ოქტომბრის მონაცემებით, კორონავირუსით ინფიცირებულთა რაოდენობამ 33858-ს მიაღწია, გამოჯანმრთელდა 14829 ადამიანი, გარდაიცვალა 253 პაციენტი.

52
თემები:
COVID-19-ის პანდემია მსოფლიოში (1236)
ირანის პარლამენტი

საშიში ნაბიჯები: ირანის ბირთვული პროგრამა გააქტიურდება

12
(განახლებულია 11:39 01.12.2020)
ფიზიკოს ფაჰრიზადეს მკვლელობის შემდეგ ირანის პარლამენტმა დაჩქარებული წესით განიხილა ბირთვული პროგრამის გააქტიურების კანონპროექტი და ხმათა უმრავლესობით დაამტკიცა იგი

თბილისი, 1 დეკემბერი — Sputnik. ირანის პარლამენტმა დაამტკიცა ქვეყნის ბირთვული პროგრამის აქტივიზაციის შესახებ პროექტის ზოგადი ნორმები, იუწყება სააგენტო Fars-ი.

გავრცელებული ინფორმაციით, პროექტს, რომელიც ფიზიკოს მოჰსენ ფაჰრიზადეს მკვლელობის შემდეგ დაჩქარებული წესით შევიდა პარლამენტში განსახილველად, 251 დეპუტატმა მისცა ხმა. 

აღნიშნული კანონპროექტი ქვეყანაში ერთ წელიწადში 120 კგ–მდე ძლიერ გამდიდრებული ურანისა (საუბარია 20%-მდე გამდიდრებულ ურანზე, რომელიც ბირთვული იარაღის საწარმოებლად გამოიყენება) და ასევე ერთ თვეში 500 კგ დაბალგამდიდრებული ურანის წარმოებასა და დაგროვებას ითვალისწინებს.

აღსანიშნავია, რომ ამ დროისათვის ირანი უკვე ამდიდრებს ურანს შეთანხმებით გათვალისწინებულ დონეზე მეტად — 4% ნაცვლად 3,67%-ისა.

გარდა ამისა, პარლამენტარების თქმით, დაგეგმილია ურანის გამამდიდრებელი ცენტრიფუგების — IR-2M–ისა და ასევე IR-6–ის ამოქმედება, მაშინ, როცა „ბირთვული გარიგება“ მხოლოდ პირველი თაობის ცენტრიფუგა IR-1–ის გამოყენებას ითვალისწინებს.

ახლა კანონპროექტის რატიფიკაციისთვის აუცილებელია კონსტიტუციის მცველთა საბჭოს თანხმობა. კანონპროექტებს ირანში სწორედ ეს ორგანო ამოწმებს. თუ კონსტიტუციის მცველთა საბჭო პარლამენტის მიერ დამტკიცებულ კანონპროექტს მოიწონებს, მაშინ შესასრულებლად სავალდებულო გახდება.

 

12
თემები:
მსოფლიო დღეს
აშშ-ის სახელმწიფო დროშა

ჯორჯიაში გამოძიება დაიწყო: სენატის არჩევნების მეორე ტურში სხვა შტატების მოსახლეობას რთავენ

11
(განახლებულია 11:13 01.12.2020)
თუ ვის ხელში აღმოჩნდება სენატზე კონტროლი, ჯორჯიაში 5 იანვარს უნდა გადაწყდეს არჩევნების მეორე ტურში, სადაც ერთბაშად სენატის ორი მანდატი დევს ფსონზე

თბილისი, 1 დეკემბერი — Sputnik. შტატ ჯორჯიის (აშშ) ხელისუფლებამ გამოძიება დაიწყო რამდენიმე ორგანიზაციის მიმართ, რომლებიც სხვა შტატების მოსახლეობას მოუწოდებენ, მონაწილეობა მიიღონ კონგრესის ზედა პალატის არჩევნების მეორე ტურში, რომელიც ჯორჯიაში უნდა გაიმართოს, განაცხადა შტატის რესპუბლიკელმა ვიცე–გუბერნატორმა ბრედ რაფენსპერგერმა პრესკონფერენციაზე.

