Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ნიდერლანდებმა საქართველოს მოქალაქეებისთვის საზღვარი ჩაკეტა

© photo: Sputnik / Maxim Blinov / გადასვლა მედიაბანკშიამსტერდამი
ამსტერდამი - Sputnik საქართველო
გამოწერა
ნიდერლანდებმა საქართველო უსაფრთხო ქვეყნების სიიდან ამოიღო და ქვეყნის მოქალაქეებისთვის მკაცრი შეზღუდვები დააწესა.

თბილისი, 28 ოქტომბერი – Sputnik. ნიდერლანდების სამეფოს მთავრობის გადაწყვეტილებით საქართველოში მუდმივად მცხოვრებ (რეზიდენტ) პირებს ნიდერლანდებში ტურისტული მიზნებით შესვლა აეკრძალათ, ნათქვამია ნიდერლანდების სამეფოში საქართველოს საელჩოს მიერ გავრცელებულ ინფორმაციაში. 

ევროკავშირის დროშა - Sputnik საქართველო
ევროკავშირმა საქართველო უსაფრთხო ქვეყნების სიიდან ამოიღო

შესაბამისი გადაწყვეტილება ძალაში 27 ოქტომბრიდან შევიდა. საელჩოს ინფორმაციით, ნიდერლანდებმა საქართველო უსაფრთხო ქვეყნების სიიდან ამოიღო. მანამდე საქართველო „მწვანე ქვეყნებს“ მიეკუთვნებოდა და ქვეყნის მოქალაქეებს 1 ივლისიდან ნიდერლანდებში მოგზაურობის ნებართვა ჰქონდათ.

ახალი წესების თანახმად, საქართველოდან ნიდერლანდებში გამგზავრება საქართველოს მოქალაქეს ან საქართველოში მუდმივად მცხოვრებ პირს (მათი ოჯახის წევრებს) გამონაკლისის სახით რამდენიმე შემთხვევაში შეუძლია. კერძოდ, თუ პირი არის ევროკავშირის ქვეყნების ან გაერთიანებული სამეფოს მოქალაქე; ნორვეგიის, ისლანდიის, შვეიცარიის, მონაკოს, ანდორას, სან–მარინოს ან წმინდა საყდრის (ვატიკანის) მოქალაქეობის ან ბინადრობის ნებართვის მქონე პირი.

ნიდერლანდების ტერიტორიაზე შესვლას შეძლებენ ის პირებიც, რომელთაც აქვთ გრძელვადიანი ვიზა (MVV), მუშაობენ ქვეყანაში (ექიმი, მედდა, ტრაილერის მძღოლი, მკვლევარი და ა.შ.), რეგულარულად კვეთენ საზღვარს (cross-border commuter), დასაქმებული არიან  ენერგეტიკის სფეროში, ქარის ელექტროსადგურზე, ოფშორულ კომპანიებში და ა.შ. 

თბილისის აეროპორტი - Sputnik საქართველო
სამშობლოში კარანტინის გარეშე: საქართველოს მოქალაქეებისთვის ახალი წესები ამოქმედდება

საზღვრის კვეთის დროს აუცილებელია მოქალაქეს თან ჰქონდეს ტერიტორიაზე შესვლის უფლების დამადასტურებელი დოკუმენტი. მათ, შეიძლება, ათდღიანი კარანტინის გავლა მოუწიოთ.

დაინტერესებულ პირებს შეუძლიათ დეტალურ ინფორმაციას გაეცნონ ნიდერლანდების მთავრობის ვებ-გვერდზე.

ნიდერლანდებში კორონავირუსის 311 889 შემთხვევაა დაფიქსირებული, გარდაიცვალა 7 142 ადამიანი.

რაც შეეხება საქართველოს, ქვეყანაში ეპიდვითარება ყოველღდიურად უარესდება.

28 ოქტომბრის მონაცემებით, კორონავირუსით ინფიცირებულთა რაოდენობამ 33858-ს მიაღწია, გამოჯანმრთელდა 14829 ადამიანი, გარდაიცვალა 253 პაციენტი.

ყველა ახალი ამბავი
0