კორონავირუსის პანდემია მსოფლიოში

COVID-19 მსოფლიოში: ჯანმოში მომავალ ურთულეს თვეებზე ალაპარაკდნენ

111
(განახლებულია 12:16 25.10.2020)
ჯანმოს გენერალურმა დირექტორმა ჟენევაში გამართულ ბრიფინგზე აღნიშნა, რომ COVID-19-ის გავრცელებამ მსოფლიოში უკიდურესად საშიშ ტრაექტორიას მიაღწია.

თბილისი, 24 ოქტომბერი — Sputnik. უახლოესი რამდენიმე თვე კორონავირუსის პანდემიის გამო მთელი მსოფლიოსთვის ურთულესი იქნება. ასეთი განცხადებით გამოვიდა ჯანდაცვის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ჟენევაში გამართულ ბრიფინგზე მან აღნიშნა, რომ COVID-19-ის გავრცელებამ მსოფლიოში უკიდურესად საშიშ ტრაექტორიას მიაღწია.

ჯანმოს გენერალურმა დირექტორმა ასევე განაცხადა, რომ ბევრ სახელმწიფოში კორონავირუსით ინფიცირების დონის მკვეთრი ზრდა ფიქსირდება. მისი თქმით, შემდგომში მოვლენათა მსგავსმა განვითარებამ შესაძლოა ჯანდაცვის სისტემის რესურსები ამოწუროს.

ჯანმოს ხელმძღვანელმა ქვეყნების ლიდერებს მოუწოდა ყველაფერი გააკეთონ იმისათვის, რომ ჯანდაცვის სისტემაში კოლაფსი არ დაუშვან, მოსახლეობაში სიკვდილიანობის ზრდა და სკოლების დაკეტვა აღკვეთონ.

მსოფლიოში კორონავირუსით ინფიცირების ახალი შემთხვევების რაოდენობა კვლავ რეკორდს აჭარბებს, ერთ დღე-ღამეში COVID-19-ის 465 322 შემთხვევა დაფიქსირდა, ბოლო მონაცემებს ჯანდაცვის მსოფლიო ორგანიზაცია აქვეყნებს.

მანამდე რეკორდული იყო 23 ოქტომბრის მონაცემები - 445 419 შემთხვევა.

პანდემიის დაწყებიდან დღემდე მსოფლიოში სულ 42,05 მილიონი შემთხვევა გამოვლინდა, 1,1 მილიონზე მეტი გარდაიცვალა.

ჯონს ჰოპკინსის უნივერსიტეტის მონაცემებით კი, ამ დროისათვის სულ დაფიქსირდა 42 562 830 შემთხვევა, ხოლო გარდაცვლილთა რიცხვმა 1 149 202-ს მიაღწია. შემთხვევების რაოდენობით კვლავ ლიდერობენ აშშ (8 575 177), ინდოეთი (7 814 682 ) და ბრაზილია(5 380 635). გარდაცვლილთა რიცხვის მიხედვით მონაცემები ასეთია: აშშ - 224 889, ბრაზილია - 156 903, ინდოეთი - 117 956.

ჯანმომ კორონავირუსის აფეთქება პანდემიად 11 მარტს გამოაცხადა.

111
თემები:
COVID-19-ის პანდემია მსოფლიოში (1229)
მდგომარეობა მსოფლიოში კორონავირუსთან დაკავშირებით

მსოფლიოში COVID-19-ით ინფიცირების ახალი შემთხვევების და გარდაცვალების რეკორდი დაფიქსირდა

7
კორონავირუსის მეორე ტალღამ ქვეყნებს გაცილებით დიდი ძალით გადაუარა, ვიდრე პირველმა, და ინფიცირებულთა რაოდენობა გამუდმებით იზრდება

თბილისი, 28 ნოემბერი – Sputnik. მსოფლიოში კორონავირუსით ინფიცირების ახალი შემთხვევების რაოდენობა ბოლო 24 საათში 747 082-ით გაიზარდა, რაც პანდემიის დაწყებიდან რეკორდული მაჩვენებელია, ნათქვამია ჯანდაცვის მსოფლიო ორგანიზაციის ვებგვერდზე მოყვანილ მონაცემებში.

ერთ დღე-ღამეში გარდაიცვალა 13 296 ადამიანი, რაც ასევე რეკორდული რიცხვია.

COVID-19-ის ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში (405 ათასზე მეტი) და ევროპაში (236 ათასზე მეტი).

მსოფლიოში კორონავირუსით ინფიცირების 61,2 მილიონზე მეტი შემთხვევა დაფიქსირდა, გარდაიცვალა 1,4 მილიონზე მეტი ადამიანი.

ჯანდაცვის მსოფლიო ორგანიზაციამ 11 მარტს ახალი კორონავირუსის აფეთქებას პანდემია უწოდა.

7
თემები:
COVID-19-ის პანდემია მსოფლიოში (1229)
საპროტესტო აქცია პარიზში

მასშტაბური საპროტესტო აქცია პარიზში არეულობებში გადაიზარდა - ვიდეო

23
თავიდან მშვიდობიანი აქცია არეულობებში მას მერე გადაიზარდა, რაც პოლიციის მისამართით მომიტინგეებმა ბოთლები და ფოიერვერკები ისროლეს, სამართალდამცველებმა კი საპასუხოდ ცრემლსადენი გაზი გამოიყენეს

თბილისი, 28 ნოემბერი - Sputnik. მედიის თავისუფლების მხარდამჭერი მასობრივი მანიფესტაცია პარიზში არეულობებში გადაიზარდა, იუწყება РИА Новости.

საფრანგეთის უმსხვილესი პროფკავშირების ორგანიზებით გამართულმა აქციამ მონაწილეთა უზარმაზარი რაოდენობა შეკრიბა. მომიტინგეები 14:00 საათზე მსვლელობით გაემართნენ რესპუბლიკის მოედნიდან ბასტილიის მოედნის მიმართულებით.

მსვლელობაში მონაწილეობა მიიღეს შემდეგი უმსხვილესი ფრანგული მედიის წარმომადგენლებმა - გაზეთი Monde, ჟურნალი Paris Match, რადიოსადგური RFI, ასევე საერთაშორისო ორგანიზაცია „რეპორტიორები საზღვრების გარეშე“. გარდა ამისა, მანიფესტაციას შეუერთდნენ ადვოკატები, როლებიც აქციაზე შავ მანტიებში გამოწყობილები გამოცხადდნენ, და ზოგიერთი პარლამენტარები. კოლონაში ყვითელჟილეტიანებიც ჩანდნენ.

საათნახევარში მშვიდობიან დემონსტრაციას შეუერთდა შავ სამოსში გამოწყობილი ადამიანების მრავალრიცხოვანი ჯგუფი. ისინი ჯერ პოლიციის მისამართით შეურაცხმყოფელ შეძახილებს გაჰყვიროდნენ, შემდეგ კი ძალოვანებს ბოთლები და ფოიერვერკები ესროლეს. ხულიგნებმა ასევე ნაგვის დიდ კონტეინერს ცეცხლი წაუკიდეს.

პოლიციელებმა უკან დაიხიეს და ამავე დროს ცრემლსადენი გაზი გამოიყენეს.

კანონპროექტის არსი

სამშაბათს, საფრანგეთის ეროვნულმა ასამბლეამ პირველი მოსმენით მხარი დაუჭირა კანონპროექტს „გლობალური უსაფრთხოების შესახებ", რომლის 24-ე მუხლი ერთი წლით თავისუფლების აღკვეთას და 45 ათასი ევროს ოდენობის ჯარიმას ითვალისწინებს „პოლიციელის ან ჟანდარმის სახის ან იდენტიფიკაციის სხვა ელემენტის გამოსახულებისათვის, მათი ფიზიკური ან ფსიქიკური ხელშეუხებლობისთვის აშკარა ზიანის მიყენების მიზნით”.

ცვლილებაში, რომელიც ამ მუხლში შევიდა, ზუსტდება, რომ ეს ზომა ვერ დაარღვევს ინფორმაციის ცოდნის უფლებას.

სტატიამ მკვეთრი კრიტიკა გამოიწვია ჟურნალისტების საზოგადოებაში. მედიის თანამშრომლები ფიქრობენ, რომ კანონპროექტის მიღების შემთხვევაში სიტყვის თავისუფლებას ზიანი მიადგება, რადგან მანიფესტაციების დროს ძალოვანების ქმედებების გადაღება შეუძლებელი გახდება.

მთავრობაში კი განაცხადეს, რომ დოკუმენტი ამ უფლებას არ არღვევს.

პარიზში ამ კანონპროექტის წინააღმდეგ აქციები რამდენიმე დღის განმავლობაში არ წყდება. ბევრჯერ მანიფესტაციები დემონსტრანტების და პოლიციის შეტაკებებით დასრულდა.

23
თემები:
მსოფლიო დღეს