აღსანიშნავია, რომ სწორედ 5 იანვრის არჩევნების მეორე ტურზეა დამოკიდებული ძალთა თანაფარდობა კონგრესში.

ვიცე-გუბერნატორის თქმით, საუბარია ორგანიზაციებზე: America Votes, Vote Forward–სა და New Georgia Project–ზე, რომლებიც, ვიცე–გუბერნატორის თმით, „სხვა შტატებიდან არეგისტრირებენ ხალხს ჯორჯიაში ხმის მისაცემად“.

„ამ გვერდით ჯგუფებს ეკრძალებათ უკანონო კენჭისყრისთვის ხელშეწყობა. თუ ისინი ამას აკეთებენ, პასუხსაც აგებენ“, — აღნიშნა რაფენსპერგერმა.

მან მოუწოდა შტატის ამომრჩევლებს, არ აყვნენ პროვოკაციულ მცდელობებს, რომლებიც არჩევნების მეორე ტურის ბოიკოტირებას ისახავს მიზნად და ამისკენ მოუწოდებს ჯორჯიელებს.

„ის, ვინც ბოიკოტისკენ მოგიწოდებთ, თქვენ მხარეს არ არის“, — მიმართა შტატის ვიცე–გუბერნატორმა მოსახლეობას.

ტელეარხ ABC–ის მონაცემებით, რომლის ეთერითაც გადიოდა რაფენსპერგერის პრესკონფერენცია, რესპუბლიკურ პარტიას არჩევნების შედეგად სენატში (სულ 100 ადგილი) ამ დროისათვის 50 ადგილი აქვს მოპოვებული, დემოკრატებს კი — 48. თუ ვის ხელში აღმოჩნდება სენატის კონტროლი, 5 იანვარს უნდა გადაწყდეს ჯორჯიაში არჩევნების მეორე ტურში, სადაც ერთბაშად სენატის ორი მანდატი დევს ფსონზე.

 

11
თემები:
მსოფლიო დღეს
თამრიკო ჭოხონელიძე

„აფთიაქში შესულმა წამლის ათი აბი ვერ ვიყიდე და ექვსი ჩამოვაჭრევინე…”

0
(განახლებულია 12:25 01.12.2020)
პანდემიის პერიოდში, ისევე როგორც სხვა ხელოვნევანების უმრავლესობა, მომღერალი თამრიკო ჭოხონელიძეც ცუდ მდგომარეობაში აღმოჩნდა

მომღერალი თამრიკო ჭოხონელიძე ამბობს, რომ პანდემიის პერიოდში აფთიაქში შესვლისას წამლის საჭირო ყიდვაც უჭირს, როგორც სხვებს. როგორც მომღერალმა ტელეკომპანია „პირველის“ ეთერში განაცხადა, დაზღვევის ყიდვის თანხაც კი არ აქვს ისე გაძვირდა.

„წამალი საჭიროა, მეც მჭირდება და დედაჩემსაც. იმ დღეს აფთიაქში შევედი და თავი საშინლად დათრგუნულად ვიგრძენი. როცა დამისახელეს თანხა, ათიდან ექვსი აბი მოვაჭრევინე, რადგან ათს ვერ ვიყიდდი და ასე ვიანგარიშე დანარჩენი წამლებიც. ასეა ყველა. მე არ ვწუწუნებ. ეს არის ჩვენი ერის ტრაგედია“, - ამბობს მომღერალი.

ანსამბლ „მზიურში“ თამრიკო ჭოხონელიძე „იავნანას“, „სემიონოვნას“ და სხვა სიმღერების შესრულებით გახდა ცნობილი.

სკოლის დამთავრების შემდეგ ჭოხონელიძემ მუსიკალური კარიერა გააგრძელა. ამჟამად საქართველოს სხვადასხვა ქალაქებში წარმატებით საქმიანობს თამრიკო ჭოხონელიძისა და მისი დების მუსიკალური სტუდია.

0
თემები:
სელებრითების ცხოვრება