ქალი ბავშვით

COVID-19 ბავშვებს ახალი საფრთხით ემუქრება: პედიატრი სამომავლო პრობლემას ასახელებს

275
(განახლებულია 17:47 27.10.2020)
COVID-19-ით დაავადებული ბავშვების გამოკვლევებმა დაადასტურა, რომ ბიჭუნებს მნიშვნელოვანი ცვლილებები აღენიშნებათ – დაავადების უსიმპტომოდ მიმდინარეობის შემთხვევაშიც კი.

თბილისი, 27 ოქტომბერი — Sputnik. იმ ბავშვების გამოკვლევამ, რომლებმაც ახალი ტიპის კორონავირუსი გადაიტანეს, მომავალ თაობებში დაბალი ფერტილურობის (ნაყოფიერების) საფრთხე გამოავლინა, განაცხადა რუსეთის პედიატრთა კავშირის თავმჯდომარემ ლეილა ნამაზოვა–ბარანოვამ.

„უროლოგებთან ერთად ყურდღებას ვამახვილებთ იმაზე, რომ რეალურად ბიჭუნებს, გადატანილი კორონავირუსული ინფექციის შემდეგ, სპერმატოგენეზის სერიოზული ცვლილება აღენიშნებათ. ეს ჩვენ მომავალში მომავალი თაობების დაბალი ფერტილურობით გვემუქრება“, — განაცხადა პედიატრმა.

ამასთან პედიატრმა აღნიშნა, რომ კორონავირუსის ნებისმიერი ფორმით დავადებულ თუ უკვე გამოჯანმრთელებულ ბავშვებზე აუცილებელია სპეციალსტების დაკვირვება.

მისი თქმით, COVID-19-ით დაავადებული ბავშვების გამოკვლევებმა მანამდე აჩვენა, რომ მათ 30%-ით უმცირდებოდათ კოგნიტიური ფუნქციები — იმ შემთხვევაშიც კი, თუ დაავადება უსიმპტომოდ მიმდინარეობდა.

 

275
თემები:
მსოფლიო და მეცნიერება (571)
ფიტნეს-დარბაზი

პანდემიის პირობებში ფიზიკური აქტივობის აუცილებელი მინიმუმი: ჯანმომ რეკომენდაციები შეცვალა

13
(განახლებულია 00:09 27.11.2020)
როგორც ორგანიზაციაში ამტკიცებენ, მსოფლიოს მოსახლეობა უფრო აქტიური რომ ყოფილიყო, ყოველწლიურად პლანეტაზე 5 მილიონი სიკვდილით ნაკლები დაფიქსირდებოდა

თბილისი, 27 ნოემბერი — Sputnik. ჯანდაცვის მსოფლიო ორგანიზაციამ (ჯანმო) კორონავირუსის პანდემიის გათვალისწინებით ფიზიკური აქტივობის ნორმების მიხედვით რეკომენდაციები შეცვალა, იუწყება РИА Новости.

ჯანმოს ახალი რეკომენდაციების მიხედვით, ზრდასრული ადამიანებისთვის, მათ შორის ქრონიკული დაავადებების მქონე ადამიანებისთვის კვირის განმავლობაში რეკომენდებულია სულ მცირე 150-300 წუთით საშუალო ინტენსივობის აქტიურობა. ბავშვებისა და მოზარდებისთვის კი დღეში საშუალო ან მაღალი ინტენსივობის ვარჯიშები 60 წუთის განმავლობაში.

ხანდაზმულ ადამიანებს (65 და მეტი წლის ასაკის) ეძლევა რეკომენდაცია გამოიყენონ აქტივობების ისეთი ტიპები, რომლებიც ხელს უწყობენ წონასწორობისა და კოორდინაციის გაუმჯობესებას, ასევე კუნთების გამაგრებას.

„რეგულარულ ფიზიკური აქტივობას გადამწყვეტი მნიშვნელობა აქვს პროფილაქტიკისთვის და გულ-სისხლ-ძარღვთა დაავადებათა, მეორე ტიპის დიაბეტის და კიბოს მკურნალობის ხელშეწყობისას, ასევე დეპრესიის და შფოთვის სიმპტომების შემცირების, კოგნიტიური უნარების დაქვეითების შენელების, მეხსიერების გაუმჯობესების და ტვინის ჯანმრთელობის გაძლიერებისათვის“, - აღნიშნავს ჯანმო.

როგორც ჯანმოს გენერალურმა დირექტორმა ტედროს ადანომ გებრეიესუსმა განაცხადა, ფიზიკურ აქტივობას ჯანმრთელობისა და კეთილდღეობისთვის გადამწყვეტი მნიშვნელობა გააჩნია - ეს ცხოვრების გახანგრძლივებას და ხარისხის გაუმჯობესებას უწყობს ხელს.

