ევროკავშირის დროშა

ევროკავშირმა საქართველო უსაფრთხო ქვეყნების სიიდან ამოიღო

76
(განახლებულია 13:15 23.10.2020)
უფრო ადრე ევროკავშირის საბჭომ განმარტა, რომ მოგზაურობაზე შეზღუდვების მოხსნის კრიტერიუმები მოიცავს ეპიდემიური სიტუაციის შეფასებას, კორონავირუსის გავრცელებასთან ბრძოლის ეროვნულ ღონისძიებებს, ასევე ეკონომიკურ და სოციალურ ასპექტებს.

თბილისი, 23 ოქტომბერი – Sputnik. ევროკავშირის საბჭოს გადაწყვეტილებით საქართველო ე.წ. უსაფრთხო ქვეყნების სიიდან ამოიღეს, ამის შესახებ ევროკავშირის საბჭოს განცხადებაშია აღნიშნული.

საქართველოსთან ერთად „უსაფრთხო ქვეყნების“ ნუსხიდან ასევე ამოიღეს ტუნისი და კანადა. როგორც განცხადებაშია აღნიშნული, ეს გადაწყვეტილება ამ ქვეყნებში გართულებული ეპიდემიური ვითარების გამო მიიღეს.

ამ გადაწყვეტილების მიხედვით, მიუხედავად იმისა, რომ ის რეკომენდაციული ხასიათისაა, საქართველოს მოქალაქეებს ევროკავშირის ქვეყნებში მოგზაურობა დროებით უნდა შეეზღუდოთ.

განცხადებაში ასევე აღნიშნულია, რომ შესაბამისი კრიტერიუმებისა და პირობების გათვალისწინებით, თანდათანობით უნდა მოიხსნას ევროკავშირში გადაადგილების შეზღუდვები შემდეგი ქვეყნების მოქალაქეებისთვის: ავსტრალია, იაპონია, სამხრეთ კორეა, ახალი ზელანდია, რუანდა, სინგაპური, ტაილანდი, ურუგვაი, ჩინეთი (ამ ქვეყნის საპასუხო მოქმედებების შემთხვევაში).

უფრო ადრე ევროკავშირის საბჭომ განმარტა, რომ მოგზაურობაზე შეზღუდვების მოხსნის კრიტერიუმები გაერთიანების არაწევრი ქვეყნების მიმართ მოიცავს ეპიდემიური სიტუაციის შეფასებას, კორონავირუსის გავრცელებასთან ბრძოლის ეროვნულ ღონისძიებებს, ასევე ეკონომიკურ და სოციალურ ასპექტებს.

ხუთი ათასი შემთხვევა დღე-ღამეში? - როდის იქნება კორონავირუსის პიკი საქართველოში>>

საქართველოში ბოლო დროს კორონავირუსის შემთხვევების მკვეთრი ზრდა ფიქსირდება. გუშინ ერთგვარი ანტირეკორდი დამყარდა – გამოვლინდა 1595 ახალი შემთხვევა და ინფიცირებულთა საერთო რაოდენობა 22803 გახდა.

76
თემები:
COVID-19-ის პანდემია მსოფლიოში (1226)
COVID 19 იტალიაში

გასროლა იტალიაში: გერმანელმა ეპიდემიოლოგმა პანდემიის სენსაციური ვერსია გაახმოვანა

16
(განახლებულია 17:22 27.11.2020)
გერმანელი ეპიდემიოლოგი ევროპელებს უყურადღებობაში სდებს ბრალს, რამაც შეუწყო კიდეც ხელის კორონავირუსის გლობალურ გავრცელებას

თბილისი, 27 ნოემბერი — Sputnik. ამ დროისათვის მსოფლიოში კორონავირუსის იტალიური შტამია გავრცელებული, რომელმაც ქვეყნის ჩრდილოეთში განიცადა მუტაცია და ამას არავინ მიაქცია ყურადღება, განაცხადა გერმანელმა ეპიემიოლოგმა ალექსანდერ კეკულემ ტელეარხ ZDF–ის ეთერში.

„გლობალური პანდემიისთვის სასტარტო გასროლა ჩრდილოეთ იტალიაში მოხდა“, — აღნიშნა ეპიდემიოლოგმა.

მისი თქმით, დღეისათვის COVID-19–ით დაავადებულთა 99% სწორედ იტალიური შტამითაა ინფიცირებული.

კეკულეს განმარტებით, კორონავირუსი SARS-nCov-2, რომელიც პირველად ჩინეთის უჰანში გაჩნდა, შეუმჩნევლად ვრცელდებოდა იტალიაში რამდენიმე კვირის განმავლობაში, რამაც მას მუტაციისა და ადამიანებზე კარგად ადაპტაციის საშუალება მისცა.

გერმანელი ექიმი ევროპელებს სერიოზულ შეცდომად უთვლის იმას, რომ თავიდანვე არ მიაქციეს შესაბამისი ყურადღება კორონავირუსის საფრთხეს და ის არავინ აღიქვა სერიოზულად. და ეს მაშინ, როდესაც ისეთი ვირუსები, როგორიც COVID-19–ის აღმძვრელია, ვრცელდება არა დღეების, არამედ საათების განმავლობაში — განსაკუთრებით, წელიწადის ცივ სეზონზე, როცა პირველად იჩინა კიდეც თავი ვირუსმა.

16
თემები:
COVID-19-ის პანდემია მსოფლიოში (1226)
სტუდენტები აუდიტორიაში

14 წლის ვუნდერკინდმა უმაღლესი სასწავლებელი დაამთავრა

30
(განახლებულია 16:11 27.11.2020)
ნორჩი ბაკალავრი სწავლის გარდა სხვა სფეროებშიც წარმატებულია და რაც ყველაზე საინტერესოა, ამბიდექსტერია

თბილისი, 27 ნოემბერი — Sputnik. ინდოელმა ვუნდერკინდმა უმაღლესი სასწავლებელი 14 წლის ასაკში დაამთავრა და ბაკალავრის დიპლომი მიიღო, წერს გამოცემა Newsflare.

​გავრცელებული ინფორმაციით, აგასტია ჯაისვალი (Agastya Jaiswal) ჰაიდარაბადის უნივერსიტეტში სწავლობდა მასობრივი კომუნიკაციებისა და ჟურნალისტიკის ფაკულტეტზე. მისი თქმით, ის პირველი სტუდენტია, ვინც ბაკალავრის ხარისხი ასეთ ასაკში მიიღო.

გარდა ამისა, ჯაისვალს დიდი წარმატებები აქვს სხვა სფეროებშიც. კერძოდ, ის შესანიშნავად თამაშობს მაგიდის ჩოგბურთს და ეროვნულ ჩემპიონატებშიც იღებს მონაწილეობას.

საინტერესოა ის ფაქტიც, რომ ნორჩი ბაკალავრი ამბიდექსტერია — ორივე ხელით თანაბრად კარგად წერს.

30
თემები:
მსოფლიო დღეს