„ყველა მოძრაობა მნიშვნელოვანია, განსაკუთრებით ახლა, როდესაც COVID-19-ის პანდემიასთან დაკავშირებული შეზღუდვების პირობებში ვცხოვრობთ. ყველამ ყოველდღე უნდა ვიმოძრაოთ, უსაფრთხოდ და შემოქმედებითად“, - ციტირებს მის სიტყვებს ჯანმო.

ორგანიზაციაში აღნიშნეს, რომ სხვადასხვა ფიზიკური აქტივობა სასარგებლოა და შეიძლება შესრულდეს როგორც სამუშაოს, სპორტისა და დასვენებისა ან გადაადგილების (სიარული, ველოსიპედით გადაადგილება) ნაწილი, ისე ცეკვების, თამაშების ან ყოველდღიური საშინაო საქმეების დროს, მაგალითად მუშაობა ბაღში და დალაგება.

13
თემები:
COVID-19-ის პანდემია მსოფლიოში
დიეგო მარადონა

მარადონას უცნაური ანდერძი: ცნობილია ფეხბურთის ლეგენდის უკანასკნელი ნება

34
ირკვევა, რომ ფეხბურთის ლეგენდამ თავისი უკანასკნელი ნება გარდაცვალებამდე თვენახევრით ადრე გააფორმა ნოტარიულად

თბილისი, 27 ნოემბერი — Sputnik. მსოფლიო ფეხბურთის ლეგენდა დიეგო მარადონას უკანასკნელი სურვილი იყო, გარდაცვალების შემდეგ მისი ცხედრისთვის ბალზამირება გაეკეთებინათ და ისე ეჩვენებინათ პუბლიკისთვის, წერს გამოცემა Infobae.

„მე, დიეგო მარადონას, ვიმყოფები რა საღ გონებაზე, მსურს გამოვხატო ჩემი ნება, რომელიც მდგომარეობს შემდეგში: მინდა, რომ სიკვდილის დღეს ჩემი ცხედარი დააბალზამონ და საჯაროდ გამოფინონ“, — ნათქვამია ნოტარიულად გაფორმებულ დოკუმენტში, რომელზეც გარდაცვალებამდე თვენახევრით ადრე, 13 ოქტომბერს მოუწერია ხელი სპორტსმენს.

ირკვევა, რომ არგენტინელი ვარსკვლავი ბალზამირების იდეას მეგობრებთანაც განიხილავდა.

„არ მინდა სტატუა, მე ისინი არ მომწონს, ზოგჯერ ისინი არაფრით ჰგავს ადამიანებს. სიკვდილის დღეს მე თავად მინდა ვიყო იქ, რომ ხალხი მე მომესალმოს“, — უთქვამ მას ახლობლების წრეში, რასაც მარადონას ადვოკატი მატიას მორლაც ესწრებოდა.

ხუთშაბათს ფეხბურთის ლეგენდასთან გამოსამშვიდობებლად, რომელიც პრეზიდენტის სასახლეში იყო დასვენებული, ათობით ათასი ადამიანი მივიდა. ბევრი მათგანი ცერემონიაზე ვერ მოხვდა, რასაც პროტესტები და პოლიციასთან შეტაკებები მოჰყვა.

დიეგო მარადონა ბუენოს–აირესის მახლობლად დაკრძალეს — მშობლების საფლავთან ახლოს.

 

34
თემები:
მსოფლიო დღეს
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 27 ნოემბერს

0
(განახლებულია 18:40 26.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 27 ნოემბერი – Sputnik. სააქციო საზოგადოება „თელასი" იუწყება, რომ 27 ნოემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

დიდუბის რაიონი

11:00 საათიდან 18:00 საათამდე შეზღუდვა შეეხება: კედიას ქუჩის მოსახლეობას.

გლდანის რაიონი

10:00 საათიდან 17:00 საათამდე შეზღუდვა შეეხება: სოფელი გლდანის (ნაწილობრივ), მუხიანის II, IVბ მიკრორაიონების და ალეკო გობრონიძის ქუჩის მოსახლეობას.

12:00 საათიდან 15:00 საათამდე შეზღუდვა შეეხება: გმირი კურსანტების და ქერჩის ქუჩების მოსახლეობას.

სამგორის რაიონი

11:00 საათიდან 16:00 საათამდე შეზღუდვა შეეხება: აეროდრომის დასახლების I ქუჩის მოსახლეობას.

ვაკის რაიონი

11:00 საათიდან 12:00 საათამდე შეზღუდვა შეეხება: ირაკლი აბაშიძის ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს